Agenda and draft minutes

Dylai’r Aelodau ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Datganodd y Cynghorydd Ann Davies gysylltiad personol yn Eitem rhif 3 ar y Rhaglen “Materion Brys” gan fod ei mab yng nghyfraith yn cael ei gyflogi gan Ysbyty Glan Clwyd.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Yn unol â gofynion Adran 100B(4) Deddf Llywodraeth Leol 1972, nododd y Cadeirydd ei fwriad i gynnwys y mater canlynol i’w drafod oherwydd bod angen rhoi sylw brys iddo o dan ddarpariaethau Rhan II:-

1.                        Cau’r Asiantaeth Datblygu Cymunedol – Mynegodd yr Aelodau bryderon ynglŷn â cholli’r gwasanaeth hwn ddiwedd mis Mawrth 2015. Er ei fod yn wasanaeth yn y Rhyl mae’n darparu gwasanaeth i’r sir gyfan, yn enwedig unigolion a grwpiau cymunedol yn rhai o wardiau mwyaf difreintiedig y sir.   Cynghorodd Gyfarwyddwr y Gwasanaethau Cymdeithasol y gwnaed penderfyniad yn 2013 i leihau cyllid yr Asiantaeth Datblygu Cymunedol o £25 mil.   

Gwnaed y penderfyniad yn rhannol i ddelio â gostyngiad yn y gyllideb, ond hefyd i ddiwallu anghenion datblygu a darparu gwasanaethau gofal cymdeithasol i ddiwallu gofynion deddfwriaeth gofal cymdeithasol newydd.   Roedd trefniadau trosglwyddo ar waith yn ystod y ddwy flynedd ddiwethaf a byddai’r ddau aelod o staff yr effeithir arnynt yn symud i rolau newydd o fewn y Gwasanaeth.   Roedd Swyddogion, gan gynnwys y Cyfarwyddwr wedi cyfarfod gyda Chyngor Tref y Rhyl a Phartneriaeth Arfordirol y Rhyl i drafod dyfodol yr adeilad a dulliau amgen o ddarparu’r gwasanaethau sydd ar gael yno ar hyn o bryd.   

Pwysleisiwyd bod rhai o’r gwasanaethau yr oedd y Cyngor yn eu cynnig yn yr Asiantaeth ar hyn o bryd yn wasanaethau anstatudol, ond yn ystod cyfnodau anodd roedd yn rhaid i’r Awdurdod ganolbwyntio ar wasanaethau statudol a swyddogaethau craidd.    Gan fod rhai o’r gwasanaethau sy’n cael eu cynnig gan yr Asiantaeth Datblygu Cymunedol yn cael eu cynnig trwy asiantaethau eraill megis y Ganolfan Waith yna ni fyddai’n effeithlon defnyddio adnoddau cyfyngedig y Cyngor i ddyblygu’r gwasanaethau hynny.   Cynghorodd y Cyfarwyddwr bod y Cyngor yn fodlon bod sefydliad ‘partner’ yn defnyddio'r cyfleuster ac yn defnyddio'r offer sydd yno sydd yn eiddo i’r Cyngor ar hyn o bryd.   Pe bai menter gymdeithasol yn defnyddio’r adeilad gallant hwy fanteisio ar fentrau megis rhenti, trethi a chostau gwasanaeth is ac ati. Fodd bynnag, ni allai’r Cyngor ddarparu staff ar gyfer y Ganolfan gan na fyddai’r amcanion bellach yn cydymffurfio â gweledigaeth Llywodraeth Cymru a'r disgwyliadau ar gyfer gwasanaethau gofal cymdeithasol wrth symud ymlaen.    Hysbysodd y Cyfarwyddwr Corfforaethol yr Aelodau bod cyfarfod arall wedi’i drefnu yn y dyddiau nesaf gyda Phartneriaeth Arfordirol y Rhyl i weld os gellir datblygu eu diddordeb yn y cyfleuster, ac mewn ymateb i gwestiynau’r aelodau fe gynghorodd y Cyfarwyddwr Corfforaethol fod y Bartneriaeth yn gorff sefydliadol cofrestredig.   

