Agenda and draft minutes

Cafwyd ymddiheuriadau am absenoldeb gan y Cynghorydd Alan Hughes.

Yn dilyn marwolaeth drist Cadeirydd y Pwyllgor, y Cynghorydd Hugh Irving, cafodd y cyfarfod ei gadeirio gan Is-gadeirydd y Pwyllgor, y Cynghorydd Gareth Sandilands.  Rhoddodd y Cynghorydd Sandilands deyrnged i wasanaeth ymroddedig ac arbennig y Cynghorydd Irving i fywyd cyhoeddus. Cyfeiriwyd yn benodol at ei rôl yn Gadeirydd y Pwyllgor Craffu Perfformiad, swydd yr oedd wedi ymgymryd â hi ers 2022 hyd nes ei farwolaeth.  Fe gyfleodd gydymdeimladau’r Pwyllgor i deulu a chyfeillion y Cynghorydd Irving cyn i bawb oedd yn bresennol nodi munud o dawelwch er cof amdano.

Cafodd y Pwyllgor wybod bod dwy o’r seddi gwag bellach wedi cael eu llenwi gyda phenodiadau’r Cynghorwyr James Elson ac Will Price. Croesawodd yr Is-gadeirydd y ddau i’w cyfarfod cyntaf.

Aelodau i ddatgan unrhyw gysylltiad personol neu gysylltiad sy’n peri rhagfarn yn gysylltiedig ag unrhyw fater sydd i’w ystyried yn y cyfarfod hwn.

Datganodd yr aelodau canlynol cysylltiad personol yn eitem fusnes 7, ‘Cyllid Addysg Ychwanegol’:

Y Cynghorydd Will Price gan fod ei wraig yn cael ei chyflogi yn Ysgol Uwchradd y Rhyl.

Neil Roberts fel Llywodraethwr yn Ysgol y Parc, Dinbych.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Ni chodwyd unrhyw eitemau brys gyda’r Is-gadeirydd na’r Cydlynydd Craffu cyn dechrau’r cyfarfod.

Derbyn cofnodion cyfarfod Pwyllgor Craffu Perfformiad a gynhaliwyd ar 13 Mawrth 2025 (copi ynghlwm).

Cyflwynwyd cofnodion cyfarfod y Pwyllgor Craffu Perfformiad a gynhaliwyd ar 13 Mawrth 2025. Felly:

Penderfynwyd:  derbyn a chymeradwyo cofnodion cyfarfod y Pwyllgor Craffu Perfformiad a gynhaliwyd ar 13 Mawrth 2025 fel cofnod gwir a chywir o’r gweithrediadau.

Materion yn codi:  Tudalen 8, Cofnodion y cyfarfod blaenorol. Gan ymateb i ymholiad dywedodd y Cydlynydd Craffu y byddai’r dyddiadau i ddechrau Grŵp Tasg a Gorffen a sefydlwyd i ‘Adolygu Cyflwyniad y Gwasanaeth Gwastraff ac Ailgylchu Newydd’ yn cael ei gyhoeddi unwaith y byddent wedi cael cadarnhad gan Arweinwyr Grwpiau eu bod yn cytuno ar wneuthuriad gwleidyddol y Grŵp Tasg a Gorffen. Dywedodd y Cyfarwyddwr Corfforaethol: Llywodraethu a Swyddog Busnes/Monitro bod yr enwebiadau a gafwyd gan bob Grŵp Ardal yr Aelodau yn golygu nad oedd yr aelodaeth cweit yr un fath â chydbwysedd gwleidyddol cyffredinol y Cyngor. O ganlyniad, fe ymgynghorwyd â phob Arweinydd Grŵp i ganfod a oeddynt yn fodlon â’r cyfansoddiad gwleidyddol.  Roedd nodyn atgoffa pellach wedi cael ei anfon i Arweinydd Grŵp yr wythnos flaenorol, felly rhagwelir y byddai’r aelodaeth yn cael ei ganiatáu o fewn yr wythnos sydd i ddod. Sicrhaodd yr Arweinydd i ddatrys y mater gyda’r Cyfarwyddwr Corfforaethol: Llywodraethu a Swyddog Busnes/Monitro erbyn diwedd yr wythnos.

