Agenda and draft minutes

Y Cynghorwyr Joan Butterfield a Hugh Irving

Aelodau i ddatgan unrhyw gysylltiad personol neu gysylltiad sy'n rhagfarnu yn y busnes a nodwyd i'w ystyried yn y cyfarfod hwn.

Datganodd yr aelodau canlynol gysylltiad personol ag eitemau 5 a 6 ar y rhaglen -

Y Cynghorydd Gareth Davies – Gweithiwr i Fwrdd Iechyd Prifysgol Betsi Cadwaladr

Y Cynghorydd Emrys Wynne - Aelod o’r Cyngor Iechyd Cymuned

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Ni chodwyd unrhyw fater brys.

Derbyn -

(a)       cofnodion cyfarfod Pwyllgor Craffu Partneriaethau a gynhaliwyd 20 Medi 2018 (copi ynghlwm), a

(b)       cofnodion cyfarfod Pwyllgor Craffu Partneriaethau Arbennig a gynhaliwyd 1 Hydref 2018 (copi ynghlwm).

Cyflwynwyd cofnodion cyfarfod y Pwyllgor Craffu Partneriaethau a gynhaliwyd ar 20 Medi 2018 a chofnodion cyfarfod y Pwyllgor Craffu Partneriaethau Arbennig a gynhaliwyd ar 1 Hydref 2018.

Materion yn Codi -

Pwyllgor Craffu Partneriaethau Arbennig (1 Hydref 2018) - Adlewyrchodd y Cadeirydd ar y cyfarfod cadarnhaol a gafwyd gyda swyddogion y Bwrdd Iechyd i drafod canfyddiadau’r ymchwiliadau mewn perthynas â Ward Tawelfan yn Ysbyty Glan Clwyd.  Roedd yr ymatebion ysgrifenedig i’r cwestiynau a godwyd yn ystod y cyfarfod hwnnw a’r adroddiadau atodol ychwanegol a ddarparwyd gan y Bwrdd Iechyd wedi eu cylchredeg yn flaenorol fel rhan o Friff Gwybodaeth y Pwyllgor, ynghyd â Strategaeth Dementia'r Bwrdd ar gyfer 2018 - 2020.

PENDERFYNWYD derbyn a chymeradwyo cofnodion y cyfarfodydd a gynhaliwyd ar 20 Medi 2018 ac 1 Hydref 2018 fel cofnod cywir.

Derbyn cyflwyniad gan gynrychiolwyr Bwrdd Iechyd Prifysgol Betsi Cadwaladr ynghylch cynlluniau ar gyfer darparu gwasanaethau yn Inffyrmari Dinbych yn y dyfodol ar ôl cau Ward Fammau.

10.10 a.m. – 10.50 a.m.

Croesawodd y Cadeirydd Bethan Jones (Cyfarwyddwr Rhanbarth: Yr Ardal Ganolog), Gareth Evans (Cyfarwyddwr Gwasanaethau Clinigol  - Therapïau)  ac Alison (Cyfarwyddwr Cynorthwyol Gwasanaethau Cymunedol) o Fwrdd Iechyd Prifysgol Betsi Cadwaladr i’r cyfarfod i drafod yr eitemau busnes yn ymwneud â’r Gwasanaeth Iechyd.

