Agenda and draft minutes

Dylai’r Aelodau ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Cafodd y cysylltiadau canlynol eu nodi yn eitemau busnes i gael eu hystyried yn y cyfarfod.

Eitem Agenda 5: Datblygiad Ysbyty Cymunedol yn Rhyl – datganodd y Cynghorydd R L Feeley gysylltiad personol. Y   Rheswm dros y datganiad oedd bod Cynghorydd Feeley yn Aelod Bwrdd Annibynnol ar Fwrdd Iechyd Prifysgol Betsi Cadwaladr.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Ni chodwyd unrhyw eitemau y dylid, ym marn y Cadeirydd, eu hystyried yn y cyfarfod fel mater o frys yn unol ag Adran 100B(4) Deddf Llywodraeth Leol, 1972.

Derbyn cofnodion cyfarfod y Pwyllgor Archwilio Partneriaethau a gynhaliwyd ar 14 Ionawr 2016 (copi ynghlwm).

Cyflwynwyd Cofnodion cyfarfod y Pwyllgor Archwilio Partneriaethau a gynhaliwyd ar ddydd Iau, 14 Ionawr, 2016.

Materion yn codi:-

Eitem Rhif 7 – Rhaglen Waith Craffu – mewn ymateb i gwestiwn gan y Cadeirydd, cadarnhaodd y Cydlynydd Craffu nad oedd unrhyw ystafelloedd cyfarfod ar gael yn y swyddfeydd yn Brighton Road, y Rhyl, ar gyfer cyfarfod nesaf y Pwyllgor.  Hysbyswyd aelodau y byddai’r cyfarfod, ar 15 Ebrill 2016, yn cael ei gynnal yn Siambr y Cyngor, Tŷ Russell, y Rhyl.

PENDERFYNWYD – yn amodol ar yr uchod, derbyn a chymeradwyo’r cofnodion fel cofnod cywir.

I ystyried cyflwyniad gan gynrychiolwyr Bwrdd Iechyd Prifysgol Betsi Cadwaladr ar eu bwriadau ar hyn o bryd ac yn y dyfodol mewn perthynas â safle Ysbyty Brenhinol Alexandra, Y Rhyl.

9.35 a.m. – 10.15 a.m.

Cafwyd cyflwyniad gan gynrychiolwyr Bwrdd Iechyd Prifysgol Betsi Cadwaladr ar eu bwriadau ar hyn o bryd ac ar gyfer y dyfodol o safbwynt safle Ysbyty Frenhinol Alexandra, Y Rhyl.

Mynychodd Cyfarwyddwr Gweithredol Strategaeth a Chyfarwyddwr Ardal Gwasanaeth Clinigol (Ardal Ganolog) Bwrdd Iechyd Prifysgol Betsi Cadwaladr y cyfarfod er mwyn diweddaru Aelodau ar y cynnydd hyd yn hyn o safbwynt y prosiect uchod.  Eglurwyd bod y cyflwyniad wedi ei ddwyn o flaen y cyfarfod gan fod pryderon yn codi nad oedd y prosiect i’w weld yn cael ei roi ar waith.  Cynghorodd Bwrdd Iechyd Prifysgol Betsi Cadwaladr bod:-

·                      Yr Achos Amlinellol Strategol ar gyfer ysbyty yng ngogledd Sir Ddinbych wedi ei gymeradwyo gan Lywodraeth Cymru ym mis Rhagfyr 2013 ac er yr amser sydd wedi pasio mae cefnogaeth Llywodraeth Cymru i’r cynllun yn parhau; 

·                      y prosiect bellach ar y cam Achos Busnes Amlinellol – mae’r cam hwn yn gofyn am ymgysylltu dwys gyda sefydliadau partner, cyrff trydydd sector, y cyhoedd a staff y Bwrdd Iechyd er mwyn cynllunio cwmpas gwasanaeth a chynlluniau manwl ar gyfer y prosiect;

·                      O ganlyniad i’r ymgysylltu gyda’r partneriaid uchod mae’r cwmpas gwasanaeth arfaethedig yn cynnwys y meysydd canlynol:  gwasanaethau cleifion mewnol, clinigau cleifion allanol, diagnosteg, gwasanaethau therapi, gwasanaethau deintyddol cymunedol, Gwasanaethau Iechyd Meddwl Plant a'r Glasoed, gwasanaethau iechyd rhywiol, Pwynt Mynediad Sengl/ gorsaf weithio integredig a canolfan gymunedol (caffi, trydydd sector ac ystafelloedd cyfarfod);