Derbyn adroddiad (copi ynghlwm) gan y Rheolwr Mewnwelediad, Strategaeth a Chyflawni ar leoli Cyngor Sir Ddinbych ar gyfer llwyddiant wrth sicrhau cyllid gwerth uchel ar ôl Brexit.

2.05pm – 2.35pm

Cyflwynodd yr Arweinydd, y Cynghorydd Jason McLellan yr adroddiad (dosbarthwyd ymlaen llaw) i’r Pwyllgor.

Roedd yr adroddiad yn amlinellu’r gwaith cadarnhaol o ddarparu prosiectau yn Sir Ddinbych a’r Cyllid Ffyniant Bro a sicrhawyd. Fe amlinellodd yr adroddiad hefyd y gwersi a ddysgwyd o rowndiau cychwynnol y broses o ymgeisio a phwysleisio’r angen am lwybr llywodraethu clir wrth symud ymlaen.

Dywedodd y Cyfarwyddwr Corfforaethol yr Economi a’r Amgylchedd bod yr adroddiad yn tynnu sylw at lwyddiant y Cyngor yn cael Cyllid Ar Ôl Brexit gyda thri Chais Cronfa Ffyniant Bro llwyddiannus yr oedd wedi’i gefnogi i’w gael.

Rhoddwyd rhagor o fanylion o’r adroddiad i’r Pwyllgor gan y Rheolwr Mewnwelediad, Strategaeth a Chyflawni.

Roedd yr adroddiad yn crynhoi’r gwersi a ddysgwyd o ddarparu prosiectau Cronfa Ffyniant Bro a Chronfa Ffyniant Gyffredin i helpu i osod Cyngor Sir Ddinbych mewn sefyllfa dda ar gyfer unrhyw gyllid gwerth uchel a fyddai ar gael yn y dyfodol. 

Roedd hi’n bwysig nodi bod y dull a’r amserlen ar gyfer dylunio rhaglenni a phrosiectau, cymwysiadau a gweithredu wedi’u pennu’n gyfan gwbl gan Lywodraeth Cymru a Llywodraeth y DU.

Mae Atodiad A yn enghraifft o’r broses bresennol a’r dull a gymerwyd hyd yma i baratoi ac ymgeisio am, a darparu ac adrodd ar geisiadau’r Gronfa Ffyniant Gyffredin. Roedd hyn yn cynnwys gwybodaeth ar y camau a gymerwyd, pwy oedd yn rhan a rhai myfyrdodau a gafodd eu bwydo i mewn i ddadansoddiad ehangach o’r Cryfderau, Gwendidau, Cyfleoedd a Bygythiadau (SWOT) sydd hefyd yn cynnwys ystyried y rhaglenni a ddarparwyd gyda Chronfeydd Ffyniant Bro. Darparwyd gwybodaeth bellach am y dadansoddiad SWOT yn Atodiad B yr adroddiad.

Cafodd yr ymateb i gyfleoedd am Gyllid Ffyniant Bro ei arwain gan y Tîm Datblygu Economaidd a Busnes yn nhermau cyflwyno cais. Cafodd yr ymateb i’r Gronfa Ffyniant Gyffredin a’r rhaglen Cynllun ar gyfer Cymdogaethau (a elwir yn Gynllun Hirdymor ar gyfer Trefi yn flaenorol), ei arwain ar y cyd gan y Gwasanaeth Tai a Chymunedau a’r Gwasanaeth Cymorth Corfforaethol - Perfformiad, Digidol ac Asedau. 