Inffyrmari Dinbych - Rhoddodd y Cyfarwyddwr Cynorthwyol Gwasanaethau Cymunedol friff, drwy gyflwyniad PowerPoint, i’r Pwyllgor ar gefndir y penderfyniad i gau Ward Lleweni yn yr Inffyrmari ar ôl cynnal gwiriadau diogelwch tân yn unol â’r canllaw a dderbyniwyd gan Lywodraeth Cymru yn sgìl trychineb tân Tŵr Grenfell.  Roedd y gwiriadau diogelwch tân wedi canfod bod yr adeilad 200 mlwydd oed “wedi’i adrannu’n wael a bod y llawr cyntaf wedi’i adeiladu o drawstiau pren a delltennau a phlaster.”  Ar sail hynny, daeth yr aseswyr diogelwch tân i’r casgliad “o ystyried nifer y cleifion sydd â phroblemau symudedd a'r nifer gyfyngedig o staff, hyd yn oed pe bai’r holl waith adferol yn cael ei gwblhau byddai gallu rheoli’r adeilad, sy’n gofyn am wacáu yn fertigol, yn ddiogel yn ystod tân  yn heriol iawn.”  Ar sail yr wybodaeth hon, penderfynwyd cael gwared ar 10 o’r 17 gwely ar Ward Lleweni er mwyn lleihau’r risgiau sy’n gysylltiedig â gwacáu.  Er mwyn gwneud iawn am y golled o wlâu cymunedol yn Ninbych, cafwyd 5 gwely ychwanegol i gleifion mewnol yn Ysbyty Rhuthun ac fe gynhaliwyd gwaith adferol, hynny yw'r panel larwm tân, rhannu ac adrannu’r gofod yn y nenfwd ac ati, ar lawr gwaelod adeilad yr Inffyrmari.  Tra’r oedd gwaith hwn yn cael ei wneud roedd arolwg manwl o adeilad yr ysbyty hefyd yn cael ei gynnal gan ymgynghoriaeth diogelwch tân.  Briff yr ymgynghoriaeth oedd penderfynu ar safon yr adrannu o fewn adeilad gwreiddiol yr ysbyty a gallu adeiladwaith yr adeilad i wrthsefyll tân.  Canfu’r arolwg hwn bod diffygion sylweddol o ran adrannu yn yr adeilad gwreiddiol ar y llawr cyntaf ac yn y to.  Roedd hyn yn golygu nad oedd yn cydymffurfio â rheoliadau diogelwch tân cyfredol ac felly roedd y strategaeth wacáu bresennol ar gyfer y llawr cyntaf, a oedd yn seiliedig ar drefniadau gwacáu llorweddol a dibyniaeth ar adrannu, wedi’i pheryglu ac felly nid oedd yn cydymffurfio â gofynion Gorchymyn Diwygio Rheoleiddio (Diogelwch Tân) 2005, o ganlyniad gwnaed penderfyniad i roi’r gorau i ddefnyddio’r 7 gwely a oedd yn weddill i gleifion mewnol ar Ward Lleweni a rhoi’r gorau i ddefnyddio’r ystafell esgor dan arweiniad bydwraig.  Pwysleisiodd, er nad oedd y llawr cyntaf bellach yn addas ar gyfer gwlâu i gleifion mewnol ac ati, nid oedd hyn yn golygu nad oedd modd defnyddio’r llawr at ddiben arall.

Wrth wneud y penderfyniad uchod, ymgynghorodd y Bwrdd Iechyd ag ystod eang o fudd-ddeiliaid, yn cynnwys gwleidyddion lleol a chenedlaethol, y Cyngor Iechyd Cymuned, staff, undebau llafur, staff yr awdurdod lleol a Chynghrair Cyfeillion yr ysbyty.  Cytunodd hefyd ar drefniadau hirdymor â Meddygon Teulu Rhuthun i ofalu am y cleifion yn y gwlâu ychwanegol yn Ysbyty Cymuned Rhuthun ac adleoli nifer fechan o staff i Ysbyty Rhuthun.    O ganlyniad i golli’r gwlâu, comisiynwyd gwaith i ganfod capasiti cleifion mewnol amgen ac archwilio  llwybrau gofal cleifion mewnol amgen.

Roedd Adran Ystadau Arbenigol GIG wrthi’n nodi’r costau lefel uchel sy’n ofynnol i sicrhau bod y llawr cyntaf yn cydymffurfio â rheoliadau iechyd a diogelwch gan gynnwys safonau diogelwch tân.  Roedd eisoes yn hysbys y byddai’n rhaid gwneud gwaith strwythurol mawr a byddai’r gwaith yn effeithio ar lety’r llawr gwaelod.  Oherwydd yr angen i gwrdd â safonau gwasanaeth iechyd modern, rhagwelwyd na fyddai modd symud yr 17 o wlâu, a gollwyd ar ôl cau Ward Lleweni, i lawr gwaelod yr ysbyty.  Rhagwelwyd y byddai  ...  view the full Cofnodion text for item 5.

