Agenda and minutes

Yr Aelodau i ddatgan unrhyw fuddiannau personol neu fuddiannau sy’n rhagfarnu unrhyw fusnes i’w drafod yn y cyfarfod hwn.

Ni fynegwyd unrhyw fuddiannau personol neu fuddiannau sy’n rhagfarnu unrhyw fusnes.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys dan Adran 100B(4) Deddf Llywodraeth Leol 1972.

Ni chodwyd unrhyw eitemau y dylid, ym marn y Cadeirydd, eu hystyried yn y cyfarfod fel materion brys dan Adran  100B(4) Deddf Llywodraeth Leol ,1972.

Derbyn cofnodion cyfarfod y Pwyllgor Craffu Partneriaethau a gynhaliwyd ar 31ain Mai 2012 (copi ynghlwm).

Cyflwynwyd cofnodion cyfarfod o’r Pwyllgor Craffu Partneriaethau a gynhaliwyd ar 31 Mai 2012. 

PENDERFYNWYD y dylid derbyn a chymeradwyo’r Cofnodion fel cofnod cywir.

Ystyried adroddiad ar y cyd gan Bennaeth y Gwasanaethau Oedolion a Busnes a Phennaeth y Gwasanaethau Plant a Theuluoedd (copi’n amgaeëdig) yn gofyn i’r Pwyllgor ystyried y gofyniad i gael cynllun a gytunwyd ar gyfer darparu Gwasanaethau Cymorth Iechyd Meddwl Sylfaenol Lleol yn unol â’r ddeddfwriaeth, a’r trefniadau i ddatblygu a chytuno cynllun rhanbarthol i’r diben hwn.

Cyflwynodd y Pennaeth Gwasanaethau Oedolion a Busnes (HABS) adroddiad (a ddosbarthwyd o flaen llaw) i’r Pwyllgor gael gytuno ar gynllun ar y cyd ar gyfer darparu Gwasanaethau Cymorth Iechyd Meddwl Sylfaenol Lleol (LPMHSS) yng Ngogledd Cymru, yn ôl gofynion Rhan 1 Mesur Iechyd Meddwl (Cymru) 2010. Cyflwynodd HABS Gyfarwyddwr Cynorthwyol Datblygiad Partneriaeth Cymunedol, BCUHB, (AD:CPD) Wyn Thomas a oedd yn arwain y cynllun ar ran Bwrdd Iechyd Prifysgol Betsi Cadwaladr (BCUHB) a Phennaeth Gwasanaethau Plant a Theulu (HCFS) a oedd hefyd yn ymwneud â’r cynllun.   

Rhoddodd AD:CPD grynodeb o’r adroddiad. Nid oedd y Mesur yn ymdrin â derbyn a thrin pobl yn orfodol, ond yn hytrach yn ymdrin â phrosesau asesu a derbyn gofal a thriniaeth o fewn gwasanaethau iechyd sylfaenol ac eilaidd. Roedd y Mesur i fod i gryfhau rôl gofal sylfaenol   gyda’r gwaith o ddarparu gofal a thriniaeth iechyd meddwl effeithiol ac yn nodi’r gofyniad y byddai LPMHSS yn cael ei ddarparu trwy Gymru erbyn Hydref 2012.

Roedd y Mesur mewn pedair rhan:- 

Rhan 1 – Gwasanaethau Cymorth Iechyd Meddwl Sylfaenol Lleol (LPMHSS) (Hydref 2012)

Rhan 2 – Cydlynu gofal a chynllunio gofal a thriniaeth (Mehefin 2012)

Rhan 3 – Asesiadau o gyn-ddefnyddwyr gwasanaethau iechyd meddwl (Mehefin 2012)

Rhan 4 – Eiriolaeth Iechyd Meddwl (Ionawr ac Ebrill 2012).

Roedd yr adroddiad a gyflwynwyd yn ymwneud â Rhan 1 o’r Mesur.