Cafodd y cam darparu, ar ôl derbyn y llythyr dyfarnu grant, ei arwain gan y “Tîm Matrics” a sefydlwyd o fewn y Gwasanaeth Cymorth Corfforaethol - Perfformiad, Digidol ac Asedau i ddarparu rhaglenni Cronfa Ffyniant Bro a Chronfa Ffyniant Gyffredin. Er bod y tîm yn eistedd o fewn y Gwasanaeth Cymorth Corfforaethol - Perfformiad, Digidol ac Asedau, cafodd ei ariannu’n llawn gan y cyllid grant allanol ac roedd yn adrodd o ddydd i ddydd drwy drefniant rheoli matrics i’r Pennaeth Cynllunio, Gwasanaethau Gwarchod y Cyhoedd a Chefn Gwlad, ar gyfer Cyllid Ffyniant Bro ac i Bennaeth Tai a Chymunedau ar gyfer y Gronfa Ffyniant Gyffredin. 

Gan gynnwys y cam ymgeisio a’r cam darparu, roedd y  defnydd o gapasiti ar draws y sefydliad yn sylweddol.  Roedd angen cynrychiolydd o’r Uwch Dîm Arwain i arwain pob rhaglen fel yr Uwch Swyddog Cyfrifol gydag ymrwymiadau amser sylweddol a chymhlethdod, ar ben llwythi gwaith a oedd eisoes yn uchel i’r unigolion hynny.  Roedd galwadau ar gapasiti sefydliadol yn amrywio yn nhermau amser ac adnoddau gan ddibynnu ar gam datblygu’r rhaglen, nodau’r prosiect a chymhlethdod. 

Mae cyfranogiad aelodau etholedig a’r gymuned wrth ddewis prosiectau Cronfa Ffyniant Bro a Chronfa Ffyniant Gyffredin wedi’i grynhoi isod: 

·      Roedd prosiectau Cronfa Ffyniant Gyffredin yn deillio o’r cynllun corfforaethol a gafodd ei gymeradwyo yn dilyn ymgysylltiad helaeth â’r cyhoedd ac aelodau

·      Roedd manylion y trefniadau llywodraethu ar gyfer y ddwy gronfa wedi’u rhannu gyda’r holl Gynghorwyr 

·      Sefydlwyd Bwrdd Partneriaeth Craidd Lleol ar gyfer y Gronfa Ffyniant Gyffredin - ei greadigaeth a’r aelodau Bwrdd wedi’u cymeradwyo gan y Cabinet yn 2023

·      Rhannwyd cynlluniau cyfathrebu â’r aelodau wrth iddynt ddatblygu  ...  view the full Cofnodion text for item 5.

Ystyried adroddiad (copi ynghlwm) gan y Rheolwr Mewnwelediad, Strategaeth a Chyflawni a’r Swyddog Cynllunio Strategol a Pherfformiad ar y Gofrestr Risg Gorfforaethol – adolygiad Chwefror 2025.

2.35pm – 3.05pm

Cyflwynodd yr Aelod Arweiniol Polisi, Cydraddoldeb a Strategaeth Gorfforaethol adroddiad y Gofrestr Risgiau Corfforaethol (a ddosbarthwyd ymlaen llaw) i’r Pwyllgor.

Y Tîm Gweithredol Corfforaethol, ynghyd â’r Cabinet, a fu’n datblygu’r Gofrestr Risgiau Corfforaethol a nhw sy’n berchen arni hefyd.  Cafodd yr adroddiad manwl blaenorol ei gyflwyno i’r Pwyllgor ym mis Tachwedd 2024. 

Roedd gan y Cyngor 14 o Risgiau Corfforaethol ar y Gofrestr ar hyn o bryd. Cynigiwyd bod Risg 48 yn cael ei ddad-ddwysau i lefel gwasanaeth ac nid oedd risgiau newydd wedi cael eu hychwanegu. Yna byddai gan y Cyngor 13 o Risgiau ar y Gofrestr.