Derbyn diweddariad gan gynrychiolwyr Bwrdd Iechyd Prifysgol Betsi Cadwaladr am y cynnydd o ran prosiectau cyfalaf sy’n ymwneud ag Ysbyty Gogledd Sir Ddinbych (Achos Busnes ynghlwm), Clinig Rhuthun a Chanolfan Iechyd Corwen.

10.50 a.m. – 11.30 a.m.

Rhoddodd Cyfarwyddwr Gwasanaethau Clinigol  - Therapïau y Bwrdd Iechyd gyflwyniad i’r Pwyllgor yn amlinellu’r cynnydd a wnaed hyd yma mewn perthynas â’r tri phrosiect cyfalaf mawr yn Sir Ddinbych.  Amlinellodd y cefndir i bob prosiect ac, o ran sefyllfa bresennol bob prosiect, dywedodd -

Canolfan Iechyd Corwen

·         bod cyfleuster addas i’r diben sy’n darparu amgylchedd o ansawdd uchel ar gyfer gwasanaethau gofal sylfaenol a gwasanaethau deintyddol gwell wedi agor ar y safle yng Nghorwen ar 12 Hydref 2018, gydag agoriad swyddogol wedi’i drefnu ar gyfer 29 Tachwedd 2018. Roedd gan y safle hefyd y potensial i ddarparu ystod ehangach o wasanaethau’n ymwneud ag iechyd.

·         roedd y Bwrdd Iechyd wedi dyfarnu £1.48m tuag at y prosiect o’i Ddyraniad Cyfalaf yn ôl Disgresiwn

·         roedd y Ganolfan bellach yn cynnwys practis Meddyg Teulu a oedd hefyd yn cynnwys ystafelloedd ymgynghori ar gyfer doctoriaid dan hyfforddiant, gwasanaethau cardioleg arbenigol dan arweiniad Meddyg Teulu, dau le deintydd, gwasanaethau nyrsio ardal, gwasanaethau iechyd, ffisiotherapyddion, gwasanaethau podiatreg ynghyd â gwasanaethau iechyd meddwl a chamddefnyddio sylweddau, a

·         gyda’r bwriad o ehangu’r gwasanaethau ymhellach, roedd gwaith yn mynd rhagddo i recriwtio staff deintyddol ychwanegol ac i asesu a oedd potensial i gynyddu presenoldeb y Sector Gwirfoddol (Trydydd Sector) ar y safle i gefnogi gwaith y Gwasanaeth Iechyd yn yr ardal.

Clinig Mount Street, Rhuthun

·         yn 2016, bu i adolygiad o Ystadau Gofal Sylfaenol nodi nad oedd y cyfleuster hwn yn addas i’r diben.  Oherwydd ei gyflwr gwael, daeth y Bwrdd Iechyd i’r casgliad na fyddai gwario oddeutu £750,000 i ymgymryd â gwaith cynnal a chadw a diweddaru’r adeilad yn cyfateb i ddefnydd effeithiol o adnoddau ac ni fyddai’n darparu datrysiad hirdymor i ddiwallu anghenion ardal Rhuthun yn y dyfodol. 

·         gwnaed penderfyniad strategol i wneud cais am £1.7m o gyllid cyfalaf gan Lywodraeth Cymru at ddibenion darparu gwasanaethau gofal sylfaenol yn agos at gartrefi cleifion drwy ad-leoli'r gwasanaethau a ddarperir ar hyn o bryd yn y clinig safle Ysbyty Cymuned Rhuthun gyda’r posibilrwydd o ddarparu gwasanaethau iechyd eraill ar y safle newydd maes o law.

