Agenda and draft minutes

Yr Aelodau i ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Dim.

Enwebodd y Cynghorydd Emrys Wynne y Cynghorydd Ellie Chard i barhau fel Cadeirydd.  Cytunodd holl aelodau’r Pwyllgor oedd yn bresennol yn unfrydol.

PENDERFYNWYD fod y Cynghorydd Ellie Chard yn parhau fel Cadeirydd CYSAG.

Enwebodd y Cynghorydd Emrys Wynne Jennie Downes i fod yn Is-Gadeirydd.  Cytunodd holl aelodau’r Pwyllgor oedd yn bresennol yn unfrydol.

PENDERFYNWYD fod Jennie Downes yn Is-Gadeirydd CYSAG

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Dim.

Cael a chymeradwyo cofnodion cyfarfod CYSAG Sir Ddinbych a gynhaliwyd ar 24 Mehefin 2021.

Cyflwynwyd cofnodion cyfarfod y Cyngor Ymgynghorol Sefydlog ar Addysg Grefyddol (CYSAG) a gynhaliwyd ar 24 Mehefin 2021 (a ddosbarthwyd yn flaenorol).

Gofynnodd yr Ymgynghorydd AG os oedd gan Aelodau'r Pwyllgor unrhyw aelodau o'r gymuned o gredoau gwahanol a oedd yn dymuno cael eu cyflwyno mewn cyfarfod yn y dyfodol, ac i gadarnhau’r manylion gydag ef.

Eglurodd Dominic Oakes mewn cyfarfodydd yn y dyfodol, dylai ffydd gael ei nodi fel ffydd a chred.

PENDERFYNWYD y dylid derbyn a chymeradwyo cofnodion y cyfarfod CYSAG a gynhaliwyd ar 24 Mehefin 2021 fel cofnod cywir.

Cael cyflwyniad gan Libby Jones am y cymhwyster newydd a fydd yn cwrdd â disgwyliadau Maes Llafur Cytunedig yn CA4.

Ystyried y ffordd orau o hyrwyddo'r cymhwyster i Ysgolion Uwchradd lleol.

Rhoddodd Libby Jones gyflwyniad mewn perthynas â chymhwyster newydd a fyddai’n bodloni disgwyliadau maes llafur cytunedig yng nghyfnod allweddol 4. Roedd y cyflwyniad yn cael ei rannu i aelodau'r Pwyllgor yn dilyn y cyfarfod.

Roedd y cymhwyster ar gyfer pobl ifanc 14-16 oed nad oedd wedi dewis astudiaethau crefyddol ar lefel TGAU.  Roedd yn hygyrch i ddysgwyr o bob gallu.   Roedd y cymhwyster yn unol â’r maes llafur cytunedig presennol.

Byddai’r dull byd-olygon yn fwy cynhwysol i bob dysgwr.

Cadarnhawyd y byddai Lefel 1 o'r cymhwyster yn dda ar gyfer ysgolion arbennig a dysgwyr gydag anghenion ychwanegol.  Mae wedi cael ei ddatblygu gydag anghenion dysgu ychwanegol dan sylw.

Y nod oedd dysgu am Dduw ac i ddysgu am werthoedd a moeseg grefyddol.  Roedd hon yn ffordd mwy cynhwysol o weithio gyda dysgwyr.

Yn ystod y drafodaeth, cadarnhaodd aelodau'r Pwyllgor eu cymeradwyaeth a chefnogaeth i’r cymhwyster.   Diolchodd pawb oedd yn bresennol i Libby Jones am ei chyflwyniad.

PENDERFYNWYD fod Aelodau CYSAG wedi cadarnhau eu cymeradwyaeth a chefnogaeth i’r cymhwyster.

Cael cyflwyniad gan Kathy Riddick, Cydlynydd Dyneiddwyr Cymru, ar Ddyneiddiaeth yng Nghymru. 

Yn anffodus, nid oedd Kathy Riddick, Cydlynydd Dyneiddwyr Cymru ar Ddyneiddiaeth yng Nghymru, yn gallu mynychu yn sgil salwch.

Ystyried a chymeradwyo Adroddiad Blynyddol CYSAG 2020-21

Cyflwynodd yr Ymgynghorydd AG yr Adroddiad Blynyddol drafft ar gyfer CYSAG Sir Ddinbych 2021/2022 (wedi'i ddosbarthu eisoes) er cymeradwyaeth a oedd yn rhoi manylion am  weithgareddau CYSAG yn ystod y flwyddyn academaidd flaenorol yn cynnwys y cyngor a roddwyd i’r awdurdod addysg lleol a materion lleol a chenedlaethol eraill.