Roedd y Pwyllgor o’r farn fod y Rhyl yn colli gwasanaeth cymunedol gwerthfawr unwaith eto.   Hysbyswyd y swyddogion bod ambell eitem yn yr Asiantaeth Datblygu Cymunedol yn eiddo i’r gymuned ac felly ni ddylid eu symud o’r cyfleuster heb ganiatâd y gymuned.   Mewn ymateb i bryderon yr Aelodau ynglŷn â sut y gellir llenwi’r gwagle sy’n cael ei greu trwy gau’r Asiantaeth Datblygu Cymunedol cynghorodd y Cyfarwyddwr fod gan y sector gwirfoddol rôl bwysig yn y maes hwn gan y gallai gael cyllid i gefnogi gwasanaethau o’r fath gan y llywodraeth ganolog.   Awgrymodd efallai y byddai’n ddefnyddiol i’r Pwyllgor wahodd Cyngor Gwasanaethau Gwirfoddol Sir Ddinbych a Phartneriaeth Arfordirol y Rhyl i gyfarfod yn y dyfodol i drafod eu rôl i gefnogi grwpiau cymunedol yn Sir Ddinbych yn y dyfodol.   

PENDERFYNWYD – gwahodd cynrychiolwyr o Gyngor Gwasanaethau Gwirfoddol Sir Ddinbych a Phartneriaeth Arfordirol y Rhyl i gyfarfod yn y dyfodol i drafod eu rôl i gefnogi cymunedau i dderbyn gwasanaethau a chyllid pan fydd gwasanaethau anstatudol y Cyngor yn cael eu tynnu’n ôl.

2.              Uned Hawliau Lles a Nyrsio Macmillan: Mynegwyd pryderon gan yr Aelodau ynghylch argaeledd gwasanaethau Nyrsio Macmillan i drigolion Sir Ddinbych ar  ...  view the full Cofnodion text for item 3.

Derbyn cofnodion cyfarfod Pwyllgor Archwilio Partneriaethau a gynhaliwyd 18 Rhagfyr 2014 (copi ynghlwm).

9.30am – 9.35am

Cyflwynwyd Cofnodion cyfarfod y Pwyllgor Archwilio Partneriaethau a gynhaliwyd ddydd Iau, 18 Rhagfyr 2014.

Materion yn codi:-

8. Partneriaeth y Cynllun Datblygu Gwledig – Eglurodd y Cydlynydd Archwilio, mewn ymateb i gwestiwn gan y Cynghorydd M.Ll.  Davies, mewn perthynas â dyrannu cyllid ar gyfer prosiectau gan Cadwyn Clwyd, byddai hyn yn cael ei ddarparu dan Eitem rhif 5 ar y Rhaglen.

PENDERFYNWYD – yn amodol ar yr uchod, derbyn a chymeradwyo’r cofnodion fel cofnod cywir.

Ystyried adroddiad gan Arweinydd Tîm Datblygu Economaidd a Busnes y De (copi ynghlwm) sy’n amlinellu’r sefyllfa gyfredol gyda’r Undeb Ewropeaidd (yr UE) a chronfeydd eraill sydd ar gael ar gyfer buddion Cymunedol.

                                                                                   9.35 a.m. tan 10.10 a.m.

Roedd adroddiad gan Arweinydd Tîm Datblygu Economaidd a Busnes y De oedd yn amlinellu’r sefyllfa gyfredol gyda’r Undeb Ewropeaidd (yr UE) a chronfeydd eraill sydd ar gael ar gyfer buddion Cymunedol wedi’i gylchredeg gyda’r papurau ar gyfer y cyfarfod.

