Agenda and draft minutes
Lleoliad: Neuadd y Dref, Dinbych
Cyswllt: Committee Administrator 01824 706715 E-bost: democratic@denbighshire.gov.uk
Nodyn: Oherwydd gwaith angenrheidiol ar y system gweddarlledu ni ddarlledir y cyfarfod hwn.
Rhif | Eitem |
---|---|
PWYNT O WYBODAETH Eglurodd y Cadeirydd nad oedd modd cynnal y
cyfarfod yn Siambr y Cyngor, Rhuthun fel arfer gan fod gwaith yn cael ei wneud
a oedd hefyd yn golygu na allai'r cyfarfod gael ei we-ddarlledu ac na ellid
defnyddio'r offer pleidleisio electronig. Byddai’r
cofnodion yn darparu cofnod ffurfiol o’r cyfarfod a byddai’r bleidlais yn cael
ei chynnal drwy godi dwylo. |
|
Dogfennau ychwanegol: Cofnodion: Y Cynghorwyr Peter Evans, Hugh Irving a Bill
Tasker Byddai’r Cynghorwyr Rhys Hughes a Dewi Owens yn
cyrraedd y cyfarfod yn hwyr. |
|
Dylai’r Aelodau
ddatgan unrhyw gysylltiad personol neu gysylltiad sy'n rhagfarnu ag unrhyw
fater a nodwyd yn un i'w ystyried yn y cyfarfod hwn. Cofnodion: Y Cynghorydd Joe Welch – Cysylltiad Personol –
Eitem rhif 5 ar y Rhaglen Y Cynghorydd Arwel Roberts – Cysylltiad Personol –
Eitemau 5 ac 11 ar y Rhaglen. Y Cynghorydd Ann Davies – Cysylltiad Personol –
Eitem rhif 11 ar y Rhaglen |
|
MATERION BRYS FEL Y'U CYTUNWYD GAN Y CADEIRYDD Rhybudd o eitemau
y dylid, ym marn y Cadeirydd, eu hystyried yn y cyfarfod fel materion brys yn
unol ag Adran 100B (4) Deddf Llywodraeth Leol, 1972. Cofnodion: Ni chafwyd unrhyw faterion brys. |
|
Cadarnhau
cywirdeb cofnodion cyfarfod y Pwyllgor Cynllunio a gynhaliwyd ar 8 Chwefror
2017 (copi ynghlwm). Cofnodion: Cyflwynwyd cofnodion cyfarfod
y Pwyllgor Cynllunio a gynhaliwyd ar 8 Chwefror 2017. PENDERFYNWYD y dylid derbyn a chymeradwyo cofnodion y
cyfarfod a gynhaliwyd ar 8 Chwefror, 2017 fel cofnod cywir. |
|
CEISIADAU AM GANIATÂD I DDATBLYGU (EITEMAU 5 - 11) Cyflwynwyd ceisiadau lle’r oedd angen penderfyniad
y pwyllgor ynghyd â'r dogfennau cysylltiedig. Cyfeiriwyd
hefyd at wybodaeth ategol a dderbyniwyd yn hwyr ers cyhoeddi'r rhaglen a oedd
yn ymwneud â cheisiadau penodol. Er mwyn caniatáu ceisiadau’r cyhoedd i
gyflwyno sylwadau cytunwyd y dylid amrywio trefn rhaglen y ceisiadau fel y bo’n
briodol. |
|
Ystyried cais i
godi 75 o dai, ynghyd â ffyrdd cysylltiedig, mannau agored a gwaith
cysylltiedig ar dir yng Nghae Topyn, oddi ar Hen Ffordd Rhuthun, Ffordd
Eglwyswen, Dinbych (copi ynghlwm) Dogfennau ychwanegol: Cofnodion: [Datganodd y Cynghorydd Welch
gysylltiad personol gan fod Perchennog y cae y mae’r cais yn ymwneud ag o yn
ffrind iddo. Datganodd y Cynghorydd Arwel Roberts gysylltiad personol yn yr eitem hon
gan ei fod yn ymwneud â Chapel yr oedd yn pregethu’n aml ynddo. Roedd cais wedi ei gyflwyno i
godi 75 o dai, ynghyd â ffyrdd cysylltiedig, mannau agored a gwaith
cysylltiedig ar dir yng Nghae Topyn, oddi ar Hen Ffordd Rhuthun, Ffordd
Eglwyswen, Dinbych. Siaradwyr Cyhoeddus- Dr. H. Watkin (Yn erbyn) – cyfeiriodd at ddogfennau
roedd wedi eu hanfon at aelodau ar y diwrnod blaenorol ynglŷn â’i
wrthwynebiad i’r datblygiad ac amlygodd feysydd pryder penodol yn ymwneud â mynediad
