Agenda and draft minutes

(Sylwer: Mae gwybodaeth ynglŷn â sut y cynhelir cyfarfodydd y Pwyllgor Cynllunio ynghlwm wrth yr eitem hon ar y wefan).

Yr Aelodau i ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Datganodd y Cynghorydd Emrys Wynne gysylltiad sy’n rhagfarnu yn eitem 6, Tir (rhan o ardd) yn 73A Erw Goch, Rhuthun, am ei fod yn adnabod yr ymgeisydd yn dda. 

Datganodd y Cynghorydd Tina Jones gysylltiad sy’n rhagfarnu yn eitem 8, Cynllun Datblygu Lleol Sir Ddinbych 2006-2021 – Adroddiad Monitro Blynyddol 2020 gan ei bod yn berchen ar ddarn o dir sy’n rhan o’r Cynllun Datblygu.

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B(4) Deddf Llywodraeth Leol 1972.

Nid oedd unrhyw fater brys.

Cadarnhau cywirdeb cofnodion cyfarfod y Pwyllgor Cynllunio a gynhaliwyd ar 11 Tachwedd 2020 (copi wedi’i atodi).

Cyflwynwyd cofnodion cyfarfod y Pwyllgor Cynllunio a gynhaliwyd ar 11 Tachwedd 2020.

PENDERFYNWYD derbyn cofnodion y cyfarfod a gynhaliwyd ar 11 Tachwedd 2020 a’u cadarnhau fel cofnod cywir.

Ystyried cais ar gyfer adeiladu 63 o anheddau fforddiadwy ynghyd â mynediad, man agored a gwaith cysylltiol (cynllun diwygiedig) ar dir yn Glasdir, Rhuthun (copi ynghlwm).

Cyflwynwyd cais i godi 63 annedd fforddiadwy ynghyd â mynediad, man agored a’r gwaith cysylltiedig (cynllun diwygiedig) ar dir yng Nglasdir, Rhuthun.

Siaradwyr Cyhoeddus -

Matthew Green (yn erbyn) - Gellir crynhoi fy mhryderon ynglŷn â’r cais cynllunio penodol fel a ganlyn:

1 – Gwrthwynebwyd cynlluniau tebyg ym mis Mawrth eleni (9 – 4) gan nad oedd cynllun, cymeriad a dyluniad y tai arfaethedig yn cyd-fynd â’r datblygiadau presennol yn yr ardal.

Mae’r ceisiadau hyn (er eu bod yn wahanol) yr un mor wahanol eu natur / cymeriad i’r eiddo sydd wedi eu hadeiladu ar Glasdir (a gweddill Rhuthun) ac ar sail cysondeb democrataidd dylid gwrthod y rhain yn yr un modd y tro hwn.

2 – Cytunodd Cynghorwyr ym mis Mawrth 2020 (chwe mis yn unig yn ôl) y byddai’r cynnydd yn y nifer o anheddau a phobl yn rhoi straen ar y seilwaith gyfredol yn yr ardal. Mynegwyd pryderon am ardal arfaethedig y datblygiad gan y byddai’n cael effaith ar lif y traffig yn yr ardal, sydd eisoes yn wael yn ystod adegau prysur. Mynegwyd pryderon hefyd am yr effaith bosib ar ecoleg yr ardal, a’r risg uwch o safbwynt llifogydd, yn enwedig gan fod yr ardal o fewn ardal perygl llifogydd. Yn wir, nododd un cynghorydd: “Ni allwn barhau i ddal y glaw yn ei ôl na dal yr afonydd yn ôl, nac ychwaith ddal y llanw yn ôl. “Dylem adolygu ein cynllun datblygu lleol ar unwaith a rhoi’r gorau i adeiladu ar orlifdiroedd” ac mae’r cynghorydd a ddywedodd hyn yn bresennol.

3 – Pam fyddai’r Cyngor yn cytuno i adeiladu eiddo newydd yn Rhuthun, pan fod lle yn dal i fod ar gael ar safle Clwyd Alyn yn Llanbedr Dyffryn Clwyd. Roedd hwnnw yn safle 38 uned – ac eto mae lle yn dal i fod ar gael.

4 – A ellir ymddiried yng Nghlwyd Alyn i adeiladu mwy na 60 o anheddau pan fydd eu gwybodaeth gynllunio yn llawn camgymeriadau a gwybodaeth anghywir. Ar uwchgynllun Clwyd Alyn ar-lein mae’n sôn am

• Ysgol Glasdir – sydd mewn gwirionedd yn sarhad i Ysgol Pen Barras ac Ysgol Stryd y Rhos.

Roedd gwaith papur cychwynnol yn nodi fod 63 annedd.

Mae datganiad cynllunio CAHL – tudalen 31, pwynt 117, yn nodi 65 annedd.

Er mai camgymeriadau bychain yw’r rhain – sut allwn ni ymddiried mewn cwmni i adeiladu eiddo os nad yw eu hymchwil yn gywir ar eu gwaith papur? Ni allwn ganiatáu’r fath gam o safbwynt ymddiriedaeth.

5 – Yr effaith ar yr iaith Gymraeg. Yn yr Asesiad o Effaith ar yr Iaith Gymraeg, mae’n dweud “maint cartref ar gyfartaledd yw 2.3 o bobl, byddai 145 o drigolion yn y datblygiad” (tudalen 14, pwynt 5.9). BYDD 6 o bobl mewn eiddo sydd yn cael eu hadeiladu ar gyfer 6 o bobl. Bydd pob eiddo yn cael ei lenwi i’w uchafswm. Felly, y cyfrifiad fydd 263 o drigolion.