·                      talu sylw i’r nifer o wasanaethau a fyddai ar y safle pe byddai’r holl wasanaethau a restrwyd yn y cwmpas gwasanaeth yn cael lle, roedd gwasanaethau unigol wedi eu hasesu er mwyn penderfynu a fyddent yn addas i gael eu cyd-leoli ar yr un safle e.e. CAHMS gyda gwasanaethau plant ychwanegol, gwasanaethau iechyd a gofal cymdeithasol integredig ayb.  Yn ogystal roedd safleoedd posib wedi eu hasesu er mwyn cadarnhau os oedd modd cyd-leoli nifer o wasanaethau cymunedol yno.

·                      yn dilyn dau asesiad ar wahân roedd safle Ysbyty Frenhinol Alexandra, y Rhyl wedi ei glustnodi fel yr hoff safle, er gwaetha’r cyfyngiadau cynllunio a’r gost ychwanegol y byddai statws cyfredol yr ysbyty fel adeilad rhestredig yn ei roi ar y Bwrdd Iechyd fel datblygwr;

·                      un o’r camau gweithredu yng nghynllun gweithredu adfer mesurau arbennig Bwrdd Iechyd Prifysgol Betsi Cadwaladr oedd fod yn rhaid iddo gyfathrebu’n well gyda’i fudd-ddeiliaid, oedd yn cynnwys trigolion ac awdurdodau lleol.  Fel rhan o hyn, yn ystod haf 2015, cynhaliodd ‘ymarfer gwrando' er mwyn penderfynu beth ddylai ei flaenoriaethau fod wrth symud ymlaen.  Byddai’r blaenoriaethau hyn a chydymffurfio gydag anghenion Deddf Gwasanaethau Cymdeithasol a Llesiant 2014, yn siapio unrhyw gynigion gwasanaeth yn y dyfodol a fyddai’n cael eu cymeradwyo gan Fwrdd Iechyd Prifysgol Betsi Cadwaladr wrth symud ymlaen;

·                      o ganlyniad i’r ymarfer sgwrs gymunedol uchod cytunwyd ar y chwe blaenoriaeth strategol ganlynol:-

Ø      symud ffocws gwasanaethau iechyd tuag at atal a gwella iechyd, o ganlyniad byddai angen ail-drefnu gwasanaethau cyfredol er mwyn cyflawni’r dyhead hwn;

Ø      cryfhau gofal sylfaenol a chymunedol, gyda phwyslais arbennig ar fodelau newydd o ofal y tu allan i’r model gofal ysbyty traddodiadol;

Ø      darparu mwy o ofal integredig drwy ddatblygu partneriaethau cryfach gyda’r sectorau eraill e.e. llywodraeth leol, y trydydd sector, gofalwyr a’r gymuned;

Ø      darparu gwasanaethau wedi eu lleoli yn yr ysbyty sy’n darparu’r canlyniadau gorau posib i bobl ac sy’n gynaliadwy ar gyfer y dyfodol;

Ø      sicrhau mai’r claf fyddai canolbwynt pob agwedd o waith y Bwrdd; a

Ø      datblygu, rheoli a gwerthfawrogi gweithlu’r Bwrdd Iechyd a’i holl asedau ac adnoddau eraill er mwyn cefnogi gweledigaeth a blaenoriaethau strategol y Bwrdd ar draws yr ardaloedd;

·                      Roedd gweledigaeth Bwrdd Iechyd Prifysgol Betsi Cadwaladr am ysbyty yng ngogledd Sir Didnbych yn ffitio i fewn  ...  view the full Cofnodion text for item 5.

I ystyried adroddiad gan y Cydlynydd Diogelu Oedolion Diamddiffyn (POVA) (copi ynghlwm) ar y dilyniant i'r adroddiad perfformiad blynyddol ar gyfer Diogelu Oedolion a gyflwynwyd i'r Pwyllgor Archwilio Partneriaethau ym mis Tachwedd, 2015.

10.25 a.m. – 11.05 a.m.

Roedd copi o adroddiad gan Gydlynydd Amddiffyn Oedolion Agored i Niwed (PC) wedi ei ddosbarthu gyda'r papurau ar gyfer y cyfarfod.