Roedd yr adroddiad yn nodi'r sefyllfa gyfredol ac argaeledd ffynonellau cyllid posibl, yn amodol ar feini prawf cymhwyso, ar gyfer buddion Cymunedol.   Roedd yn nodi’r gefnogaeth sydd ar gael i grwpiau Cymunedol wrth wneud cais am gyllid trwy asiantaethau allanol a rhwydweithiau cefnogaeth, ac yn darparu canllawiau ynglŷn â phrif ffynonellau’r UE a mathau eraill o gyllid sydd ar gael ar hyn o bryd.

Roedd canllaw i’r prif ffynonellau cyllid sydd ar gael ar hyn o bryd wedi’u darparu ac yn cynnwys Cyllid yr UE a Chronfeydd Strwythurol yr UE 2014-2020. Eglurwyd y byddai swm y cyllid cyfatebol yn amrywio yn ôl pob thema a phrosiect.   Roedd cyfraddau lefelau grant y rhaglen wedi’u darparu i nodi’r lefelau grant a ragwelir.   Roedd amcanion buddsoddi ar gyfer rhaglenni yng Nghymru wedi’u hamlinellu yn yr adroddiad.

Hysbysodd yr Arweinydd Tîm y Pwyllgor wrth gyflwyno ei hadroddiad bod:-

·Canolbwynt rownd newydd Cyllid Ewropeaidd wedi newid.    Dan y rhaglen newydd byddai llai o brosiectau lleol yn derbyn cyllid, byddai pwyslais ar brosiectau strategol mawr fyddai’n cael eu darparu naill ai yn isranbarthol, yn rhanbarthol neu hyd yn oed yn genedlaethol:

·Penodwyd Cadwyn Clwyd fel y Grŵp Gweithredu Lleol i ddarparu elfen ARWEINYDD y Cynllun Datblygu Gwledig (CDG) 2014/20, ond gan nad oedd yr Undeb Ewropeaidd wedi cymeradwyo’r CDG hyd yn hyn, ni fyddai’r cyllid ar gyfer y prosiectau’n cael ei ryddhau ac o ganlyniad roedd y staff wedi’u rhyddhau neu roeddent dan hysbysiad diswyddo.   Nid oedd hyn yn sefyllfa ddelfrydol ond roedd tu hwnt i reolaeth y Cyngor;

·Roedd Cyngor Gwasanaethau Gwirfoddol Conwy wedi'u penodi yn weinyddwyr Cronfa Fferm Wynt Gwynt y Môr yn ddiweddar.   Roedd hyn yn gais consortia, a oedd yn cynnwys Cyngor Gwasanaethau Gwirfoddol Sir Ddinbych a Chyngor Gwasanaethau Gwirfoddol Sir y Fflint ymysg y partneriaid eraill.   Roedd y Grŵp Ymgynghorol yn awr wedi trefnu cyfarfod ar 7 Ebrill i drafod meini prawf cymhwyso prosiect a sut i symud ymlaen â dosbarthiad grant ac arian.  

Mewn ymateb i gwestiynau'r Aelodau, fe gynghorodd yr Arweinydd Tîm-

-  O ran Cronfa Gymunedol Gwynt y Môr roedd rhai anghysondebau ynglŷn â pha mor bell i mewn i’r arfordir y dylid dyrannu buddion y Gronfa, y rheswm dros hyn yw er bod y tyrbinau eu hunain oddi ar y lan roedd effaith weledol ar hyd yr arfordir, ac roedd y cysylltiadau a’r is-orsaf gysylltiol ar y tir, gyda’r is-orsaf ger Llanelwy, a

- Fel rhan o waith Grŵp Ymgynghorol Gwynt y Môr roedd gan swyddogion Sir Ddinbych berthynas waith dda gyda’r holl bartneriaid, gan gynnwys Cyngor Gwasanaethau Gwirfoddol Conwy.   Hyd yma roedd Sir Ddinbych wedi’i gynrychioli ar Grŵp Ymgynghorol Gwynt y Môr gan swyddogion, ond nawr bod gweinyddydd y gronfa wedi’i benodi mae’n debyg y byddai’r aelodaeth a’r strwythurau yn cael eu hadolygu;