i gerddwyr, mannau agored, priffyrdd a pharcio, llifogydd, ac effeithiau ar y
Gymraeg a bioamrywiaeth. Mr. M. Gilbert (O blaid) – pwysleisiodd fod y safle
wedi ei ddyrannu ar gyfer datblygiad preswyl yn y CDLl ac felly roedd yn dadlau
bod gwrthwynebiadau i’r lleoliad a’r pellter at gyfleusterau yn bwyntiau
amherthnasol. Adroddodd ar y gofynion a gyflwynwyd drwy’r gweithdrefnau ymgeisio ac
ymatebodd i faterion a godwyd ynghylch y traffig a gynhyrchwyd a pharcio,
llifogydd, bioamrywiaeth ac addysg. Trafodaeth Gyffredinol - Cyflwynodd y Rheolwr Datblygu eitem yn nodi fod y safle'n rhan o
ddyraniad tir mwy ar gyfer tai yn y CDLl. Tynnodd sylw at y diffyg mawr yn nifer y tai a gwblhawyd dros gyfnod y
CDLl, gan nodi y byddai’r datblygiad yn darparu 75 o dai ac ystod o anheddau
(gydag ychydig mwy na’r isafswm o 10% o dai fforddiadwy), gofod agored a
thaliad swm gohiriedig o £31,993. Er mwyn arwain datblygwyr posibl, roedd Briff
Datblygu Safle (BDS) wedi cael ei fabwysiadu, ac er nad oedd yn bolisi, roedd y
BDS hwn yn cynnig arweiniad ac roedd yn ystyriaeth gynllunio o bwys yn yr achos
hwn. Roedd y prif ystyriaethau cynllunio wedi eu hamlinellu yn yr adroddiad ac
roedd y BDS wedi cael ei ystyried hefyd mewn perthynas â chynigion fel rhan o’r
broses honno. Nid oedd unrhyw wrthwynebiadau wedi eu codi gan arbenigwyr a ymgynghorwyd a
nhw a darparwyd dogfennau priodol mewn perthynas â’r asesiadau a’r
strategaethau perthnasol oedd eu hangen. Yn olaf, atgoffwyd aelodau fod yr ystyriaethau
cynllunio o bwys yn ymwneud ag effaith y cynnig yn hytrach nag egwyddor y
datblygiad. Tynnodd y Cynghorydd Mark Young (Aelod Lleol) sylw at y swm sylweddol o waith a wnaed i ddatblygu’r BDS ar gyfer Safleoedd Brookhouse a oedd yn sail ar gyfer penderfynu ar geisiadau cynllunio ar y safle, ac roedd yn credu fod sawl agwedd i’r datblygiad arfaethedig nad oedd yn cydymffurfio â'r gofynion hynny. Rhannwyd y farn hon gan ei gyd-Gynghorwyr o Ddinbych, Colin Hughes a Gwyneth Kensler a roddodd ychydig o hanes y safle o fewn cyd-destun presennol y cais cynllunio a dyraniad y safleoedd gan yr Arolygiaeth Gynllunio. Roedd trigolion Dinbych wedi gwrthwynebu’r dyraniad safle yn y CDLl ac nid oedd y cynigion datblygu presennol yn cynrychioli eu lles gorau. Siaradodd y Cynghorydd David Smith hefyd o blaid y defnydd penodol o BDS wrth ystyried ceisiadau cynllunio ac roedd yn siomedig nad oedd mwy o bwyslais wedi’i roi ar y BDS ar yr achlysur hwn. Y consensws cyffredinol oedd, o ystyried fod y BDS wedi cael ei deilwra'n benodol ar gyfer Safleoedd Brookhouse, ac er gwaethaf sicrwydd y byddem yn cydymffurfio’n bendant â’r BDS, nid oedd wedi digwydd yn yr achos hwn. Codwyd cwestiynau hefyd ar y pwynt hwn ynghylch yr asesiad cludiant a mesurau i fynd i’r afael â phryderon ynghylch llifogydd ynghyd â phroblemau draenio. Mynegwyd pryderon hefyd ynghylch cadernid y gofynion cyfreithiol a gynigiwyd o ystyried bod ... view the full Cofnodion text for item 5. |
|
