Agenda and draft minutes

Yr Aelodau i ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Ni ddatganwyd unrhyw gysylltiad.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Ni chodwyd unrhyw fater brys.

Estynnodd y Cadeirydd ddymuniadau gorau’r Pwyllgor i’r Is-gadeirydd y Cynghorydd Emrys Wynne am adferiad llawn a buan ar ôl ei lawdriniaeth ddiweddar

Derbyn cofnodion y Pwyllgor Archwilio Perfformiad a gynhaliwyd ar 17 Rhagfyr, 2020 (copi ynghlwm).

10.05am – 10.10am

Cyflwynwyd cofnodion cyfarfod y Pwyllgor Craffu Partneriaethau a gynhaliwyd ar 17 Rhagfyr 2020.

Ni chafodd unrhyw fater ei godi mewn cysylltiad â chynnwys y cofnodion.

Penderfynwyd: - derbyn cofnodion y Pwyllgor Craffu Partneriaethau a gynhaliwyd ar 17 Rhagfyr 2020 a’u cymeradwyo fel cofnod cywir o’r cyfarfod.

I drafod ac ystyried adroddiad gan Bennaeth Priffyrdd, Cyfleusterau a Gwasanaethau Amgylcheddol ar bolisi’r Cyngor o ran cynnal a chadw ymylon ffyrdd/ perthi a gwasgaru plaladdwyr (copi ynghlwm).

10.10am – 11am

Rhoddodd y Cynghorydd Tony Thomas - Aelod Arweiniol Tai a Chymunedau a Phennaeth Priffyrdd, Cyfleusterau a Gwasanaethau Amgylcheddol gwybodaeth gefndir i’r aelodau am bolisi cynnal a chadw ymylon ffyrdd a pherthi a gwasgaru plaladdwyr yr adran Priffyrdd. Roedd y Pwyllgor wedi gofyn am yr adroddiad (a ddosbarthwyd yn flaenorol) yn dilyn adroddiad blaenorol a gafodd ei drafod.

Codwyd y pwyntiau canlynol yn ystod y drafodaeth –

Atebodd yr Aelod Arweiniol, Pennaeth Gwasanaethau Priffyrdd, Cyfleusterau ac Amgylcheddol a’r Rheolwr Uned Waith a Gwasanaethau Stryd gwestiynau’r aelodau mewn perthynas ag agweddau amrywiol o’r polisïau. Trafodwyd y pwyntiau canlynol mewn mwy o fanylder:

• Cafwyd cadarnhad bod ymchwil wedi’i gynnal i’r plaladdwyr gwahanol sy’n cael eu defnyddio yn y sir. Fe wynebwyd heriau dros y blynyddoedd blaenorol ynglŷn â defnyddio plaladdwyr. Pwysleisiwyd wrth yr aelodau am y gofyniad i reoli chwyn gan ddefnyddio’r dull sydd â’r effaith lleiaf ar fioamrywiaeth ac ecoleg. Roeddynt wedi edrych ar ddatrysiadau i ddefnyddio plaladdwyr ac roeddynt yn parhau i ymchwilio iddynt yn flynyddol. Cafodd yr aelodau wybod eu bod wedi gofyn am ganllawiau pellach gan Lywodraeth Cymru i sicrhau bod y gwaith y mae’r awdurdod wedi’i gwblhau yn unol â’r Polisi Cenedlaethol.
• Bu gweithio agos gyda’r grŵp cenedlaethol – Amenity Forum i edrych ar y ffyrdd gorau o ddelio â bioamrywiaeth tra’n rheoli twf chwyn yn effeithiol.
• Cadarnhawyd bod 21 safle peilot wedi cael eu nodi fel safleoedd bioamrywiaeth man agored arbrofol.  Dewiswyd y safleoedd yma yn seiliedig ar eu maeth cyfoethog ac oherwydd eu potensial ar gyfer bioamrywiaeth anifeiliaid.  Y gobaith yw ymestyn nifer y safleoedd yn y dyfodol. Mae’r safleoedd wedi cael eu dewis gan y Gwasanaeth Cefn Gwlad fel y rhai mwyaf addas i annog bioamrywiaeth. Fe gadarnhawyd i ddechrau bod 97 safle wedi cael eu dewis fel safleoedd posibl. Mae gwaith wedi dechrau ar 21 safle a bydd 2 safle pellach yn cael eu datblygu dros y tymor sydd i ddod. Mae’r safleoedd posibl wedi cael eu sefydlu ar draws y sir pa unai ydynt o fewn ardal ddynodedig Ardal o Harddwch Naturiol Eithriadol (AHNE) neu beidio.
• Roedd Gwasanaethau Stryd yn gweithio’n agos gyda’r Gwasanaeth Cefn Gwlad i ddewis safleoedd posibl ar gyfer bioamrywiaeth yn y dyfodol.  Mae Sir Ddinbych yn cael ei ystyried yn arweinydd cenedlaethol yn y maes yma o waith.
• Cadarnhawyd y byddai ymgynghoriad gydag aelodau lleol ynglŷn â safleoedd ychwanegol yn cael ei gynnal.
• Roedd y Cyngor wrthi’n prynu offer torri a chasglu gwair newydd i’r Gwasanaethau Stryd ei ddefnyddio ar y cyd â'r Gwasanaeth Cefn Gwlad.    Mae'r Gwasanaeth Cefn Gwlad wedi llwyddo i gael arian grant tuag at gost yr offer.
• Roedd aelodau eisiau diolch i swyddogion am ychwanegu biniau halen melyn yn ardal Llangollen, gan fod hyn yn lleihau’r halen rhag llithro o domenni o halen a’i effaith andwyol ar fioamrywiaeth ac ecoleg yr ardal.
• Roedd hi’n anodd mabwysiadau un dull cyffredin i bawb ar draws y sir. Cymerir gofal wrth ddefnyddio plaladdwyr yng nghefn gwlad. Cafodd yr aelodau wybod bod cost y plaladdwyr yn ddrud ac felly dim ond pan mae ei angen y mae’n cael ei ddefnyddio. Er mwyn lleihau difrod amgylcheddol posibl, dim ond y swm isafswm o blaladdwyr sydd ei angen i fod yn effeithiol sy’n cael ei ddefnyddio i gwblhau’r gwaith. Cafodd aelodau eu cyfeirio at ddatganiad dull sydd wedi’i gynnwys ym mhecyn yr adroddiad (a ddosbarthwyd yn flaenorol).
• Cadarnhawyd mai cyfrifoldeb y perchennog tir yn gyffredinol oedd cynnal a chadw canghennau a gwrychoedd sy’n hongian drosodd. Yr Awdurdod sy’n gyfrifol os ydynt yn hongian dros y briffordd. Mewn ardaloedd gwledig, roedd torri ymylon ffordd yn unol â’r polisi bioamrywiaeth  ...  view the full Cofnodion text for item 5.