- Roedd symiau o arian gohiriedig yn cael eu gweinyddu gan nifer o adrannau’r Cyngor e.e. y Parth Cyhoeddus, Cynllunio a Gwarchod y Cyhoedd, Gwasanaethau Priffyrdd a’r Amgylchedd, yn dibynnu ar y rheswm pam fod y symiau gohiriedig wedi’u dyrannu.   Cadarnhaodd bod holl symiau gohiriedig mannau agored wedi’u hymrwymo;

- Gofynion cyllid cyfatebol ar gyfer y rownd newydd o gyllid Ewropeaidd fyddai:   Cronfeydd Strwythurol:  75% cyllid grant, 25% cyllid cyfatebol; CDG:   80% cyllid grant, 20% cyllid cyfatebol.  Nid oedd arian cyllid cyfatebol wedi’i ddyrannu gan y Cyngor eto.   Byddai dyraniad cyllid cyfatebol yn cael ei ystyried ar rinweddau  ...  view the full Cofnodion text for item 5.

Ystyried adroddiad gan y Cydlynydd Archwilio (copi ynghlwm) yn gofyn am adolygiad o raglen waith y pwyllgor a rhoi’r diweddaraf i’r aelodau ar faterion perthnasol.

                                                                           10.55 a.m. – 11.05 a.m.

Roedd copi o adroddiad gan y Cydlynydd Archwilio, a oedd yn gofyn i'r Pwyllgor adolygu a chytuno ar ei Raglen Gwaith i'r Dyfodol ac yn rhoi diweddariad ar faterion perthnasol, wedi ei ddosbarthu gyda'r papurau ar gyfer y cyfarfod. 

Roedd copi o ‘ffurflen o gynnig gan Aelod’ wedi’i gynnwys yn Atodiad 2 ac roedd manylion y ffurflen wedi’u darparu gan y Cydlynydd Archwilio.   Ni fydd unrhyw eitemau'n cael eu cynnwys ar raglen gwaith i’r dyfodol heb lenwi ‘ffurflen gynnig ar gyfer archwilio' a derbyn cymeradwyaeth i'w gynnwys ar y rhaglen gan y Pwyllgor neu’r GCIGA.  Eglurodd y Cydlynydd Archwilio y byddai cymorth i lenwi’r ffurflenni ar gael os oes angen.          Roedd Rhaglen Gwaith i’r Dyfodol y Cabinet wedi’i chynnwys yn Atodiad 3, ac roedd tabl yn rhoi crynodeb o'r penderfyniadau Pwyllgor diweddar a’r cynnydd gyda’u gweithrediad, wedi’i gynnwys yn Atodiad 4.  

Bwrdd Iechyd Prifysgol Betsi Cadwaladr:-

Gan fod yr Athro Trevor Purt, Prif Weithredwr Bwrdd Iechyd Prifysgol Betsi Cadwaladr, wedi mynychu sesiwn Friffio’r Cyngor ar 16 Mawrth 2015 i drafod cynllun tair blynedd y Bwrdd gyda’r holl Gynghorwyr, penderfynwyd ei bod ychydig yn gynnar gwahodd cynrychiolwyr BIPBC i’r Pwyllgor ar 30 Ebrill i drafod cynnydd hyd yn hyn.   Cytunodd yr Aelodau y dylid gohirio’r cyfarfod gyda chynrychiolwyr y Gwasanaeth Iechyd tan 17 Medi 2015, gyda’r 3 Medi fel dyddiad amgen os oedd angen.

                    Cytunodd yr Aelodau y dylid penodi’r Cynghorydd J.Butterfield fel cynrychiolydd y pwyllgor ar Grŵp Herio’r Gwasanaeth Addysg.   Roedd Atodiad 5 yn cynnwys y rhestr ddiweddaraf o gynrychiolwyr archwilio ar y Grwpiau Herio Gwasanaethau.

