Agenda and draft minutes
Lleoliad: Siambr y Cyngor, Neuadd y Sir, Rhuthun
Cyswllt: Gweinyddwr Pwyllgor 01824 706715 E-bost: democrataidd@sirddinbych.gov.uk
Media
Gweddarllediad: Gweld y gweddarllediad
Rhif | Eitem |
---|---|
Dogfennau ychwanegol: Cofnodion: Y Cynghorwyr
Meirick Davies, Rhys Hughes, Alice Jones, Barry Mellor, David Simmons a Cheryl
Williams |
|
Dylai’r Aelodau ddatgan unrhyw gysylltiad personol
neu gysylltiad sy'n rhagfarnu mewn unrhyw fater a nodwyd i'w ystyried yn y
cyfarfod hwn. Dogfennau ychwanegol: Cofnodion: Y Cynghorydd Huw
Williams - Cysylltiad Personol - Eitem
Rhif 7 ar y Rhaglen |
|
MATERION BRYS FEL Y'U CYTUNWYD GAN Y CADEIRYDD Rhybudd o eitemau y dylid, ym marn y Cadeirydd, eu
hystyried yn y cyfarfod fel materion brys yn unol ag Adran 100B (4) Deddf
Llywodraeth Leol, 1972. Dogfennau ychwanegol: Cofnodion: Ni chodwyd unrhyw
faterion brys. |
|
Cadarnhau cywirdeb cofnodion cyfarfod y Pwyllgor
Cynllunio a gynhaliwyd ar 14 Medi 2016 (amgaeir copi). Dogfennau ychwanegol: Cofnodion: Cyflwynwyd cofnodion y Pwyllgor Cynllunio a
gynhaliwyd ar 14 Medi 2016 i’w cymeradwyo. PENDERFYNWYD y
dylid cymeradwyo cofnodion y cyfarfod a gynhaliwyd ar 14 Medi, 2016 fel cofnod
cywir. |
|
CEISIADAU AM GANIATÂD I DDATBLYGU (EITEMAU 5 – 9) - Cyflwynwyd
ceisiadau a oedd yn gofyn am benderfyniad y pwyllgor ynghyd â dogfennau
cysylltiol. Cyfeiriwyd hefyd at yr
wybodaeth a gyflwynwyd yn hwyr (taflenni glas) a dderbyniwyd ar ôl cyhoeddi'r
rhaglen ac a oedd yn ymwneud â'r ceisiadau penodol. Er mwyn caniatáu ceisiadau aelodau’r cyhoedd
i gyflwyno sylwadau cytunwyd y dylid amrywio trefn rhaglen y ceisiadau fel y
bo’n briodol. Dogfennau ychwanegol: |
|
CAIS RHIF 10/2016 /0664/PF - TAL Y BIDWAL BACH, BRYNEGLWYS, CORWEN PDF 34 KB Ystyried cais i osod ffenestri to mewn cysylltiad
ag addasu'r atig yn Nhal y Bidwal Bach, Bryneglwys, Corwen (amgaeir copi). Dogfennau ychwanegol: Cofnodion: Cyflwynwyd cais i
osod ffenestri to mewn cysylltiad ag addasu'r atig yn Nhal y Bidwal Bach,
Bryneglwys, Corwen. Siaradwyr Cyhoeddus- Eglurodd Mr. Morley (Yn erbyn) – nad oedd yn gwrthwynebu'r
cynllun ar y cyfan ond nododd wrthwynebiadau ynglŷn â maint arfaethedig y
ffenestri to yr oedd yn dadlau y byddai'n effeithio ar amwynder gweledol a
materion amgylcheddol, ac fe dynnodd sylw at y gwahaniaethau o ran ffenestri to
rhwng y cynllun arfaethedig a'r eiddo cyfagos yn Heulfryn Bach. Mynegodd bryderon hefyd ynglŷn â’r
materion preifatrwydd a materion ecolegol. Darparodd Mr. Lockert (O blaid) – rywfaint o
gefndir i’r trefniadau byw a pherchnogaeth yr eiddo ynghyd â chyfeiriadedd yr
eiddo. Eglurodd fod y datblygiad yn unol â’r datblygiad blaenorol yn Heulfryn Bach
o ran edrychiad a dyluniad cyffredinol heb unrhyw effaith negyddol. Trafodaeth Gyffredinol – Cyfeiriwyd at y cynllun (a ddosbarthwyd yn
y cyfarfod) yn dangos y berthynas rhwng safle’r cais a’r eiddo cyfagos ac
awgrymwyd amod newydd (fel y nodwyd ar y taflenni glas ategol) er mwyn
lleihau’r posibilrwydd o edrych dros yr ardd breifat a’r annedd yn Heulfryn
Bach. Eglurodd y Prif Swyddog Cynllunio (IW) y byddai’r amod newydd yn ei gwneud
yn ofynnol bod isafswm uchder silff o
1.7m ar gyfer yr holl ffenestri to fel y byddai defnydd arferol yn ei gwneud yn
