Agenda and draft minutes
Lleoliad: Siambr y Cyngor, Neuadd y Sir, Rhuthun LL15 1YN
Cyswllt: Committee Administrator 01824 706715 E-bost: democratic@denbighshire.gov.uk
Media
Gweddarllediad: Gweld y gweddarllediad
Rhif | Eitem |
---|---|
Derbyn ymddiheuriadau am absenoldeb. Dogfennau ychwanegol: Cofnodion: Y Cynghorwyr
Meirick Davies a Tina Jones |
|
Dylai’r Aelodau ddatgan unrhyw gysylltiad personol neu
gysylltiad sy’n rhagfarnu ag unrhyw fater a nodwyd fel un i’w ystyried yn y
cyfarfod hwn. Dogfennau ychwanegol: Cofnodion: Ni ddatganwyd
unrhyw gysylltiad personol na.chysylltiad sy’n rhagfarnu. |
|
MATERION BRYS FEL Y'U CYTUNWYD GAN Y CADEIRYDD Rhybudd o eitemau y dylid, ym marn y Cadeirydd, eu hystyried
yn y cyfarfod fel materion brys yn unol ag Adran 100B (4) Deddf Llywodraeth
Leol, 1972. Dogfennau ychwanegol: Cofnodion: Ni chodwyd unrhyw
faterion brys. |
|
Cadarnhau cywirdeb cofnodion cyfarfod y Pwyllgor Cynllunio a
gynhaliwyd ar y 18 Gorffennaf 2018 (copi ynghlwm). Dogfennau ychwanegol: Cofnodion: Cyflwynwyd cofnodion y Pwyllgor Cynllunio a
gynhaliwyd ar 18 Gorffennaf 2018. Materion yn Codi – Tudalen 12, Eitem 5: Fferm Wynt Coedwig
Clocaenog – Roedd y cais wedi cael ei ohirio yn y cyfarfod diwethaf ac ers
hynny, wedi ei ddiddymu. PENDERFYNWYD y
dylid derbyn a chymeradwyo cofnodion y cyfarfod a gynhaliwyd ar 18 Gorffennaf
2018 fel cofnod cywir. |
|
CEISIADAU AM GANIATÂD I DDATBLYGU (EITEMAU 5 – 10) - Cyflwynwyd
ceisiadau a oedd yn gofyn am benderfyniad y Pwyllgor ynghyd â’r dogfennau
cysylltiol. Cyfeiriwyd hefyd at yr
wybodaeth atodol a gyflwynwyd yn hwyr (taflenni glas) a dderbyniwyd ers
cyhoeddi'r Rhaglen ac a oedd yn ymwneud â cheisiadau penodol. Er mwyn caniatáu ceisiadau gan aelodau’r
cyhoedd i gyflwyno sylwadau, cytunwyd y dylid amrywio trefn y ceisiadau yn y
rhaglen. Dogfennau ychwanegol: |
|
CAIS RHIF 21/2018/0166 – 12 BRYN ARTRO AVENUE, LLANFERRES, YR WYDDGRUG PDF 83 KB I ystyried cais i
godi estyniad unllawr ar gefn yr adeilad (copi wedi ei atodi). Dogfennau ychwanegol: Cofnodion: Cyflwynwyd cais am ganiatâd i godi estyniad
unllawr i gefn yr adeilad yn 12 Bryn Artro Avenue, Llanferres, Yr Wyddgrug. Siaradwyr Cyhoeddus - Mr. B. Barton (Yn Erbyn) – Mynegodd Mr. Barton
bryderon ynghylch cywirdeb y cynlluniau a gyflwynwyd. Roedd rhai o’r rhain wedi
cael eu diwygio ers eu cyflwyno. Roedd yn anghytuno â dehongliadau swyddogion mewn perthynas â’r rheol 45 gradd
ar gyfer estyniadau i gefn adeiladau, a darparodd fanylion ei gyfrifiadau ei
hun er mwyn dangos sut y byddai’r cynnig yn methu â bodloni’r rheol honno. Mrs. S. Harris (O Blaid) – Esboniodd Mrs. Harris y
cyflwynwyd y cais er mwyn ymestyn y gegin a bodloni anghenion cynyddol y teulu
o ran gofod heb orfod symud o’r ardal o ystyried eu cysylltiadau sefydledig â'r
gymuned. Cafwyd arweiniad gan benseiri ac ni fu unrhyw fwriad i beri gofid. Trafodaeth Gyffredinol – Cafwyd adroddiad gan y Cynghorydd Alan
James ar gyfarfod y Panel Archwiliad Safle ar 7 Medi 2018, a dywedodd ei fod yn
fodlon â chanlyniad yr ymweliad hwnnw. Cyfeiriodd y Cynghorydd Martyn Holland (Aelod
Lleol) at bryderon a fynegwyd gan Gyngor Cymuned Llanferres a nododd – gan fod
