Agenda and draft minutes

Y Cynghorwyr Peter Evans, Colin Hughes a Pat Jones

Aelodau i ddatgan unrhyw gysylltiadau personol neu niweidiol mewn unrhyw fusnes a nodwyd i'w ystyried yn y cyfarfod hwn.

Y Cynghorydd Hugh Evans – Cysylltiad Personol – Eitem rhif 7 ar y Rhaglen

Y Cynghorydd Dewi Owens – Cysylltiad Personol – Eitem rhif 12 ar y Rhaglen

Y Cynghorydd Merfyn Parry – Cysylltiad Personol – Eitem rhif 5 ar y Rhaglen

Y Cynghorydd Huw Williams – Cysylltiad Personol a Chysylltiad sy’n Rhagfarnu – Eitem rhif 5 ar y Rhaglen a Chysylltiad Personol – Eitem rhif 7 ar y Rhaglen

Rhybudd o eitemau y dylid ym marn y Cadeirydd, eu hystyried yn y cyfarfod fel mater o frys yn unol ag Adran 100B (4) Deddf Llywodraeth Leol, 1972

Ni chafwyd unrhyw faterion brys.

Cadarnhau cywirdeb cofnodion cyfarfod y Pwyllgor Cynllunio a gynhaliwyd ar 10 Medi, 2014 (copi ynghlwm).

Cyflwynwyd cofnodion y Pwyllgor Cynllunio a gynhaliwyd ar 10 Medi 2014 i’w cymeradwyo.

Cywirdeb – Tudalen 12 – Cais rhif. 12/2014/0611/PF – Cynghorodd y Cynghorydd Cefyn Williams nad oedd wedi cyfeirio at brisiau tai yn Nerwen.

PENDERFYNWYD –yn amodol ar yr uchod, y dylid derbyn a chymeradwyo cofnodion y cyfarfod a gynhaliwyd ar 10 Medi 2014  fel cofnod cywir.

Cyflwynwyd ceisiadau oedd yn ceisio penderfyniad y pwyllgor ynghyd â'r dogfennau cysylltiol.  Cyfeiriwyd hefyd at yr wybodaeth a gyflwynwyd yn hwyr (taflenni glas) a dderbyniwyd ar ôl cyhoeddi'r rhaglen ac yn ymwneud â'r ceisiadau penodol.  Er mwyn caniatáu ceisiadau aelodau’r cyhoedd i gyflwyno sylwadau cytunwyd y dylid amrywio trefn rhaglen y ceisiadau fel y bo’n briodol.

Ystyried cais am osod tyrbin gwynt, uchder both 30.5m ac 45.07m i flaen y llafn, bocs rheoli a gwaith cysylltiedig ym Maes Truan, Llanelidan, Rhuthun (copi ynghlwm).

[Datganodd y Cynghorydd Huw Evans gysylltiad personol gan fod yr Ymgeisydd wedi gwneud rhywfaint o waith ffermio iddo.  Datganodd y Cynghorydd Huw Williams gysylltiad personol gan fod yr Ymgeisydd wedi gwneud rhywfaint o waith ffermio iddo bedair blynedd yn ôl.]

Cyflwynwyd cais ar gyfer gosod tyrbin gwynt 30.5m uchder both ac 45.07m i flaen y llafn, bocs rheoli a gwaith cysylltiedig ym Maes Truan, Llanelidan.

Siaradwyr Cyhoeddus-

Mr M. Brooker (Yn Erbyn) – amlygu pryderon ynglŷn â thirwedd ac effaith weledol ynghyd â lefelau sŵn tyrbin o’r fath.

Mr A. Jones, yr ymgeisydd (O Blaid) – eglurodd gysylltiadau’r teulu gyda’r ardal a'r gymuned ffermio a bod angen arallgyfeirio er mwyn darparu hyfywedd y fferm yn y dyfodol.