Rhoddodd y Rheolwr Mewnwelediad, Strategaeth a Chyflawni ragor o fanylion i’r Pwyllgor am y Gofrestr Risgiau Corfforaethol.

Risg 21: Bod y risg nad yw integreiddio gwasanaethau iechyd a gofal cymdeithasol rhwng Bwrdd Iechyd Prifysgol Betsi Cadwaladr a Chyngor Sir Ddinbych yn datblygu ymhellach, roedd y Sgôr Risg Gweddilliol wedi cynyddu o C2 Posibl/Effaith Uchel i B2 Tebygol/Effaith Uchel yn unol â’r sefyllfa bresennol. 

Yn dilyn “golwg manwl” y Tîm Gweithredol Corfforaethol ar Risg 48: Arweiniodd y risg bod problemau recriwtio a chadw staff yn arwain at golli arbenigedd a chapasiti gan olygu perfformiad gwael neu annigonol, cytunodd y Tîm Gweithredol Corfforaethol i ddad-ddwysau y risg hwn o’r Gofrestr Risgiau Corfforaethol i lefel Gwasanaeth. Ystyriwyd ei bod yn fwy priodol i unrhyw faterion recriwtio a chadw gael eu gwerthuso a’u rheoli gan Benaethiaid Gwasanaeth, ar gyfer eu meysydd gwasanaeth trwy eu Cofrestr Risgiau Gwasanaeth (gan y byddai lefel y risg hwn yn amrywio rhwng gwasanaethau).

Roedd “golwg fanwl” cyntaf y Tîm Arwain Strategol wedi cael ei gynnal ar Risg 14:  Y risg o ddigwyddiad iechyd a diogelwch yn arwain at anaf difrifol neu golli bywyd, a’r Sgôr Risg Cynhenid yn cynyddu o C2 Posibl/Effaith Uchel i B2 Tebygol/Effaith Uchel. Roedd y Sgôr Risg Gweddilliol yn aros yr un fath ar E2 Prin/Effaith Uchel.

Sicrhawyd y Pwyllgor bod proses barhaus a manwl ar waith ar gyfer risgiau ariannol er mwyn sicrhau bod y risgiau hynny’n cael eu monitro trwy’r amser yn rhan o drafodaethau cyffredinol am y gyllideb.

Diolchodd yr Is-gadeirydd i’r Swyddogion am yr adroddiad a chroesawyd cwestiynau.

Gofynnodd Aelodau am ragor o fanylion o ran pam y penderfynwyd fod Risg 21 - y risg na integreiddiwyd iechyd a gofal Cymdeithasol rhwng Bwrdd Iechyd Prifysgol Betsi Cadwaladr a’r Cyngor ymhellach, a’i fod bellach yn waeth nag mewn fersiynau blaenorol o’r Gofrestr.  Roedd y risg wedi bod ar y Gofrestr ers nifer o flynyddoedd a gofynnwyd cwestiynau ynghylch oedd y berthynas rhwng BIPBC a’r Cyngor dan bwysau neu’n ansefydlog. Dywedodd y Cyfarwyddwr Corfforaethol Gwasanaethau Cymdeithasol ac Addysg fod y berthynas rhwng BIPBC a’r Cyngor yn un cadarnhaol ac roedd gwaith yn digwydd arni’n gyson.  Roedd yna heriau ar adegau yn sgil newidiadau aml o ran staff, cyfyngiadau'n ymwneud â pholisi a oedd y tu hwnt i reolaeth BIPBC a’r Cyngor ac ati. Wedi dweud hynny, roedd perthynas CSDd gyda BIPBC yn bwysig iawn ac ar lefel ymarferwyr roedd yn dda iawn, ac roeddynt yn gweithio’n effeithiol.

