Agenda and draft minutes

Derbyniwyd ymddiheuriadau gan y Cynghorwyr Jeanette Chamberlain-Jones (Cadeirydd), Pat Jones a David Williams. 

Cyn dechrau’r busnes roedd yr Is-Gadeirydd ac aelodau’r Pwyllgor yn dymuno anfon dymuniadau gorau a gwellhad buan a llawn i’r Cadeirydd. 

Dylai’r Aelodau ddatgan unrhyw gysylltiad personol neu gysylltiad sy’n

rhagfarnu ag unrhyw fater a nodwyd fel un I’w ystyried yn y cyfarfod hwn.

Datganodd y Cynghorydd Gareth Davies gysylltiad personol ag eitemau 5, 6 a 7 gan ei fod yn gweithio i Fwrdd Iechyd Prifysgol Betsi Cadwaladr.

Rhybudd o eitemau y dylid, ym marn y Cadeirydd, eu hystyried yn y cyfarfod

fel materion brys yn unol ag Adran 100B (4) Deddf Llywodraeth Leol 1972.

Nid oedd unrhyw faterion brys.

Cael cofnodion cyfarfod y Pwyllgor Archwilio Partneriaethau a gynhaliwyd ar

14 Rhagfyr, 2017 (copi ynghlwm).

10.05 a.m. – 10.10 a.m.

Cyflwynwyd Cofnodion cyfarfod y Pwyllgor Craffu Partneriaethau a gynhaliwyd ar 14 Rhagfyr 2017.

Gan gyfeirio at Strategaeth Digartrefedd Sir Ddinbych a Chynllun Cefnogi Pobl / Atal Digartrefedd Sir Ddinbych gofynnodd y Cynghorydd Butterfield a oedd gan yr Awdurdod bolisi’n diffinio preswyliad.  Ymatebodd y Cyfarwyddwr Corfforaethol: Cymunedau gan ddweud bod ‘preswyliad’ yn cael ei gynnwys o fewn nifer o fframweithiau deddfwriaethol ac roedd yn rhaid ystyried ceisiadau fesul achos.  Mae’n bosibl y bydd Aelodau’n dymuno ystyried cymhlethdod drwy ei gyfeirio i’r Grŵp Cadeiryddion ac Is-gadeiryddion Craffu.

PENDERFYNWYD yn amodol ar yr uchod, cymeradwyo cofnodion y cyfarfod a gynhaliwyd ar 14 Rhagfyr 2017 fel cofnod cywir.

Croesawodd Cadeirydd y cyfarfod y Cyfarwyddwr Ardal:  Ardal Ganolog; Cyfarwyddwr Ardal Cynorthwyol Gofal Sylfaenol a Chomisiynu; Cyfarwyddwr Therapïau Gwasanaethau Clinigol; a’r Cyfarwyddwr Ardal Cynorthwyol Gwasanaethau Cymunedol - Canolog; o Fwrdd Iechyd Prifysgol Betsi Cadwaladr (BIPBC) i’r cyfarfod i roi diweddariad i’r aelodau ar gynnydd a wnaed hyd yma mewn perthynas â’r eitemau busnes yn ymwneud â sefydliadau a gwasanaethau iechyd.

I dderbyn diweddariad ar lafar gan gynrychiolwyr Bwrdd Iechyd Prifysgol Betsi Cadwaladr am y fenter Prestatyn Iach

11.40a.m. – 12.15p.m.

Rhoddodd Cyfarwyddwr Ardal Cynorthwyol Gofal Sylfaenol a Chomisiynu y Bwrdd Iechyd gefndir sefydlu’r fenter Prestatyn Iach i’r Pwyllgor.  Yn ystod ei chyflwyniad, dywedodd:

• Bod meddygfeydd yn sefydliadau preifat, roeddent yn amrywio o ran maint llwyth achosion cleifion.  Roedd gan y meddygfeydd lleiaf yn Sir Ddinbych tua 2 fil o gleifion wedi cofrestru gyda nhw, tra bod maint y feddygfa ganolig yn y rhanbarth yn cynnwys tua 7 mil o gleifion;