Roedd Awdurdodau Lleol ar draws Gogledd Cymru yn cyd-weithio gyda BCU ar y Mesur hwn. Codwyd nifer o gwestiynau ar agweddau amrywiol o’r wybodaeth a gyflwynwyd o fewn yr adroddiad gan aelodau, ac ymatebodd swyddogion fel a ganlyn:- 

Ø      Rhoddodd AD:CPD esboniad ynghylch lefelau staffio. Roedd y strwythur eisoes yn ei le yng Nghonwy a Sir Ddinbych i gynorthwyo gyda’r Mesur, ond nid dyna’r sefyllfa yng Ngwynedd.  Roedd y canllawiau yn nodi bod angen 1 gweithiwr i bob 20,000 o boblogaeth. Felly nid oedd Conwy a Sir Ddinbych angen nifer fawr o staff newydd gan fod y model angenrheidiol i bob pwrpas eisoes ar fod; fodd bynnag, roedd Gwynedd angen nifer o staff newydd.

Ø      Cadarnhaodd AD:CPD bod ymgynghoriad wedi digwydd gyda rhanddeiliaid amrywiol ynghylch y Mesur yn ei gyfanrwydd, gan gynnwys rhai defnyddwyr gwasanaeth, ac roedd gweithrediad arfaethedig Gogledd Cymru wedi’i gynnwys fel rhan o’r ymgynghoriad. Roedd y Cynllun drafft a’i weithrediad yn ofyniad deddfwriaeth Llywodraeth Cymru (LlC) ac roedd LlC wedi datblygu model gwasanaeth cenedlaethol ar LPMHSS. Roedd rhai defnyddwyr gwasanaeth yn aelodau o’r Bwrdd Prosiect ac felly byddai modd pasio unrhyw wybodaeth ymlaen o’r cyfarfodydd hynny.  Roedd y posibilrwydd o ymgynghoriad ymhellach gyda defnyddwyr gwasanaeth yn cael sylw, ac roedd adolygiad llawn ar y gweill. Byddai’r Cynllun ei hunan yn cael ei adolygu yn chwarterol gan Iechyd Meddwl Cydweithredol Gogledd Cymru.

Ø      Nododd Pennaeth Gwasanaethau Plant a Theulu (HCFS) ei fod o brofiad yn ymwybodol bod defnyddwyr gwasanaeth wedi bod yn rhan o’r broses gyffredinol o lunio’r cynllun. 

Ø      Roedd pwyslais y Cynllun ar ymyrraeth gynnar, gyda’r nod o atal defnyddwyr gwasanaeth rhag cael eu derbyn i ofal; byddai elfen o unrhyw gynlluniau gofal a luniwyd yn cynnwys cyfranogiad aelodau teulu agos a gofalwyr y defnyddwyr gwasanaeth, yn unol â Rhan 2 o’r Mesur. O bryd i’w gilydd, nid oedd rhai defnyddwyr gwasanaeth am i aelodau o’r teulu fod yn rhan o’r broses. Ar y llaw arall, roedd rhai defnyddwyr gwasanaeth yn teimlo’u bod yn gallu ymdopi’n well pe byddai aelodau o’r teulu yn cael chwarae rhan weithredol.  Roedd y gofal gorau yn broffesiynol, ond hefyd yn cynnwys cefnogaeth teulu gan mai’r teulu fyddai’n sylwi ar newidiadau gyda’r defnyddiwr gwasanaeth, waeth pa mor fach fyddai’r newidiadau hynny’n aml. 

Ø      Nododd AD:CPD y dylai’r  ...  view the full Cofnodion text for item 5.

Ystyried adroddiad gan y Swyddog Comisiynu a Gwerthuso (Tîm Partneriaethau a Chymunedau) (copi’n amgaeëdig) sy’n amlinellu’r prosesau a ymgymerwyd i gomisiynu gwasanaethau i gefnogi Rhaglen Teuluoedd yn Gyntaf yn Sir Ddinbych a gofyn am farn y Pwyllgor ar y prosesau a’r penderfyniadau a argymhellwyd hyd yma.