Ystyried cais i ddymchwel yr adeiladau presennol ac ailddatblygu’r tir trwy
adeiladu 70 o randai gofal ychwanegol, uned fyw gymunedol, adeiladu mynedfeydd
newydd i gerbydau a cherddwyr, newid mynedfa bresennol i gerbydau a gwaith
tirlunio adeiladol ac addurnol yn Safle Hen Ganolfan Technoleg ac Addysg
Alwedigaethol, Lôn Ganol, Dinbych (copi ynghlwm). Dogfennau ychwanegol: Cofnodion: Cyflwynwyd cais i ddymchwel
yr adeiladau presennol ac ailddatblygu’r tir trwy adeiladu 70 o fflatiau gofal
ychwanegol, uned byw cymunedol, adeiladu mynedfeydd newydd i gerbydau a
cherddwyr, newid mynedfa bresennol i gerbydau a gwaith tirlunio caled a meddal
yn Safle Hen Ganolfan Dechnoleg ac Addysg Alwedigaethol, Lôn Ganol, Dinbych. Siaradwr Cyhoeddus- Mr R. Dafis (Ymgeisydd/
Grŵp Cynefin) (O blaid) –
amlygwyd fod gwaith agos rhwng Grŵp Cynefin a’r Cyngor i ddatblygu’r
cynnig i ddarparu tai sydd eu hangen yn fawr er budd pobl hŷn yn yr ardal
mewn lleoliad amlwg yn agos at y dref. Hefyd adroddodd ar y gwaith i liniaru llif traffig
gyda Chynllun Traffig manwl yn ei lei ar gyfer y cyfnod adeiladu. Trafodaeth Gyffredinol – Cefnogodd y Cynghorydd Gwyneth Kensler (Aelod Lleol) y cais a fyddai’n
cynnig cyfleuster pwrpasol oedd ei ddirfawr angen i drigolion lleol drwy
drawsnewid safle oedd wedi bod yn segur ers cyfnod hir. Cydnabu bryderon ynghylch materion
priffyrdd y byddai hi’n trafod ymhellach gyda’r Swyddog Priffyrdd ond anogodd
aelodau i ganiatáu’r cais. Croesawodd y Cynghorydd Barry Mellor y datblygiad a rhoddodd ganmoliaeth i
Grŵp Cynefin am y gwaith roeddent wedi ei wneud gyda chynlluniau tebyg. Roedd y Cynghorydd Meirick Davies yn
awyddus i gynnal rhai o gerrig hen adeilad yr ysgol yn yr adeilad newydd a
dywedodd swyddogion y gellid cynnwys y defnydd o ddeunyddiau yn yr amodau
cynllunio. Cynnig – Cynigodd y
Cynghorydd Barry Mellor argymhelliad y swyddogion i gymeradwyo’r cais, ac
eiliwyd hynny gan y Cynghorydd Arwel Roberts. PLEIDLAIS: CYMERADWYO - 25 GWRTHOD - 0 YMATAL - 0 PENDERFYNWYD y
dylid CYMERADWYO’R cais yn unol ag
argymhellion y swyddogion a nodwyd yn yr adroddiad. |
|
CAIS RHIF 20/2016/0164/PO - TIR AR FFERM TŶ COCH, GRAIGFECHAN, RHUTHUN PDF 37 KB Ystyried cais i
ddatblygu 0.01 hectar o dir trwy godi 2 annedd fforddiadwy at anghenion lleol
(cais amlinellol - pob mater wedi’u cadw’n ôl) ar dir ar Fferm Tŷ Coch,
Graigfechan, Rhuthun (copi ynghlwm). Dogfennau ychwanegol: Cofnodion: Cyflwynwyd cais i ddatblygu
0.1 hectar o dir trwy godi 2 annedd fforddiadwy at anghenion lleol (cais
amlinellol - pob mater wedi’u cadw’n ôl) ar dir ar Fferm Tŷ Coch,
Graigfechan, Rhuthun. Siaradwr Cyhoeddus- Mr. H. Evans (O blaid) – dadleuodd y byddai’r
datblygiad yn helpu diwallu’r angen tai fforddiadwy yn yr ardal ond gwnaeth y
profion caeth a weithredir hi’n eithriadol o anodd i'w darparu. Roedd y safle mewn lleoliad cyfforddus yn
yr ardal a byddai’n cael ei ystyried yn rhan o'r datblygiad presennol. Mewn gwirionedd byddai’n dod yn rhan o
derfyn yr annedd. Trafodaeth Gyffredinol – Eglurodd y Cynghorydd Hugh Evans (Aelod