Gofynnodd Aelodau a oedd yna reolau effeithiol ar waith i reoli Risg 31 oedd yn ymwneud â thwyll a llygredd. Dywedodd y Swyddog Monitro fod y Cyngor yn hyderus ond ddim yn hunanfodlon, nid oedd yna unrhyw oddefgarwch tuag at dwyll yn y sefydliad ac roedd yna broses gadarn ar waith.  Roedd gan y Cyngor Strategaeth Twyll a Llygredd ar waith ac roedd y tîm Archwilio Mewnol yn cynnal ymarferion rhagweithiol yn lleol a rhanbarthol yn flynyddol, ac roedd y Cyngor yn cymryd rhan mewn ymarferion gyda’r Fenter Twyll Genedlaethol yn rheolaidd.

Gan ymateb i gwestiynau am y  ...  view the full Cofnodion text for item 6.

Derbyn adroddiad (copi ynghlwm) gan y Pennaeth Addysg a Gwasanaethau Plant ar y cyllid addysg ychwanegol i gefnogi lles, presenoldeb, ymddygiad ac i gefnogi dysgwyr mewn tlodi.

3.15pm – 3.45pm

Cyflwynodd yr Aelod Arweiniol Addysg, Plant a Phobl Ifanc yr adroddiad (dosbarthwyd ymlaen llaw) i’r Pwyllgor.

Roedd yr adroddiad yn manylu sut y bwriedir gwario’r £500,000 a drosglwyddwyd i’r Adran Addysg er mwyn datblygu lles, presenoldeb ac ymddygiad dysgwyr, a chefnogi dysgwyr mewn tlodi. Roedd hyn mewn ymateb i’r newid y cytunwyd arno yn y Cyngor Llawn ar 20 Chwefror, 2025.

Rhoddodd y Pennaeth Addysg ragor o fanylion am gynnwys yr adroddiad i’r Pwyllgor.

Byddai’r cyllid ychwanegol yn ei dro yn ymdrin â nifer o faterion mae plant yn delio â nhw yn ddyddiol: apathi, digalondid ac yn fwy pryderus, iechyd meddwl a lles a oedd wedi cynyddu’n sylweddol ers 2018. Roedd gan y rhan fwyaf os nad pob atgyfeiriad i’r Gwasanaeth Lles Addysg thema sy’n ailadrodd o’r materion uchod.

Er bod y cyllid ychwanegol ar gyfer yr Adran Addysg, roedd yr adran bob amser yn gweithio’n agos gydag ysgolion a thrafodwyd y cyllid hwn gyda grŵp penodol o Benaethiaid. Eu barn nhw oedd er mwyn manteisio i’r eithaf ar yr arian ychwanegol, dylai gael ei fuddsoddi:

·                     i gynyddu capasiti cefnogaeth Gweithwyr Cyswllt Teulu

·                     staff ychwanegol i weithio gyda theuluoedd

·                     nid yn unig plant i’r ysgol ond eu cadw yn yr ysgol.

·                     cynyddu capasiti Tîm Lles Addysg

·                    cynyddu Swyddogion Ymgysylltu â Theuluoedd i ddatblygu ymgysylltu â rhieni

Byddai canolbwyntio i ddechrau ar bresenoldeb yn gwella lles y teuluoedd sydd bellaf oddi wrth addysg a chanolbwyntio ar deuluoedd a allai fod yn byw mewn tlodi. Fe gydnabuwyd na fyddai’r Adran Addysg yn gallu mynd i’r afael â phob maes yn y flwyddyn gyntaf ond byddai’n canolbwyntio ar rai penodol.

Nod y cynllun gwario arfaethedig oedd mynd i’r afael â’r argymhellion a godwyd gan Estyn yn ei adroddiad thematig ym mis Ionawr 2024 ar wella presenoldeb mewn ysgolion.  Ei nod hefyd fyddai bodloni anghenion ysgolion i wella presenoldeb ac yn ei dro, gwella ymddygiad a lles.