Cyflwynodd y Pennaeth Cynllunio a Pherfformiad Busnes  (HBPP) adroddiad (a ddosbarthwyd o flaen llaw) yn rhoi gwybodaeth fanwl i’r Pwyllgor Craffu Partneriaethau ynghylch y broses tendro a dyfarnu ar gyfer comisiynu gwasanaethau i gefnogi’r Rhaglen Teuluoedd yn Gyntaf yn Sir Ddinbych, ac i hysbysu’r Pwyllgor o’r sefyllfa gyfredol mewn perthynas â chomisiynu Projectau Strategol Teuluoedd yn Gyntaf i’r cyfnod ariannol 2012 - 2014.

Rhoddodd HBPP ychydig o’r cefndir i’r broses. 

Yn 2011/2012 derbyniwyd arian oddi wrth Cymorth ac roedd y dull ar gyfer dosbarthu’r arian wedi’i benderfynu gan bartneriaid Bwrdd Rhaglen Partneriaethau Strategol Plant a Phobl Ifanc (CYPSPPB); mae Cyngor Sir Ddinbych yn bartner arweiniol ar y bwrdd hwn.  Rhoddwyd y mwyafrif o’r arian ar ffurf grantiau bach i grwpiau, gyda nifer ohonyn nhw wedi defnyddio’r arian yn llwyddiannus. Fodd bynnag, roedd 2011/2012 yn flwyddyn bontio rhwng y cyn-arian Cymorth a’r fenter Teuluoedd yn Gyntaf newydd. Ar y cychwyn cyntaf, hysbyswyd y prosiectau a geisiodd yn llwyddiannus am arian yn  2011/2012 y byddai’r arian yn dod i ben ar ddiwedd Mawrth 2012. O ganlyniad, roedd yr holl fudiadau wedi cael eu hannog a’u cynorthwyo i ddatblygu strategaeth ymadael i’w cynorthwyo i reoli’r newidiadau a fyddai’n eu hwynebu. Roedd Llywodraeth Cymru wedi monitro’n agos yr arian a ddosbarthwyd dros y blynyddoedd, ac roedd rheolau’r fenter Teuluoedd yn Gyntaf newydd yn nodi’n glir ac amlwg mai pwrpas unrhyw arian a ddosbarthwyd yn y dyfodol fyddai mynd i’r afael â thlodi plant a chefnogi teuluoedd sydd fwyaf agored i niwed. Yn y gorffennol, bu’n anodd iawn monitro nifer mwy o fudiadau a oedd wedi derbyn arian, ac roedd hynny wedi achosi problemau mawr.

Fel y partner arweiniol, gwaith Sir Ddinbych oedd trosglwyddo o le gwariwyd yr arian dros y 5 mlynedd diwethaf i flaenoriaethau newydd.  Roedd hyn wedi bod yn waith anodd a dadleuol iawn. Roedd yn golygu na allai rhai mudiadau bellach geisio am arian gan nad oeddynt yn bodloni’r meini prawf.   Er mwyn bodloni meini prawf y Rhaglen Teuluoedd yn Gyntaf, roedd yn rhaid i geisiadau arddangos y byddent yn cefnogi’r gwaith o wireddu Deilliant 4 o Gynllun Integredig y Bwrdd Gwasanaeth lleol, sef y Cynllun MAWR, sef “bod teuluoedd sy’n agored i newid yn Sir Ddinbych yn cael eu cefnogi i fyw bywyd heb dlodi, lle y gallant ffynnu a bod yn annibynnol.” 

Roedd CYPSPPB wedi sefydlu Bwrdd Prosiect aml-asiantaeth i reoli a chomisiynu ceisiadau am arian. Roedd wedi penderfynu ar y naw ffrwd ariannu a fyddai’n helpu gwireddu’r deilliant uchod.  Roedd y Bwrdd hefyd wedi penderfynu defnyddio proses dendro ar gyfer dyrannu’r arian. Roedd meini prawf eglur o’r hyn oedd yn cael ei wneud a sut oedd yr arian i gael ei ddosbarthu. Rhoddwyd cefnogaeth a gwybodaeth hefyd i ddarparwyr potensial i’w cynorthwyo gyda’r broses dendro. 

Derbyniwyd nifer fawr o dendrau, ac yn y pen draw, allan o 9 thema/elfen, comisiynwyd 7 gyda’r rheiny yn eu lle erbyn Ebrill 2012.   

