Agenda and draft minutes
Lleoliad: Ystafell Bwyllgora 1A, Neuadd y Sir, Rhuthun
Rhif | Eitem |
---|---|
Ymddiheuriadau |
|
CROESO Croesawodd y
Cadeirydd yr holl Aelodau a Swyddogion i gyfarfod y Pwyllgor Archwilio
Partneriaethau ac yn arbennig i Gyfarwyddwr y Gwasanaethau Cymdeithasol, Nicola
Stubbins, a oedd yn mynychu ei chyfarfod Pwyllgor Archwilio Partneriaethau
cyntaf. Estynnodd y
Cadeirydd hefyd groeso i ddau Aelod newydd, sef y Cynghorwyr Raymond Bartley a
Richard Davies. Hysbysodd y
Cadeirydd y Pwyllgor am ymddiswyddiad y Cynghorydd Alice Jones o’r Pwyllgor
Archwilio Partneriaethau . Roedd llythyr wedi cael ei anfon at y
Cynghorydd Jones, ar ran y Pwyllgor, i ddiolch iddi am ei holl waith caled ar y
Pwyllgor. |
|
ETHOL IS-GADEIRYDD Penodi Is-Gadeirydd y Pwyllgor ar gyfer blwyddyn y cyngor 2014/15. Cofnodion: Yn unol â Chyfansoddiad y Cyngor, gofynnwyd am CVs/ Datganiadau gan rai
oedd â diddordeb yn swydd yr Is-Gadeirydd. Roedd y
Cynghorydd Raymond Bartley wedi cyflwyno Datganiad a chafodd yr enwebiad ei
gynnig a'i eilio ar gyfer swydd Is-gadeirydd y Pwyllgor Archwilio
Partneriaethau. PENDERFYNWYD y
dylid penodi'r Cynghorydd Raymond Bartley yn Is-Gadeirydd am y flwyddyn i ddod. |
|
DATGAN CYSYLLTIAD Aelodau i ddatgan
unrhyw gysylltiad personol neu gysylltiad sy'n rhagfarnu mewn unrhyw fater a
nodwyd i'w ystyried yn y cyfarfod hwn. Cofnodion: Datganodd y
Cynghorydd Raymond Bartley gysylltiad personol, fel Ymddiriedolwr Home Start,
yn Eitem 9, Gwasanaeth Eiriolaeth Rhanbarthol Gogledd Cymru ar gyfer Plant a
Phobl Ifanc. |
|
MATERION BRYS FEL Y'U CYTUNWYD GAN Y CADEIRYDD Rhybudd o eitemau
y dylid, ym marn y Cadeirydd, eu hystyried yn y cyfarfod fel mater brys yn unol
ag Adran 100B(4) Deddf Llywodraeth Leol 1972. Cofnodion: Dim. |
|
Cofnodion y cyfarfod diwethaf PDF 144 KB Derbyn cofnodion
cyfarfod y Pwyllgor Archwilio Partneriaethau a gynhaliwyd ar 10 Ebrill 2014
(copi ynghlwm). Cofnodion: Cyflwynwyd
Cofnodion cyfarfod y Pwyllgor Archwilio Partneriaethau a gynhaliwyd ddydd Iau,
10 Ebrill, 2014. PENDERFYNWYD derbyn
a chymeradwyo cofnodion y cyfarfod a gynhaliwyd ar 10 Ebrill 2014 fel cofnod
cywir. |
|
BWRDD LLEOL DIOGELU PLANT CONWY A SIR DDINBYCH PDF 126 KB Ystyried adroddiad
gan Reolwr Busnes,
Tîm Diogelu ac
Adolygu (copi ynghlwm)
i fonitro llwyddiant
a pherfformiad y
BLlDP o ran darparu ei flaenoriaethau allweddol ar gyfer 2013/14 a
gwybodaeth am flaenoriaethau allweddol
2014/15. 9.40 a.m. – 10.20 a.m. Dogfennau ychwanegol: Cofnodion: Cyflwynodd y
Pennaeth Gwasanaethau Plant a Theuluoedd yr adroddiad (a ddosbarthwyd yn
flaenorol) i’r Aelodau Archwilio i fonitro cyflawniadau a pherfformiad y Bwrdd