Trafodaeth Gyffredinol - Crynhodd y Swyddog Cynllunio’r adroddiad a’r rhesymau dros argymhelliad y swyddogion i wrthod y cais yn seiliedig ar effaith ar dirwedd a’r effaith weledol.  Ymatebodd y Swyddogion i nifer o faterion gweithdrefnol a godwyd mewn perthynas â'r cais, yn enwedig o ran y broses ymgynghori.

Yn dilyn cadarnhad na fyddai'r sŵn yn cael effaith andwyol ar yr eiddo cyfagos, siaradodd y Cynghorydd Hugh Evans (Aelod Lleol) o blaid y cais, gan gredu fod y buddiannau economaidd lleol yn drech na’r pryderon cynllunio a godwyd.

Yn ystod trafodaeth fanwl ystyriodd yr aelodau fuddiannau’r cais gan drafod, yn helaeth, ynglŷn â'r ystyriaethau cynllunio perthnasol a'r polisïau perthnasol.  Derbyniwyd yn gyffredinol y byddai arallgyfeiriad y prosiect yn sicrhau hyfywedd y fferm ac yn fuddiol i’r gymuned leol ehangach ac roedd rhan fwyaf o’r drafodaeth yn ceisio sefydlu os oedd y buddiannau hynny'n drech na'r effaith weledol a'r ystyriaethau eraill.  Ystyriodd yr Aelodau faint a lleoliad y tyrbinau yn yr ardal mewn perthynas â safle’r cais ac eglurodd y swyddogion y rhesymeg tu cefn i’r penderfyniadau cynllunio sy’n gysylltiedig â datblygiadau tyrbinau eraill.  Nodwyd fod caniatâd ar gyfer tyrbin 15kW ar y safle yn parhau hyd fis Ionawr 2015. Roedd y mater a oedd cymeradwyo’r cais hwn yn ychwanegu at ledaeniad tyrbinau gwynt yn yr ardal yn ddadleuol.  Rhoddwyd ystyriaeth i’r gwrthwynebiadau a dderbyniwyd gan Gydbwyllgor Ymgynghorol Ardal o Harddwch Naturiol Eithriadol Bryniau Clwyd a Dyffryn Dyfrdwy a Chyfoeth Naturiol Cymru.  Nodwyd nad oedd Cydbwyllgor Ymgynghorol yr AHNE yn ymgynghorai statudol ac nad oeddent wedi cynnal ymweliad safle gan arwain at gwestiynau ynglŷn â digonedd eu hymateb a'u rôl yn y broses.  Er bod y swyddogion wedi rhoi pwysau sylweddol i ymateb Cyfoeth Naturiol Cymru roedd cryfder eu sylwadau hwyr yn destun trafodaeth hefyd.  Ystyriodd yr Aelodau'r effaith ar eiddo cyfagos a darparodd y swyddogion sicrwydd y gellid rheoli’r sŵn yn effeithiol gydag amodau cynllunio i sicrhau na fyddai effaith andwyol a nodwyd llythyr cefnogaeth gan gymydog cyfagos.

Cynnig – Ystyriodd y Cynghorydd Stuart Davies bod achos hyfyw ar gyfer arallgyfeirio fferm, a bod y buddiannau’n drech na’r pryderon cynllunio eraill, ac fe gynigodd, ac fe’i eiliwyd gan y Cynghorydd Merfyn Parry, bod y cais yn cael ei gymeradwyo, yn groes i argymhelliad y swyddog.

PLEIDLAIS:

CYMERADWYO - 18

GWRTHOD - 6

YMATAL - 3

Yn dilyn penderfyniad aelodau’r pwyllgor gofynnwyd iddynt bleidleisio os dylid cyflwyno adroddiad ynglŷn â’r amodau cynllunio a materion cytundeb cyfreithiol i’r pwyllgor i’w gymeradwyo neu os dylid rhoi pwerau dirprwyol i swyddogion mewn cydweithrediad â’r Cadeirydd a’r Aelod Lleol.