Lleol) mai'r aelod lleol y cyfeiriwyd ato yn yr adroddiad oedd y cynghorydd
cymunedol lleol. Cefnogodd y Cynghorydd Evans y cais gan nodi fod y tai wedi eu bwriadu ar
gyfer y bedwaredd cenhedlaeth o deulu lleol, a oedd yn cael eu parchu yn y
cymuned, a dyma oedd eu unig opsiwn i fyw yn yr ardal y cawsant eu magu. Nododd fod y cais yn yr un ysbryd â
dyheadau eraill y cyngor gan gynnwys cynaladwyedd y Gymraeg, cymunedau mwy
bywiog a gwledig, darparu cyfleoedd i bobl ifanc fyw yn Sir Ddinbych, darparu
tai fforddiadwy, a gwydnwch a chynaliadwyedd mewn cymunedau. Nid oedd unrhyw wrthwynebiadau wedi’u cael
i’r cais. Rhoddodd Aelodau ystyriaeth i
rinweddau’r cais ac roeddent yn awyddus i gefnogi teuluoedd lleol mewn achosion
o’r fath lle'r oeddent yn dymuno byw yn eu cymunedau ond fod diffyg tai
fforddiadwy. Nodwyd bwriad y teulu i roi'r tir fel rhodd ar gyfer y datblygiad ac roedd
cefnogaeth gan y teulu i sicrhau bod y tai'n fforddiadwy i aelodau eraill y
teulu. Nodwyd hefyd fod y teulu wedi derbyn fod yn rhaid i dai fforddiadwy angen
lleol fod ar gael am byth a byddai unrhyw ganiatâd yn amodol ar gytundeb A.106
i sicrhau bod yr anheddau yn parhau’n fforddiadwy tra bod yr angen yn bodoli. Rhoddodd Aelodau ystyriaeth hefyd i
agosrwydd yr anheddau arfaethedig at derfyn y pentref. Ail-bwysleisiodd swyddogion y rhesymeg
dros yr argymhelliad i wrthod o ystyried bod y safle y tu allan i unrhyw derfyn
pentref ac nad oeddent yn rhan o’r bentrefan a gydnabuwyd yn y CDLl; ac nid
oedd profion polisi allweddol ar gyfer datblygu tai fforddiadwy wedi eu
cyflawni. Gofynnodd y Cynghorydd Rhys Hughes i’r polisi ar dai fforddiadwy gael ei
ystyried fel rhan o’r adolygiad oedd i ddod ar y CDLl er mwyn ei gwneud yn haws
i bobl leol adeiladu cartref fforddiadwy yn eu cymunedau. Cynnig – Cynigiodd y
Cynghorydd Stuart Davies, ac eiliodd y Cynghorydd Huw Hilditch-Roberts, y dylid
cymeradwyo’r cais, yn amodol ar gytundeb A.106 a chytuno ar amodau cynllunio
gyda’r Aelod Lleol, ar y sail bod yr angen am dai fforddiadwy yn drech nac
unrhyw ystyriaeth gynllunio arall yn yr achos hwn a gan ystyried agosrwydd y
safle at derfyn y pentref. PLEIDLAIS: CYMERADWYO - 20 GWRTHOD - 2 YMATAL - 0 PENDERFYNWYD y
dylid CYMERADWYO’R cais, yn amodol
ar gytundeb A.106 a chytuno ar amodau cynllunio gyda’r Aelod Lleol, ar y sail
bod yr angen am dai fforddiadwy yn drech nac unrhyw ystyriaeth gynllunio arall
yn yr achos hwn a gan ystyried agosrwydd y safle at derfyn y pentref. Ar y pwynt hwn (12.25 p.m.) cafwyd egwyl ar gyfer
lluniaeth. |
|
CAIS RHIF 44/2017/0055/PF – TIR YN 31 PARC Y TYWYSOG, RHUDDLAN, Y RHYL PDF 6 KB Ystyried cais i
godi annedd ar wahân ar dir yn 31 Parc y Tywysog, Rhuddlan, y Rhyl (copi
ynghlwm). Dogfennau ychwanegol: Cofnodion: Cyflwynwyd cais i godi annedd
ar wahân ar dir yn 31 Parc y Tywysog, Rhuddlan, y Rhyl. Siaradwr Cyhoeddus- Mr. B. Robinson (O blaid) – dadleuodd fod cynsail ar
gyfer datblygiad o’r fath yn yr ardal wedi ei osod a chyfeiriodd at nifer o