Lleol Diogelu Plant wrth gyflawni ei flaenoriaethau allweddol ar gyfer
2013/2014 a gwybodaeth ar ei flaenoriaethau allweddol ar gyfer 2014/2015. Roedd Leighton Rees, Pennaeth Gwasanaethau Plant a Theuluoedd yn bresennol
fel Cadeirydd y Bwrdd Lleol Diogelu Plant (BLlDP). Nododd y Rheolwr
Busnes bod adroddiad y BLlDP wedi cael ei gyflwyno’n flaenorol i’r Pwyllgor
Archwilio Partneriaethau ym mis Tachwedd 2013, a gofynnwyd yn y cyfarfod hwnnw
i ddiweddariad gael ei gyflwyno i’r Pwyllgor ar y blaenoriaethau allweddol ar
gyfer 2013/14. Rhoddodd
Aelodau’r Pwyllgor ystyriaeth i’r adroddiad a'r cynnydd a wnaed yn ystod
2013/14 o ran darparu blaenoriaethau allweddol y BLlDP. Er y cydnabuwyd
bod y gwaith o ddarparu rhai o'r blaenoriaethau wedi’i rwystro i raddau gan y
gwaith sy’n digwydd i sefydlu Bwrdd Diogelu Plant Rhanbarthol ac i ddatblygu
rhyngwynebau rhwng y Bwrdd Rhanbarthol a grwpiau darparu isranbarthol, roedd
gan yr aelodau nifer o bryderon. Roedd y pryderon hyn yn ymwneud â’r: ·
Grŵp
Tasg a Gorffen Cyflogaeth Diogel nad
oedd wedi cyfarfod oherwydd anawsterau wrth ddod o hyd i ddyddiad ac amser oedd
yn gyfleus i bawb i sicrhau presenoldeb mor uchel â phosibl neu oherwydd amodau
tywydd gwael. Awgrymodd yr Aelodau y gallai defnyddio
cyfleusterau cynadledda fideo fod yn ffordd o oresgyn problemau o’r fath a
sicrhau bod y Grŵp yn cyfarfod i ddatblygu ei waith a darparu’r
canllawiau. Gofynnodd y Pwyllgor i gael gwybod am gynnydd y
Grŵp Tasg a Gorffen o ran cyflawni ei amcanion. ·
Rhyngweithiad
Meddygon Teulu ag atgyfeiriadau amddiffyn plant, yn enwedig eu parodrwydd i
dynnu sylw swyddogion diogelu’r Gwasanaethau Plant / Bwrdd Iechyd at achosion
lle mae amheuaeth o gam-drin pant.
Gofynnodd yr Aelodau i
gynnydd wrth ddatblygu cyfranogiad Meddygon Teulu yn y broses atgyfeirio gael
ei adrodd iddynt maes o law. Hefyd Cafwyd
trafodaeth ar ymagwedd y BLlDP a’r Gwasanaethau Plant tuag at gam-drin
emosiynol ac esgeulustod a'r ffordd y maent yn gweithio gyda sefydliadau ac
asiantaethau eraill mewn perthynas ag ymdrin ag achosion o gam-drin emosiynol
ac esgeulustod. Dywedodd Swyddogion bod cam-drin emosiynol ac
esgeulustod yn faes anodd gan fod materion sylweddol ynghylch beth yn union
oedd cam-drin emosiynol ac esgeulustod a’r gwahanol safonau sydd gan bobl
gysylltiedig. Roedd yr aelodau'n awyddus i wybod a oedd polisi ar waith yn
ysgolion y Sir i helpu canfod cam-drin emosiynol a chorfforol neu esgeulustod. Gwnaethant
gais hefyd i wybod a yw brodyr a chwiorydd a ffrindiau plant anabl yn cael eu
monitro i sicrhau nad ydynt yn cael eu heithrio'n anfwriadol o weithgareddau
arferol yr ysgol oherwydd eu bod yn gweithredu fel gofalwr tra’u bod yn yr