PLEIDLAIS:

ADRODD YN ÔL I’R PWYLLGOR -11

DIRPRWYO PWERAU I'R SWYDDOGION - 16

YMATAL - 0

PENDERFYNWYD y dylid CANIATÁU’R cais yn groes i argymhelliad y swyddog, ac y dylid rhoi pwerau dirprwyol i'r swyddogion, mewn cydweithrediad â Chadeirydd y Pwyllgor Cynllunio a’r Aelod Lleol, i roi amodau cynllunio ar y cais ac  ...  view the full Cofnodion text for item 5.

Ystyried cais am osod cynllun trydan dŵr micro ar dir yn Elwy Meadows, Ffordd Dinbych Isaf, Llanelwy (copi ynghlwm).

Roedd cais wedi’i gyflwyno er mwyn gosod cynllun hydro-drydan micro ar dir yn Elwy Meadows, Ffordd Isaf Dinbych, Llanelwy.  Gofynnodd y Swyddogion am gael gohirio’r cais er mwyn gallu cyflawni ymgynghoriadau ychwanegol.

Cynnig – Cynigodd y Cynghorydd Meirick Davies, ac fe’i eiliwyd gan y Cynghorydd Dewi Owens, bod y cais yn cael ei ohirio'n unol â chais y swyddog.

PLEIDLAIS:

O BLAID GOHIRIO – 27

YN ERBYN GOHIRIO-0

YMATAL - 0

PENDERFYNWYD y dylid GOHIRIO’R cais er mwyn ymgynghori ymhellach.

Ar y pwynt hwn (11.00 am) cafwyd egwyl ar gyfer lluniaeth.

Ystyried cais i newid defnydd a thrawsnewid, gyda dymchwel yn rhannol, o gyn-dafarn i ffurfio 1 annedd ac adeiladu garej ar wahân yn y cefn yn Nhŷ Tafarn Dinorben, Bodfari, Dinbych.

Cyflwynwyd cais ar gyfer newid defnydd a thrawsnewid, gan ddymchwel yn rhannol, cyn dŷ tafarn i ffurfio 1 Annedd a chodi garej ar wahân tu cefn i Dŷ Tafarn Dinorben Arms, Bodfari, Dinbych.

Siaradwyr Cyhoeddus-

Mr. A. Williams (Yn Erbyn) – gofynnodd i’r aelodau gymhwyso eu polisïau’n llym gan ddadlau nad oedd y cais yn diwallu meini prawf newid defnydd yn yr achos hwn.

Mr. T. Thackery, yr Ymgeisydd (O Blaid) – adroddodd ynglŷn â’r dylanwadau ariannol ac economaidd ar ôl caffael yr eiddo yn 2010 a dadleuodd yn erbyn ei hyfywedd yn y dyfodol.

Trafodaeth Gyffredinol – Siaradodd y Cynghorydd Barbara Smith (Aelod Lleol) yn erbyn y cais, gan gefnogi’r gwrthwynebiad a gyflwynwyd gan Gyngor Cymuned Bodfari.  Dadleuodd nad oedd y meini prawf a nodwyd ym Mholisi HEG 10 o'r Cynllun Datblygu Lleol wedi’u diwallu oherwydd (1) nid oedd wedi arddangos nad oedd yr eiddo'n hyfyw bellach, (2) nid oedd yr eiddo wedi’i farchnata, a (3) ni archwiliwyd pob opsiwn rhesymol arall i ganfod defnyddiwr newydd.