anodd edrych dros yr eiddo cyfagos. Cynnig - Cynigiodd y Cynghorydd Stuart Davies fod y
cais yn cael ei gymeradwyo ac fe’i eiliwyd gan y Cynghorydd Peter Evans. PLEIDLAIS: CYMERADWYO - 22 GWRTHOD - 0 YMATAL - 0 PENDERFYNWYD y dylid CYMERADWYO’R cais yn unol ag argymhelliad y swyddog fel y nodwyd yn yr adroddiad a’r papurau ategol. |
|
CAIS RHIF 18/2016/0224/PO - TIR GYFERBYN Â CHWM TAWEL, LLANDYRNOG, DINBYCH PDF 5 KB Ystyried cais i ddatblygu 0.68ha o dir ar gyfer
codi 18 annedd (cais amlinellol yn cynnwys manylion mynediad a chynllun) a thir
gyferbyn â Cwm Tawel, Llandyrnog, Dinbych (amgaeir copi). Dogfennau ychwanegol: Cofnodion: [Datganodd y Cynghorydd Huw Williams gysylltiad
personol gan fod y siaradwr cyhoeddus ar gyfer yr eitem hon yn gyfaill
teuluol.] Cyflwynwyd cais i ddatblygu 0.68ha o dir ar gyfer
codi 18 annedd (cais amlinellol yn cynnwys manylion mynediad a chynllun) a thir
gyferbyn â Chwm Tawel, Llandyrnog, Dinbych. Siaradwr Cyhoeddus- Siaradodd Shan Wyn Jones (o blaid) – ar ran yr ymgeisydd gan nodi fod y diffyg cyflenwad tai
wedi’i nodi ac fe dynnodd sylw at yr angen ar gyfer tai lleol newydd er
gwaethaf y caniatâd cynllunio a gymeradwywyd yn ddiweddar ar gyfer safle Maes
Llan. Pe bai’r aelodau yn penderfynu peidio â chefnogi’r datblygiad cyfan gellir
gwneud penderfyniad rhanedig i roi caniatâd ar gyfer cae un yn unig. Trafodaeth Gyffredinol – Eglurodd y Swyddog Cynllunio (IW) y cynnig
i ddatblygu dau gae at ddefnydd preswyl: un o fewn ffin ddatblygu’r pentref a’r
llall y tu hwnt i’r ffin. Mewn ymateb i’r pryderon ynglŷn â gosod cynsail pe rhoddir caniatâd y
tu hwnt i’r ffin ddatblygu, eglurodd y Swyddog Cynllunio bod yn rhaid gwneud
penderfyniad yn seiliedig ar ystyriaethau cynllunio perthnasol a oedd wedi’u
nodi yn yr adroddiad. Adroddodd y Cynghorydd Merfyn Parry (Aelod
Lleol) safbwyntiau Cyngor Cymuned Llandyrnog gan egluro bod y cais wedi’i
ystyried yn dilyn cymeradwyo caniatâd cynllunio ar gyfer deugain annedd yn
safle Maes Llan. Er nad oedd gwrthwynebiad cyffredinol i’r datblygiad yng nghae un, gan ei
fod o fewn cwrtil ffin ddatblygu’r pentref, roedd gwrthwynebiad i ddatblygiad
cae dau gan ei fod y tu hwnt i’r ffin a bod digon o dir wedi’i ddyrannu yn
Llandyrnog i ddiwallu anghenion tai. Cynnig – Roedd y Cynghorydd Dewi Owens yn ffafrio
rhannu’r penderfyniad ac fe gynigodd y dylid rhoi caniatâd i ddatblygu cae un
ond gwrthod cae dau. Eglurodd y swyddogion na fyddai’n briodol rhannu’r penderfyniad yn yr achos
hwn a dylid trin y cais fel un cyflawn. Roedd argymhelliad clir gan y swyddog i wrthod y
cais gan nad oedd profion allweddol wedi'u diwallu i gyfiawnhau datblygu y tu
hwnt i ffin y pentref. Cynigodd y Cynghorydd Julian Thompson-Hill argymhelliad y swyddog i wrthod
y cais, ac fe’i eiliwyd gan y Cynghorydd Stuart Davies. PLEIDLAIS: CYMERADWYO - 1 GWRTHOD - 18 YMATAL - 2 PENDERFYNWYD y dylid GWRTHOD y cais yn unol ag argymhelliad y swyddog fel y nodwyd yn yr
adroddiad a’r papurau ategol. |
|
EITEMAU 8, 9 a 10 AR Y RHAGLEN - TIR YN MOUNT HOUSE, BRYNIAU, DISERTH Cyfeiriodd y
Cadeirydd at eitemau 8, 9 a 10 ar y rhaglen a oeddent oll yn ymwneud â’r
caniatâd cynllunio amlinellol a gymeradwywyd mewn perthynas â thir yn Mount House,
Bryniau, Diserth a'r ohebiaeth ychwanegol a ddosbarthwyd i'r aelodau ers