Rhoddodd y Pwyllgor ystyriaeth i’w Raglen Gwaith i'r Dyfodol drafft  ar gyfer cyfarfodydd y dyfodol, Atodiad 1, a chytunwyd ar y newidiadau a’r ychwanegiadau canlynol:-

30 Ebrill 2015:-

Eglurodd y Cydlynydd Archwilio bod Prif Swyddog Cefn Gwlad:  Gwasanaethau Warden wedi nodi na fyddai’n gallu mynychu’r cyfarfod a drefnwyd ar 30 Ebrill 2015 i gyflwyno adroddiad ar Gyd-Bwyllgor yr AHNE, a chytunwyd y dylid canslo’r cyfarfod.   Cytunodd y Pwyllgor y bydd cyfarfod yn cael ei drefnu ar gyfer naill ai’r 14 neu’r 21 Mai 2015, yn dibynnu ar argaeledd y rhai sydd angen bod yn bresennol, er mwyn ystyried adroddiad ar Gyd-Bwyllgor yr AHNE.   Cytunwyd hefyd y dylid gwahodd cynrychiolwyr o Gyngor Gwasanaethau Gwirfoddol Sir Ddinbych a Phartneriaeth Arfordirol y Rhyl i’r cyfarfod i drafod eu rôl i gefnogi cymunedau i dderbyn gwasanaethau a chyllid pan fydd gwasanaethau anstatudol y Cyngor yn cael eu tynnu’n ôl.   Mewn ymateb i gwestiynau gan yr Aelodau, darparwyd fanylion ynglŷn ag Aelodaeth Partneriaeth Arfordirol y Rhyl i’r Pwyllgor.

30 Gorffennaf 2015:-

- Eglurodd y Cydlynydd Archwilio bod cais gan swyddog i’r Pwyllgor ystyried adroddiad ar Glwstwr Cymunedau’n Gyntaf Sir Ddinbych wedi’i gymeradwyo a’i drefnu ar y rhaglen gwaith i’r dyfodol ar gyfer 30 Gorffennaf 2015.  

Roedd Grŵp Cadeiryddion ac Is-gadeiryddion Archwilio, ar 19 Chwefror 2015, wedi ystyried Papur Gwyn diweddaraf Llywodraeth Cymru ar Ddatganoli, Democratiaeth a Darpariaeth – Diwygio Llywodraeth Leol:   Pŵer i Bobl Leol.  Roedd Pennod 8 y Papur Gwyn ‘Cryfhau Rôl Adolygu’, yn gosod cynigion Llywodraeth Cymru ar gyfer archwilio, a darparodd y cydlynydd archwilio grynodeb byr o’r trafodion.    

Byddai'r Adroddiad Blynyddol ar weithgareddau’r Pwyllgorau Archwilio yn ystod y flwyddyn yn cael ei gyflwyno i gyfarfod blynyddol y Cyngor ym mis Mai.   Roedd ymarfer gwerthuso Archwilio wedi’i gyflawni ac roedd holiadur drafft wedi’i gylchredeg i aelodau archwilio, ac i grŵp ehangach gan gynnwys yr holl Gynghorwyr ac aelodau'r Uwch Dîm Arweinyddiaeth.  Gofynnodd y Cydlynydd Archwilio bod yr holiaduron yn cael eu dychwelyd cyn gynted â phosibl.

PENDERFYNWYD - yn amodol ar yr uchod, cymeradwyo’r Rhaglen Gwaith fel y caiff ei hamlinellu yn  ...  view the full Cofnodion text for item 6.

Derbyn unrhyw ddiweddariadau gan gynrychiolwyr ar amrywiol Fyrddau a Grwpiau Cyngor

                                                                11.05 a.m.  -11.15 a.m.

Ni dderbyniwyd unrhyw adroddiadau gan gynrychiolwyr y pwyllgor.

Daeth y Cyfarfod i ben am 11.55 a.m.