Cyflwynodd Pennaeth y Gwasanaethau Cymorth Cymunedol yr adroddiad gan nodi ei fod yn cael ei gyflwyno ar gais yr Aelodau, fel dilyniant i'r adroddiad blynyddol ar gyfer 2014/15 yr oedd y Pwyllgor wedi ei ystyried ym mis Tachwedd, 2015, gan fod Aelodau eisiau sicrhad ynghylch rheoli'r risg i unigolion a oedd wedi eu clustnodi fel bod mewn peryg o gael eu cam-drin.  Cynghorodd:-

·                     bod tua 1,300 gwely gofal cartref ar draws Sir Ddinbych;

·                     bod 73 atgyfeiriad o gam-drin wedi eu cwblhau yn 2014/15; roedd 56 o’r atgyfeiriadau hyn yn honni bod y cam-drin wedi digwydd o fewn cartref gofal neu gartref preswyl neu yng nghartref yr unigolyn ei hun, ac ohonynt honnwyd bod 43 wedi digwydd o fewn cartref preswyl neu gartref nyrsio;

·                     manylion sut roedd y risg yn cael ei reoli o safbwynt yr unigolion a restrir yn yr adroddiad;

·                     bod erlyniadau troseddol yn y math yma o achosion yn brin, dim ond un fu yn ystod 2014/15 – mewn rhai achosion nid oedd yr unigolyn neu'r teulu eisiau dwyn cyhuddiad unwaith roedd y risg wedi ei ddileu;

·                     tra bo’r awdurdod lleol yn delio gydag atgyfeiriadau Amddiffyn Oedolion Agored i Niwed, nid oedd yr holl atgyfeiriadau’n ymwneud â staff gofal. Roedd astudiaeth achos yn yr adroddiad yn amlinellu sut bod un atgyfeiriad yn erbyn aelod o staff y Gwasanaeth Iechyd, a gwnaed honiadau eraill yn erbyn aelodau o’r teulu neu ffrindiau;

Wrth ymateb i gwestiynau aelodau cadarnhaodd Pennaeth Gwasanaethau Cymorth Cymunedol a Rheolwr Gwasanaeth:  Gwasanaethau Arbenigol bod:-

·                     y Gwasanaeth Iechyd yn gyfrifol am ddarparu matresi pwysau, ac roedd yn cynyddu’r nifer o fatresi yr oedd yn ei archebu;

·                     roedd perchnogion cartrefi gofal ar y cyfan yn cydweithio gydag ymholiadau atgyfeiriadau Amddiffyn Oedolion Agored i Niwed ac yn cydymffurfio gydag unrhyw argymhellion perthnasol, oherwydd byddai rhestru eu cartref o dan ‘bryderon cynyddol’ yn gwneud niwed i’w busnes;

·                         roedd tua dau gartref gofal o dan ‘bryderon cynyddol’ ar unrhyw adeg fel arfer.  Ni fyddai'r Cyngor yn atgyfeirio unrhyw breswylwyr newydd i’r cartrefi tra bod y cartrefi hynny o dan y rhestr ‘pryderon cynyddol’.

·                     roedd honiadau o natur rywiol yn eithaf anodd i ymchwilio iddynt, gallent amrywio o fod yn honiadau bychan i rai difrifol iawn;

·                     dylid adrodd am unrhyw honiadau i’r Cyngor, hyd yn oed os nad oedd yr unigolyn eisiau mynd a'r ymchwiliad ymlaen, gan y byddai hyn o gymorth i’r Cyngor adnabod meysydd o bryder neu batrymau o ymddygiad cyn iddynt gynyddu;

·                     os yw’r cam-drin honedig yn digwydd o fewn lleoliad teulu, byddai’r Gwasanaethau Cymdeithasol bob amser yn hysbysu’r Heddlu byddai i fyny i’r unigolyn, os oedd ganddi hi/ef y gallu meddyliol, neu aelod o’r teulu i gytuno os oeddynt am fynd ymlaen ag ymchwiliad troseddol ac / neu i ddwyn cyhuddiad.  Mewn achosion o’r fath bydd yr Adran Gwasanaethau Cymdeithasol yn gwneud trefniadau i gadw’r unigolyn agored i niwed allan o niwed.

·                     roedd recriwtio nyrsys cymwys yn broblem benodol i'r gwasanaethau iechyd,  a pherchnogion cartrefi nyrsio ar hyn o bryd.

·                     roedd yr adroddiad yn dilyn yr adolygiad cenedlaethol o ofal cartref ar fin cael ei gyhoeddi.  Mae’r adroddiad hwn yn debygol o amlygu’r problemau sydd wedi eu cael gyda galwadau gofal 15 munud.