Ystyriodd yr aelodau fuddiannau’r cais a chwestiynu cadernid y dystiolaeth a gyflwynwyd mewn ymateb i Bolisi HEG 10. Mynegwyd pryderon nad oedd y meini prawf wedi'u cyflawni gan nad oedd y safle wedi'i farchnata ers 2008 ac ni ddarparwyd tystiolaeth o farchnata.    Roedd safbwyntiau cymysg ynglŷn â chynaladwyedd yn y dyfodol gydag enghreifftiau o dai tafarn eithaf llwyddiannus wedi’u darparu ond cydnabuwyd hefyd bod nifer o fusnesau tebyg wedi methu.  Mynegwyd pryderon ynglŷn â chyflwr yr eiddo ac er nad oedd yr aelodau’n dymuno ei weld yn dirywio ymhellach roeddent yn cydymdeimlo â safbwynt y gymuned.  Cydnabu'r swyddogion nad oedd profion y polisi wedi’u diwallu’n llawn ond roeddent yn argymell y dylid rhoi’r caniatâd oherwydd y byddai'r tebygolrwydd o ddenu busnes hyfyw ar ôl blynyddoedd o esgeulustod yn annhebygol ac oherwydd y byddai’r cynnig yn sicrhau defnydd hir dymor ar gyfer yr adeilad oedd yn safle dolur llygad ar hyn o bryd.  Ymatebodd y swyddogion i gwestiynau ynglŷn â manylion y cais a’r meysydd parcio ar y safle pe cymeradwyir y cais.

Cynnig – Cynigodd y Cynghorydd Merfyn Parry, ac fe’i eiliwyd gan y Cynghorydd Huw Hilditch- Roberts, bod y cais yn cael ei wrthod oherwydd eu bod wedi methu â marchnata’r eiddo mewn ymateb i Bolisi HEG 10. Awgrymwyd terfyn amser o ddeuddeg mis er dibenion marchnata.

PLEIDLAIS:

CYMERADWYO - 12

GWRTHOD - 15

YMATAL - 0

PENDERFYNWYD y dylid GWRTHOD rhoi caniatâd, yn groes i argymhelliad y swyddog, yn seiliedig ar fethiant i farchnata’r eiddo yn unol â Pholisi HEG 10 y Cynllun Datblygu Lleol. 

Ystyried cais adeilad rhestredig ar gyfer trawsnewid a dymchwel yn rhannol ac addasiadau i gyn-dafarn i ffurfio 1 annedd gyda garej newydd ar wahân yn y cefn yn Nhŷ Tafarn Dinorben, Bodfari, Dinbych.

Cyflwynwyd cais adeilad rhestredig i drawsnewid, dymchwel yn rhannol ac addasu cyn dŷ tafarn i ffurfio 1 annedd gyda garej newydd ar wahân tu cefn  i Dŷ Tafarn Dinorben Arms, Bodfari, Dinbych.

Eglurodd y swyddogion bod y Pwyllgor wedi gwrthod y cais cynllunio cynharach ar gyfer prif ddefnydd fel annedd ac roedd y cais hwn yn ymdrin ag effaith yr addasiadau arfaethedig yn unig.  Yn dechnegol gellir cymeradwyo’r cais ond ni ellid dechrau ar y gwaith adeiladau oherwydd nid oedd caniatâd cynllunio.

Cynnig – Cynigodd y Cynghorydd Merfyn Parry, ac fe’i eiliwyd gan y Cynghorydd Huw Hilditch- Roberts, bod y cais yn cael ei ohirio er mwyn canfod bwriad yr ymgeisydd yn dilyn penderfyniad y pwyllgor o ran yr eitem flaenorol.  Gan na chafwyd trafodaeth ynglŷn â buddiannau’r cais cynghorodd y swyddogion y byddai'n briodol ystyried ei ohirio.

PLEIDLAIS:

O BLAID GOHIRIO – 22

YN ERBYN GOHIRIO – 4

YMATAL - 0

PENDERFYNWYD y dylid GOHIRIO'R cais er mwyn penderfynu ar fwriadau’r ymgeisydd yn dilyn penderfyniad y pwyllgor i wrthod cais cynharach i newid defnydd.

Ystyried cais i godi sied wartheg amaethyddol, seilo bwyd anifeiliaid a chyfleusterau trin yn Oror Farm, Gwyddelwern, Corwen (copi ynghlwm).