Atgoffodd yr Ymgynghorydd AG yr aelodau fod yr adroddiad blynyddol yn ddogfen hanesyddol a gofynnodd i’r aelodau ei chymeradwyo, yn amodol ar unrhyw gamgymeriadau i’w cywiro.  Rhoddodd grynodeb o’r adroddiad a thynnodd sylw penodol at y canlynol:

·         Cadarnhawyd mewn cofnodion yn y dyfodol, pan grybwyllir "ffydd” dylid nodi “ffydd a chred” a dylai “crefydd" fod yn “crefydd ac athroniaeth”

·         Mabwysiadodd CYSAG Sir Ddinbych y ‘Fframwaith Enghreifftiol Cenedlaethol ar gyfer cyflwyno addysg grefyddol i ddysgwyr 3 i 19 ' fel y Maes Llafur Lleol Cytunedig ar gyfer y sir yn 2008.  Y fframwaith hwn yw sail y Maes Llafur cytunedig yn Sir Ddinbych o hyd.

Bydd y Maes Llafur Cytunedig yn cael ei adolygu unwaith i’r canllawiau ar gyfer Crefydd, Gwerthoedd a Moeseg ei gyhoeddi.     

·         Prif swyddogaeth CYSAG yw ‘........cynghori’r awdurdod ar y cyfryw faterion sy’n gysylltiedig ag addoli crefyddol mewn ysgolion sirol a'r addysg grefyddol sydd i'w rhoi  yn unol â maes llafur cytunedig  y bydd yr awdurdod yn ei gyfeirio i'r cyngor neu fel y gwêl y cyngor yn dda'. 

Deddf Diwygio Addysg 1988 a.11 (1) (a).

·         Daeth Estyn ag arolygiadau safon i ben o Fedi 2020-21 i alluogi amser i ysgolion baratoi ar gyfer y cwricwlwm newydd yn dechrau ym Medi 2022. Hefyd yn sgil y pandemig, ni wnaeth Estyn gyflawni arolygiadau o fis Mawrth 2020. 

·         Cyfarfu aelodau CYSAG dair gwaith yn ystod y flwyddyn academaidd. 

Cynhaliwyd yr holl gyfarfodydd yn electronig yn sgil y pandemig.   

·         Cyhoeddodd Sir Ddinbych ei newyddlen CYSAG cyntaf ar y cyd â Chonwy, a oedd yn darparu ysgolion gyda newyddion mewn perthynas ag AG/CGM ac roedd yn hynod o bwysig wrth baratoi ar gyfer y cwricwlwm newydd. 

·         Roedd aelodau'r CYSAG a’r ALl yn cael eu cynrychioli yn nhri chyfarfod CCYSAGC, ac wedi derbyn rhai o'r cyflwyniadau yr oeddent wedi'u gwneud. 

Parhaodd CYSAG i dderbyn adroddiadau gan gynrychiolwyr a fynychodd gyfarfodydd y Gymdeithas.  Mae cofnodion a phapurau o CCYSAGC hefyd wedi cael eu cyflwyno mewn cyfarfodydd CYSAG.

Roedd yr aelodau yn hapus i dderbyn yr adroddiad fel cofnod cywir o waith CYSAG.

PENDERFYNWYD bod -

·         Bod Adroddiad Blynyddol CYSAG Sir Ddinbych 2020/2021 yn cael ei gymeradwyo fel cofnod cywir o waith CYSAG, ac

·         Y dylid gofyn i’r Awdurdod Lleol drefnu bod yr adroddiad yn cael ei gyfieithu i’r Gymraeg a’i ddosbarthu i holl ysgolion a cholegau Sir Ddinbych ac i dderbynyddion eraill fel sy’n ofynnol yn ôl y gyfraith ac fel y'u dynodir yn yr adroddiad.

Cael cofnodion y cyfarfod a gynhaliwyd ar-lein 16 Mehefin 2021.

Cyflwynodd yr Ymgynghorydd AG, Phil Lord gofnodion CCYSAGC o’r cyfarfod a gynhaliwyd ar 16 Mehefin 2021 (dosbarthwyd yn flaenorol).

PENDERFYNWYD bod aelodau CYSAG yn derbyn cofnodion cyfarfod CCYSAGC ar 16 Mehefin 2021

Gwanwyn ’22 - 1 Chwefror 2022

Haf ’22 - 23 Mehefin 2022

Hydref ’22 - 19 Hydref 2022

Dyddiad y cyfarfod nesaf fydd:

1 Chwefror 2022

23 Mehefin 2022

19 Hydref 2022

Daeth y cyfarfod i ben am 11.20am.