Gan gymryd poblogaeth y sir, a’r ffaith bod gan y sir broffil demograffeg sy’n heneiddio i ystyriaeth, roedd aelodau yn teimlo bod angen gwneud mwy o waith i amlygu i drigolion bwysigrwydd paratoi ar gyfer eu hanghenion yn y dyfodol, ee, ysgrifennu dogfennau Atwrneiaeth, ysgrifennu ewyllys ayb.

Diolchodd Aelodau i swyddogion am adroddiad llawn  ...  view the full Cofnodion text for item 6.

Ystyried adroddiad gan y Cydlynydd Archwilio (copi ynghlwm) yn gofyn am adolygiad o raglen gwaith i’r dyfodol y pwyllgor a diweddaru'r aelodau ar faterion perthnasol.

11.05 a.m. – 11.15 a.m.

Roedd copi o adroddiad gan y Cydlynydd Archwilio, a oedd yn gofyn i'r Pwyllgor adolygu a chytuno ar ei Raglen Gwaith i'r Dyfodol ac yn rhoi diweddariad ar faterion perthnasol, wedi ei ddosbarthu gyda'r papurau ar gyfer y cyfarfod. 

Roedd copi o dempled ‘ffurflen ar gyfer cynigion Aelodau’ wedi ei chynnwys yn Atodiad 2, roedd Rhaglen Gwaith i’r Dyfodol y Cabinet wedi’i chynnwys yn Atodiad 3 ac roedd tabl yn rhoi crynodeb o benderfyniadau diweddar y Pwyllgor a’r cynnydd a wnaed o ran eu gweithredu wedi ei gynnwys yn Atodiad 4. 

Rhoddodd y Pwyllgor ystyriaeth i ddrafft o’i Raglen Gwaith i'r Dyfodol ar gyfer cyfarfodydd y dyfodol, Atodiad 1, a chytunwyd ar y newidiadau a’r ychwanegiadau canlynol:-

14 Ebrill, 2016:-

Atgoffwyd y Pwyllgor eu bod wedi cytuno i estyn gwahoddiad i'r cyfarfod i’r Cynghorwyr S.A. Davies, a T.R. Hughes i ymuno ag Aelodau’r Pwyllgor ar ymweliad i’r lleoliadau canlynol yn y Rhyl ar ôl y cyfarfod:-

-               Harbwr y Rhyl, Pont y Ddraig a Harbour Cafe.

-               Gerddi Heulwen.

-               Datblygiad y Promenâd

-               Datblygiad Cymdeithas Tai Clwyd Alyn Cyf

-               Safle ar gyfer y Premier Inn newydd

-               Datblygiad Scarborough.

Mewn ymateb i gwestiynau gan Aelodau, cadarnhawyd bod ymweliad safle swyddogol a thaith o amgylch cyfadeilad newydd Ysgol Uwchradd y Rhyl wedi ei drefnu ar gyfer yr holl Gynghorwyr Sir ar ddyddiad arall

26 Mai 2016:-

Eglurodd y Cydlynydd Archwilio y byddai’r Grŵp Cadeiryddion ac Is-Gadeiryddion Archwilio yn cwrdd ar 3 Mawrth, 2016 pan fyddent yn ystyried nifer o geisiadau a dderbyniwyd gan Aelodau am eitemau posib ar gyfer cyfarfodydd amrywiol.  Gwahoddwyd Aelodau i gwblhau a chyflwyno ffurflenni cynnig Aelodau, o safbwynt eitemau yr hoffent eu hystyried mewn cyfarfodydd yn y dyfodol.

Gofynnodd y Cydlynydd Archwilio i Aelodau gwblhau a chyflwyno’r Ffurflenni Holiadur Hunan Werthuso oedd wedi eu cylchredeg yn ddiweddar.  Pwysleisiwyd pwysigrwydd cwblhau’r ffurflenni gan y byddai'r Cyngor yn cael asesiad corfforaethol yn hwyrach yn y flwyddyn.

Yn dilyn trafodaeth bellach:-

PENDERFYNWYD - yn amodol ar yr uchod, cymeradwyo’r Rhaglen Gwaith fel y caiff ei hamlinellu yn Atodiad 1 yr adroddiad.

Derbyn unrhyw ddiweddariadau gan gynrychiolwyr y Pwyllgor ar wahanol Fyrddau a Grwpiau'r Cyngor.

11.15 a.m. – 11.25 a.m.

Ni dderbyniwyd adroddiadau gan gynrychiolwyr Pwyllgor.

Daeth y Cyfarfod i ben am 11.55 a.m.