esiamplau i gyfleu’r pwynt hwnnw. Dywedodd fod pob ymdrech wedi ei wneud i leihau’r graddau yr oedd yn edrych
dros yr eiddo hynny gyda sgrinio y gellid mynd i’r afael ag o ymhellach drwy
amodau. Trafodaeth Gyffredinol – Siaradodd y Cynghorydd Arwel Roberts (Aelod Lleol) o blaid y cais gan
nodi fod y teulu wedi byw yn Rhuddlan ers cenedlaethau a bod anghenion tai yn
yr ardal. Nododd fod yr ymgeisydd yn barod i gynnig sgrinio priodol i fynd i’r afael
â’r mater o edrych drosodd a sicrhau nad oedd effaith negyddol ar amwynder
gweledol. Cefnogodd y Cynghorydd David Simmons y cais hefyd gan ystyried bod
datblygiadau tebyg sy’n edrych dros eiddo eraill yn yr ardal ac roedd yn credu
fod cynsail wedi ei osod yn hynny o beth. Gofynnodd y Cynghorydd Ann Davies (Aelod Lleol) am
eglurhad ynghylch perchnogaeth y lôn fynediad i’r annedd bwriedig. Eglurodd y Rheolwr Datblygu
nad oedd y cais wedi ei wneud ar gyfer tai fforddiadwy i ddiwallu anghenion
lleol. Manylodd ar y rhesymeg y tu ôl argymhelliad y swyddogion i wrthod y cais
gan ystyried y pellter rhwng yr eiddo ac effaith negyddol yn nhermau amwynder
gweledol a phreswyl. Nid oedd y swyddogion yn ystyried bod y mesurau sgrinio arfaethedig yn mynd
i’r afael â’r materion yn ddigonol. Roedd gwrthwynebiadau hefyd wedi eu derbyn gan Gyngor Tref Rhuddlan a
chymdogion. Mewn ymateb i gwestiynau, tynnodd swyddogion sylw at y pellter bychan rhwng
eiddo fel manylion ar y cynlluniau a gyflwynwyd. Mewn perthynas â pherchnogaeth o’r fynedfa i’r
eiddo, dywedodd swyddogion nad oedd yr ardal yn rhan o safle’r cais ac nid oedd
felly’n ystyriaeth o bwys yn yr achos hwn. Cynnig – Cynigodd y
Cynghorydd Huw Williams, ac fe’i eiliwyd gan y Cynghorydd Cheryl Williams, bod
y cais yn cael ei wrthod yn unol ag argymhelliad y swyddog. Cynigiodd y Cynghorydd Arwel Roberts, ac
eiliodd y Cynghorydd David Simmons, y dylid cymeradwyo’r cais yn amodol ar
amodau sgrinio gweledol i fynd i’r afael â phryderon ynglŷn ag edrych
drosodd. PLEIDLAIS: CYMERADWYO - 9 GWRTHOD - 13 YMATAL - 0 PENDERFYNWYD y
dylid GWRTHOD y cais yn unol ag
argymhellion y swyddogion a nodwyd yn yr adroddiad. |
|
Ystyried Cais i
ddymchwel hen adeiladau ysgol ar safle hen Ganolfan Technoleg ac Addysg
Alwedigaethol Dinbych, Lôn Ganol, Dinbych (copi ynghlwm). Dogfennau ychwanegol: Cofnodion: Cyflwynwyd cais i ddymchwel
hen adeiladau ysgol ar safle hen Ganolfan Dechnoleg ac Addysg Alwedigaethol
Dinbych, Lôn Ganol, Dinbych. Cynnig – Cynigodd y
Cynghorydd Barry Mellor y dylid dilyn argymhelliad y swyddog i gymeradwyo’r
cais, ac fe’i eiliwyd gan y Cynghorydd Julian Thompson-Hill. PLEIDLAIS: CYMERADWYO - 21 GWRTHOD - 0 YMATAL - 0 PENDERFYNWYD hysbysu
Llywodraeth Cymru pe bai’r Cyngor Sir yn
cael y grym i bennu'r cais, y byddai'n RHOI
CYMERADWYAETH ARDAL GADWRAETH. |
|
CAIS RHIF 15/2016/0842/PF - TŶ ISA, FFORDD PANT DU, ERYRYS, YR WYDDGRUG PDF 36 KB Ystyried cais i
barhau i ddefnyddio tir fel estyniad i gwrtil preswyl yn Nhŷ Isaf, Ffordd
Pant Du, Eryrys, yr Wyddgrug (copi ynghlwm). Dogfennau ychwanegol: Cofnodion: Cyflwynwyd cais i barhau i