Cafodd Aelodau eu tywys drwy ddadansoddiad o gostau (cyfanswm o £500,000) gan adlewyrchu sut byddai’r arian yn cael ei wario ar Addysg yn Sir Ddinbych a oedd yn cynnwys recriwtio Gweithwyr Cyswllt Teulu a Swyddogion Ymgysylltu â Theuluoedd, Seicolegwyr Addysg, Swyddogion Lles a staff Cefnogi Ymddygiad, yn ogystal â moderneiddio’r system ddadansoddi data.

Diolchodd yr Is-gadeirydd i’r Swyddogion am yr adroddiad a chroesawyd cwestiynau gan y Pwyllgor.

Cyfeiriodd yr adroddiad at grŵp ffocws o Benaethiaid a gofynnwyd am eglurhad pellach ar ba ardaloedd a sectorau o’r sir yr oedden nhw’n eu cynrychioli. Dywedodd y Pennaeth Addysg wrth y Pwyllgor fod y grŵp ffocws yn cynnwys Penaethiaid o ledled yr Awdurdod ac o ystod gyfan o ddarpariaeth addysg oedd yn cael ei ddarparu yn Sir Ddinbych. Roedd cyfarfodydd hefyd wedi cael eu cynnal gyda’r Prif Seicolegydd Addysg, Arweinydd Cefnogaeth Addysg, y Swyddog Cynhwysiant, yr Arweinydd Blynyddoedd Cynnar a’r Arweinydd Anghenion Dysgu Ychwanegol, ac roedd pob un yn rhan o’r gwaith cynllunio strategol ar wariant arfaethedig o £500,000 ychwanegol. 

Dywedodd yr Aelodau fod yr adroddiad yn nodi y byddai cyfanswm o 9 swyddog yn cael eu recriwtio, a gofynnwyd a oeddynt ar gael i gael eu recriwtio yn yr ardal.  Dywedodd y Pennaeth Addysg y byddai’r gwaith o recriwtio 9 swyddog yn cynyddu capasiti’r timau sydd eisoes yn eu lle.  Roedd recriwtio yn anodd, ond y gobaith yw gan fod y £500,000 yn swm cyson yn y gyllideb flwyddyn ar ôl blwyddyn, byddai’r swyddi’n barhaol, a byddai hyn yn apelio at ddarpar ymgeiswyr.  Roedd y Pennaeth Gwasanaeth yn hyderus na fyddai’r cynigion gyfystyr â’r Gwasanaeth ‘yn lledaenu eu hadnoddau yn rhy wasgaredig’, yr amcan oedd cynyddu capasiti mewn nifer o dimau arbenigol i’w galluogi nhw  ...  view the full Cofnodion text for item 7.

Ystyried adroddiad (copi ynghlwm) gan y Swyddog Digidol ar gysylltedd rhyngrwyd gwael yn Sir Ddinbych.

3.45pm – 4.15pm

Yn ei gapasiti fel yr Aelod Arweiniol Strategaeth Ddigidol a Band Eang, cyflwynodd yr Aelod Arweiniol y Gymraeg, Diwylliant a Threftadaeth yr adroddiad (dosbarthwyd ymlaen llaw) i’r Pwyllgor.

Roedd yr adroddiad yn cynnwys gwybodaeth am statws rhyngrwyd a theleffoni mewn eiddo yn Sir Ddinbych. Roedd gan 83% o eiddo yn Sir Ddinbych yr offer i allu gosod band eang ffibr.

Rhoddodd y Swyddog Digidol ragor o fanylion am gynnwys yr adroddiad i’r Pwyllgor.

Allan o’r 50,725 eiddo yn Sir Ddinbych, mae 2,580 eiddo yn cael cyflymderau rhyngrwyd o 30Mbs neu lai ac mae 1,074 eiddo yn derbyn cyflymderau rhyngrwyd o 10Mbs neu lai.