_·                      Roedd y model Prestatyn Iach, oedd yn gwasanaethu cleifion oedd wedi cofrestru gyda meddygfeydd ym Mhrestatyn, Rhuddlan, Gallt Melyd a Ffynnongroyw yn ffordd newydd o ddarparu gofal meddygol sylfaenol, ymyrraeth a lles, a reolwyd yn uniongyrchol gan y Bwrdd Iechyd.  Roedd yn cynnwys pedwar tîm yn y feddygfa oedd yn delio gyda rheoli achosion cronig, pumed tîm oedd yn cynnal ymweliadau â’r cartref ynghyd â thîm arall oedd yn darparu gwasanaethau meddygol dwys i gleifion yn defnyddio’r gwasanaeth cerdded i mewn;

_·                      Roedd y gwasanaeth a reolir gan y Bwrdd Iechyd wedi'i sefydlu i ddarparu gwasanaethau meddygol sylfaenol yn yr ardal ar ôl i nifer o feddygon teulu yn yr ardal hysbysu’r Bwrdd y byddent yn ymddeol neu’n terfynu eu contractau ar gyfer darparu gwasanaethau meddyg teulu.  Wrth sefydlu’r model newydd arloesol hwn ar gyfer darparu gwasanaethau sylfaenol roedd y Bwrdd hefyd wedi cynnwys dull mwy cyfannol yn y model newydd ar gyfer darparu gwasanaethau meddygol sylfaenol a lles cyffredinol y boblogaeth;

_·                      roedd y Gwasanaeth a dderbynnir ar hyn o bryd yn derbyn cysylltiad gan y cyhoedd tua 100k y flwyddyn, yn delio gyda chyfartaledd o 420 claf y dydd gyda thua 100 ohonynt yn cael eu gweld ar y diwrnod yr oeddent wedi cysylltu â’r gwasanaeth.  Roedd y nifer o gleifion a welir yn ddyddiol yn fwy na’r cyfartaledd dyddiol ar gyfer yr Adran Argyfwng yn Ysbyty Glan Clwyd; 

·                     Roedd y cyfleuster Tŷ Nant, yr oedd y Bwrdd Iechyd yn ei rentu gan y Cyngor yn gyfleuster gwych oedd yn cefnogi’r model darparu gwasanaeth yn dda;

·                     roedd system TG claf newydd wedi’i osod yn ddiweddar oedd yn gweithio’n dda;

·                     Roedd Arolygiaeth Gofal Iechyd Cymru wedi archwilio’r gwasanaeth Prestatyn Iach yn ystod 2017 ac wedi dod i’r casgliad ei fod yn darparu gofal diogel ac effeithiol yn gyffredinol;

_·                      roedd yna heriau o’u blaenau, yn arbennig mewn perthynas â recriwtio staff clinigol, darparu hyfforddiant i’r sector darparwr preifat a chynnydd parhaus yn y galw am ei wasanaethau.  Rhwng Ionawr a Mawrth 2018 bu cynnydd o 6% mewn apwyntiadau a chynnydd o 15% mewn ymweliadau â’r cartref gan y gwasanaeth;

_·                      wrth symud ymlaen byddai’r ffocws ar recriwtio meddyg teulu ychwanegol ac ymarferydd nyrsio uwch.  Roedd yn galonogol bod MT wedi dangos diddordeb mewn ymuno â'r gwasanaeth a bod nyrs yn hyfforddi i gymhwyso fel ymarferydd nyrsio uwch ar hyn o bryd.    Roedd y Gwasanaeth hefyd yn bwriadu recriwtio parafeddyg i gyfannu’r ystod o wasanaethau y gallai eu cynnig a phenodi Pennaeth Gwasanaeth – rheolwr gweithredol i gydlynu’r gwaith a swyddogaethau ar gyfer pob safle sy’n gweithredu o dan Prestatyn Iach;

_·                      roedd sefydlu’r gwasanaeth arloesol hwn wedi bod yn siwrnai ddysgu, yn arbennig mewn perthynas â’r galw amrywiol ar y Gwasanaeth wrth ddarparu gofal sylfaenol ac eilaidd.    Rhoddir ystyriaeth ar hyn o bryd i gysylltu ag astudiaeth a gynhelir gan Brifysgol Bangor ar ofynion hyfforddiant a mentora ar gyfer darparu gofal sylfaenol.