[Datganodd y Cynghorydd Huw Williams, fel Ymgeisydd, gysylltiad personol a chysylltiad sy’n rhagfarnu a gadawodd y cyfarfod wrth i’r eitem hon gael ei thrafod.  Datganodd y Cynghorydd Merfyn Parry gysylltiad personol am ei fod wedi delio gyda'r Ymgeisydd.]

Cyflwynwyd cais i godi sied wartheg amaethyddol, seilo bwyd a chyfleusterau trin yn Oror Farm, Gwyddelwern, Corwen.

Cynnig – Cynigodd y Cynghorydd Joan Butterfield argymhelliad y swyddog i gymeradwyo’r cais, ac fe’i eiliwyd gan y Cynghorydd Rhys Hughes.

PLEIDLAIS:

CYMERADWYO - 25

GWRTHOD - 0

YMATAL - 0

PENDERFYNWYD y dylid CYMERADWYO’R cais yn unol ag argymhellion y swyddog a nodwyd yn yr adroddiad.

Ystyried cais i godi adeilad amaethyddol ar gyfer storio a lloches stoc ar dir ger Canol Y Cae, Ffordd y Pentref, Eryrys, Yr Wyddgrug (copi ynghlwm).

Cyflwynwyd cais i godi adeilad amaethyddol fel storfa a gwarchodfa stoc ar dir ger Canol y Cae, Ffordd y Pentref, Eryrys, yr Wyddgrug.

Trafodaeth Gyffredinol – Nid oedd gan y Cynghorydd Martyn Holland (Aelod Lleol) unrhyw wrthwynebiad mawr ond cyflwynodd nifer o faterion o ran ymgynghori a maint yr adeilad arfaethedig.  Ymatebodd y swyddogion (1) eu bod wedi ymgynghori â’r cymdogion, (2) yn dilyn pryderon y Cyngor Cymuned ceisiwyd mwy o gyngor gan Adran yr Amgylchedd, Bwyd a Materion Gwledig oedd yn nodi bod maint yr adeilad yn rhesymol, a (3) derbyniwyd bod angen ei guddio â sgrin ac roedd wedi’i gynnwys yn amod 4 yr adroddiad. 

Cynnig – Cynigodd y Cynghorydd David Simmons argymhelliad y swyddog i gymeradwyo’r cais, ac fe’i eiliwyd gan y Cynghorydd Arwel Roberts.

PLEIDLAIS:

CYMERADWYO - 26

GWRTHOD – 0

YMATAL - 0

PENDERFYNWYD y dylid CYMERADWYO’R cais yn unol ag argymhellion y swyddog a nodwyd yn yr adroddiad.

Ystyried cais ar gyfer gosod 2 arwydd ffasgia wedi ei oleuo'n allanol ac 1 arwydd ymwthiol wedi’i oleuo'n allanol yn 79 Stryd Fawr, Prestatyn (copi ynghlwm).

Cyflwynwyd cais i osod 2 arwydd ffasgia wedi’u goleuo’n allanol ac 1 arwydd crog wedi’i oleuo’n allanol  yn rhif 79 Stryd Fawr, Prestatyn.

Cynnig – Gan ystyried yr amod diwygiedig o ran y lliw fel y nodwyd yn y papurau ategol hwyr cynigodd y Cynghorydd Julian Thompson-Hill (Aelod Lleol) ac fe’i eiliwyd gan y Cynghorydd Rhys Hughes, y dylid cymeradwyo’r cais yn unol ag argymhellion y swyddog.

PLEIDLAIS:

CYMERADWYO - 25

YMATAL - 0

GWRTHOD - 0

PENDERFYNWYD y dylid CYMERADWYO’R cais yn unol ag argymhellion y swyddog fel y nodwyd yn yr adroddiad a’r papurau ategol.

Ystyried cais am newid defnydd o siop Dosbarth A1 i Ddosbarth A3 bwyty a siop bwyd cyflym ar Gwylfa, Sgwâr Bronwylfa, Llanelwy (copi ynghlwm).

