Agenda, decisions and draft minutes

Yn sgil y cyfyngiadau presennol ar deithio a’r gofyniad i gadw pellter cymdeithasol oherwydd pandemig y coronafeirws, cynhaliwyd y cyfarfod o bell trwy gyfrwng fideo gynadledda ac nid oedd ar agor i’r cyhoedd. Cafodd pob aelod gyfle i fynychu fel arsylwyr a chafodd y Gohebydd Democratiaeth Leol wahoddiad i arsylwi hefyd.

Dim.

Dylai’r Aelodau ddatgan unrhyw gysylltiad personol neu gysylltiad sy'n

rhagfarnu mewn unrhyw fater a nodwyd i'w ystyried yn y cyfarfod hwn.

Y Cynghorydd Paul Penlington – Cysylltiad Personol – Eitem Rhif 9 ar y Rhaglen

Datganodd Paul Penlington gysylltiad personol ag eitem 9 ar y Rhaglen gan fod cyfeiriadau at gwynion hanesyddol wedi’u cynnwys.

Hysbysiad o eitemau y dylid, ym marn y Cadeirydd, eu hystyried yn y cyfarfod

fel materion brys yn unol ag Adran 100B (4) Deddf Llywodraeth Leol, 1972.

Ni chodwyd unrhyw fater brys.

Nid oedd unrhyw fater brys.

Derbyn cofnodion cyfarfodydd y Pwyllgor Safonau a gynhaliwyd ar y 06 Mawrth 2020 (copi ynghlwm).

Roedd cytundeb ar yr argymhelliad trwy gonsensws.  Cynigiwyd ac eiliwyd cywirdeb y cofnodion. Ni chymerwyd unrhyw bleidlais ffurfiol.  Nododd holl aelodau’r Pwyllgor eu bod o blaid yr argymhelliad, ni nododd unrhyw un eu bod yn erbyn ac ni nododd unrhyw un eu bod yn dymuno ymatal. 

Penderfynwyd: - derbyn a chymeradwyo cofnodion y cyfarfod Pwyllgor Safonau a gynhaliwyd ar 06 Mawrth 2020 fel cofnod cywir.

Cyflwynwyd cofnodion cyfarfod y Pwyllgor Safonau a gynhaliwyd ar 06 Mawrth 2020.

Materion yn Codi -  

Tudalen 8 – Eitem 4 – Cofnodion o’r cyfarfod diwethaf – Amlygwyd nad oedd yr adroddiad ar ‘Gwersi a Ddysgwyd - Gwrandawiad Safonau Arbennig’ wedi’i gynnwys yn y rhaglen. Sicrhaodd y Swyddog Monitro yr aelodau y byddai’n gynwysedig yn y rhaglen gwaith i'r dyfodol yng nghyfarfod mis Rhagfyr.

Tudalen 10 – Eitem 7 – Mynychu cyfarfodydd – teimlai’r Aelodau y byddai’n fwy priodol hepgor ‘(os yn gyflym)' o'r cofnodion.

Tudalen 10 – Eitem 7 – Presenoldeb mewn cyfarfodydd – nodwyd mai gwariant ar gadw cyfrifon a oedd wedi achosi problem ac nid yr ymarfer safonol fel y cofnodwyd yn y cofnodion.

PENDERFYNWYD, y dylid derbyn a chadarnhau cofnodion y cyfarfod a gynhaliwyd ar 06 Mawrth 2020 fel cofnodion cywir.

Ystyried adroddiad gan y Swyddog Monitro (copi ynghlwm) yn hysbysu’r

aelodau am gyhoeddiad diweddaraf Llyfr Achosion Cod Ymddygiad yr

Ombwdsmon.

Roedd cytundeb ar yr argymhelliad trwy gonsensws. Ni chymerwyd unrhyw bleidlais ffurfiol.  Nododd holl aelodau’r Pwyllgor eu bod o blaid yr argymhelliad, ni nododd unrhyw un eu bod yn erbyn ac ni nododd unrhyw un eu bod yn dymuno ymatal. 

Penderfynwyd: - yn amodol ar y sylwadau uchod -

      i.        Bod aelodau’r Pwyllgor yn nodi’r wybodaeth sydd yn Llyfr Achosion y Cod Ymddygiad.