·                     roedd y Bwrdd Iechyd yn cydnabod bod angen gwneud mwy o waith gyda’r trydydd sector yn ardal Prestatyn mewn perthynas â deall y mathau o wasanaethau oedd eu hangen yn yr ardal a sut y gall sefydliadau sector cyhoeddus fel y Bwrdd Iechyd, yr awdurdod lleol a phartneriaid trydydd sector weithio’n effeithiol  ...  view the full Cofnodion text for item 5.

I dderbyn cyflwyniad gan gynrychiolwyr Bwrdd Iechyd Prifysgol Betsi

Cadwaladr ar y cynnydd a wnaed hyd yma gyda datblygiad y cyfleuster

newydd a'r amserlen ddisgwyliedig ar gyfer ei ddarparu.

10.10 a.m. – 10.50 a.m.

Dywedodd Cyfarwyddwr Clinigol Therapiau Gwasanaethau Clinigol BIPBC bod y Bwrdd Iechyd yn gweithio ar ail gam proses achos busnes 3 cham Llywodraeth Cymru ar gyfer datblygu safle’r cyn Ysbyty Brenhinol Alexandra yn y Rhyl yn ysbyty cymuned ar gyfer Gogledd Sir Ddinbych.  Drwy gyflwyniad PowerPoint dangosodd yr adeilad newydd arfaethedig gan bwysleisio y byddai’r ysbyty cymuned newydd yn llawer mwy nag ysbyty yn unig:

•              byddai'r model gwasanaeth arfaethedig i’w ddatblygu ar y safle yn cynnwys tîm amlddisgyblaethol amlasiantaeth a fyddai’n dylunio eu gwasanaethau o amgylch anghenion y defnyddiwr gwasanaeth, gan gefnogi’r ethos ail-alluogi i rymuso defnyddwyr gwasanaeth i fyw yn annibynnol drwy gydweithio gyda phartneriaid gofal cymdeithasol a thrydydd sector i wella ataliad a lles.

•              byddai’n cefnogi mwy o waith integredig rhwng gofal iechyd sylfaenol a chymunedol gan ganolbwyntio ar bobl hŷn gyda golwg ar leddfu’r pwysau ar Ysbyty Glan Clwyd, darparu gwasanaeth iechyd meddwl a chorfforol integredig i bobl hŷn, darparu gwasanaethau gofal iechyd dydd brys yr un diwrnod ac ystod o wasanaethau dydd a chlaf allanol yn agosach at gartref y claf; a

_•                       byddai’r datblygiad mewn ffurf Campws Gofal Iechyd a fyddai’n gwneud defnydd o adeilad yr hen ysbyty Brenhinol Alexandra, adeilad rhestredig Graddfa II ar y cyd ag adeilad yr ysbyty newydd arfaethedig.       Byddai hefyd yn cynnig safle gwaith integredig ar gyfer Gwasanaethau Un Pwynt Mynediad, Gwasanaethau Iechyd Meddwl Plant a Phobl Ifanc (CAMHS) a swyddfeydd ar gyfer timau cefnogaeth integredig. 

Hysbyswyd y Pwyllgor bod:

•           y Bwrdd Iechyd wedi cymeradwyo a chyflwyno’r Achos Busnes Amlinellol ar gyfer Prosiect Ysbyty Cymuned Gogledd Sir Ddinbych i Lywodraeth Cymru yn Ionawr 2017.  Wedi’i gynnwys yn yr Achos Busnes Amlinellol oedd yr achos ar gyfer buddsoddi cyfalaf yn yr adeilad newydd a darparu gwasanaethau newydd ar y safle, ynghyd â sail resymegol ar gyfer buddsoddiad ychwanegol yn yr adeilad rhestredig Gradd II.