[Datganodd y Cynghorydd Dewi Owens gysylltiad personol gan ei fod yn byw yn agos at safle’r cais cynllunio.]

Cyflwynwyd cais i newid defnydd Siop Dosbarth A1 i Fwyty a Siop Cludfwyd Poeth Dosbarth A3 yng Ngwylfa, Sgwâr Bronwylfa, Llanelwy.

Trafodaeth Gyffredinol – Cydbwysodd y Cynghorydd Dewi Owens (Aelod Lleol) oes oedd angen siop cludfwyd poeth arall yn erbyn nifer yr eiddo gwag.  Ceisiodd sicrwydd ynglŷn â rheoli arogl ac oriau agor.  Amlygodd y Cynghorydd Bill Cowie (Aelod Lleol) broblemau traffig yr oedd y preswylwyr yn eu dioddef ac y byddent yn gwaethygu ar ôl cwblhau datblygiad tai Bryn Gobaith a gofynnodd i gael ailymweld â’r mater hwn.  Gofynnodd y Cynghorydd Meirick Lloyd Davies am ystyriaeth i adfer y gofod parcio o flaen yr eiddo pe bai'r cais yn cael ei gymeradwyo.  Ymatebodd y swyddogion -

·        Bod amod wedi’i gynnig i sicrhau bod system echdynnu mygdarth wedi’i osod yn yr eiddo a’i fod yn diwallu gofynion yr awdurdod.

·        Bod y swyddogion yn cynnig amod newydd o ran oriau agor yr eiddo a oedd yn rhesymol ar gyfer eiddo bwyd [0900-2100 dydd Llun i ddydd Sadwrn a 1100 i 2000 ddydd Sul]

·        Bod yr eiddo wedi’i ddynodi o fewn ffin canol y dref a bod asesiad y Peiriannydd Priffyrdd wedi ystyried y defnydd blaenorol a’r defnydd arfaethedig ac wedi penderfynu na fyddai’n achosi materion priffyrdd.

·        Er nad oedd yn rhan o’r cais hwn cytunodd y swyddogion i drafod yr awgrym i ailosod gofod parcio tu allan i'r eiddo gyda Swyddogion Priffyrdd.

Cynnig – Cynigodd y Cynghorydd Rhys Hughes argymhelliad y swyddog i gymeradwyo’r cais, ac fe’i eiliwyd gan y Cynghorydd Merfyn Parry.

PLEIDLAIS:

CYMERADWYO - 25

YMATAL - 0

GWRTHOD - 0

PENDERFYNWYD y dylid CYMERADWYO’R cais yn unol ag argymhellion y swyddog fel y nodwyd yn yr adroddiad a’r papurau ategol.

Ystyried adroddiad (copi ynghlwm) yn argymell mabwysiadu'r Canllawiau Cynllunio Atodol drafft 'Gofynion Parcio mewn Datblygiadau Newydd' yn unol â'r diwygiadau arfaethedig ar gyfer penderfynu ar geisiadau ac apeliadau cynllunio yn y dyfodol.

Cyflwynodd y Cynghorydd David Smith, Aelod Arweiniol y Parth Cyhoeddus, adroddiad yn cyflwyno Canllaw Cynllunio Atodol drafft ‘Gofynion Parcio mewn Datblygiadau Newydd’ i’w mabwysiadu yn dilyn ymgynghoriad cyhoeddus.

Roedd y drafodaeth yn canolbwyntio ar y canlynol-

·        O ran darpariaeth parcio ar gyfer myfyrwyr ysgolion uwchradd nodwyd fod gan bob ysgol eu polisi personol i ganiatáu llefydd parcio i fyfyrwyr ai peidio.

·        Crybwyllwyd safbwynt y Cyngor o beidio â chefnogi fflatiau un ystafell mewn datblygiadau a gofynnodd yr aelodau am gael dileu'r cyfeiriadau at fflatiau un ystafell o'r canllawiau.