ddefnyddio tir fel estyniad i gwrtil preswyl yn Nhŷ Isaf, Ffordd Pant Du,
Eryrys, yr Wyddgrug. Cynnig – Cynigodd y
Cynghorydd Joan Butterfield y dylid dilyn argymhelliad y swyddogion i
gymeradwyo’r cais, ac eiliwyd hyn gan y Cynghorydd Stuart Davies. PLEIDLAIS: CYMERADWYO - 20 GWRTHOD - 0 YMATAL - 1 PENDERFYNWYD y
dylid CYMERADWYO’R cais yn unol ag
argymhelliad y swyddogion a nodwyd yn yr adroddiad. |
|
CAIS RHIF 44/2017/0072/PF - TIR GERLLAW CASTLE HILL, LÔN HYLAS, RHUDDLAN, Y RHYL PDF 6 KB Ystyried cais i
godi 1 annedd gyda garej ar wahân a chreu mynedfa newydd i gerbydau ar dir wrth
ymyl Castle Hill, Lôn Hylas, Rhuddlan, y Rhyl (copi ynghlwm). Dogfennau ychwanegol: Cofnodion: [Datganodd y Cynghorydd Ann Davies (Aelod Lleol)
gysylltiad personol yn yr eitem hon gan ei bod yn byw ger safle’r cais. Datganodd
y Cynghorydd Arwel Roberts gysylltiad personol oherwydd ei fod yn Llywodraethwr
yn Ysgol y Castell sydd wrth ymyl lleoliad y cais. Cyflwynwyd cais i godi 1
annedd gyda garej ar wahân a chreu mynedfa newydd i gerbydau ar dir wrth ymyl
Castle Hill, Lôn Hylas, Rhuddlan. Gofynnodd y Cynghorydd Ann Davies (Aelod Lleol)
i’r cais gael ei ohirio i aros am fwy o wybodaeth ynglŷn ag uchder y
datblygiad, unrhyw ddiddordeb archeolegol a’r fynedfa. Eglurodd
Swyddogion fod caniatâd cynllunio ar gyfer yr un datblygiad yn union wedi dod i
ben y mis blaenorol ac nid oeddent yn credu fod unrhyw gyfiawnhad dros ohirio o
ystyried bod yr un materion wedi cael eu hystyried yn flaenorol. Cynnig – Cynigiodd y Cynghorydd Brian Blakeley, ac
eiliodd y Cynghorydd Julian Thompson-Hill y dylid gohirio’r cais i aros am
eglurhad ynglŷn ag uchder y datblygiad, unrhyw ddiddordeb archeolegol a’r
fynedfa. PLEIDLAIS: O BLAID GOHIRIO – 9 YN ERBYN GOHIRIO – 11 YMATAL - 0 PENDERFYNWYD
peidio gohirio’r cais. Trafodaeth Gyffredinol - amlygodd y Cynghorydd Ann Davies (Aelod Lleol) ei phryderon ynglŷn
ag uchder y datblygiad, a theimlai ei fod yn ormesol gan ystyried ei fod mewn
ardal gadwraeth ac yn creu dolur llygad gydag ychydig o ystyriaeth wedi ei roi
i natur ac arwyddocâd hanesyddol yr ardal gyfagos. Mynegodd bryderon hefyd ynghylch creu
mynedfa newydd ar y ffordd, a oedd yn cynnwys tynnu wal ac iddi arwyddocâd
hanesyddol i lawr, a chododd bryderon priffyrdd gan gynnwys gwelededd gwael ger
ysgol a oedd yn brysur ar adegau prysur. Cytunodd y Cynghorydd Arwel Roberts (Aelod Lleol),
gan amlygu arwyddocâd hanesyddol yr ardal a’i bryderon ynghylch diogelwch y
briffordd yn sgil creu mynedfa ychwanegol y credai y byddai’n gwaethygu’r
problemau traffig presennol a thagfeydd ar adegau prysur. Tynnodd y Rheolwr Datblygu
sylw’r aelodau at yr hanes cynllunio a oedd yn ystyriaeth allweddol gan nodi
fod caniatâd cynllunio wedi ei roi ar gyfer annedd ar y plot drwy apêl mor
ddiweddar â 2012 ac nad oedd unrhyw newid sylweddol wedi bod yn y polisi ers
hynny na gwahaniaeth amlwg yn y datblygiad arfaethedig. Mewn ymateb i gwestiynau, dywedodd