•           o ganlyniad i gyflwyno’r Achos Busnes Amlinellol i Lywodraeth Cymru, roedd cynrychiolwyr Bwrdd wedi cyfarfod swyddogion Llywodraeth Cymru ym mis Gorffennaf a Medi 2017 i drafod y cynigion.  Roedd y Tîm Prosiect wedi ailgyfarfod i ymateb i heriau a nodwyd fel rhan o’r broses cymeradwyo’r Achos Busnes Amlinellol ac roedd Adolygiad Trothwy o’r achos busnes a’r broses wedi’i gomisiynu.    Roedd canfyddiadau’r Adolygiad Trothwy wedi profi’n hynod ddefnyddiol gyda golwg ar symud y prosiect ymlaen;

•           Roedd Llywodraeth Cymru eisiau sicrwydd mewn perthynas â sut fyddai’r Achos Busnes Amlinellol yn cefnogi darpariaeth y cynllun strategol Byw yn Iach Aros yn Iach gan y Bwrdd Iechyd, strategaeth gweithlu wedi’i ailddiffinio a mwy o eglurder ar fanteision gwireddu’r cynllun.  Roedd yr olaf yn ymwneud â’r defnydd o adeilad rhestredig presennol, drwy ddefnyddio hwn fel swyddfa yn bennaf, roedd y Bwrdd Iechyd yn hyderus y gallai sicrhau dyfodol yr adeilad a darparu gwasanaethau iechyd ychwanegol o fewn yr adeilad newydd.  Nid oedd materion yn ymwneud â’r gweithlu yn unigryw i’r prosiect hwn

•           Roedd gwaith ar y gweill i ail-ddrafftio’r atodiad i’r Achos Busnes Amlinellol a oedd yn manylu’r cynigion ystadau, byddai hyn yn cynnwys datganiad clir ar swyddogaeth yr adeilad rhestredig Gradd II yn dilyn buddsoddiad arfaethedig o tua £200k.  Byddai yna fwy o fanylion yn yr Achos Busnes Amlinellol, cyn ei ailgyflwyno i Lywodraeth Cymru, ar y ffynonellau refeniw ar gyfer darparu gwasanaethau newydd ar y safle;

•           Fel rhan o’r gwaith paratoi ar gyfer ailddatblygu’r safle, roedd yr Adran Cleifion Allanol wedi adleoli i’r hen adeilad Glan Traeth ym mis Rhagfyr 2017, dylai'r gwaith o ddymchwel yr estyniad 1960au gael ei gwblhau erbyn diwedd Ebrill 2018.  Yn dilyn y gwaith hwn, byddai'r ardal a ddefnyddir gan yr hen Adran Cleifion Allanol yn cael  ...  view the full Cofnodion text for item 6.

I dderbyn cyflwyniad gan Fwrdd Iechyd Prifysgol Betsi Cadwaladr ar y sefyllfa

ddiweddaraf o safbwynt cau wardiau yn Ysbyty Gymunedol Dinbych, y

ddarpariaeth amgen sydd wedi’i threfnu ar gyfer y cyfnod interim, a’r

cynlluniau ar gyfer yr ysbyty yn y dyfodol

10.50 a.m. – 11.30 a.m.

Rhoddodd y Cyfarwyddwr Ardal Cynorthwyol Gwasanaethau Cymunedol – Canol grynodeb i’r aelodau o'r rhesymau wnaeth arwain at benderfyniad y Bwrdd Iechyd i gau 10 gwely ar y ward i fyny'r grisiau yn yr Inffyrmari o ganlyniad i drychineb Tŵr Grenfell.  Cafodd yr Inffyrmari ei adeiladu ar ddechrau’r 1800au gyda 40 gwely claf mewnol, 23 gwely ar y llawr gwaelod ac 17 gwely ar y llawr cyntaf.     Yn dilyn trychineb Tŵr Grenfell, cynhaliodd y Bwrdd Iechyd asesiad diogelwch tân cynhwysfawr o’r holl adeiladau.  Roedd yr asesiad yn amlygu pryderon perygl tân yn yr Inffyrmari ac Ysbyty Cymuned Yr Wyddgrug.  Roedd y pryderon penodol mewn perthynas â’r Inffyrmari yn ymwneud â’r ffaith bod llawr Ward Lleweni i fyny’r grisiau, rhan ohono wedi’i leoli’n uniongyrchol uwchben cegin yr ysbyty, yn cael ei gefnogi gan ddistiau pren.  Roedd y risg yn fwy oherwydd nad oedd y rhan yma o’r adeilad wedi’i rannu’n adrannol a fyddai’n helpu i leihau neu o leiaf arafu lledaeniad tân.  Pan ddaeth maint y risg i’r amlwg, bu’r Bwrdd Iechyd yn ystyried nifer o opsiynau ar gyfer delio â’r risg, gan sicrhau diogelwch cleifion a staff tra’n achosi cyn lleied o amhariad i bawb dan sylw.   

