Agenda and draft minutes

Cafwyd ymddiheuriadau am absenoldeb gan y Cynghorwyr Rhys Hughes, Hugh Irving, Bob Murray, David Simmons a Bill Tasker

Dylai’r Aelodau ddatgan unrhyw gysylltiad personol neu gysylltiad sy'n rhagfarnu ag unrhyw fater a nodwyd yn un i'w ystyried yn y cyfarfod hwn.

Dim.

Penodi Cadeirydd y Pwyllgor Cynllunio ar gyfer gweddill blwyddyn  y cyngor 2016/17.

Yn dilyn marwolaeth drist y Cynghorydd Raymond Bartley, gofynnwyd am enwebiadau ar gyfer swydd Cadeirydd y Pwyllgor Cynllunio am weddill blwyddyn y cyngor.

Cynigiwyd y Cynghorydd David Simmons gan y Cynghorydd Joan Butterfield, ac eiliwyd hyn gan y Cynghorydd Jeanette Chamberlain-Jones.

Cynigiwyd y Cynghorydd Joe Welch gan y Cynghorydd Huw Hilditch-Roberts ac eiliwyd hyn gan y Cynghorydd Dewi Owens.

Cynhaliwyd pleidlais ac roedd y canlyniadau fel a ganlyn:

David Simmons – 9

Joe Welch – 13

Ymatal - 1

Felly:

PENDERFYNWYD Penodi’r Cynghorydd Joe Welch yn Gadeirydd y Pwyllgor Cynllunio ar gyfer gweddill blwyddyn y cyngor.

Ar y pwynt hwn, diolchodd yr Aelodau i’r Cynghorydd Bill Cowie, Is-Gadeirydd, am ei Gadeirio rhagorol yn ystod y cyfnod anodd diweddar.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B (4) Deddf Llywodraeth Leol, 1972.

Ni dderbyniwyd unrhyw faterion brys.

Cadarnhau cywirdeb cofnodion cyfarfod y Pwyllgor Cynllunio a gynhaliwyd 11 Ionawr 2017 (copi wedi’i atodi).

Cyflwynwyd cofnodion cyfarfod y Pwyllgor Cynllunio a gynhaliwyd ar 11 Ionawr 2017.

Holodd y Cynghorydd Meirick Lloyd Davies pam nad oedd y bleidlais wedi’i chynnwys yng nghofnod eitem 12.  Eglurodd y Pennaeth Cynllunio a Gwarchod y Cyhoedd ei fod wedi bod yn bleidlais unfrydol drwy godi dwylo fel y nodwyd yn y cofnodion.

PENDERFYNWYD –yn amodol ar yr uchod, derbyn a chymeradwyo cofnodion y cyfarfod a gynhaliwyd ar 11 Ionawr 2017 fel cofnod cywir.

Cyflwynwyd ceisiadau oedd yn ceisio penderfyniad y pwyllgor ynghyd â'r dogfennau cysylltiol.  Cyfeiriwyd hefyd at wybodaeth ategol a dderbyniwyd ar ôl cyhoeddi'r rhaglen a oedd yn ymwneud â cheisiadau penodol.

Ystyried cais i ddatblygu 0.07ha o dir trwy godi un annedd (cais amlinellol – pob mater a gadwyd yn ôl) ar dir yn (rhan o ardd) Fairlawns, Fron Bache, Llangollen (copi wedi’i atodi).

Roedd cais wedi ei gyflwyno i ddatblygu 0.07ha o dir trwy godi un annedd (cais amlinellol – pob mater wedi’u cadw yn ôl) ar dir yn (rhan o ardd) Fairlawns, Fron Bache, Llangollen.

Trafodaeth Gyffredinol - Nododd y Cynghorydd Stuart Davies (Aelod Lleol) fod Cyngor Tref Llangollen wedi codi materion yn ymwneud â’r cais ond fod caniatâd cynllunio wedi’i roi ar hyn yn flaenorol ac nad oedd y cais wedi newid.

Cynnig – Cynigodd y Cynghorydd Stuart Davies argymhelliad y swyddog i gymeradwyo’r cais, ac eiliwyd hyn gan y Cynghorydd Bill Cowie.

PLEIDLAIS:

CYMERADWYO - 22

GWRTHOD - 0

YMATAL - 0

PENDERFYNWYD y dylid CYMERADWYO’R cais yn unol ag argymhelliad y swyddogion a nodwyd yn yr adroddiad.

Ystyried cais i amrywio amodau 2 a 3 caniatâd cynllunio rhif  41/2000/1065/PC, i ganiatáu ar gyfer defnydd Dosbarth B2 yr adeilad i gyfarwyddo ar gyfer gweithrediadau ac eithrio Mr. D. R. Parsonage, a chynnal gweithrediadau atodol i ddefnydd yr adeilad ar dir o amgylch yr adeilad (cais ôl-weithredol) (copi wedi’i atodi).

Cyflwynwyd cais i amrywio amodau 2 a 3 caniatâd cynllunio rhif 41/2000/1065/PC, i ganiatáu ar gyfer defnydd Dosbarth B2 yr adeilad i gyfarwyddo ar gyfer gweithrediadau ac eithrio Mr. D. R. Parsonage, a chynnal gweithrediadau atodol i ddefnydd yr adeilad ar dir o amgylch yr adeilad (cais ôl-weithredol) yn The Old Creamery, Ffordd Yr Wyddgrug, Bodfari, Dinbych.

Trafodaeth Gyffredinol - Rhoddodd y Cynghorydd Merfyn Parry hanes byr y safle.  Eglurwyd hefyd fod perchnogaeth y safle wedi newid ers i’r caniatâd cynllunio gwreiddiol gael ei roi yn 2001. Roedd yr ymgeisydd wedi bod yn awyddus i sicrhau lle storio digonol ar gyfer cerbydau.   Yn ystod y drafodaeth, awgrymwyd y dylid dileu amod 4 yn llwyr a chynnal y 3 amod.

Cynnig – Cynigiodd y Cynghorydd Huw Hilditch-Roberts y dylid dileu amod 4 yn llwyr o’r cais, ac eiliwyd hyn gan y Cynghorydd Bill Cowie.

PLEIDLAIS:

CYMERADWYO (heb Amod 4) - 22

GWRTHOD - 1

YMATAL - 0

PENDERFYNWYD y dylid CYMERADWYO’R cais yn unol ag argymhellion y swyddogion fel y nodwyd yn amodau 1, 2 a 3 yr adroddiad, ond gan ddileu amod 4 fel y geiriwyd yn yr adroddiad a’r taflenni gwybodaeth hwyr o ran y tir rhwng yr adeiladau a ffin yr A541.

Daeth y cyfarfod i ben am 10.08 a.m.