Cyflwynodd y Swyddog Monitro (SM) adroddiad am Lyfr Achosion Cod Ymddygiad - Ombwdsmon Gwasanaethau Cyhoeddus Cymru (a ddosbarthwyd yn flaenorol). Hysbysodd y SM y Pwyllgor mai bwriad y Llyfr Achosion oedd cynorthwyo aelodau ac eraill i ystyried a oedd yr amgylchiadau yr oeddent yn eu hwynebu yn arwain at dorri’r Cod. Roedd hefyd yn darparu gwybodaeth am y ffordd yr oedd yr Ombwdsmon a phwyllgorau safonau eraill yng Nghymru yn ymdrin ag achosion.

Amlygodd y SM achosion yn y Llyfr Achosion yn ymwneud â:

• Rhif yr Achos: 201805269 - Dyletswydd i gynnal y gyfraith - Cyngor Bwrdeistref Sirol Merthyr Tudful – Ni chymerwyd unrhyw gamau
• Rhif yr Achos: 201807334 – Datgelu a chofrestru buddiannau - Cyngor Bwrdeistref Sirol Merthyr Tudful – Ni chymerwyd camau

Oherwydd pandemig Covid-19, esboniodd y SM bod posibilrwydd y gwelir cynnydd mewn achosion yn ddiweddarach yn y flwyddyn. Nododd y Cadeirydd ei bryder na ymchwiliwyd i’r achos cyntaf.  Pwysleisiwyd nad oedd y cefndir na’r manylion wedi’u darparu. Gan hynny roedd yn anodd deall y rhesymeg y tu ôl i pam na chafodd ei ymchwilio.

Cynghorir Aelodau a Chynghorwyr Sir Ddinbych i sefydlu debyd uniongyrchol ar gyfer Treth Y Cyngor er mwyn cynnal taliadau.

Diolchodd y Cadeirydd i’r Swyddog Monitro am ddarparu manylion y ddau achos.

PENDERFYNWYD - bod y Pwyllgor yn nodi’r wybodaeth sydd yn Llyfr Achos

y Cod Ymddygiad.

Nodi presenoldeb aelodau'r Pwyllgor Safonau yng nghyfarfodydd y Fforwm

Pwyllgorau Safonau Gogledd Cymru a Chynghorau Sir, Tref a Chymuned a

derbyn eu hadroddiadau.

Bu i’r aelodau drafod yr anhawster o ran mynychu cyfarfodydd cyhoeddus oherwydd cyfyngiadau yn ymwneud â phandemig Covid- 19.

Penderfynwyd:

      i.        Os yw aelodau yn dymuno mynychu cyfarfod Dinas/Tref/Cymuned, i hysbysu’r Swyddog Monitro i gynorthwyo i wneud y trefniadau angenrheidiol.

Nodwyd ers y cyfarfod diwethaf, oherwydd y cyfyngiadau, nad oedd aelodau wedi gallu mynychu unrhyw gyfarfodydd.

Cadarnhaodd y Swyddog Monitro (SM) bod Llywodraeth Cymru wedi adolygu’r rheoliadau yn ymwneud â chyfarfodydd o bell. Byddai’r awdurdod yn annog Cynghorau Dinas, Tref a Chymuned i gynnal cyfarfodydd o bell wrth fynd ymlaen. Dywedodd SM bod yr awdurdod wedi profi dulliau o gynnal trefniadau gweithio o bell ar lwyfannau amgen. Roedd nodyn briffio wedi cael ei ddosbarthu i glercod i gynnig arweiniad. Roedd canllawiau wedi’u darparu hefyd gan Un Llais Cymru.

Datganodd y SM y dylai aelodau sy’n dymuno mynychu unrhyw gyfarfodydd ei hysbysu ef. Byddai’n ymgynghori â’r clerc perthnasol wedyn i wneud trefniadau i fynychu yn bersonol neu o bell. Roedd aelodau’n falch o glywed y byddai’n bosibl mynychu cyfarfodydd o bell. Amlygwyd y byddai cynnal cyfarfodydd o bell o bosibl yn annog mwy o ddiddordeb gan y cyhoedd mewn cyfarfodydd cynghorau Dinas, Tref a Chymuned.

Diolchodd y Cadeirydd i’r SM am ei gefnogaeth i Gynghorau Dinas, Tref a Chymuned ac anogodd aelodau i gysylltu â’r SM yn uniongyrchol am gefnogaeth wrth fynychu cyfarfodydd.