Nid oedd modd comisiynu elfennau gwasanaeth Cefnogi Teulu ac Anabledd ar y pryd, gan nad oedd y Panel yn sicr y gallai’r tendrau a dderbyniwyd ddarparu’r hyn oedd ei angen.  O ganlyniad, penderfynwyd ail-dendro’r elfen Cefnogi Teulu fel bod modd uwchraddio graddfeydd gwasanaethau gan y byddai’r elfen hon yn parhau am 3-4 blynedd.   Roedd arian ar gael ar gyfer cynnal gwasanaethau hyd nes bod gwasanaeth newydd yn ei le ym Medi 2012.  Byddai’r arian hwn, a’r cytundeb lefel gwasanaeth ar waith gyda Homestart Sir Ddinbych yn cynorthwyo gyda baich achosion a’r gwaith o weithio trwy’r broses bontio. Byddai cleientiaid cymwys yn cael eu symud i wasanaethau newydd yn dilyn cadarnhad y tendr llwyddiannus.   Roedd y broses gyfan wedi bod  ...  view the full Cofnodion text for item 6.

Ystyried adroddiad gan y Rheolwr Rhanbarthol, Taith i Waith (copi’n amgaeëdig) yn gofyn i’r Pwyllgor ystyried a gwneud sylwadau ar gydymffurfio â pholisïau a gweithdrefnau’r Cyngor, amodau a thelerau Cyllid Ewropeaidd a materion cysylltiedig eraill mewn perthynas â’r prosiect rhanbarthol hwn.

Cyflwynodd Rheolwr Rhanbarthol Taith i Waith (RM) adroddiad (dosbarthwyd o flaen llaw), gan ddarparu gwybodaeth i’r Pwyllgor ynghylch y Prosiect Taith i Waith.  Yn y cyfarfod, dosbarthwyd gwybodaeth bellach i aelodau   ar berfformiad y Prosiect, ei broffil gwariant a’i fesurau rheoli risg.  Cyflwynodd RM gyd-weithwyr a oedd hefyd yn bresennol:-

• Sian Morgan-Jones, Uwch Swyddog Ewropeaidd ac Ariannu Allanol
• Helen Whitear, Swyddog Ariannol, Taith i Waith ac
• Andy Brackley, Rheolwr Hawlio Arian Allanol

Mae’r prosiect Taith i Waith wedi ei anelu at gefnogi pobl sydd, drwy ystod o anfanteision, yn economaidd anweithgar neu’n ddi-waith. Mae’r prosiect yn cwmpasu ardaloedd y pedwar awdurdod lleol sef Ynys Môn, Conwy, Sir Ddinbych a Gwynedd (rhan o’r ardal Amcan 1 flaenorol a bellach rhan o’r ardal sy’n gymwys i dderbyn arian Cydgyfeirio) gyda Sir Ddinbych fel y Prif Noddwr. Rhoddodd RM wybodaeth i’r Pwyllgor ynghylch cyd-destun y prosiect, beth oedd nod Taith i Waith a beth oedd y gobaith o ran deilliannau.

O fewn Sir Ddinbych, roedd  £4,160,000 wedi’i sicrhau o Gyllid Cymdeithasol Ewropeaidd a £2,906,000 o arian cyfatebol. Roedd Cytundeb Partneriaeth ar waith i sicrhau fod y prosiect yn cydymffurfio gyda rheolau Swyddfa Cyllid Ewropeaidd Cymru (WEFO).

Nod y prosiect yw lleihau anweithgarwch economaidd a gwella lefelau gwaith a lefel sgiliau unigolion. Mae wedi cynorthwyo pobl i ddymchwel rhwystrau a chyflawni targedau o ran cyflogaeth gynaliadwy.   Mae gan Taith i Waith gytundeb gyda Chanolfan Byd Gwaith sy’n golygu bod Taith i Waith ar ben y rhestr cynigion o waith.