Fodd bynnag, oherwydd yr angen i sicrhau y gellir symud pob claf yn ddiogel os bydd yna dân, y dewis diogel gyda’r amhariad lleiaf y gellir ei roi yn ei le oedd lleihau’r nifer o welyau ar Ward Lleweni o 17 i 7 – gyda’r cafeat bod yn rhaid i weddill y gwelyau fod ar gyfer cleifion nad oedd angen cefnogaeth fecanyddol ar gyfer eu hanghenion symudedd os bydd angen gwacau’r adeilad.

Roedd Adran Ystadau Llywodraeth Cymru wedi cynnal yr asesiad risgiau tân ac wedi gwneud nifer o argymhellion mewn perthynas â gwella’r mesurau diogelwch tân yn yr adeilad.    Roedd nifer o’r argymhellion hyn wedi eu gweithredu, gan gynnwys gwaith adrannu.  Yn ogystal, roedd y Bwrdd Iechyd wedi comisiynu ail arolwg, mwy ymwthiol, gan ymgynghorwyr Mott McDonald.  Er y disgwylir i ganfyddiadau’r arolwg hwn fod ar gael yn ystod mis Ebrill, oherwydd yr angen i gymryd holl ragofalon angenrheidiol i ddiogelu peirianwyr, cleifion a staff, rhag ofn bod asbestos yn yr adeilad a’i aflonyddu yn ystod y gwaith arolwg, bu ychydig o lithriad.  Fodd bynnag, dylai adroddiad yr ymgynghorydd fod ar gael ym mis Mai 2018.  

Mewn ymgais i reoli effaith y golled dros dro o 10 gwely yn yr Inffyrmari, roedd y Bwrdd Iechyd wedi ychwanegu 5 gwely dros dro yn Ysbyty Cymuned Rhuthun, gyda gwaith arall yn cael ei wneud yn y gymuned ar gyfer gofal a chefnogaeth i bobl yn eu cartrefi eu hunain.    Roedd y Bwrdd Iechyd wedi bod yn rhagweithiol yn cysylltu â staff mewn perthynas â newidiadau i batrymau gwaith, fodd bynnag roedd wedi profi pwysau staffio yn ymwneud â’r gwelyau ychwanegol yn Ysbyty Rhuthun oedd wedi arwain at yr angen i ddefnyddio staff nyrsio asiant a chronfa i ddarparu gofal.  Roedd meddygfeydd Rhuthun wedi bod yn hynod gefnogol ac wedi cynyddu argaeledd ar gyfer y gwelyau cleifion preswyl yn yr ysbyty. 

Er bod yna lai o welyau ar gael yn Inffyrmari Dinbych ar hyn o bryd, dywedodd y Bwrdd Iechyd rhwng ysbytai Dinbych a Rhuthun bod yna welyau cleifion preswyl mewn ysbyty cymuned ar y mwyafrif o ddyddiau i gleifion naill ai fynd yno yn uniongyrchol neu eu trosglwyddo o'r ysbytai cyffredinol dosbarth.  Cadarnhaodd swyddogion y Bwrdd Iechyd bod meddygfeydd yn Ninbych yn gefnogol iawn i’r Inffyrmari a’r gwasanaethau a ddarperir yno. 

Roedd y Bwrdd Iechyd yn darparu cefnogaeth a chyngor parhaus i staff yn yr Inffyrmari, gyda sesiynau briffio misol rheolaidd yn cael eu  ...  view the full Cofnodion text for item 7.