PENDERFYNWYD - nodi’r pwyntiau y soniwyd amdanynt uchod.

Ystyried Rhaglen Gwaith i’r Dyfodol y Pwyllgor Safonau (copi ynghlwm).

Roedd cytundeb ar yr argymhelliad trwy gonsensws. Ni chymerwyd unrhyw bleidlais ffurfiol.  

Penderfynwyd: - yn amodol ar yr argymhellion a wnaed yn ystod trafodaethau ynghylch eitemau yn gynharach ar y rhaglen, i gymeradwyo rhaglen gwaith i'r dyfodol y Pwyllgor.

Cyflwynodd y Swyddog Monitro (SM), Rhaglen Gwaith i'r Dyfodol y Pwyllgor Safonau (a ddosbarthwyd yn flaenorol).

Cadarnhawyd bod Gwersi a Ddysgwyd Gwradnawiad Safonau Arbennig wedi’i gynnwys ar y Rhaglen Gwaith i’r Dyfodol yng nghyfarfod mis Rhagfyr 2020.

Nodwyd nad oedd amserlen cyfarfodydd 2021 wedi cael ei chymeradwyo gan y Cyngor Llawn eto felly nid oedd ar yr adroddiad Rhaglen Gwaith i'r Dyfodol. Cadarnhawyd y byddai’r dyddiadau cymeradwy yn cael eu cynnwys yn rhaglen y cyfarfod nesaf.

PENDERFYNWYD - yn amodol ar yr uchod, i gymeradwyo Rhaglen Gwaith i'r Dyfodol y Pwyllgor Safonau.

Trefnwyd cyfarfod nesaf y Pwyllgor Safonau am 10.00 a.m. ar y 4 Rhagfyr 2020

Nodwyd dyddiad nesaf y Pwyllgor Safonau.

Trefnwyd cyfarfodydd nesaf y Pwyllgor Safonau ddydd Gwener 04 Rhagfyr 2020.  Cadarnhawyd y byddai’r cyfarfod hwn o bosibl yn cael ei gynnal o bell.

PENDERFYNWYD dan ddarpariaethau Adran 100A Deddf Llywodraeth Leol 1972, gwahardd y Wasg a’r Cyhoedd o’r cyfarfod ar gyfer yr eitemau canlynol ar y sail y byddai gwybodaeth eithriedig yn debygol o gael ei datgelu fel y’i diffinnir ym Mharagraffau 12 ac 13 Rhan 4 Atodlen 12A y Ddeddf.

Ystyried adroddiad cyfrinachol gan y Swyddog Monitro (copi ynghlwm) sy’n

rhoi trosolwg o gwynion yn erbyn aelodau a gyflwynwyd gydag Ombwdsmon

Gwasanaethau Cyhoeddus Cymru.

Roedd cytundeb ar yr argymhelliad trwy gonsensws. Ni chymerwyd unrhyw bleidlais ffurfiol.  Nododd holl aelodau’r Pwyllgor eu bod o blaid yr argymhelliad, ni nododd unrhyw un eu bod yn erbyn ac ni nododd unrhyw un eu bod yn dymuno ymatal. 

Penderfynwyd: y byddai’r aelodau yn nodi cynnwys yr adroddiad.

Cyflwynodd y Swyddog Monitro (SM) yr adroddiad cyfrinachol (a ddosbarthwyd ymlaen llaw) i roi trosolwg i'r Aelodau o’r cwynion a gyflwynwyd i Ombwdsmon Gwasanaethau Cyhoeddus Cymru ers 1 Ionawr 2018.

Siaradodd y SM am gwynion a gyflwynwyd yn ymwneud â chynghorau yn Sir Ddinbych, gan roi manylion amlinellol natur y cwynion a wnaed a'r camau a gymerwyd gan Ombwdsmon Gwasanaethau Cyhoeddus Cymru.

Cadarnhawyd bod yr Ombwdsmon wedi parhau i ddefnyddio’r un weithdrefn i ganfod a oedd angen ymchwilio i gŵyn. Roedd datrysiad lleol yn cael ei annog o hyd.

PENDERFYNWYD bod y Pwyllgor Safonau yn nodi cynnwys yr adroddiad.  

Daeth y cyfarfod i ben am 11.15 a.m.