·        Ceisiwyd sicrwydd a fyddai dull synnwyr cyffredin yn cael ei ddefnyddio wrth gymhwyso'r canllawiau ar gyfer datblygiadau mewn safleoedd strategol allweddol yn y dyfodol, a chadarnhaodd y Rheolwr Polisi y byddai ychydig o hyblygrwydd yn y polisi ond pwysleisiodd bwysigrwydd y gofynion parcio fel man cychwyn.

·        Codwyd pryderon fod parcio annigonol wedi’i gynnig ar gyfer sectorau penodol megis anheddau hunangynhwysol ar gyfer pobl hŷn a thai, yn enwedig mewn ardaloedd gwledig lle'r oedd cyfyngiad o ran cludiant cyhoeddus, ac roedd pryderon y byddai tai’n cael eu gwasgu at ei gilydd gan waethygu’r broblem.  Ymatebodd y Rheolwr Polisi mai canllaw oedd y ddogfen yn unig ac roedd darpariaeth ar gyfer amrywiaeth er mwyn ystyried amgylchiadau lleol fyddai’n caniatáu hyblygrwydd.  Mae’n debyg y byddai gan dai newydd fwy nag un ystafell wely ac roedd darpariaeth newydd o ofodau parcio ar gyfer ymwelwyr wedi'u cynnig ar gyfer datblygiadau mwy.

Gofynnodd y Cynghorydd Stuart Davies am gael diwygio ffigyrau darpariaeth parcio.    Cyfeiriodd y Cynghorydd David Smith at gyfleoedd blaenorol i ymateb i’r ymgynghoriad gan gynghori y byddai angen ymgynghoriad cyhoeddus ychwanegol ar gyfer unrhyw ddiwygiadau.

Cynnig – Cynigodd y Cynghorydd David Simmons argymhelliad y swyddog yn amodol ar ddileu’r geiriau 'fflat un ystafell' yn y tabl ar dudalen 6, paragraff 6.13, ac fe’i eiliwyd gan y Cynghorydd Richard Davies.

PLEIDLAIS:

O BLAID - 20

YN ERBYN - 2

YMATAL - 0

PENDERFYNWYD yn amodol ar ddileu ‘fflat un ystafell’ o’r tabl ar dudalen 6, paragraff 6.13 y ddogfen, bod yr aelodau’n mabwysiadu drafft Canllawiau Cynllunio Atodol ’Gofynion Parcio mewn Datblygiadau Newydd’ yn unol â’r diwygiadau arfaethedig er mwyn penderfynu ar geisiadau cynllunio ac apeliadau yn y dyfodol.

Ystyried adroddiad (copi ynghlwm) yn argymell yr aelodau i gytuno ar y CCA drafft ar siopau cludfwyd poeth fel sail ar gyfer ymgynghoriad cyhoeddus.

Cyflwynodd y Cynghorydd David Smith, Aelod Arweiniol y Parth Cyhoeddus adroddiad yn cyflwyno drafft Canllaw Cynllunio Atodol ar siopau cludfwyd poeth ar gyfer ymgynghoriad cyhoeddus.

Cyfeiriodd yr aelodau at baragraff 6.7 ynglŷn â sbwriel ac amlygwyd problemau cyfredol gan alw i gryfhau'r mesurau bod camau gorfodi llym yn cael eu cymhwyso yn erbyn troseddau gollwng sbwriel.  Crybwyllwyd y cynnig o gyflwyno cyfyngiad ar siopau cludfwyd poeth ger ysgolion hefyd, yn enwedig gan fod nifer o ysgolion yn agos at ganol trefi, a chydnabuwyd fod gan yr ysgolion eu polisïau eu hunain yn nodi a ddylid caniatáu’r disgyblion i adael tir yr ysgol yn ystod amser cinio.  Atgoffodd y Cadeirydd yr aelodau fod ganddynt gyfle i gyflwyno sylwadau ynglŷn â'r ddogfen yn ystod y cyfnod ymgynghori o wyth wythnos.