swyddogion mai’r cynnig oedd tynnu rhan o’r wal i lawr i greu mynedfa 3 metr a
byddai gweddill y wal yn cael ei chadw. Byddai’r fynedfa i gerbydau yn cael ei hasesu gan
swyddogion Priffyrdd. Roedd swyddogion cynllunio wedi cynnig yr un amodau a gyflwynwyd ar y
caniatâd blaenorol a oedd yn trafod y deunyddiau i’w defnyddio gan gynnwys
cerrig a llechi traddodiadol i gyfateb â’r hyn a ddefnyddiwyd ar yr annedd
cyfagos. Cynnig – Cynigodd y
Cynghorydd Arwel Roberts y dylid gwrthod y cais ar sail diogelwch y briffordd,
ac eiliwyd hynny gan y Cynghorydd Dewi Owens PLEIDLAIS: CYMERADWYO - 10 YMATAL - 10 GWRTHOD - 0 Gan fod nifer cyfartal o bleidleisiau o blaid ac yn
erbyn, defnyddiodd y Cadeirydd ei bleidlais fwrw o blaid cymeradwyo’r cais. O ganlyniad - PENDERFYNWYD y dylid CYMERADWYO’R cais yn unol ag argymhellion y swyddogion fel y nodwyd
yn yr adroddiad a’r papurau ategol. |
|
NODYN CANLLAW CYNLLUNIO ATODOL: MANNAU AGORED HAMDDEN - DOGFEN I’W MABWYSIADU PDF 165 KB Ystyried
adroddiad yn gofyn am gymeradwyo CCA Mannau Agored Hamdden i'w ddefnyddio wrth
benderfynu ar geisiadau cynllunio (copi ynghlwm). Dogfennau ychwanegol:
Cofnodion: Cyflwynodd y Cynghorydd David
Smith, Aelod Arweiniol y Parth Cyhoeddus adroddiad yn argymell y dylid
mabwysiadu dogfen ddrafft Canllaw Cynllunio Atodol (CCA) ar Fannau Agored
Hamdden Cyhoeddus. Atgoffodd yr Aelodau o wahanol gamau’r broses cyn i’r Pwyllgor Cynllunio
fabwysiadu’r dogfennau CCA. Yn dilyn cyfnod ymgynghori o
naw wythnos, cynigwyd salw diwygiad mewn ymateb i'r sylwadau a dderbyniwyd a
oedd wedi'u hamlygu yn y ddogfen derfynol a’u nodi yn yr Adroddiad Ymgynghori. Nid oedd CCA wedi’i fabwysiadu ar hyn o
bryd ar fannau agored cyhoeddus a byddai’r ddogfen yn cynnig arweiniad ar
ddarpariaeth a dyluniad mannau agored mewn datblygiadau newydd. Cynnig – Cynigodd y
Cynghorydd Stuart Davies argymhelliad y swyddog i gymeradwyo’r CCA drafft, ac
eiliwyd hyn gan y Cynghorydd Bill Cowie. O'i roi i’r bleidlais - PENDERFYNWYD bod
yr Aelodau'n cymeradwyo'r ddogfen Canllawiau Cynllunio Atodol ‘Mannau Agored
Hamdden Cyhoeddus’ (sydd ynghlwm yn Atodiad II yr adroddiad) i’w defnyddio i
benderfynu ar geisiadau cynllunio. |
|
Ystyried adroddiad
yn gofyn am gymeradwyo CCA Cynllunio ar gyfer Diogelwch Cymunedol i'w
ddefnyddio wrth benderfynu ar geisiadau cynllunio (copi ynghlwm). Dogfennau ychwanegol: Cofnodion: Cyflwynodd y Cynghorydd David
Smith, Aelod Arweiniol y Parth Cyhoeddus adroddiad yn argymell y dylid
mabwysiadu dogfen ddrafft Canllaw Cynllunio Atodol (CCA) ar Gynllunio ar gyfer
Diogelwch Cymunedol. Yn dilyn cyfnod ymgynghori o
wyth wythnos cynigwyd salw diwygiad mewn ymateb i'r sylwadau a dderbyniwyd a
oedd wedi'u hamlygu yn y ddogfen derfynol a’u nodi yn yr Adroddiad Ymgynghori. Roedd y ddogfen yn rhoi arweiniad ar sut y
gellid gwella diogelwch cymunedol a lleihau ofn troseddau trwy ddylunio a
thirlunio. Cynnig – Cynigodd y
Cynghorydd Stuart Davies argymhelliad y swyddogion i gymeradwyo’r CCA drafft,
ac eiliwyd hyn gan y Cynghorydd Julian Thompson-Hill. O'i roi i’r bleidlais - PENDERFYNWYD bod
