Agenda and minutes

Dechreuodd y cyfarfod gydag ychydig funudau o fyfyrdod tawel.

Yr Aelodau i ddatgan unrhyw fuddiannau personol neu fuddiannau sy’n rhagfarnu unrhyw fusnes i’w ystyried yn y cyfarfod hwn.

Ni wnaed unrhyw ddatganiad o fuddiannau personol neu fuddiannau a oedd yn rhagfarnu.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys dan Adran 100B(4) Deddf Llywodraeth Leol 1972.

Ni chodwyd unrhyw faterion brys.

Derbyn a chymeradwyo cofnodion cyfarfod CYSAG Sir Ddinbych a gynhaliwyd ar 24 Chwefror 2012 (copi’n amgaeëdig) ac ystyried unrhyw faterion sy’n codi.

Cyflwynwyd cofnodion cyfarfod y Cyngor Ymgynghorol Sefydlog ar Addysg Grefyddol (CYSAG) a gynhaliwyd ar 24ain Chwefror 2012 (a ddosbarthwyd ymlaen llaw).

Materion yn Codi -

Tudalen 6 – Eitem Rhif 8 – Cystadleuaeth Llythrennedd/Rhifedd mewn AG ar gyfer ysgolion.

Adroddodd yr Uwch Ymgynghorydd Addysgu AG bod cais i Ymddiriedolaeth Elusennol Archesgob Rice Jones am gyllid grant i efnogi’r gystadleuaeth wedi ei wrthod. Adroddodd yr Uwch Ymgynghorydd y Byddai Cyngor Sir Ddinbych yn ariannu’r gystadleuaeth.

Tudalen 7 – Cadarnhaodd Mrs Mairwenna Lloyd bod llythyrau o werthfawrogiad wedi eu derbyn gan aelodau hir eu gwasanaeth a oedd wedi ymddeol o CYSAG. Anfonwyd y llythyrau yn diolch i’r unigolion am eu hymroddiad a’u gwasanaeth gwerthfawr dros y blynyddoedd.

Tudalen 8 – Eitem Rhif 9 – Archwiliadau Newydd Estyn a’r Ffocws ar Werthuso Ysgolion.

Adroddodd yr Uwch Ymgynghorydd Addysg AG bod gwahoddiad eto i’w roddi i ysgol a oedd wedi bod yn destun archwiliad gan Estyn dan y fframwaith newydd i fynychu cyfarfod CYSAG yn y dyfodol. Byddai mynychu cyfarfod CYSAG yn galluogi i’r ysgol adrodd am y profiad a sut yr oedd Arolygwyr Estyn wedi ystyried AG.

Tudalen 9 – Eitem Rhif 10 – Enwebiad i Bwyllgor Gwaith Cymdeithas CYSAG Cymru.

Enwebwyd yr Uwch Ymgynghorydd Addysgu AG a’i dderbyn ar Bwyllgor Gwaith Cymdeithas CYSAG Cymru.

Esboniodd yr Uwch Ymgynghorydd bod 22 Awdurdod Lleol yng Nghymru a bod cynrychiolwyr o bob Awdurdod Lleol yn cyfarfod deirgwaith y flwyddyn yng nghyfarfod y CCYSAGC. Mae aelodau gweithredol CCYSAGC yn cyfarfod gyda chorff ehangach ledled y DU.

PENDERFYNWYD derbyn a chymeradwyo cofnodion cyfarfod CYSAG a gynhaliwyd ar 24ain Chwefror 2012 fel cofnod cywir.

Ystyried adroddiad gan yr Uwch Ymgynghorydd Addysgu AG (copi'n amgaeëdig) yn dadansoddi canlyniadau archwiliadau chwe ysgol a ymgymerwyd rhwng Tachwedd 2011 a Mawrth 2012.

Cyflwynodd yr Uwch Ymgynghorydd Addysgu AG Adroddiad Dadansoddi Archwiliad (a ddosbarthwyd ymlaen llaw).

Rhoddodd yr Ymgynghorydd grynodeb o’r adroddiad a gwnaeth sylw at y ffaith bod adroddiad Estyn yn cyfeirio at AG a dderbyniwyd yn ddiolchgar.