cyhoeddi’r rhaglen a’r adroddiadau. Er y
byddai pob eitem ar y rhaglen yn cael ei hystyried yn unigol, gofynnwyd i’r
swyddogion ddarparu trosolwg o’r sefyllfa yn yr achos hwn. Darparodd y
Swyddog Cynllunio (IW) rywfaint o wybodaeth gefndir gan egluro fod y tair eitem
yn ymwneud ag un safle oedd wedi derbyn caniatâd cynllunio amlinellol gan y
Pwyllgor Cynllunio ym mis Mai 2013 er mwyn codi annedd sengl. Roedd eitemau 8 a 9 yn ymwneud ag amodau sy’n
rhan o’r caniatâd hwnnw tra bo eitem 10 yn cyfeirio at adroddiad ac archwiliad
Ombwdsmon Gwasanaethau Cyhoeddus Cymru o’r cais cynllunio amlinellol
gwreiddiol. Cyfeiriwyd at lythyr y
Cyfreithiwr a Chais yr Hawlydd am Adolygiad Barnwrol a Bwndel y Llys a oedd ar
gael i’r aelodau ar gais y Cyfreithwyr oedd yn gweithredu ar ran yr Hawlydd
(Mrs. J Walters – perchennog dau eiddo ar y safle cyfagos). Roedd yr Aelodau eisoes wedi gweld y rhan
fwyaf o’r dogfennau hynny. Amlinellodd yr Arweinydd
Tîm – Lleoedd (SC) y sefyllfa gyfreithiol ac adrodd bod achos yr Adolygiad
Barnwrol wedi’i gyflwyno yn erbyn y Cyngor mewn perthynas â phenderfyniad y
Pwyllgor Cynllunio ar 17 Chwefror 2016 i beidio â dirymu’r caniatâd cynllunio
gwreiddiol a gymeradwywyd ym mis Mai 2013 ac a fyddai’n cael ei glywed ar 8
Rhagfyr 2016. Gofynnodd Cyfreithwyr yr Hawlydd bod yr holl
eitemau sy’n ymwneud â’r mater hwn yn cael eu gohirio nes y ceir penderfyniad
yr Adolygiad Barnwrol ac roeddent yn ceisio gwaharddeb – fodd bynnag eglurodd
yr Arweinydd Tîm fod y Pwyllgor Cynllunio mewn sefyllfa i ddelio â’r ceisiadau
ac y dylid gwneud hynny ac nad oedd unrhyw sail er mwyn gwneud cais am
waharddeb. Tynnodd yr Arweinydd Tîm
sylw’r aelodau at y Datganiad o Ffeithiau a Seiliau ac egluro’r seiliau ar
gyfer cynnal yr Adolygiad Barnwrol a oedd yn ymwneud â -(1) mae'r penderfyniad
yn cael ei ddifetha gan ragfarn amlwg; (2) torri cyfiawnder naturiol; (3) methu
ag ystyried ystyriaethau perthnasol a (4) methu â rhoi rhesymau. Tynnodd sylw hefyd at feirniadaeth Ombwdsmon
Gwasanaethau Cyhoeddus Cymru ar yr achos ynghyd â chamau i fynd i’r afael â’r
beirniadaethau hynny a oedd wedi’u nodi yn yr adroddiad (eitem 10). Ar ôl cael gwybod
am sail yr her a beirniadaethau Ombwdsmon Gwasanaethau Cyhoeddus Cymru ynghyd
â’r camau i fynd i’r afael â’r beirniadaethau hynny, ac o ystyried y cyngor
cyfreithiol ynglŷn â’u dyletswydd i benderfynu ar y ceisiadau perthnasol,
cytunodd y Pwyllgor Cynllunio y dylid parhau i benderfynu ar yr holl faterion
sy’n gysylltiedig â’r caniatâd cynllunio amlinellol a restrwyd ar y rhaglen. Dogfennau ychwanegol: |
|
CAIS RHIF 42/2016/0223/PR - TIR YN (RHAN O ARDD) MOUNT HOUSE, DISERTH, Y RHYL PDF 6 KB Ystyried cais am fanylion cynllun, graddfa, golwg
a thirlunio annedd a gyflwynwyd yn unol ag amod rhif 1 caniatâd cynllunio amlinellol cod rhif 42/2012/1638 - tir yn (rhan o ardd) Mount House, Diserth, y Rhyl Dogfennau ychwanegol: Cofnodion: Cyflwynwyd cais ar gyfer manylion cynllun,
graddfa, edrychiad a thirlunio annedd a gyflwynwyd yn unol ag amod rhif 1 caniatâd cynllunio amlinellol cod rhif 42/2012/1638 ar gyfer tir yn (rhan o ardd)
Mount House, Diserth, y Rhyl Siaradwyr Cyhoeddus- Cododd Mr. Guy Evans (Yn Erbyn) –bryderon ar ran Mrs. J.
