Agenda and draft minutes

Yn y fan hon, cytunwyd i amrywio trefn y Rhaglen er mwyn rhoi cyfle i siaradwyr Eitem 6 – Prosiect Gwella Tai Gorllewin y Rhyl.

Ystyried adroddiad (copi’n amgaeedig) i roi'r wybodaeth ddiweddaraf am y cynnydd o ran cyflwyno un elfen o Raglen Adfywio'r Rhyl - Prosiect Gwella Tai Gorllewin y Rhyl.

Bu i’r Cynghorydd Joan Butterfield ddatgan cysylltiad personol yn yr eitem hon gan ei bod yn Aelod o’r Ymddiriedolaeth Tai Cymunedol.

Estynnodd y Cadeirydd, y Cynghorydd Jeanette Chamberlain-Jones groeso i dri siaradwr gwadd i’r cyfarfod, sef:

Ø  Peter James – Rheolwr Adfywio, Llywodraeth Cymru

Ø  Graham Worthington – Prif Weithredwr,Tai Clwyd Alyn / Pennaf, a

Ø  Phil Danson – Cyfarwyddwr Datblygu Busnes, Tai Gogledd Cymru

Yn y fan hon, ymddiheurodd Cyfarwyddwr Corfforaethol: Economi a Pharth y Cyhoedd ar ran yr Arweinydd am nad oedd yn gallu bod yn bresennol yn y cyfarfod, yn ei rôl fel Aelod Arweiniol yr Economi oherwydd ymrwymiad blaenorol.

Cyflwynodd Cyfarwyddwr Corfforaethol: Economi a Pharth y Cyhoedd yr adroddiad i ddiweddaru ynglŷn â’r cynnydd a wnaed i ddarparu un elfen o raglen Adnewyddu’r Rhyl -  Prosiect Gwella Tai Gorllewin y Rhyl.

Nod y prosiect fyddai denu mwy o bobl economaidd weithgar i fyw yn ardal orllewinol y dref, i gefnogi’r economi a sicrhau bod y gymuned yn ffynnu. Cychwynnwyd y prosiect er mwyn newid canfyddiad pobl o’r ardal ac o’r Rhyl yn gyffredinol. 

Roedd y prosiect yn bartneriaeth amlasiantaeth rhwng Llywodraeth Cymru (LlC), Cymdeithasau Tai, y Cyngor a phartneriaid sector preifat. 

Rhoddwyd cyflwyniad gan Peter James, Rheolwr Adfywio (LlC) a oedd yn amlinellu’r canlynol:

Ø  Hanes a chefndir y prosiect

Ø  Gwahanol gamau yn y gwaith o gynllunio’r gwahanol lefelau a mathau o ymyrraeth angenrheidiol

Ø  Disgrifiodd yr ardal ymyrraeth, cyllideb y prosiect ac amserlenni ar gyfer y prosiect

Ø  Prosiectau unigol a gwblhawyd, a oedd ar y gweill ar hyn o bryd neu yn yr arfaeth ar gyfer pob un o’r 6 parth

Ø  Materion a oedd wedi codi yn ystod y prosiect - yn cynnwys y storïau o lwyddiant, materion cymhleth, sut y cafodd y rheini eu goresgyn a’r gwersi a ddysgwyd wrth ddarparu’r prosiect, a

Ø  Materion yn y dyfodol / camau nesaf.

Eglurodd Peter James (LlC) pam fod LlC wedi penderfynu bod angen ymyrraeth yn y Rhyl. Ymgais ydoedd i wyrdroi’r dirywiad parhaus yn yr ardal gan fod amodau tai’n wael, a hynny ynddo’i hun yn rhwystr mawr i adfywio economaidd. Roedd anghydbwysedd demograffig mawr, gan fod cyfran fawr o’r boblogaeth leol yn ddynion sengl, ac roedd y ddwy ffactor yma wedi arwain at gylch o ddiffyg buddsoddi yn yr ardal.

Cynhaliwyd dadansoddiad o anghenion tai a oedd wedi dangos diffyg tai i deuluoedd yn yr ardal ac anghydbwysedd yn neiliadaeth tai’r ardal. Roedd nifer fawr o dai yn yr ardal mewn perchnogaeth breifat ond mewn cyflwr gwael iawn, ac felly,  roedd y broses negodi i brynu’r rhain wedi bod yn hynod o gymhleth ac wedi cymryd llawer o amser. Prynwyd cyfanswm o 120 o dai, y mwyafrif drwy Orchmynion Prynu Gorfodol. Roedd y broses honno wedi cychwyn yn 2013 ac mae'n debyg mai hwn oedd y prosiect adfywio trefol mwyaf cymhleth yng Nghymru yn ymwneud â thai preswyl. Ar ôl cwblhau Prosiect Gwella Tai Gorllewin y Rhyl roedd tua £27miliwn wedi ei fuddsoddi yng ngorllewin y Rhyl yn cynnwys arian gan LlC, y Cyngor Sir, cyrff cyhoeddus eraill a gan y sector preifat. 