­Cyflwynodd Mairwenna Lloyd ei gwerthfawrogiad i’r Uwch Ymgynghorydd am dynnu’r wybodaeth o Adroddiad Estyn i’r Pwyllgor ei thrafod. Hefyd, argymhellodd bod llythyrau llongyfarch yn cael eu hanfon at y chwe ysgol am eu gwaith rhagorol.

Nododd Sylvia Harris y ffaith bod gan Ysgol Tir Morfa ddsgyblion gydag ananwsterau dysgu difrifol a dylid anfon llongyfarchiadau arbennig i Ysgol Tir Morfa yn dilyn y sylwadau yn yr Adroddiad.

PENDERFYNWYD –

(a)               Derbyn a chydnabod yr adroddiad;

(b)               Anfon llythyr i bob ysgol yn eu hysbysu bod eu Hadroddiad Archwilio wedi ei ystyried, yn eu llongyfarch ar y nodweddion da a nodwyd, ac yn eu hatgoffa o wasanaethau’r Uwch Ymgynghorydd Addysgu a’r Swyddogion Gwella Ysgolion mewn perthynas ag unrhyw feysydd lle gellid gwella neu faterion allweddol a oedd angen sylw;

(c)               Gofyn i’r AALl ddosbarthu’r llythyrau i’r ysgolion da sylw.

Derbyn adroddiad gan yr Uwch Ymgynghorydd Addysgu AG (copi’n amgaeëdig) ar ddarparu Addysg Grefyddol yng nghonsortiwm ysgolion Ysgol Uwchradd Dinbych.

Cyflwynodd yr Uwch Ymgynghorydd Addysgu AG yr adroddiad (a ddosbarthwyd ymlaen llaw).

Ymwelodd yr Uwch Ymgynghorydd â 2 Ysgol Uwchradd, ynghyd â’u Hysgolion Bwydo Cynradd, bob blwyddyn ar ran y Cyngor Sir i arsylwi gwersi. Roedd yr adroddiad a gyflwynwyd yn ymwneud ag Ysgol Uwchradd Dinbych ac Ysgolion Cynradd Bwydo.

Hysbysodd yr Uwch Ymgynghorydd y Pwyllgor bod Sesiwn Gyda’r Nos wedi ei gynnal a bod rhyw 55 o athrawon wedi mynychu, a oedd yn nifer dda iawn. Roedd cyflwyno data yn yr adroddiad yn galluogi i’r Uwch Ymgynghorydd fonitro cynnydd ac eistedd gydag athrawon ac awgrymu dulliau amgen o weithio os oedd angen.

Ar y pwnt hwn (2.45pm) gadawodd y Cynghorydd Arwyl Roberts y cyfarfod.

Rhoddodd yr Uwch Ymgynghorydd grynodeb o’r adroddiad.

Diolchodd Mairwenna Lloyd ar ran CYSAG i’r Uwch Ymgynghorydd Addysgu AG am y gwaith caled o drefnu’r sesiwn gyda’r nos.

Gofynnodd y Cynghorydd Margaret McCarroll am gael nodi ei bod yn hynod falch gyda gwaith CYSAG ac er iddi fod yn llywodraethwr ysgol am nifer o flynyddoedd, nid oedd yn ymwybodol o rôl CYSAG.

Hysbysodd Mairwenna Lloyd y Cynghorydd McCarroll nad oedd yr Uwch Ymgyngorydd, ers 2007/2008, ­bellach yn cael mynychu Ysgolion Pabyddol gan mai’r ethos Babyddol oedd bod ganddynt eu cynghorwyr eu hunain. 

Dywedodd y Cynghorwyr Bill Tasker a Margaret McCarroll y buasent yn adrodd yn ôl i’r Bwrdd Llywodraethwyr ac esbonio am CYSAG a’r gwaith rhagorol mae’n ei wneud.

Dymunodd Cate Harmsworth hysbysu’r cyfarfod pa mor galed y mae athrawon yn gweithio. Roedd gan athrawon ond 2.5 awr o amser rhydd yr wythnos i ddelio â chynlluniau gwersi ac ati. Roedd athrawon a fynychodd y sesiwn gyda’r nos wedi gwneud hynny yn eu hamser eu hunain ac yn ddi-dâl, a oedd yn dangos ymrwymiad ac ymroddiad rhagorol.