Walters ynglŷn â maint a chynllun yr annedd arfaethedig gan ddadlau y
byddai’n gormesu’r eiddo cyfagos ac nad oedd ei leoliad yn ffafriol ar gyfer
cynllunio da ac y byddai’n cael effaith andwyol ar yr eiddo cyfagos a lleoliad
yr AHNE. Cododd bryderon hefyd ynglŷn â draenio dŵr wyneb. Eglurodd Mr. Rhys Davies (O Blaid) – fod y cynllun wedi’i
ddiwygio o ganlyniad i bryderon y gwrthwynebydd i sicrhau y byddai unrhyw
effaith ar eiddo cyfagos yn cael ei leihau ac y byddai’n cyd-fynd â chymeriad
yr ardal leol ac fe’i gefnogwyd gan Gyd-Bwyllgor yr AHNE- dadleuodd nad oedd
unrhyw faterion o ran effaith ormesol ac edrych dros yr eiddo cyfagos. Roedd y Swyddogion Cynllunio wedi cynghori
nad oedd y mater o ran gwaredu dŵr wyneb o fewn cwmpas y cais. Trafodaeth Gyffredinol – Eglurodd y Swyddog Cynllunio (IW) fod y
cais yn ymdrin â materion a gadwyd yn ôl yn unig ac a oedd y maint, y cynllun
a’r ymddangosiad yn dderbyniol ar y safle. Ceisiodd y Cynghorydd Mark Young eglurhad pellach
ynglŷn â chyfreithlondeb y broses o lunio penderfyniadau ac eglurodd yr
Arweinydd Tîm – Lleoedd (SC) yr egwyddor cyfreithiol cyffredinol i benderfynu
ar geisiadau sy’n gysylltiedig â chaniatâd cynllunio cyfredol. Cynnig - Nododd y Cynghorydd Stuart
Davies fod y cynllun wedi’i ddiwygio er mwyn mynd i’r afael a phryderon y
gwrthwynebydd, a gan na chafwyd gwrthwynebiad gan Gydbwyllgor yr AHNE na Chyngor
Cymuned Diserth, cynigodd y dylid cymeradwyo'r cais yn unol ag argymhelliad y
swyddog, ac fe'i eiliwyd gan y Cynghorydd Merfyn Parry. PLEIDLAIS: CYMERADWYO - 20 GWRTHOD - 1 YMATAL - 1 PENDERFYNWYD y dylid CYMERADWYO’R cais yn unol ag argymhelliad y swyddog fel y nodwyd yn
yr adroddiad a’r papurau ategol. |
|
CAIS RHIF 42/2016/0322/PR - TIR YN (RHAN O ARDD) MOUNT HOUSE, DISERTH, Y RHYL PDF 6 KB Ystyried cais i amrywio amod rhif 2 caniatâd cynllunio amlinellol rhif 42/2012/1638 i ganiatáu 2 flynedd arall ar
gyfer cyflwyno cais am gymeradwyo materion a gadwyd yn ôl a dileu amodau rhif 4 a 5 yn ymwneud â'r cod ar gyfer cartrefi
cynaliadwy ar dir yn (rhan o ardd) Mount House, Diserth, Y Rhyl (amgaeir copi). Dogfennau ychwanegol: Cofnodion: Cais i amrywio
amod rhif 2 caniatâd cynllunio amlinellol
rhif 42/2012/1638 i ganiatáu 2 flynedd
arall ar gyfer cyflwyno cais am gymeradwyo materion a gadwyd yn ôl a dileu
amodau rhif 4 a 5 yn ymwneud â'r cod ar
gyfer cartrefi cynaliadwy ar dir yn (rhan o ardd) Mount House, Diserth, y Rhyl. Roedd y cais yn ymwneud â 3 amod sy’n gysylltiedig
â chaniatâd cynllunio amlinellol. Roedd y swyddogion yn credu ei bod yn rhesymol dileu amodau rhif 4 a 5 sy’n ymwneud â’r cod cartrefi
cynaliadwy o ystyried y newid mewn Polisi gan Lywodraeth Cymru ar y mater
hwnnw. Fodd bynnag argymhellodd y swyddogion bod y cais i amrywio amod rhif 2 i ganiatáu 2 flynedd ychwanegol ar gyfer
