Rhaglen

Yr Aelodau i ddatgan unrhyw fuddiannau personol neu fuddiannau sy’n rhagfarnu unrhyw fusnes i’w ystyried yn y cyfarfod hwn.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys dan Adran 100B(4) Deddf Llywodraeth Leol, 1972.

Derbyn cofnodion cyfarfod y Pwyllgor Safonau a gynhaliwyd ar 6ed Mawrth 2012 (copi’n amgaeëdig).

Cydnabod presenoldeb aelodau'r Pwyllgor Safonau yng nghyfarfodydd Cynghorau Sir, Tref a Chymuned, a derbyn eu hadroddiadau.

Derbyn adroddiad llafar ar ddatblygiadau diweddar a drafodwyd yng nghyfarfod diwethaf Pwyllgor Safonau Gogledd Cymru.

Ystyried adroddiad (copi’n amgaeëdig) yn hysbysu’r Pwyllgor o argymhellion Panel Annibynnol Cymru ar Gydnabyddiaeth Ariannol, a sut y byddant yn effeithio Aelodau Annibynnol y Pwyllgor Safonau.

Derbyn adroddiad (copi’n amgaeëdig) yn esbonio’r ystyriaethau sy’n berthnasol wrth benderfynu a ddylid rhoi goddefeb i aelodau Cyngor Dinas Llanelwy.

Derbyn adroddiad llafar ar y trefniadau ar gyfer penodi Cadeirydd ac Is-gadeirydd y Pwyllgor Safonau.

Ystyried adroddiad cyfrinachol (copi’n amgaeëdig) sy’n rhoi trosolwg i’r Pwyllgor ar ddarganfyddiadau Adroddiad Blynyddol Ombwdsmon Gwasanaethau Cyhoeddus Cymru ar gyfer 2011/12 o’r enw ‘Gwella Mynediad: Cyflawni Gwelliant’.

Argymhellir yn unol ag Adran 100A(4) Deddf Llywodraeth Leol 1972, y dylid gwahardd y Wasg a’r Cyhoedd o’r cyfarfod wrth ystyried yr eitem canlynol oherwydd ei bod yn debygol y byddai gwybodaeth eithriedig (fel y diffinnir ym mharagraff 12 ac 13 o Ran 4 o Atodlen 12A i’r Ddeddf) yn cael ei datgelu.

Derbyn adroddiad cyfrinachol (copi’n amgaeëdig) sy’n rhoi trosolwg o’r cwynion a gyflwynwyd i Ombwdsmon Gwasanaethau Cyhoeddus Cymru yn ymwneud â’r awdurdod.