ysgol. Yn dilyn
trafodaeth fanwl: PENDERFYNWYD: (a) Derbyn
yr adroddiad a nodi'r cynnydd a wnaed o ran cyflawni Cynllun Busnes Bwrdd
Diogelu Plant Conwy a Sir Ddinbych ar gyfer 2013/14; (b) Dylid
gwneud pob ymdrech i hwyluso gwaith y Grŵp Tasg a Gorffen Cyflogaeth
Ddiogel a chynnig Arweiniad; (c) Dylai’r
Bwrdd barhau i weithio gyda Meddygon Teulu gyda’r bwriad o wella eu
rhyngweithiad gyda'r broses atgyfeiriadau amddiffyn plant; (d) Dylid
adrodd gwybodaeth ar y cynnydd a wnaed gyda phwyntiau (b) a (c) uchod yn ôl i'r
Pwyllgor maes o law; (e) Bod
gwybodaeth am aelodaeth Bwrdd Diogelu Plant newydd Gogledd Cymru a Grŵp
Darparu Diogelu Conwy a Sir Ddinbych yn cael ei gylchredeg i aelodau cyn gynted
â’u bod ar gael; (f) Dylid darparu gwybodaeth ar y nifer o blant sy’n derbyn addysg yn y cartref ar draws y Sir ac ar y mesurau sy'n cael eu cymryd yn ysgolion ... view the full Cofnodion text for item 6. |
|
Rhaglen Waith Archwilio PDF 92 KB Ystyried
adroddiad gan y Cydlynydd Archwilio (copi ynghlwm) yn gofyn am adolygiad o
Raglen Gwaith i’r Dyfodol y Pwyllgor a diweddaru'r Aelodau ar faterion
perthnasol. 10.20 a.m. – 10.35 a.m. Dogfennau ychwanegol:
Cofnodion: Roedd copi o
adroddiad gan y Cydlynydd Archwilio, a oedd yn gofyn i'r Pwyllgor adolygu a
chytuno ar ei Raglen Gwaith i'r Dyfodol a rhoi diweddariad ar faterion
perthnasol, wedi ei ddosbarthu gyda'r papurau ar gyfer y cyfarfod. Roedd
Rhaglen Gwaith i’r Dyfodol y Cabinet wedi’i chynnwys yn Atodiad 2 ac roedd tabl
yn rhoi crynodeb o benderfyniadau diweddar y Pwyllgor ac a oedd yn hysbysu’r
Aelodau ynglŷn â’r cynnydd gyda’u gweithrediad, wedi’i gynnwys yn Atodiad
3 yr adroddiad. Roedd rhestr o gynrychiolwyr Archwilio ar Grwpiau Herio
Gwasanaeth 2013/2014 hefyd ynghlwm yn Atodiad 4. Bu'r Pwyllgor yn ystyried ei Rhaglen Gwaith i'r Dyfodol ddrafft ar gyfer
cyfarfodydd yn y dyfodol, fel y manylir yn Atodiad 1, a gofynnodd yr Aelodau i
wahodd yr Aelodau Arweiniol y Cynghorwyr Huw Jones, Eryl Williams, Bob Feeley a
David Smith i gyflwyno eu hadroddiadau yng nghyfarfod Gorffennaf, 2014 y
Pwyllgor. Byddai'r Arweinydd, y Cynghorydd Hugh Evans, yn
cael ei wahodd i fod yn bresennol pe bai’r amserlen yn caniatáu. O ran
cynrychiolwyr Archwilio Partneriaethau ar Grwpiau Herio Gwasanaeth 2013/14,
gwnaed dau newid i gynrychiolaeth: ·
Cynllunio
Busnes a Pherfformiad - Y Cynghorydd Richard Davies ·
Cynllunio
a Gwarchod y Cyhoedd - Y Cynghorydd Raymond Bartley Roedd y Grŵp
Monitro Safonau Ysgolion wedi gofyn i gynrychiolydd a dirprwy o’r Pwyllgor
Archwilio Partneriaethau ddod i’r Grŵp. Cytunodd
y Cynghorydd Dewi Owens i barhau i fod yn gynrychiolydd a chytunodd y