6 – Mae’r holl waith papur yn awgrymu y byddai trigolion newydd yr ystâd dai hon yn bobl “leol”. Fodd bynnag, onid y gwir yw y bydd yr eiddo hyn yn agored i fandiau 1 – 4 ar gofrestr Un Llwybr Mynediad at Dai (SARTH)? Mae band 4 SARTH  ar gael i unrhyw un – ddim yn lleol i’r sir nac i’r wlad?

7 – Yn yr holl waith papur, a gofynnais y cwestiwn yn y cais cyn cynllunio – does dim gwybodaeth am y mathau o denantiaethau fydd gan drigolion y cynllun arfaethedig. Fyddan nhw i gyd yn anghenion Cyffredinol? Tai â chymorth? Lesddeiliaid? IMR? A fydd y tenantiaethau yn sicr neu’n dymor penodol? A fydd tenantiaethau  ...  view the full Cofnodion text for item 5.

Ystyried cais ar gyfer adeiladu annedd ar wahân, adeiladu mynedfa newydd i gerbydau a gwaith cysylltiedig ar dir yn (rhan o ardd) 73A, Erw Goch, Rhuthun LL15 1RS (copi ynghlwm).

Ar y pwynt hwn datganodd y Cynghorydd Emrys Wynne gysylltiad sy'n rhagfarnu am ei fod yn ffrind i'r ymgeisydd, a gadawodd y cyfarfod.

Cynnig  - Cynigiodd y Cynghorydd Melfyn Parry y dylid gohirio’r cais er mwyn i’r ymgeisydd wneud gwaith ychwanegol a chyflwyno’r cais mewn cyfarfod yn y dyfodol, ac eiliwyd hyn gan y Cynghorydd Ann Davies.

Pleidlais -

O blaid gohirio - 17

Yn erbyn gohirio - 0

Ymatal – 0

PENDERFYNWYD gohirio’r cais yn ymwneud â thir (rhan o ardd) yn 73A Erw Goch, Rhuthun i'w roi gerbron cyfarfod yn y dyfodol.

Ystyried cais ar gyfer adeiladu adeilad amaethyddol ar gyfer storio gwair a phorthiant (ailgyflwyno) ar dir wrth Fferm Rhesgoed, Llanbedr Dyffryn Clwyd, Rhuthun LL15 1YE (copi ynghlwm).

Eglurodd swyddogion mai'r rheswm dros roi’r cais gerbron y Pwyllgor Cynllunio oedd oherwydd bod y cais wedi'i gyflwyno gan Gynghorydd Sir ac y derbyniwyd 4 gwrthwynebiad neu fwy.

Cynnig – Cynigodd y Cyng. Merfyn Parry, y dylid cymeradwyo’r cais yn unol ag argymhellion y swyddogion ac fe’i eiliwyd gan y Cyng. Peter Scott.

Pleidlais -

Cymeradwyo  - 18

Ymatal – 0

Gwrthod – 0

PENDERFYNWYD y dylid CYMERADWYO’R cais yn unol ag argymhellion y swyddogion fel y’u nodwyd yn yr adroddiad.

Ystyried adroddiad gan y Swyddog Cynllunio i hysbysu aelodau’r Pwyllgor Cynllunio am gynnydd gweithredu Cynllun Datblygu Lleol Sir Ddinbych a fabwysiadwyd 2006 – 2021 (copi ynghlwm).

Ar y pwynt hwn datganodd y Cynghorydd Tina Jones gysylltiad sy'n rhagfarnu am ei bod yn berchen ar ddarn o dir sy’n rhan o’r Cynllun Datblygu Lleol a gadawodd y cyfarfod.

Cyflwynodd y Swyddog Cynllunio Gynllun Datblygu Lleol Sir Ddinbych 2006 - 2021: Adroddiad Monitro Blynyddol Drafft 2020

Roedd dyletswydd ar y Cyngor i gynhyrchu Adroddiad Monitro Blynyddol (AMB) ar gyfer Cynllun Datblygu Lleol Sir Ddinbych (CDLl) 2006 – 2021.

Gan gydnabod yr anawsterau y mae Awdurdodau Lleol a chymunedau’n eu hwynebu yn ystod y pandemig Covid-19, ysgrifennodd y Gweinidog Tai a Llywodraeth Leol ar 7 Gorffennaf 2020 na fyddai gofyniad i gyflwyno Adroddiad Monitro Blynyddol erbyn mis Hydref 2020.  Anogwyd Awdurdodau Lleol i barhau i gasglu data gan y byddai hynny’n helpu i siapio a hysbysu polisi  a datblygu’r cynllun.  Mae copi o’r llythyr wedi’i gynnwys yn yr atodiadau.

Roedd yr adroddiad yn tynnu sylw at y cynnydd a wnaed o ran rhoi’r Cynllun Datblygu Lleol ar waith, ac yn amlygu unrhyw heriau yn y CDLl.

Mae tair elfen sylfaenol yn y CDLl a fabwysiadwyd sy'n gofyn am sylw penodol wrth ddrafftio’r CDLl nesaf:

·         Darpariaeth marchnad a thai fforddiadwy yn unol â rhagamcanion aelwydydd diwygiedig Llywodraeth Cymru ar gyfer y sir;

·         Mynd i’r afael ag anghenion llety Sipsiwn a Theithwyr yn y Sir

·         Adlewyrchu canlyniadau arolygon a gynhaliwyd ar gyfer rheolaeth mwynau a  gwastraff yng Ngogledd Cymru.

PENDERFYNWYD bod y Pwyllgor Cynllunio yn nodi cynnwys yr adroddiad Monitro Blynyddol Drafft.

Daeth y cyfarfod i ben am 11.10 a.m.