yr aelodau’n mabwysiadu’r Canllaw Cynllunio Atodol ar Gynllunio ar gyfer
Diogelwch Cymunedol sydd ynghlwm fel Atodiad 2 i’w ddefnyddio wrth benderfynu
ar geisiadau cynllunio ac apeliadau cynllunio. |
|
Ystyried adroddiad yn argymell mabwysiadu'r Briff Datblygu Safle
arfaethedig ar gyfer tir wrth ymyl Ysgol Pendref a Lodge Farm, Dinbych Uchaf,
gyda newidiadau a argymhellir, ar gyfer penderfynu ar geisiadau cynllunio ac
apeliadau (copi ynghlwm). Dogfennau ychwanegol: Cofnodion: Cyflwynodd y Cynghorydd David
Smith, Aelod Arweiniol y Parth Cyhoeddus adroddiad yn argymell mabwysiadu y
Brîff Datblygu Safle (BDS) ar gyfer tir gerllaw Ysgol Pendref a Lodge Farm,
Dinbych Uchaf, gyda newidiadau a argymhellwyd, ar gyfer pennu ceisiadau
cynllunio ac apeliadau cynllunio. Roedd y BDS wedi bod drwy’r un proses â dogfennau’r Canllaw Cynllunio
Atodol cyn cael eu cyflwyno i’r Pwyllgor Cynllunio i’w mabwysiadu’n derfynol. Roedd yr adroddiad yn manylu
ar ganlyniadau’r ymgynghoriad cyhoeddus naw wythnos ar y BDS drafft ac yn
cynnig nifer o newidiadau i’r BDS mewn ymateb i sylwadau a dderbyniwyd a oedd
wedi eu hamlygu yn y ddogfen derfynol a’u nodi yn yr adroddiad ymgynghori. Os caiff ei gymeradwyo, bydd y BDS yn cael
ei ddefnyddio wrth benderfynu ar unrhyw gais cynllunio ar y safle. Cymeradwyodd y Cynghorydd Colin Hughes
(Aelod Lleol) yr ymarferiad ymgynghori, y rhoddwyd sylw i’w ganlyniadau yn y
ddogfen derfynol, ac ail-bwysleisiodd yr angen i roi ystyriaeth lawn i’r BDS
wrth ystyried ceisiadau cynllunio ar y safle hwn yn y dyfodol. Cynnig – Cynigodd y
Cynghorydd Stuart Davies argymhelliad y swyddogion i gymeradwyo’r Briff
Datblygu Safle diwygiedig, ac eiliwyd hyn gan y Cynghorydd Huw Williams. Wrth bleidleisio, roedd pawb
yn unfrydol - PENDERFYNWYD y
dylai aelodau fabwysiadu'r Briff Datblygu Safle arfaethedig ar gyfer tir wrth
ymyl Ysgol Pendref a Lodge Farm, Dinbych Uchaf, sydd ynghlwm fel Atodiad 2 i’r
adroddiad, gyda newidiadau a argymhellir, ar gyfer penderfynu ar geisiadau ac
apeliadau cynllunio. Ar y pwynt hwn, manteisiodd y Cynghorydd David
Smith ar y cyfle i ddiolch i aelodau Grŵp Llywio’r CDLl am eu cyfraniad
gwerthfawr dros y pum mlynedd diwethaf a hefyd cymeradwyodd waith y swyddogion
oedd yn ymwneud â’r broses honno. |
|
ADRODDIAD ER GWYBODAETH: PENDERFYNIADAU APELIADAU CYNLLUNIO PDF 206 KB Derbyn adroddiad
er gwybodaeth sy’n amlinellu’r penderfyniadau diweddar a gyhoeddwyd gan yr
Arolygiaeth Gynllunio ar apeliadau a wnaed yn erbyn penderfyniadau’r Cyngor Sir
(copi ynghlwm). Cofnodion: Cyflwynwyd adroddiad er
gwybodaeth yn darparu amlinelliad o’r penderfyniadau diweddar a gyhoeddwyd gan
yr Arolygiaeth Gynllunio ar apeliadau a gyflwynwyd yn erbyn penderfyniadau ar
geisiadau cynllunio gan y Cyngor Sir. Anogwyd yr aelodau i gysylltu â swyddogion
perthnasol tu allan i’r cyfarfod os oedd angen rhagor o wybodaeth arnynt
ynglŷn ag achosion penodol. PENDERFYNWYD derbyn
yr adroddiad er gwybodaeth. Daeth y cyfarfod i ben am 1.25p.m. |