PENDERFYNWYD –

(a)               Derbyn a chydnabod yr adroddiad;

(b)               Cytuno bod llythyrau yn cael eu hanfon i’r ysgolion gyda chopi o’r adroddiad llawn, fel y’i cyflwynwyd i gyfarfod CYSAG;

(c)               Gofyn i’r AALl ddosbarthu’r llythyrau i’r ysgolion dan sylw.

(a)   Derbyn cofnodion cyfarfod diwethaf y Gymdeithas a gynhaliwyd ar 30 Mawrth 2012 yng Ngheredigion (copi’n amgaeëdig)

(b)   Ystyried yr ymateb gan Lywodraeth Cymru ar fater cynrychiolaeth gan Gymdeithas Ddyneiddwyr Prydain ar GYSAGau

7(a)     Cyflwynodd yr Uwch Ymgynghorydd Addysgu AG gofnodion cyfarfod diwethaf CCYSAGC (a ddosbarthwyd ymlaen llaw).

Cyfeiriodd yr Uwch Ymgynghorydd at dudalen 35, Eitem rhif 10 yn y cofnodion – Cyflwyniad Panel Ymgynghorol Cenedlaethol Addysg Grefyddol (PYCAG): Dysgu y tu allan i’r dosbarth. Aeth rhyw 150 o ddisgyblion trwy Eglwys Gadeiriol Bangor ar ddiwrnod y cyflwyniad. Ymgymerodd Canolfan y Santes Fair â phrosiect ymchwil, gan gyflwyno holiaduron cyn ac ar ôl y profiad. Y canlyniad oedd bod Addysg Grefyddol y plant wedi elwa o’r profiad.

Gofynnodd Mairwenna Lloyd i’r Uwch Ymgynghorydd a fyddai’n atgynhyrchu diwrnod cyflwyno tebyg y Nadolig nesaf yn Sir Ddinbych. Cadarnhaodd yr Uwch Ymgynghorydd y byddai’n cysylltu ag Eglwys Gadeiriol Llanelwy. Roedd Eglwys Gadeiriol Bangor wedi gofyn am ddiwrnod cyflwyno tebyg eto ar gyfer y Nadolig nesaf.

7(b)     Esboniodd yr Uwch Ymgynghorydd Addysgu AG bod CYSAG yn cynnwys aelodau lleol y Cyngor, yr Eglwys, athrawon a chyrff crefyddol eraill. Roedd Cymdeithas Dyneiddwyr Prydain (BHA) wedi anfon cais i un o’u haelodau gael bod yn gynrychiolydd corff crefyddol ar CYSAG. Ymateb cyfreithiol CCYSAGC oedd na allai cynrychiolydd y BHA fod yn aelod Rhan A ond gallai gael ei Gyfethol, ac felly ni allai bleidleisio. Ar hyn o bryd, dim ond nifer fechan o bobl sy’n aelodau’r BHA yn Sir Ddinbych. 

Cafwyd trafodaeth fer a chytunwyd gwahodd Aelod o’r BHA i gyfarfod CYSAG i gyflwyno’r rheswm pam y dylai fod yn Aelod a hefyd beth y byddai cynrychiolydd y BHA yn ei gyfrannu i CYSAG.

PENDERFYNWYD –

(a)               Derbyn cofnodion cyfarfod CCYSAGC a gynhaliwyd ar 30ain Mawrth 2012 a’u cymeradwyo fel cofnod cywir;

(b)               Bod yr Uwch Ymgynghorydd Addysgu AG yn cysylltu ag Eglwys Gadeiriol Llanelwy ynglŷn â diwrnod cyflwyno ar gyfer disgyblion y Nadolig nesaf

(c)               Bod yr Uwch Ymgynghorydd Addysgu AG yn gwahodd aelod o Gymdeithas Dyneiddwyr Prydain i roddi cyflwyniad i gyfarfod CYSAG yn esbonio pam y maent eisiau bod yn Aelod a’r hyn y byddant yn ei gyfrannu i CYSAG.

Derbyn adroddiad llafar gan yr Uwch Ymgynghorydd Addysg AG ar ddefnyddio gwefan Moodle i ysgolion gyrchu adnoddau AG.