Mae Taith i Waith yn adrodd i:-

• Swyddfa Cyllid Ewropeaidd Cymru
• yn rhan o Gynllun Corfforaethol y Cyngor 
• Cynllun Busnes Gwasanaeth
• Rhaglen Gwella ar y Cyd Gwasanaethau Cymdeithasol Gogledd Cymru o fewn Sir Ddinbych ac awdurdodau lleol eraill. 

Mewn ymateb i gwestiynau gan aelodau, dywedodd swyddogion:-

Ø      bod dylanwad “Rhaglen Waith” yr Adran Gwaith a Phensiynau wedi golygu bod y prosiect wedi gorfod ail-lunio ei ganlyniadau a’i wariant. 

Ø      bod y prosiect hefyd yn cyd-fynd gyda nifer o flaenoriaethau adfywio a blaenoriaethau eraill y Cyngor, e.e. Y Rhyl yn Symud Ymlaen a Strategaeth Dinas Y Rhyl, a thros y misoedd diweddar, bod y prosiect wedi bod yn weithgar yn ne’r sir yn ogystal â’r gogledd.

Ø      er bod elfen o risg barhaol y gallai WEFO hawlio nôl peth o’r ariannu grant,  roedd swyddogion WEFO yn awyddus i bwysleisio bod modd lleihau’r risg cyn belled ag y gallai’r Prosiect arddangos gyda data bod holl gamau rhesymol wedi’u cymryd i wireddu amcanion yr ariannu, h.y. darparu canlyniadau gwell i unigolion; 

Ø      roedd strategaeth ymadael yn cael ei datblygu ar hyn o bryd yn barod ar gyfer cyfnod atal yr arian yng ngwanwyn 2014, gan fod cryn ansicrwydd ynghylch beth yn union fyddai’n dod yn ei le.  

Yn dilyn trafodaeth fanwl:-

Penderfynwyd:-

(a)               yn amodol ar y sylwadau uchod, bod y Pwyllgor yn fodlon bod cydymffurfio yn digwydd gyda’r holl feysydd a restrir ym mharagraff 3 o’r adroddiad; a 

(b)               bod Rheolwr Rhanbarthol Taith i Waith yn adrodd nôl i’r Pwyllgor ym Mehefin 2013 ar hynt y Prosiect o ran darparu canlyniadau cynaliadwy cadarnhaol i drigolion y sir ac i’r Cyngor ei hunan fel prif noddwr y prosiect. 

Ystyried adroddiad gan y Rheolwr Adfywio Strategol (copi’n amgaeëdig) yn gofyn i’r Pwyllgor gefnogi datblygu strategaeth i wella perfformiad economaidd Gogledd Cymru a sefydlu Bwrdd i oruchwylio cyflawniad y strategaeth.

Cyflwynodd y Rheolwr Adfywio Strategol (SRM) adroddiad (dosbarthwyd o flaen llaw) yn amlinellu datblygiad strategaeth i ymdrin â pherfformiad cymharol economi Gogledd Cymru mewn cymhariaeth gyda rhannau eraill o Gymru a’r DU, a sefydliad Bwrdd gan chwe awdurdod unedol y rhanbarth a fydd yn arolygu gweithrediad y strategaeth. Roedd gan economi Gogledd Cymru lefel isel o gynhyrchiant (71% o gyfartaledd y DU), lefelau isel o ran sefydlu busnesau newydd a lefelau uchel o ddiweithdra ymhlith ieuenctid. 

Roedd yr adroddiad yn edrych ar sut oedd y chwe awdurdod unedol yn ymwneud â rhanddeiliaid eraill a’r sector gwirfoddol.  Roedd cynnig i gael siarter fusnes ac i adfywio’r ymagwedd at fewnfuddsoddiad.    

Roedd tair thema wedi codi o’r gweithdai a’r trafodaethau a gynhaliwyd ar draws y rhanbarth, ac roedd cynnig i ganolbwyntio ar y themâu hyn a’u hymgorffori mewn cynllun gweithredu. Dyma’r themâu:-

• Sector yr Amgylchedd ac Ynni
• Gweithgynhyrchu uwch
• “Cyrchfan Gogledd Cymru” – sut i hyrwyddo’r ardal

Tasg gyntaf y Bwrdd fyddai datblygu Cynllun Busnes, ac wrth gyd-weithio, byddai gan y chwe awdurdod lais cryfach ac unedig.   Yn nhermau symud y gwaith yn ei flaen, roedd yr adroddiad i’w gyflwyno i’r Cabinet ar 17 Gorffennaf 2012.   Roedd y pum awdurdod lleol arall hefyd yn cyflwyno eu hadroddiadau gerbron eu Cabinetau amrywiol.