Yna aeth Peter James (LlC) rhagddo a:-

Ø  Dywedodd mai’r risg fwyaf ar y dechrau oedd ailgartrefu preswylwyr o’r tai a brynwyd drwy orchymyn prynu gorfodol. Fodd bynnag, roedd pob o’r preswylwyr wedi eu hailgartrefu’n llwyddiannus ac ni dderbyniwyd unrhyw sylwadau negyddol

Ø  Dywedodd fod y prosiect tua 6-7 mis ar ei hôl hi, ond oherwydd natur gymhleth y prosiect a chyflwr gwael rhai o’r tai, a oedd wedi golygu bod angen gweithredu Gorchmynion Prynu Gorfodol, roedd y llithriant yn ddealladwy ac roedd yn bosibl ei reoli  ...  view the full Cofnodion text for item 2.

Penodi Is-Gadeirydd y Pwyllgor ar gyfer blwyddyn y cyngor 2016/17.

Yn unol â Chyfansoddiad y Cyngor, gofynnwyd am enwebiadau ar gyfer swydd Is-gadeirydd y Pwyllgor Archwilio Partneriaethau.

Bu i’r Cynghorydd Martyn Holland enwebu’r Cynghorydd Raymond Bartley, ac eiliwyd hynny gan y Cynghorydd Pat Jones.

PENDERFYNWYD bod y Cynghorydd Raymond Bartley yn cael ei ethol yn Is-gadeirydd y Pwyllgor Archwilio Partneriaethau.

Dylai’r Aelodau ddatgan unrhyw gysylltiad personol neu gysylltiad sy’n rhagfarnu mewn unrhyw fater a nodwyd i’w ystyried yn y cyfarfod hwn.

Bu i’r Cynghorydd Joan Butterfield ddatgan cysylltiad ym Mhrosiect Gwella Tai Gorllewin y Rhyl.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Dim materion brys.

Derbyn cofnodion cyfarfod y Pwyllgor Archwilio Partneriaethau a gynhaliwyd ar 14 Ebrill 2016 (copi’n amgaeedig).

Cyflwynwyd cofnodion y Pwyllgor Archwilio Partneriaethau a gynhaliwyd ddydd Iau 14 Ebrill, 2016.

Materion yn codi:-

Tudalen 7 – Eitem 6 – Pwynt Mynediad Sengl. Diolchodd y Cadeirydd, ar y Pwyllgor, i’r staff a oedd wedi croesawu’r Aelodau yn ystod yr ymweliad ar 14 Ebrill, 2016. Roedd wedi bod yn addysgiadol iawn.

PENDERFYNWYD yn amodol ar yr uchod, bod y Cofnodion yn cael eu derbyn a’u cymeradwyo fel cofnod cywir.

Ystyried adroddiad gan y Cydlynydd Archwilio (copi’n amgaeedig) yn gofyn am adolygiad o raglen gwaith i’r dyfodol y pwyllgor a diweddaru’r aelodau ar faterion perthnasol.

Ynghyd â’r papurau ar gyfer y cyfarfod, rhannwyd copi o adroddiad gan y Cydlynydd Archwilio, a oedd yn gofyn i’r Pwyllgor adolygu a chytuno ar ei Raglen Gwaith i’r Dyfodol a rhoi diweddariad ynglŷn â materion perthnasol.

Roedd copi o dempled “ffurflen gais Aelodau” wedi ei chynnwys yn Atodiad 2, roedd Rhaglen Gwaith i’r Dyfodol y Cabinet wedi'i chynnwys yn Atodiad 3 a thabl yn crynhoi penderfyniadau diweddar y Pwyllgor a gwybodaeth ynglŷn â’r cynnydd o ran eu gweithredu yn Atodiad 4.

Ystyriodd y Pwyllgor ei Raglen Gwaith i’r dyfodol drafft ar gyfer cyfarfodydd y dyfodol.

Mewn cyfarfod diweddar o Grŵp Cadeiryddion ac Is-gadeiryddion Archwilio, cytunwyd i gynnwys adroddiad ar Fyrddau Diogelu Gogledd Cymru ar raglen y Pwyllgor ar gyfer ei gyfarfod nesaf ar 7 Gorffennaf a bod adroddiad ar Gynllun Lles Sir Ddinbych yn cael ei gyflwyno i’r Pwyllgor yng nghyfarfod Hydref 2016.

Rhoddodd Cyfarwyddwr Corfforaethol: Cymunedau drosolwg byr o waith y Byrddau Diogelu Rhanbarthol.  

Trafodwyd a diweddarwyd sylwadau’r Pwyllgor ar Grwpiau Herio Gwasanaeth.

PENDERFYNWYD yn amodol ar yr uchod, bod y Rhaglen Waith a amlinellir yn Atodiad 1 i’r adroddiad yn cael ei chymeradwyo.

Derbyn unrhyw ddiweddariadau gan gynrychiolwyr y Pwyllgor ar wahanol Fyrddau a Grwpiau’r Cyngor.

Rhoddodd y Cynghorwyr Jeanette Chamberlain-Jones a Meirick Lloyd Davies adborth ar gyfarfod Her Gwasanaeth Gwasanaethau Priffyrdd a’r Amgylchedd y buon nhw ynddo’n ddiweddar.

Yn y fan hon, dymunodd y Cynghorydd Raymond Bartley hysbysu Aelodau y byddai Cartref Gofal Preswyl Dolwen yn dathlu 50 mlynedd yr wythnos nesaf.

Daeth y cyfarfod i ben am 11.55 a.m.