Cyflwynodd yr Uwch Ymgynghorydd Addysgu AG adroddiad llafar i’r aelodau ar ddefnyddio Gwefan Moodle i ysgolion gyrchu adnoddau AG. Yn Sir y Fflint, roedd nifer o ddogfennau wedi eu hychwanegu i Moodle i ysgolion eu defnyddio. Roedd yr Uwch Ymgyngorydd wedi trefnu lle ar Moodle Sir Ddinbych a byddai’r holl adnoddau ar gael erbyn diwedd yr wythnos ganlynol. Roedd ysgolion y  medru defnyddio safle Moodle gyda chyfrineiriau ac yn medru mynd ar safle Moodle y Cyngor. Byddai’r Uwch Ymgynghorydd yn ymymryd â diweddariadau rheolaidd ar safle Moodle.

PENDERFYNWYD bod yr Uwch Ymgynghorydd Addysgu AG yn diweddaru gwefan Moodle gydag adnoddau AG perthnasol i ysgolion eu defnyddio.

Derbyn diweddariad llafar gan yr Uwch Ymgynghorydd Addysgu AG ar y gystadleuaeth i ysgolion gynhyrchu adnoddau a fydd yn cynnwys Llythrennedd a Rhifedd mewn Addysg Grefydol Cyfnod Allweddol 2 a/neu Gyfnod Allweddol 3.

Cyflwynodd yr Uwch Ymgynghorydd Addysgu AG adroddiad llafar yn hysbysu’r Aelodau o’r gystadleuaeth Llythrennedd/Rhifedd mewn AG ar gyfer ysgolion. Darllennodd  lythyr a dderbyniwyd gan Ymddiriedolaeth Archesgob Rice Jones yn gwrthod y cais am ariannu. Mae Cyngor Sir Ddinbych ers hynny wedi cynnig ariannu’r gystadleuaeth.

Esboniodd Sylvia Harris ei bod yn Ymddiriedolwr Ymddiriedolaeth Archesgob Rice Jones, a oedd yn elusen bychan iawn, a chyfyngiad uchaf eu cyllid oedd £250.  Yn anffodus, ni ellid rhoi hyn i’r gystadleuaeth, ond roedd yr Ymddiriedolaeth yn cefnogi’r gystadleuaeth yn gyfan-gwbl.

Hysbysodd yr Uwch Ymgynghorydd y Pwyllgor mai’r wobr oedd £200 i’r cynnig buddugol. Yn wreiddiol roedd y dyddiad cau cyn hanner tymor, ond dim ond un cais a dderbyniwyd, gan Ysgol Morgan yn Sir Ddinbych. Awgrymodd yr Uwch Ymgynghorydd ymestyn y dyddiad cau hyd at hanner tymor mis Hydref i annog mwy o geisiadau.

Cytunodd Mairwenna Lloyd gyda hyn ac awgrymu bod yr Uwch Ymgynghorydd yn cysylltu ag Ysgol  Morgan i esbonio bod y dyddiad wedi ei ymestyn, ac y gallent dynnu’r cais presennol yn ôl a gwneud cais newydd os hoffent; eu penderfyniad hwy fyddai hynny.Eiliodd y Cynghorydd Margaret McCarroll yr argymhelliad hwn.

Esboniodd yr Uwch Ymgymghorydd mai dwy gystadleuaeth oedd yna, un ar gyfer llythrennedd ac un ar gyfer rhifedd.

PENDERFYNWYD –

(a)               Bod yr Uwch Ymgynghorydd Addysgu AG yn hysbysu ysgolion mai dyddiad cau’r gystadleuaeth nawr oedd hanner tymor mis Hydref

(b)               Bod yr Uwch Ymynghorydd yn cysylltu ag Ysgol Morgan yn eu hysbysu bod y dyddiad cau wedi ei ymestyn ac yn gofyn a hoffent dynnu eu cais yn ôl a chyflwyno cais newydd, neu a oeddynt yn fodlon gyda’r cais presennol.

Cynhelir cyfarfod nesaf CYSAG Sir Ddinbych am 10.00a.m. ar ddydd Gwener 5 Hydref 2012 yn Siambr y Cyngor, Neuadd y Sir, Rhuthun.

Cyfarfod nesaf i’w gynnal ar ddydd Gwener 5ed Hydref 2012 am 10.00am

Lleoliad – Siambr y Cyngor, Neuadd y Sir, Rhuthun.

Wrth ddwyn y cyfarfod i ben, diolchodd y Cadeirydd i bawb am eu presenoldeb.

Daeth y cyfarfod i ben am 3.40pm