Cynnig – Cynigodd y Cynghorydd Meirick Davies argymhelliad y swyddog, ac fe’i eiliwyd gan y Cynghorydd Jeanette Chamberlain-Jones. 

PENDERFYNWYD yn unfrydol bod yr aelodau’n cymeradwyo’r Canllaw Cynllunio Atodol drafft ar siopau cludfwyd poeth ar gyfer ymgynghoriad cyhoeddus.

Ystyried adroddiad (copi ynghlwm) yn argymell aelodau i gytuno ar ddatganiad sefyllfa yng ngoleuni cyhoeddi’r Adolygiad 1af o’r Datganiad Technegol Rhanbarthol a Llythyr Eglurhad CL-04-14 i ddangos ymrwymiad Sir Ddinbych i gyfrannu at y galw am fwynau.

Cyflwynodd y Cynghorydd David Smith, Aelod Arweiniol y Parth Cyhoeddus, adroddiad yn argymell bod yr aelodau’n cytuno â datganiad sefyllfa yn dilyn cyhoeddiad Adolygiad Cyntaf Datganiad Technegol a Llythyr Eglurhaol CL-04-14 i arddangos ymrwymiad Sir Ddinbych i gyfrannu tuag at y galw am fwynau.

Roedd gofyniad i sicrhau y gwneir cyfraniad priodol o fewn y Cynllun Datblygu Lleol (CDLl) i ddiwallu'r galw am fwynau.  Eglurodd yr Uwch Swyddog Mwynau a Chynllunio Cymru ynglŷn â goblygiadau adolygiad CDLl Sir Ddinbych, yn enwedig o ran cerrig wedi’u malu a thywod a graean, ynghyd â’r rhesymeg o ran termau’r datganiad sefyllfa.  Yn gryno ystyriwyd bod y polisi cyfredol yn ddigon hyblyg i ddiwallu’r galw newydd pe bai’r angen oherwydd y dyraniadau cyfredol.

Mewn ymateb i’r cwestiynau eglurodd y swyddog botensial ffracio ym Modelwyddan ond cadarnhaodd nad oedd olew a nwy yn rhan o’r polisi a byddai’n cael ei drin ar wahân pe bai'n codi.  Awgrymodd y Cynghorydd David Smith mai Gweithgor y CDLl fyddai’r man gorau i drafod ffracio a’i oblygiadau ar gyfer Sir Ddinbych.  Amlygodd y Cynghorydd Martyn Holland nifer y chwareli anweithredol yn ei ward a holodd am botensial yn y dyfodol.  Cadarnhaodd y swyddog bod digon wrth gefn yn y sir ac amlygodd ddyraniad yn y CDLl oedd yn dangos ardal a ffefrir yn Ninbych / Aberchwiler ond na chafwyd unrhyw ddiddordeb gan y diwydiant.

Cynnig – Cynigodd y Cynghorydd Meirick Lloyd Davies argymhelliad y swyddog, ac fe’i eiliwyd gan y Cynghorydd Cheryl Williams.    

PENDERFYNWYD yn unfrydol bod yr aelodau’n cytuno â’r datganiad sefyllfa a argymhellwyd ym mharagraff 5.1 yr adroddiad.

Ystyried adroddiad (copi ynghlwm) yn diweddaru’r aelodau ar achosion cydymffurfiaeth cynllunio.

Cyflwynwyd adroddiad yn diweddaru’r aelodau ynglŷn ag achosion cydymffurfiaeth cynllunio, gan gynnwys rhai oedd wedi’u hawdurdodi’n flaenorol yn y pwyllgor ac achosion o ddiddordeb cyffredinol.  Anogwyd yr aelodau i gysylltu â swyddogion perthnasol tu allan i’r cyfarfod os oeddent angen rhagor o wybodaeth ynglŷn ag achosion penodol.

PENDERFYNWYD nodi’r adroddiad.

Daeth y cyfarfod i ben am 1.00pm.