·         ar hyn o bryd, roedd y cynigion i symud y practis Meddyg Teulu, Ymwelwyr Iechyd, Nyrsys Ysgol ac ymarferwyr Iechyd Meddwl Cymunedol o safle’r Clinig presennol i safle Ysbyty Rhuthun.  Roedd y Tîm Deintyddol Cymunedol wrthi’n ystyried dau opsiwn, i symud i safle Ysbyty Rhuthun neu i ddefnyddio’r cyfleusterau presennol sydd ar gael yn Ninbych a Chorwen a darparu gwasanaeth symudol lle bo’n briodol, tra roedd Ymddiriedolaeth Gwasanaethau Ambiwlans Cymru yn trafod â Gwasanaethau Tân ac Achub Gogledd Cymru i archwilio posibiliadau mewn perthynas â darparu eu gwasanaethau o gyfleuster a rennir.  Roedd gwaith hefyd yn mynd rhagddo i archwilio’r potensial i ddarparu gwasanaethau ychwanegol o’r cyfleuster a adleoliwyd i Ysbyty Rhuthun, hynny yw, gweithgarwch gofal eilaidd / yn y gymuned megis gwasanaethau adferiad ysgyfeiniol ar gyfer de’r sir, gweithgaredd lles a gwasanaethau i gefnogi hyfforddiant ar gyfer Meddygon Teulu gwledig. 

·         roedd llawer o ddigwyddiadau i fudd-ddeiliaid eisoes wedi’u eu cynnal er mwyn mesur cefnogaeth a diddordeb y gymuned yn y model gwasanaeth newydd a derbyn y gwasanaethau ‘newydd’ arfaethedig.  Rhagwelwyd y byddai’r holl ddigwyddiadau hyn yn dod i ben erbyn y Nadolig 2018. Roedd dylunwyr wrthi’n paratoi i gynhyrchu briffiau dylunio ar gyfer y cynigion ynghyd â chostau ac roedd achos busnes yn cael ei ysgrifennu gyda’r bwriad o sicrhau cyllid cyfalaf Llywodraeth Cymru ar gyfer y prosiect.  Rhagwelwyd y byddai’r Bwrdd Iechyd yn ystyried yr achos busnes yn ei gyfarfod ym mis Mawrth 2019 cyn ei gyflwyno i Lywodraeth Cymru i’w gymeradwyo.  Ar yr amod nad oes unrhyw oedi o ran yr amserlen a bod cyllid cyfalaf Llywodraeth Cymru yn cael ei gymeradwyo,  ...  view the full Cofnodion text for item 6.

Ystyried adroddiad gan y Swyddog Comisiynu Atal Digartrefedd (copi ynghlwm) yn manylu ar y cynnydd a wnaed wrth gyflwyno’r Cynllun Gweithredu a chyflwyno Cynllun Comisiynu Cefnogi Pobl/Atal Digartrefedd drafft Sir Ddinbych cyn ei gyflwyno i’r Cabinet.

11.45 a.m. – 12.10 p.m.

Wrth gyflwyno’r adroddiad a’r atodiadau (a gylchredwyd yn flaenorol) a oedd yn rhoi’r wybodaeth ddiweddaraf i aelodau ar gynnydd y Cyngor hyd yma o ran cyflawni ei Gynllun Gweithredu i Atal Digartrefedd, dywedodd yr Aelod Arweiniol dros Les ac Annibyniaeth wrth y Pwyllgor mai prif nod y Cyngor oedd atal digartrefedd.  Mewn ymgais i gyflawni’r nod hwn, mabwysiadwyd dull aml-asiantaeth ac aml-wasanaeth gyda’r bwriad o gefnogi pobl a oedd mewn perygl o fod yn ddigartref.  Hefyd ynghlwm wrth yr adroddiad oedd Cynllun Comisiynu Cefnogi Pobl/Atal Digartrefedd Sir Ddinbych drafft ar gyfer 2019-22, a oedd yn amlinellu sut yr oedd y Cyngor yn cynnig datblygu ac ail-fodelu prosiectau cefnogi yn y sir dros y tair blynedd nesaf i gefnogi mwy o bob a oedd naill ai’n ddigartref neu mewn perygl o fod yn ddigartref.  Roeddent yn dal i aros am ymateb gan Lywodraeth Cymru o ran swm y cyllid Grant Cefnogi Pobl a fyddai’n cael ei ddyfarnu i'r Cyngor ar gyfer 2019-2022, er nad yw toriad i’r gyllideb yn ddisgwyliedig flwydd nesaf, roedd y Cyngor, fel rhan o gynllunio’r gyllideb, wedi cynnwys arian at raid o 5% yn y cynllun cyflawni.