cymeradwyo materion a gadwyd yn ôl yn cael ei wrthod oherwydd newidiadau mewn
amgylchiadau cynllunio ers y cymeradwywyd y caniatâd gwreiddiol. Ceisiodd y Cynghorydd Julian Thompson-Hill
eglurhad ynglŷn â chyfreithlondeb gwneud penderfyniad rhanedig a oedd yn
groes i’r cyngor a roddwyd mewn perthynas â chais blaenorol ar y rhaglen. Eglurodd y swyddogion y gwahaniaethau
rhwng y ddau fath o geisiadau ac ystyriwyd bod penderfyniad rhanedig yn briodol
yn yr achos hwn. Eglurodd y Cadeirydd y byddai pleidlais ar wahân ar gyfer yr argymhellion. Cynnig (1)- Cynigodd y Cynghorydd Stuart Davies
argymhelliad y swyddog i wrthod amrywio amod 2, ac fe’i eiliwyd gan y
Cynghorydd Bill Cowie. PLEIDLAIS: CYMERADWYO - 20 GWRTHOD - 1 YMATAL - 1 PENDERFYNWYD y dylid GWRTHOD y cais i amrywio amod 2 yn unol ag argymhellion y swyddog a
nodwyd yn yr adroddiad. Cynnig (2)- Cynigodd y Cynghorydd Stuart Davies
argymhelliad y swyddog i gymeradwyo dileu Amodau 4 a 5, ac fe’i eiliwyd gan y
Cynghorydd Bill Cowie. PLEIDLAIS: CYMERADWYO - 20 GWRTHOD - 0 YMATAL - 1 PENDERFYNWYD y dylid CYMERADWYO’R cais i ddileu amodau 4 a5 yn unol ag argymhellion y
swyddog a nodwyd yn yr adroddiad. |
|
Ystyried
adroddiad ar ganfyddiadau Adroddiad Ombwdsmon Gwasanaethau Cyhoeddus Cymru ynglŷn
â’r achos, tir yn Mount House, Bryniau, Diserth (copi wedi'i amgáu). Dogfennau ychwanegol:
Cofnodion: Cyflwynwyd adroddiad ar ganfyddiadau Adroddiad
Ombwdsmon Gwasanaethau Cyhoeddus Cymru ynglŷn â’r achos, tir yn Mount
House, Bryniau, Diserth. Siaradwr Cyhoeddus- Cyfeiriodd Mr. Rhys Davies (ar ran yr ymgeisydd) –at
y sylwadau hwyr a gyflwynwyd gan yr achwynydd a’r cyngor cyfreithiol a roddwyd
i’r pwyllgor i symud ymlaen i lunio eu penderfyniadau. Roedd yr achwynydd wedi cadarnhau na
ddylid ystyried costau iawndal fel mater ond pe bai’r caniatâd cynllunio yn
cael ei dynnu’n ôl yna byddai’n rhaid talu iawndal i berchennog y tir. Amlinellodd Pennaeth Cynllunio a Gwarchod y
Cyhoedd y digwyddiadau a arweiniodd at gyflwyno’r adroddiad a’r cais i'r
aelodau ailystyried canfyddiadau ymchwiliad yr Ombwdsmon yn yr achos hwn ac a
ddylid tynnu’r caniatâd cynllunio amlinellol yn ôl. Roedd y Pwyllgor Cynllunio wedi ystyried
adroddiad yr Ombwdsmon yn wreiddiol ym mis Chwefror 2016 ac wedi penderfynu na
fyddai’n briodol dirymu’r caniatâd a oedd wedi’i gymeradwyo. Ers hynny roedd yr achwynydd wedi dwyn
achos Adolygiad Barnwrol yn erbyn y penderfyniad a fyddai’n derbyn gwrandawiad
ym mis Rhagfyr 2016. Yn unol â’r cyngor cyfreithiol roedd y mater wedi’i ddwyn yn ôl o flaen yr
Aelodau i’w ailystyried gan ystyried sail yr hawliad yn yr Adolygiad Barnwrol a
seiliau’r her. Pe bai’r aelodau o blaid cadarnhau eu penderfyniad i beidio â thynnu’r
caniatâd yn ôl yn unol ag argymhelliad y swyddog byddai’r Cyngor mewn sefyllfa
gryfach wrth wynebu’r Adolygiad Barnwrol. Pe bai’r aelodau o blaid tynnu’r caniatâd