Ystyried adroddiad gan y Cydlynydd Archwilio (copi ynghlwm) yn gofyn am

adolygiad o raglen gwaith i’r dyfodol y pwyllgor a rhoi’r diweddaraf i’r aelodau

ar faterion perthnasol.

12.15p.m. – 12.30p.m.

Cyflwynodd y Cydlynydd Craffu adroddiad (a ddosbarthwyd yn flaenorol) yn gofyn i’r Aelodau adolygu Rhaglen Gwaith y Pwyllgor a rhoi diweddariad ar faterion perthnasol.  Atgoffodd y Pwyllgor bod y cyfarfod nesaf wedi’i drefnu i’w gynnal yn y Rhyl i ymweld ag uned Un Pwynt Mynediad yn Nhŷ Russell.

Amlygodd y Cydlynydd Craffu'r dair eitem ar y rhaglen ar gyfer Pwyllgor Craffu Partneriaeth mis Mai:

·         Strategaeth Digartrefedd a Chynllun Atal

·         Cyllidebau Cyfun (Iechyd a Gofal Cymdeithasol) a

·         Chyllidebau Cefnogi i Bobl sy’n Gymwys ar gyfer Cynllun Gofal a Chefnogaeth. 

Cadarnhaodd y Cyfarwyddwr Corfforaethol: Cymunedau bod yr eitemau ar gyllidebau digartrefedd a chefnogaeth yn sylweddol, felly mae’n bosibl y bydd y Pwyllgor yn dymuno gohirio’r eitem ar gyllidebau cyfun nes y cyfarfod ym mis Mehefin.

Gofynnodd y Cynghorydd Butterfield i’r grant digartrefedd £1 miliwn gan Lywodraeth Cymru gael ei gynnwys yn yr adroddiad digartrefedd. 

Hysbysodd y Cyfarwyddwr Corfforaethol: Cymunedau y Pwyllgor bod Bwrdd Iechyd Prifysgol Betsi Cadwaladr yn disgwyl i un o’r adroddiadau ar y gwersi a ddysgwyd ynglŷn â Ward Tawelfan gael ei gyhoeddi ar 3 Mai 2018.  Cytunodd y Pwyllgor i alw cyfarfod Pwyllgor Craffu Partneriaethau arbennig o fewn wythnos o’i gyhoeddi er mwyn ystyried yr adroddiad yn llawn.    Hefyd, cytunwyd y dylai’r cyfarfod arbennig gael ei gynnal yn y Rhyl er mwyn ymweld â safle’r ysbyty cymuned Gogledd Sir Ddinbych arfaethedig. 

Wrth gyfeirio’n ôl at yr adroddiad dywedodd y Cydlynydd Craffu:

·         atodiad 3 - Cynllun Gwaith i'r Dyfodol y Cabinet – er gwybodaeth ac

·         atodiad 4 yn rhoi diweddariad ar benderfyniadau’r Pwyllgor.

Roedd Cadeirydd y Pwyllgor Craffu Partneriaethau wedi gofyn i gyfarfod mis Medi gael ei newid o 13 i 20 er mwyn iddi allu mynychu. Cytunodd y Pwyllgor i’r gohiriad.

PENDERFYNWYD - yn amodol ar yr uchod:

(i)           Cadarnhau rhaglen gwaith i’r dyfodol y Pwyllgor;

(ii)          Galw cyfarfod arbennig ar gyfer yr wythnos yn dechrau 10 Mai 2018 i adolygu adroddiad Tawelfan a

(iii)         Newid dyddiad mis Medi’r Pwyllgor Craffu Partneriaethau i 20 Medi.

Derbyn unrhyw ddiweddariadau gan gynrychiolwyr y Pwyllgor ar Fyrddau a

Grwpiau amrywiol y Cyngor.

12.30p.m. – 12.36p.m.

Dywedodd y Cynghorydd Hugh Irving fod ganddo gyfarfod yr wythnos ddilynol ar gyfer paratoi rhaglen ar gyfer llinellau ymholiad Her Gwasanaeth. 

Daeth y cyfarfod i ben am 13.04