Wrth ymateb i gwestiynau'r aelodau, bu i’r Aelod Arweiniol, y Cyfarwyddwr Corfforaethol: Cymunedau a’r Swyddog Comisiynu Atal Digartrefedd -

·         gadarnhau bod swyddogion, wrth lunio’r Cynllun Comisiynu a’r Cynllun Gweithredu, wedi cynnwys cynllun wrth gefn gyda thoriad o 5% yn y rhagdybiaethau cyllideb.  Ar gyfer y flwyddyn i ddod, roedd hyn wedi’i wneud ar sail arbedion effeithlonrwydd posibl ac ail-lunio'r gwasanaethau i ddarparu mwy o waith atal digartrefedd yn hytrach na gwaith ymyrryd.  Roedd hefyd yn cael ei gydnabod yn eang bod gwaith atal yn y pen draw yn costio llai na gwaith ymyrraeth rhagweithiol.

·         cadarnhau bod y Gwasanaeth yn gweithio’n agos iawn â Chanolfan Dewi Sant yn Y Rhyl, a oedd yn darparu lloches a chymorth i unigolion a theuluoedd digartref.  Roedd Swyddog Digartrefedd y Cyngor a’r Swyddog Ymgysylltu â Dinasyddion yn ymweld â’r Ganolfan yn rheolaidd.  Yn ychwanegol roedd yr awdurdod wedi comisiynu gwasanaethau yn y ganolfan.

·         cyfeirio at y newid o ran ffocws i wasanaeth ataliol mwy rhagweithiol e.e. wrth i Swyddog Atal Digartrefedd y Gwasanaeth Cyfiawnder Troseddol ymweld â charcharorion cyn iddynt gael eu rhyddhau o’r carchar er mwyn eu rhwystro rhag gadael y carchar yn ddigartref.

·         cynghori bod y Gwasanaeth ar hyn o bryd yn gweithio gydag oddeutu 500 o aelwydydd yn Sir Ddinbych mewn perthynas â materion tai a digartrefedd.

·         hysbysu bod amryw o resymau i egluro pam bod unigolion a theuluoedd mewn perygl o golli eu cartrefi, hynny yw, camddefnyddio sylweddau/ cyffuriau/ alcohol, diwygio'r gyfundrefn les, trafferthion ariannol / dyledion, effaith profiadau niweidiol yn ystod plentyndod.  Dyna’r rheswm dros aildrefnu’r tîm i’w alluogi i gynnig cymorth ataliol sy’n fwy arbenigol.

·         pwysleisio bod pob unigolyn a fu mewn cysylltiad â’r Gwasanaeth wedi bod yn unigolyn diamddiffyn.

·         dangos, drwy astudiaeth achos, effeithiolrwydd y Swyddog Atal Digartrefedd o fewn y Gwasanaeth Refeniw a Budd-daliadau (Civica) yn y Ganolfan Waith wrth helpu pobl i reoli eu dyledion a chynllunio eu harian er mwyn atal argyfwng.

·         cadarnhau y bu presenoldeb da yn y Diwrnod Atal Digartrefedd Blynyddol ac fe rannwyd llawer iawn o brofiadau personol yn ystod y digwyddiad.  Roedd yr adborth a gafwyd wedi’r digwyddiad yn gadarnhaol iawn.  Er hynny, byddai lle i wella bob amser.  O ganlyniad i’r digwyddiad hwn, roedd cysylltiadau cryfach yn cael eu creu rhwng partneriaid mewnol, gyda’r bwriad o gryfhau arferion gwaith i atal sefyllfaoedd rhag gwaethygu i argyfyngau.

·         hysbysu bod y broses dendro gystadleuol a gynhaliwyd ar gyfer darparu tai â chymorth wedi’i chynnal yn unol â Rheolau  ...  view the full Cofnodion text for item 7.