cynllunio yn ôl yn ffurfiol, ni fyddai’r Adolygiad Barnwrol yn parhau ond
byddai gan yr ymgeisydd hawl i dderbyn iawndal. Eglurwyd, pe bai’r caniatâd yn cael ei dynnu’n ôl,
byddai’r penderfyniad a wnaed ynglŷn â’r materion a gadwyd yn ôl hefyd yn
cael eu dirymu. Pwysleisiodd yr Arweinydd Tîm – Lleoedd (SC) y bu
beirniadaethau ynglŷn â’r modd yr oedd y Cyngor wedi delio â’r cais
cynllunio a oedd wedi’u nodi yn yr adroddiad. Tynnodd sylw at y prawf cyfreithiol ar gyfer tynnu
caniatâd yn ôl fel y nodwyd o dan Adran 97 Deddf Cynllunio Gwlad a Thref 1990 a
diffiniad 'hwylus’ yn y cyd-destun hwnnw ac a fyddai’n briodol yn yr achos hwn
o ystyried yr holl ystyriaethau gan gynnwys y ffaith pe bai’r cais yn cael ei
gyflwyno i’r Pwyllgor Cynllunio heddiw mae'n annhebygol y byddai'n derbyn
caniatâd, canfyddiadau’r Ombwdsmon ar ymdriniaeth y Cyngor o’r cais, ac
ystyriaethau iawndal. Trafodaeth Gyffredinol – Eglurodd y Cynghorydd Stuart Davies nad
oedd unrhyw ystyriaethau perthnasol pellach wedi’u cyflwyno a oedd yn newid ei
safbwynt. O ystyried y prawf statudol ar gyfer tynnu’r caniatâd yn ôl, teimla’r
Cynghorydd Davies y byddai effaith un annedd newydd ar eiddo’r achwynydd yn
fychan, yn enwedig yn dilyn y diwygiadau a wnaed gan yr ymgeisydd mewn ymateb
i’r pryderon a godwyd, ac o ystyried argymhellion yr Ombwdsmon a’r materion
iawndal. O ystyried y sefyllfa gyfreithiol a’r sylwadau a gyflwynwyd cynigodd y
Cynghorydd Davies argymhellion y swyddog a nodwyd yn yr adroddiad. Eglurodd y Cadeirydd y byddai pleidlais ar
wahân ar gyfer yr argymhellion. Ceisiodd y Cynghorydd Mark Young eglurhad a fyddai’n briodol iddo
bleidleisio ar y mater gan nad oedd yn aelod pan gymeradwywyd y caniatâd
cynllunio amlinellol gwreiddiol. Cynghorodd yr Arweinydd Tîm – Lleoedd (SC) gan ei fod wedi cwblhau’r
hyfforddiant cynllunio gofynnol ac fel aelod o’r Pwyllgor Cynllunio, roedd yn
briodol iddo gymryd rhan yn y broses o wneud penderfyniadau. Amlygodd y Cynghorydd Huw Hilditch-Roberts fod yr aelodau wedi’u cynghori yn ystod eu hyfforddiant y dylid ystyried pob cais ar ei rinweddau ei hun a oedd yn groes i safbwynt yr Ombwdsmon y dylai bod yr aelodau’n ymwybodol o ddau achos o wrthod caniatâd yn yr un ... view the full Cofnodion text for item 9. |
|
CAIS RHIF 15/2016/0828/PF - 19 MAES IÂL, LLANARMON YN IÂL, YR WYDDGRUG PDF 5 KB Ystyried cais i godi estyniad un llawr i gefn
annedd yn 19 Maes Iâl, Llanarmon yn Iâl, Yr Wyddgrug (amgaeir copi). Dogfennau ychwanegol: Cofnodion: Cyflwynwyd cais i godi estyniad un llawr i gefn
annedd yn 19 Maes Iâl, Llanarmon Yn Iâl, Yr Wyddgrug. Cynnig – Cynigodd y Cynghorydd Arwel Roberts
argymhelliad y swyddogion i gymeradwyo’r cais, ac eiliwyd hynny gan y
Cynghorydd Dewi Owens PLEIDLAIS: CYMERADWYO - 22 GWRTHOD - 0 YMATAL - 0 PENDERFYNWYD y dylid CYMERADWYO’R cais yn unol ag argymhelliad y swyddogion a nodwyd yn