Mae Llywodraeth y DU ac Openreach wedi taro bargen i uwchraddio 3,667 eiddo yn Sir Ddinbych trwy’r cynllun ‘Prosiect Gigabit’. Roedd yn bwysig nodi nad oedd y rhestr eiddo yn targedu’r eiddo anodd eu cyrraedd yn benodol sy’n dioddef gyda chyflymder llai na 30mbps. Mae’n bosibl na fydd rhai eiddo’n cael eu huwchraddio i ffibr llawn nes i’r cynllun ddod i ben ym mis Medi 2030.

Roedd Sir Ddinbych yn gwneud yn dda o’i gymharu ag Awdurdodau Lleol eraill yng Nghymru mewn perthynas â chysylltedd rhyngrwyd. Roedd y berthynas rhwng Openreach a’r Swyddog Digidol wedi bod yn hollbwysig i lwyddiant cysylltedd rhyngrwyd eiddo Sir Ddinbych. 

Diolchodd yr Is-gadeirydd i’r Swyddogion am yr adroddiad.

Gofynnodd Aelodau pa mor debygol oedd hi y byddai llefydd megis Llangollen a Dyserth yn cyflawni sgôr cynnydd llawer uwch yn y blynyddoedd i ddod. Fe eglurodd Cyfarwyddwr Partneriaethau Openreach ar gyfer Cymru a Gorllewin Lloegr fod yna lawer o waith ar y gweill i’w ddechrau dros y blynyddoedd i ddod oedd yn cynnwys tîm o 2,000 o beirianwyr. Roedd Llywodraeth y DU wedi gosod targed ledled y DU o gael 99% o eiddo yn y DU a fyddai’n gallu cael gafael ar ffibr llawn erbyn 2030, felly byddai targed Cymru a Sir Ddinbych yn debyg.  Yn 2024, cyhoeddodd Llywodraeth Cymru ei bod wedi ymestyn y cynllun band eang cyflym iawn. Wedi dweud hynny, byddai pwynt yn cael ei gyrraedd pan fyddai’n afresymol o ran costau i gyflwyno’r gwasanaeth yma i bob eiddo, yn enwedig mewn ardaloedd gwledig iawn neu ardaloedd â phoblogaeth wasgaredig. Fe ychwanegodd y Swyddog Digidol y byddai Llangollen a Dyserth yn cyrraedd 75% o gysylltedd erbyn 2026.

Gofynnodd Aelodau am eglurder ar argaeledd talebau Gigabit yn y dyfodol gan ofyn a oedd yna unrhyw gynlluniau tebyg wedi’u cynllunio at y dyfodol.  Dywedodd Cyfarwyddwr Partneriaethau Openreach fod y talebau Gigabit wedi’u cyfyngu. Yn sgil Prosiect Gigabit, dywedodd nad oedd Cynllun Talebau’r DU ar gael ar hyn o bryd, ond fe allai fod ar gael eto yn y dyfodol. Felly roedd hi’n bwysig cysylltu â chynifer o eiddo â phosibl o dan y contract presennol.  

Cadarnhaodd Swyddogion y gallai talebau Allwedd Band Eang Cymru Llywodraeth Cymru gael eu defnyddio ar gyfer costau gosod lloeren, ond roedd costau contract misol ar gyfer y systemau yma weithiau’n ataliol i ddefnyddwyr.  

Gofynnodd Aelodau am sicrwydd dyfodol swydd y Swyddog Digidol. Dywedodd y Prif Reolwr Ieuenctid a Chydnerthedd Cymunedol bod y swydd Swyddog Digidol wedi cael ei hariannu’n gorfforaethol ers 2020.  Yn ystod y flwyddyn ariannol ddiwethaf, cafodd y swydd ei hariannu’n rhannol gan Gronfa’r Ffyniant Gyffredin gan alluogi i’r swydd gael ei hymestyn yn sgil y cyllid. Gan symud ymlaen, y gobaith yw y bydd cyllid grant allanol yn cael ei ganfod er mwyn sicrhau y gallai’r swydd barhau.