Ystyried adroddiad gan y Cydlynydd Craffu (copi ynghlwm) yn gofyn am adolygiad o raglen gwaith i’r dyfodol y pwyllgor a rhoi’r diweddaraf i’r aelodau ar faterion perthnasol.

12.10 p.m. – 12.25 p.m.

Cyflwynodd y Cydlynydd Craffu adroddiad (a gylchredwyd ymlaen llaw) sy’n gofyn i’r Aelodau adolygu Rhaglen Waith y Pwyllgor ac yn rhoi diweddariad ar faterion perthnasol. 

Yn ystod y drafodaeth -

·         ail-gadarnhawyd yr eitemau ar y rhaglen waith ar gyfer cyfarfod mis Rhagfyr ac fe gytunwyd i wahodd yr Aelodau Cabinet Arweiniol perthnasol i’r cyfarfod; cyflwynodd Cyfarwyddwr Corfforaethol Cymunedau ei hymddiheuriadau ar gyfer y cyfarfod hwnnw gan ddweud y byddai Cyfarwyddwr Corfforaethol Economi a’ Parth Cyhoeddus yn bresennol ar ei rhan.

·         nodwyd nad oedd y Grŵp Cadeiryddion ac Is-gadeiryddion Craffu wedi cyfeirio unrhyw faterion at y Pwyllgor yn ystod eu cyfarfod diwethaf.

·         cadarnhaodd y Cydlynydd Craffu bod y cynigion ar gyfer trefniadau cyd-graffu Bwrdd Gwasanaethau Cyhoeddus Conwy a Sir Ddinbych bellach wedi’u cymeradwyo gan y ddau Gyngor a byddai swyddogion yn datblygu’r trefniadau hyn; byddai’n rhaid cysylltu â’r Arweinwyr Grŵp i benodi wyth o gynrychiolwyr (nad ydynt yn Aelodau Cabinet) ar gyfer y Cydbwyllgor Craffu yn seiliedig ar gydbwysedd gwleidyddol.

·         nodwyd bod gwaith yn mynd rhagddo i grynhoi’r adroddiad gwybodaeth ar ofalwyr ifanc a geisiwyd gan  y Pwyllgor yn ystod ei gyfarfod ar 20 Medi 2018 a byddai’n cael ei ddosbarthu i aelodau maes o law.

·         cadarnhawyd y byddai adroddiadau y gofynnwyd amdanynt gan y Pwyllgor o dan eitemau rhaglen blaenorol yn cael eu hychwanegu at y rhaglen waith

·         anogodd y Cadeirydd yr aelodau i fynd i gyfarfod y Fforwm Rhiantu Corfforaethol a oedd wedi ei drefnu ar gyfer 2.00pm ddydd Mawrth, 11 Rhagfyr yn Ystafell Gynadledda 1b, Neuadd Y Sir, Rhuthun.

PENDERFYNWYD, yn amodol ar yr uchod, cymeradwyo’r rhaglen gwaith i’r dyfodol fel ag y mae yn Atodiad 1 i’r adroddiad.

Derbyn unrhyw ddiweddariadau gan gynrychiolwyr y Pwyllgor ar Fyrddau a Grwpiau amrywiol y Cyngor.

12.25 p.m.

Adroddodd y Cadeirydd ynghylch ei phresenoldeb diweddar yng nghyfarfod Her Gwasanaeth Cyfathrebu a Marchnata a dywedodd ei fod yn perfformio’n dda – anogodd yr aelodau i ddarllen nodiadau’r cyfarfod pan oeddent ar gael.

Dywedodd y Cynghorydd Melvyn Mile ei fod wedi bod yn yr Her Gwasanaeth Gwelliant Busnes a Moderneiddio ar 2 Hydref, cylchredwyd nodiadau’r cyfarfod yn flaenorol fel rhan o Friff Gwybodaeth y Pwyllgor.

PENDERFYNWYD y dylid derbyn a chofnodi’r adroddiadau ar lafar.

Daeth y cyfarfod i ben am 1.00pm.