yr adroddiad. Ar y pwynt hwn
(10.50 am) cafwyd egwyl fer. |
|
CANLLAWIAU CYNLLUNIO ATODOL ‘DATBLYGIADAU PRESWYL’ - MABWYSIADU DOGFEN DERFYNOL PDF 242 KB Ystyried adroddiad yn argymell mabwysiadu'r
ddogfen CCA drafft 'Datblygiadau Preswyl' yn unol â diwygiadau arfaethedig (amgaeir
copi). Dogfennau ychwanegol:
Cofnodion: Cyflwynodd y Cynghorydd David Smith, Aelod
Arweiniol y Parth Cyhoeddus adroddiad yn argymell y dylid mabwysiadu dogfen
ddrafft Canllaw Cynllunio Atodol (CCA) ar Ddatblygiad Preswyl. Atgoffodd yr Aelodau o wahanol gamau’r
broses cyn i’r Pwyllgor Cynllunio fabwysiadu’r dogfennau CCA yn derfynol. Yn dilyn cyfnod ymgynghori o wyth wythnos cynigwyd
salw diwygiad mewn ymateb i'r sylwadau a dderbyniwyd a oedd wedi'u hamlygu yn y
ddogfen derfynol a’u nodi yn yr Adroddiad Ymgynghori. Tynnodd y Rheolwr Cynllunio Strategol a
Thai (AL) sylw’r aelodau at y prif newidiadau a oedd yn cynnwys tirwedd ac
effaith weledol, risg llifogydd, diogelu coed a chynnwys y manylion cyswllt
perthnasol. Roedd Grŵp Llywio’r CDLl hefyd wedi codi mater ynglŷn ag enwi
strydoedd ac roedd paragraff ychwanegol (7.06) wedi’i gynnwys mewn perthynas â
hynny. Pe bai’n cael ei mabwysiadu byddai’r ddogfen yn disodli nifer o CCAau a
oedd yn gysylltiedig â Chynllun Datblygu Unedol blaenorol Sir Ddinbych. Codwyd y pwyntiau canlynol yn ystod y drafodaeth a
ddilynodd - ·
mewn
ymateb i gwestiynau ynglŷn ag adolygiad y CDLl sydd i ddod cynghorwyd yr
aelodau fod gwaith cefndirol yn cael ei gyflawni gyda'r nod o ddechrau'r
adolygiad ddiwedd y flwyddyn hon/dechrau'r flwyddyn nesaf – o ran y materion a
godwyd mewn perthynas â thai fforddiadwy a dwysedd, eglurodd y swyddogion y
gellir cynnwys yr elfennau hynny fel rhan o’r broses adolygu. ·
cyfeiriwyd
at y CCA ‘Cynllunio a’r Iaith Gymraeg’ a darparwyd sicrwydd y byddai’r Gymraeg
a diwylliant Cymru yn cael eu hystyried wrth adolygu’r CDLl ac roedd yr elfen
hon hefyd wedi'i chynnwys yn y Briffiau Datblygu Safle er mwyn codi
ymwybyddiaeth o'r cychwyn cyntaf. ·
cafwyd
peth trafodaeth ynglŷn â’r broses o enwi strydoedd ac er nad oedd yn rhan
o swyddogaeth gynllunio cytunodd y swyddogion y dylid archwilio’r broses o enwi
strydoedd ar gyfer datblygiad tai ‘HM Stanley’ yn Llanelwy a oedd yn peri pryder penodol i’r aelodau
lleol, y Cynghorwyr Bill Cowie a Dewi Owens- tra’n nodi mewnbwn y Cynghorau
Dinas/Tref/Cymuned yn y broses teimla’r aelodau hyn y dylid gwneud mwy i
gynnwys aelodau lleol ar gam cynnar. ·
nododd
yr aelodau fod y cyfeiriad at y polisi enwi strydoedd wedi'i gynnwys ym
mharagraff 7.06 y ddogfen CCA er mwyn tynnu sylw'r datblygwyr at y mater yn
gynnar. Cynnig – Cynigodd y Cynghorydd Huw Hilditch-Roberts
argymhelliad y swyddog i gymeradwyo’r CCA drafft i’w fabwysiadu, ac fe’i
eiliwyd gan y Cynghorydd Cefyn Williams.