Byddai Bwrdd Uchelgais Economaidd Gogledd Cymru yn cynnwys aelodau etholedig o bob awdurdod; roedd hi’n ymddangos mai deilydd y portffolio gyda chyfrifoldeb am adfywio fyddai’r aelod mwyaf priodol i wasanaethau ar y Bwrdd.  Byddai disgwyl i bob aelod Cyngor ar y Bwrdd gyfathrebu gwybodaeth ar waith a thrafodaethau’r Bwrdd i’w hawdurdod eu hunain. Pe byddai Cyngor Sir Ddinbych, wrth benderfynu ar ei flaenoriaethau corfforaethol i dymor y Cyngor newydd yn penderfynu bod uchelgais economaidd yn mynd i fod yn un o’i flaenoriaethau, byddai’n debygol o sefydlu bwrdd rhaglen fewnol, ac mae’n bosibl y gallai aelodau craffu wasanaethu ar y bwrdd mewnol hwnnw.  

Cododd yr Is-Gadeirydd gwestiwn, sef a oedd modd ystyried Parc Busnes Llanelwy yn llwyddiant. Nododd ei bod yn ymddangos bod hanner yr unedau busnes yn wag a bod 50,000 metr sgwâr o ofod ar gael i’w osod.  Roedd cwmnïau yn wreiddiol wedi symud i’r parc ar ôl cael eu denu gan arian grant, ond pan ddaeth yr arian grant i ben, roedd rhai cwmnïau wedi adleoli. Roedd angen dirfawr i annog cwmnïau preifat i ymsefydlu yn yr ardal, i annog sefydliad a thwf busnesau lleol a hybu cyfleoedd gwaith i bobl ifanc.

Cadarnhaodd y SRM y byddai’r ymagwedd a oedd yn cael ei chynnig yn ymdrin â’r materion canlynol:-

• A oedd adeiladau ar gael ac yn y lleoliadau mwyaf priodol
• A oedd y seilwaith angenrheidiol ar gael
• Roedd ar ddarpar gyflogwyr angen gwybod os oedd bobl ar gael gyda’r sgiliau perthnasol, ayyb.

Cytunodd y Pwyllgor ei fod am weld ymagwedd holistig yn cael ei datblygu at ddatblygiad economaidd, a oedd yn ystyried anghenion lleol, edrych ar seilwaith y rhanbarth, y sgiliau sydd ar gael, a’r cyfleoedd sydd ar gael er mwyn adeiladu arnynt a gwella sgiliau (yn enwedig sgiliau a chymwysterau bobl ifanc). Dylid rhoi mwy o bwyslais yn y dyfodol ar ddenu buddsoddiad sector preifat ac ar gefnogi pobl/busnesau lleol i ystyried sefydlu neu ehangu eu busnesau fel bod ystod llawer ehangach o gyfleoedd ar gael i bobl o bob oedran yn yr ardal.  Ymhellach, roedd angen cydbwysedd rhwng mewnfuddsoddiad, uchelgais, blaengaredd a rheoleiddio er mwyn datblygu economi cynaliadwy yn y tymor hir. Roedd teimladau cryf bod rheoleiddio ar hyn o bryd yn mygu busnesau preifat a blaengaredd.

Penderfynwyd yn amodol ar yr uchod, bod y Pwyllgor yn cefnogi:-

(a)               egwyddorion y ddogfen Uchelgais  ...  view the full Cofnodion text for item 8.

Ystyried adroddiad gan y Cydgysylltydd Craffu (copi’n amgaeëdig) yn gofyn am adolygiad o raglen waith y pwyllgor i’r dyfodol a diweddaru’r aelodau ar faterion perthnasol.