Cynghorydd Richard Davies i weithredu fel dirprwy gynrychiolydd. Anogwyd yr
Aelodau i fynd i’r Grwpiau Herio Gwasanaeth ond os nad ydynt yn gallu mynd,
dylent wedyn geisio trefnu i’r dirprwy aelod fod yn bresennol yn eu lle. Ar ôl derbyn cais gan Grŵp Cadeiryddion ac Is-Gadeiryddion Archwilio,
gofynnwyd i aelodau a oes angen unrhyw hyfforddiant archwilio pellach arnynt. Cadarnhaodd
holl aelodau’r Pwyllgor Archwilio Partneriaethau y byddent yn elwa o sesiwn
hyfforddiant gloywi archwilio. PENDERFYNWYD -
yn amodol ar yr uchod, dylid cymeradwyo’r Rhaglen Gwaith fel yr amlinellir yn
Atodiad 1 yr adroddiad. |
|
ADBORTH GAN GYNRYCHIOLWYR PWYLLGOR Derbyn unrhyw ddiweddariadau gan gynrychiolwyr y Pwyllgor ar amrywiol
Fyrddau a Grwpiau'r Cyngor 10.35
a.m. – 10.40 a.m. Cofnodion: Yn ddiweddar,
roedd y Cadeirydd wedi mynd i Fwrdd Iechyd a Gofal Cymdeithasol Sir Ddinbych. Roedd
y Cydlynydd Archwilio mewn cysylltiad â Bwrdd Iechyd Prifysgol Betsi Cadwaladr
(PBC) ynghylch dyddiadau iddynt fod yn bresennol mewn cyfarfod o'r Pwyllgor yn
y dyfodol. Awgrymodd y
Cadeirydd y dylid ychwanegu’r canlynol i gyfarfod o’r Pwyllgor Archwilio
Partneriaethau gyda chynrychiolwyr BCU yn y dyfodol: ·
Pwynt
mynediad sengl i oedolion ·
Cyfathrebu
ar ôl cael eu rhyddhau o’r ysbyty PENDERFYNWYD y
dylid nodi’r adborth. |
|
Gwahardd y wasg a'r cyhoedd PENDERFYNWYD
dan ddarpariaethau
Adran 100A Deddf Llywodraeth Leol 1972, gwahardd y Wasg a’r Cyhoedd o’r
cyfarfod ar gyfer yr eitemau canlynol ar y sail y byddai gwybodaeth eithriedig
yn debygol o gael ei datgelu fel y’i diffinnir ym Mharagraffau 14 o Ran 4 o
Atodlen 12A o Ddeddf Llywodraeth Leol 1972. |
|
GWASANAETH EIRIOLI RHANBARTHOL GOGLEDD CYMRU RHAN 2
- CYFRINACHOL Ystyried
adroddiad gan Reolwr Gwasanaeth Strategaeth a Chymorth (copi ynghlwm)
ynglŷn â buddiannau comisiynu gwasanaethau eirioli ar gyfer plant a phobl
ifanc ar y cyd. 10.50 a.m. – 11.20 a.m. Dogfennau ychwanegol:
Cofnodion: Cyflwynodd y
Pennaeth Gwasanaethau Plant a Theuluoedd adroddiad cyfrinachol (a ddosbarthwyd
yn flaenorol) i Aelodau Craffu ystyried cynigion i gomisiynu gwasanaeth
eiriolaeth annibynnol ar gyfer plant a phobl ifanc ddiamddiffyn ledled Gogledd
Cymru o fis Ebrill 2015 ymlaen. Darparwyd gwybodaeth ar y cynnig ar gyfer comisiynu
gwasanaeth eiriolaeth annibynnol ar gyfer plant a phobl ifanc ddiamddiffyn y
mae Gwasanaethau Cymdeithasol Gogledd Cymru’n ymwybodol ohonynt. Mae’r
gwaith ar y cyd yn cynnwys chwe awdurdod lleol gogledd Cymru. Hysbyswyd yr
Aelodau fod Comisiynydd Plant Cymru’n awyddus i bob plentyn a pherson ifanc yng
Nghymru gael mynediad i wasanaeth eiriolaeth. Fodd