Gofynnodd Aelodau pan fydd yr adroddiad yn dod gerbron y Pwyllgor Craffu Perfformiad nesaf, a oedd modd darparu data cysylltedd ar y nifer o eiddo preswyl a busnesau ar wahân. Fe eglurodd y Swyddog Digidol bod  ...  view the full Cofnodion text for item 8.

Ystyried adroddiad gan y Cydlynydd Craffu (copi ynghlwm) yn gofyn am adolygiad o raglen waith y pwyllgor a rhoi’r wybodaeth ddiweddaraf i’r aelodau am faterion perthnasol.

4.15pm – 4.30pm

Cyflwynodd y Cydlynydd Craffu’r adroddiad a’r atodiadau (a ddosbarthwyd ymlaen llaw) i’r Aelodau yn gofyn iddynt drafod y rhaglen waith ar gyfer y Pwyllgor.

Roedd eitem ar y rhaglen ar Wasanaethau Llyfrgell a Darpariaeth Siop Un Alwad wedi’i drefnu i fod gerbron y Pwyllgor yng nghyfarfod mis Mehefin. Gan ymateb i gais gan yr Aelod Arweiniol, rhoddodd yr Is-gadeirydd ganiatâd i ohirio’r cyflwyniad tan gyfarfod 17 Gorffennaf.

Roedd Rhaglen Waith y Pwyllgor ynghlwm yn Atodiad 1. Roedd y cyfarfod nesaf ar 12 Mehefin 2025 ac roedd dwy eitem wedi’u trefnu ar gyfer y cyfarfod:

·      Hunanasesiad y Cyngor o’i Berfformiad 2024 i 2025

·      System Meddalwedd Cynllunio

Roedd Rhaglen Waith y Cabinet ynghlwm yn Atodiad 3 er gwybodaeth ac roedd Atodiad 4 yn cynnwys gwybodaeth am gynnydd penderfyniadau’r Pwyllgor.

Roedd y Grŵp Cadeiryddion ac Is-Gadeiryddion Craffu (GCIGC) wedi cyfarfod ar 28 Ebrill. Nid oedd yna eitemau wedi’u gohirio i’r Pwyllgor. Serch hynny, roedd GCIGC wedi cytuno i drosglwyddo eitem hanesyddol, a restrwyd o dan ‘Materion at y Dyfodol’ ar Raglen Waith y Pwyllgor ar ‘Iechyd a Gofal Cymdeithasol ac Ailgydbwyso yr Agenda Gofal Cymdeithasol yn ardal Dinbych’, i Bwyllgor Craffu Partneriaethau gan y teimlwyd ei fod yn cyd-fynd yn well gyda chylch gwaith y Pwyllgor hwnnw.  

Cafodd Aelodau eu hannog i gyflwyno Ffurflen Cynnig Aelodau os oedd ganddynt eitem yr hoffent iddi gael ei hystyried yng nghyfarfod GCIGC ar 30 Mehefin 2025.  Felly:

Penderfynwyd: yn amodol ar yr uchod, cadarnhau Rhaglen Waith y Pwyllgor fel y nodir yn Atodiad 1 yr adroddiad.

Cael y wybodaeth ddiweddaraf gan gynrychiolwyr y Pwyllgor ar Fyrddau a Grwpiau amrywiol y Cyngor

Dywedodd yr Is-gadeirydd wrth yr Aelodau y byddai’n cael ei gyfweld gan Estyn yn nes ymlaen yn yr wythnos ar faterion oedd yn ymwneud â Chraffu ar Addysg.  Roedd Estyn yn cyfarfod â Chadeirydd y Pwyllgor Craffu perthnasol yn flynyddol i drafod gwaith Craffu mewn cysylltiad ag archwilio’r gwaith o gyflawni Gwasanaethau Addysgiadol yn Sir Ddinbych.

Daeth y cyfarfod i ben am 4.45pm