Ystyried adroddiad gan y Cydlynydd Craffu  (copi wedi’i amgáu) yn gofyn am adolygiad o raglen gwaith i’r dyfodol y pwyllgor a rhoi’r diweddaraf i’r aelodau ar faterion perthnasol.

11.15am – 11.30am

Cyflwynodd y Cydlynydd Craffu adroddiad (a ddosbarthwyd ymlaen llaw) yn gofyn i’r Aelodau adolygu Rhaglen Waith y Pwyllgor ac yn rhoi’r wybodaeth ddiweddaraf ar faterion perthnasol. 

Canolbwyntiodd y drafodaeth ar y canlynol –

·         Cytunodd yr aelodau i ohirio'r eitem busnes ar Gynlluniau Cyfalaf y Bwrdd Iechyd ar gyfer gwasanaethau yn Sir Ddinbych tan fis Mai 2021.

·         Byddai Grŵp Cadeiryddion ac Is-gadeiryddion yn cyfarfod yn y dyfodol agos ac fe allent ychwanegu adroddiadau pellach i raglen gwaith i'r dyfodol i'r Pwyllgor eu hystyried. Rhoddwyd cadarnhad bod dau adroddiad oedd yn ymwneud â Chyngor Gwasanaethau Gwirfoddol Sir Ddinbych a Digartrefedd wedi cael eu cynnwys ar y RhGD gan y Grŵp Cadeiryddion ac Is-Gadeiryddion Craffu, i’r Pwyllgor yn nes ymlaen eleni.

·         Nid oedd adroddiad ar gyfer cyfarfod y pwyllgor ym mis Ebrill ar hyn o bryd, cytunodd yr aelodau i gadw'r cyfarfod yn y dyddiadur. Os nad oedd unrhyw beth wedi llenwi’r rhaglen waith erbyn hynny, yna gellir ei ganslo’n agosach at ddyddiad y cyfarfod. 

Atgoffodd y Cydlynydd Craffu aelodau am y ffurflen cynnig craffu (Atodiad 2 a ddosbarthwyd eisoes) a dywedodd y dylid anfon unrhyw gynigion yn uniongyrchol ati hi fel eu bod yn cael eu hystyried gan y Grŵp Cadeiryddion ac Is-gadeiryddion Craffu er mwyn eu cynnwys ar y rhaglen gwaith i’r dyfodol.

PENDERFYNWYD cymeradwyo’r rhaglen gwaith i’r dyfodol fel yr amlinellir yn Atodiad 1 i’r adroddiad.

Derbyn unrhyw ddiweddariadau gan gynrychiolwyr y Pwyllgor ar Fyrddau a Grwpiau amrywiol y Cyngor.

Dywedodd y Cynghorydd Christine Marston wrth yr aelodau ei bod wedi mynychu cyfarfod o Fwrdd Prosiect Canolfan Asesu Gofal Plant Is-ranbarthol.

Rhoddodd ddiweddariad byr i’r Pwyllgor. Clywodd yr aelodau bod y grŵp cydweithredol yn cynnwys cynrychiolwyr o Gyngor Sir Ddinbych, Cyngor Bwrdeistref Sirol Conwy a Bwrdd Iechyd Prifysgol Betsi Cadwaladr. Fe sefydlwyd y grŵp er mwyn goruchwylio trefniadau i ddatblygu uned arbenigol i asesu lleoliad plant. Fe eglurwyd mai Conwy fyddai’n arwain y prosiect gyda’r gobaith o greu’r uned yn Hen Golwyn. Yr enw arfaethedig ar y ganolfan oedd Bwthyn y Ddôl.  Byddai tîm amlddisgyblaethol yn cael ei leoli ar y safle i weithio gyda theuluoedd er mwyn atal pethau rhag gwaethygu a mynd mewn i ofal. Byddai angen gweithio gyda’r teulu cyfan, nid yr unigolyn yn unig.

Dywedodd y Cyfarwyddwr Corfforaethol Cymunedau ei bod hi’n ddyddiau cynnar ar y prosiect a byddai'n fuddiol petai’r Pwyllgor yn derbyn adroddiad am y prosiect yn y dyfodol.

Cytunodd y Cadeirydd y byddai’n ddiddorol gweld y prosiect yn datblygu a byddai’n croesawu adroddiad am y prosiect yn y dyfodol.

Diolchodd y Cadeirydd i swyddogion ac aelodau am gymryd rhan yn y cyfarfod.