PLEIDLAIS: O BLAID - 19 YN ERBYN – 0 YMATAL - 0 PENDERFYNWYD bod yr aelodau yn mabwysiadu’r Canllaw
Cynllunio Atodol drafft ar Ddatblygiadau Preswyl sydd ynghlwm fel Atodiad 1 yr
adroddiad, yn unol â’r diwygiadau arfaethedig fel yr amlinellwyd yn yr
Adroddiad Ymgynghori, sydd ynghlwm fel Atodiad 2 i’r adroddiad. |
|
DILEU NODIADAU CANLLAWIAU CYNLLUNIO ATODOL (ADRODDIAD YNGHLWM) RHIFAU 3, 5 A 21 PDF 89 KB Ystyried adroddiad yn argymell dileu nodiadau CCA
sy'n ymwneud â ‘Gofal Dydd i Blant’, ‘Tacsis’ a ‘Ciosgau Manwerthu’ (amgaeir
copi). Dogfennau ychwanegol:
Cofnodion: Cyflwynodd y
Cynghorydd David Smith, Aelod Arweiniol y Parth Cyhoeddus adroddiad yn argymell
dileu Nodiadau Canllawiau Cynllunio Atodol (CCA) yn ymwneud â : Rhif 3 Gofal
Dydd Plant; Rhif 5 Tacsis a Rhif 21 Ciosgau Manwerthu gan eu bod naill ai’n
anghywir o ran ffeithiau neu nad oeddent yn cael eu defnyddio gan Reoli
Datblygu. Roedd y rhesymeg y tu cefn i’r
argymhelliad i ddileu pob CCA wedi’i nodi yn yr adroddiad ac wedi’i dderbyn gan
Grŵp Llywio’r CDLl. Cynnig – Cynigodd y Cynghorydd Stuart Davies
argymhelliad y swyddogion i ddileu’r CCAau fel y nodwyd yn yr adroddiad, ac
fe’i eiliwyd gan y Cynghorydd Peter Evans. PLEIDLAIS: O BLAID - 22 YMATAL - 0 YN ERBYN – 0 PENDERFYNWYD cymeradwyo dileu’r Nodiadau Canllawiau
Cynllunio Atodol mewn perthynas â rhif 3
Gofal Dydd Plant; Rhif 5 Tacsis a
Rhif 21 Ciosgau Manwerthu. |
|
CYNLLUN DATBLYGU LLEOL SIR DDINBYCH 2006 - 2021: ADRODDIAD MONITRO BLYNYDDOL DRAFFT 2016 PDF 255 KB Ystyried adroddiad yn rhoi gwybod i'r aelodau am
gynnwys Adroddiad Monitro Blynyddol 2016 y Cynllun Datblygu Lleol (amgaeir
copi). Dogfennau ychwanegol: Cofnodion: Cyflwynodd y
Cynghorydd David Smith, Aelod Arweiniol y Parth Cyhoeddus, adroddiad yn
hysbysu’r aelodau ynglŷn â chynnwys Adroddiad Monitro Blynyddol 2016 y
Cynllun Datblygu Lleol (CDLl) (a oedd ynghlwm fel atodiad i’r adroddiad) cyn ei
gyflwyno i Lywodraeth Cymru a’i gyhoeddi ar eu gwefan. Amlygodd y
Cynghorydd Smith fod y dull cyfrifo a nodwyd gan Lywodraeth Cymru ar gyfer
cyflenwad 5 mlynedd o dir ar gyfer tai yn parhau i beri pryder ond y byddai’n
parhau i lobïo ar gyfer newid. Atgoffodd y Pennaeth Cynllunio a Gwarchod y
Cyhoedd yr aelodau o’r broses ar gyfer dyrannu tir ar gyfer tai sy’n barod i’w
ddatblygu yn y Cynllun Datblygu Lleol (CDLl) a bod y Cyngor yn credu bod nifer
y safleoedd a ddyrannwyd yn mynd y tu hwnt i’r gofyniad 5 mlynedd. Fodd bynnag, roedd y dull o gyfrifo wedi
newid ac yn seiliedig ar gyfraddau adeiladu blaenorol roedd gan y Cyngor lai
na'r argaeledd gofynnol o dir ar gyfer tai.
Trafododd yr aelodau a’r swyddogion y potensial ar gyfer apeliadau
cynllunio mewn perthynas â safleoedd ar hap y tu allan i’r CDLl pe bai’r dull
cyfrifo presennol yn parhau. Nododd yr
aelodau y byddai pryderon ynglŷn â’r dull cyfrifo a’r effaith ar
awdurdodau lleol yn parhau i gael eu codi gyda Llywodraeth Cymru. Amlygodd y
Cynghorydd Win Mullen-James broblemau gyda theithwyr yn symud i safleoedd
penodol gan gynghori bod angen datrys y mater fel blaenoriaeth. Darparodd y
Rheolwr Cynllunio Strategol a Thai (AL) ddiweddariad ynglŷn â’r sefyllfa
gan egluro y cynhaliwyd Asesiad o Anghenion Llety Sipsiwn a
Theithwyr a’i fod wedi’i gyflwyno i Lywodraeth Cymru. Roedd trafodaethau’n parhau gyda Llywodraeth
Cymru ynglŷn â’r Asesiad hwnnw a byddai’r cam nesaf yn cynnwys
cymeradwyaeth Gweinidogol. Y bwriad oedd
dynodi un safle dros dro rhwng Sir Ddinbych a Chonwy. PENDERFYNWYD bod yr aelodau yn nodi cynnwys Adroddiad
Monitro Blynyddol 2016 y Cynllun Datblygu Lleol sydd ynghlwm fel Atodiad 1 i’r
Adroddiad. Daeth y cyfarfod i ben am 11.45 a.m. |