Cyflwynodd y Cydlynydd Craffu adroddiad (dosbarthwyd o flaen llaw) yn gofyn i’r Pwyllgor adolygu’r Blaen-Raglen Waith Ddrafft sy’n rhoi’r wybodaeth ddiweddaraf ar faterion perthnasol. 

Roedd Blaen-Raglen Waith diwygiedig wedi’i dosbarthu yn y cyfarfod yn dilyn newidiadau ers cyflwyno’r fersiwn gynharach. Cytunwyd ar y newidiadau canlynol i’r blaen-raglen waith:-

27 Medi:–

• Prosiect Cydweithredol Rhanbarthol ar Gamerâu Cylch Cyfyng - i’w ohirio hyd gyfarfod diweddarach, dyddiad i’w gadarnhau. 
• Gwasanaeth Cyfiawnder Ieuenctid – i’w symud i gyfarfod 8 Tachwedd. 

8 Tachwedd:-

• Prosiect Gwastraff Bwyd Hwb Gogledd Ddwyrain Cymru - i’w symud i gyfarfod 27 Medi. 
• Adroddiad Blynyddol Bwrdd Diogelu Plant Lleol Conwy & Sir Ddinbych (LSCB) – Y Cydlynydd Craffu i gadarnhau os oes modd symud hwn ymlaen i gyfarfod 27 Medi. 

Roedd Adolygiadau Strategol y Gwasanaeth Iechyd Gwladol i’w cyhoeddi ar y diwrnod hwnnw (12 Gorffennaf 2012), felly awgrymodd y Cydlynydd Craffu y dylid cynnal Grŵp Gweithdy, fel y cytunwyd yn flaenorol gan y Pwyllgor, i drafod y canfyddiadau.  Cytunwyd ar ddau ddyddiad:-

• 20 Gorffennaf 2012 @ 3.30pm
• 8 Awst @ 9.30am

Dywedodd y Cydlynydd Craffu wrth y Pwyllgor bod Craffu Partneriaethau yn cyfarfod gyda BCU bob chwe mis i drafod materion, sef 2 neu 3 pwnc fel arfer.  Awgrymwyd y dylid trefnu cyfarfod arbennig i ddelio gyda hyn naill ai’n Hydref neu Dachwedd. Cytunodd pawb a oedd yn bresennol ar ddyddiad i’r cyfarfod sef 11 Hydref am 9.30am.

Roedd angen 4 aelod i wasanaethu fel cynrychiolwyr ar y Grwpiau Herio Gwasanaeth fel a ganlyn:-

• Gwasanaethau Oedolion a Busnes – gwirfoddolodd y Cynghorydd Alice Jones.
• Cynllunio a Pherfformiad Busnes – swydd wag.
• Cyllid ac Asedau  – gwirfoddolodd y Cynghorydd Merfyn Parry.
• Adnoddau Dynol Strategol – swydd wag.

Roedd angen cynrychiolydd hefyd i Fwrdd Cydweithredu Conwy a Sir Ddinbych, a gwirfoddolodd y Cynghorydd Pat Jones.

PENDERFYNWYD yn amodol ar y canlynol:-

(a)               Y dylid cymeradwyo’r Blaen Raglen Waith; 

(b)               Y dylid penodi’r aelodau a enwir uchod i wasanaethu fel cynrychiolwyr y Pwyllgor ar y Grwpiau Herio Gwasanaeth a Bwrdd Cydweithredu Conwy a Sir Ddinbych.

Derbyn unrhyw ddiweddariad gan gynrychiolwyr y Pwyllgor ar amrywiol Fyrddau a Grwpiau’r Cyngor.

Cadarnhaodd y Cynghorydd Alice Jones ei bod wedi cael ei phenodi’n aelod o Awdurdod Tân ac Achub Gogledd Cymru a’i bod ar y Panel Gweithredol. Roedd wedi mynychu cyfarfod o’r Grŵp Buddsoddi Strategol (SIG) a oedd wedi trafod y datblygiadau arfaethedig i Ganolfan Hamdden Rhuthun a Llyfrgell Prestatyn.

Daeth y cyfarfod i ben am 1.20pm