bynnag, y cynnig dan ystyriaeth oedd comisiynu gwasanaeth rhanbarthol
annibynnol a fyddai'n agored i bob plentyn oedd y Gwasanaethau Cymdeithasol yn
ymwybodol ohonynt ar draws Gogledd Cymru. Byddai
comisiynu'r gwasanaeth yn rhanbarthol yn helpu sicrhau y byddai gan blant a
phobl ifanc ar draws y rhanbarth fynediad at wasanaeth teg a chyfiawn, gydag
arbenigwyr mewn gwahanol feysydd a fyddai o fewn cyrraedd i bawb oedd yn gymwys
i dderbyn y gwasanaeth. Byddai’r
gwasanaeth newydd hefyd yn adeiladu ar ffyrdd newydd a mwy rhagweithiol o
ymgysylltu â’r plant a’r bobl ifanc dan sylw. Roedd
potensial i ymgysylltu â nhw’n gynharach ac, felly, rhoi sylw i faterion o
bryder o ran eu gofal cyn iddynt waethygu i fod yn bryder neu’n gŵyn mwy
difrifol. Gwasanaeth mwy rhagweithiol, a fyddai'n cael ei hyrwyddo'n eang i'r
rhai a oedd yn gymwys i'w ddefnyddio, roedd hefyd y potensial iddo fod yn
wasanaeth mwy cost effeithiol. Roedd yr
Aelodau'n cefnogi nodau ac amcanion y gwasanaeth rhanbarthol, ond mynegwyd
pryder ynghylch a fyddai’r cyllid arfaethedig yn ddigonol, yn enwedig yng
ngoleuni’r risgiau a amlinellir yn yr achos busnes o ran cyfaddawdu a gwanhau
ansawdd y gwasanaeth, gan gyfyngu ar ddewisiadau proses dendro a dewis y
defnyddwyr o eiriolwr. Rhoddwyd sicrwydd bod darparwyr
gwasanaethau posibl eisoes wedi mynegi diddordeb mewn darparu gwasanaeth er
gwaethaf yr adnoddau ariannol cyfyngedig sydd ar gael. Byddai gweithdrefnau dyfarnu contractau, rheoli a
monitro yn ddigon cadarn i sicrhau bod y gwasanaeth a bennir yn cael ei
ddarparu o fewn pris darparu’r contract.
Byddai gweithdrefnau rheoli
contractau chwarterol yn cael eu sefydlu a byddai cyfarfodydd rheolaidd yn cael
eu cynnal gyda darparwr y gwasanaeth i drafod pob agwedd ar reoli a chyflwyno
contract. Gofynnodd yr
Aelodau i sesiwn Friffio'r Cyngor gael ei threfnu ar gyfer swyddogion i amlygu
pwysigrwydd rhianta corfforaethol, gwasanaethau eiriolaeth a materion eraill yn
ymwneud â phlant sy'n derbyn gofal i'r holl gynghorwyr eraill. Yn dilyn
trafodaeth fanwl: PENDERFYNWYD: (i) Yn amodol ar y
sylwadau uchod a bod y sicrwydd a gafwyd o ran y gyllideb a ddyrannwyd yn
ddigonol i ddarparu'r gwasanaeth, y dylid cefnogi'r cynnig i gomisiynu
gwasanaeth eiriolaeth rhanbarthol ar gyfer plant a phobl ifanc sy'n agored i
niwed; a (ii) Argymell
i’r Cabinet y dylai gefnogi'r cynnig i gomisiynu Gwasanaeth Eiriolaeth Gogledd
Cymru ar gyfer Plant a Phobl Ifanc yn amodol ar y sicrwydd o ystyried bod y
gyllideb yn ddigonol i ddarparu'r gwasanaeth ac i gyflawni dyletswydd y Cyngor
i gefnogi plant a phobl ifanc i wneud sylwadau neu gwynion am eu gofal yn y
gwasanaethau. |
|
DAETH Y CYFARFOD I BEN AM 12.00 P.M. |