y cais am simnai bellach wedi ei ddiddymu a chadarnhad wedi ei dderbyn gan
swyddogion cynllunio y byddai’r estyniad yn bodloni rheoliadau cynllunio – nad
oedd unrhyw wrthwynebiad pellach i’r cais. Cyfeiriodd y Prif Swyddog Cynllunio at weithrediad
polisïau cynllunio yn yr achos hwn ac ystyriaeth i’r effaith ar eiddo cyfagos. Roedd rhai sylwadau wedi cyfeirio at y
canllaw 45 gradd a gynhwysir yn y Canllaw Cynllunio Atodol ar gyfer
Datblygiadau Preswyl y gellir ei ddefnyddio i asesu ceisiadau er mwyn rhoi
syniad o resymoldeb y cynnig. Manylwyd ar gyfrifiadau swyddogion o ran hynny o fewn yr adroddiad, gyda’r
awgrym fod y linell 45 gradd yn agos at, ac o bosib yn cael ei dresmasu gan ran
fechan o’r estyniad. Fodd bynnag, roedd y gofynion hefyd yn nodi y dylid gweithredu’r canllawiau
gan ystyried amgylchiadau ar y safle, a maint yr estyniad mewn perthynas ag
eiddo cyfagos – yn yr achos hwn roedd y sgrinio rhwng yr eiddo, h.y. uchder y
ffens derfyn, llwyni, ac ati hefyd yn ffactor lliniarol i’w ystyried. O ystyried yr holl ffactorau daeth
swyddogion i’r casgliad fod y cynnig yn un rhesymol ac nad oedd yr effaith ar
gymdogion yn afresymol. Cynnig – Cynigodd y Cynghorydd Tony Thomas yr
argymhelliad gan y swyddogion i gymeradwyo’r cais, ac eiliwyd hyn gan y
Cynghorydd Ann Davies. PLEIDLAIS: CYMERADWYO - 17 GWRTHOD - 0 YMATAL - 0 PENDERFYNWYD y dylid CYMERADWYO’R cais yn unol ag argymhellion y swyddogion a nodwyd yn
yr adroddiad. |
|
I ystyried cais
am fanylion y cynllun ar gyfer gwarediad dŵr wyneb a dŵr budr,
egwyddorion draenio cynaliadwy a darpariaeth trefniadau rheoli a chynnal a
chadw dilynol a gyflwynwyd yn unol ag amod 8 cod caniatâd cynllunio
01/2016/0374/PF (copi wedi ei atodi). Dogfennau ychwanegol: Cofnodion: Cyflwynwyd cais am fanylion y cynllun ar gyfer
gwarediad dŵr wyneb a dŵr budr, egwyddorion draenio cynaliadwy a
darpariaeth trefniadau rheoli a chynnal a chadw dilynol a gyflwynwyd yn unol ag
amod 8 cod caniatâd cynllunio 01/2016/0374/PF ar dir yng Nghae Topyn, oddi ar
Hen Ffordd Rhuthun, Ffordd Eglwyswen, Dinbych. Trafodaeth Gyffredinol – Gwnaeth y Cynghorydd Mark Young (Aelod
Lleol) gais am sicrwydd ynghylch trefniadau rheoli a chynnal a chadw y cynllun
arfaethedig, a chwestiynodd y peryglon ynghlwm â’r cynllun a’r modd y byddent
yn cael eu rheoli. Diolchodd y Cynghorydd Rhys Thomas (Aelod Lleol) i swyddogion am eu cymorth
wrth ddatrys problemau y tynnwyd sylw atynt gan gymdogion yn dilyn dechrau’r
datblygiad, a gwnaeth gais am sicrwydd y byddai’r safle yn cael ei fonitro’n
agos wrth i’r gwaith fynd rhagddo. Roedd y Cynghorydd Gwyneth Kensler hefyd yn awyddus i dderbyn sicrwydd
ynghylch perygl llifogydd a gallu’r Cyngor i sicrhau cydymffurfiad â’r amodau
cynllunio a osodwyd. Cafwyd ymateb gan swyddogion i’r materion a godwyd
ac i gwestiynau pellach, gan gynnwys rhai ar addasrwydd y systemau arfaethedig
ac atebolrwydd ariannol, fel a ganlyn - ·
Byddai’r
gwaith o reoli a chynnal a chadw dŵr wyneb yn y systemau draenio priffordd a dŵr wyneb y tu allan i ffiniau’r llain
datblygu yn cael ei fabwysiadu gan y Cyngor wedi iddynt gael eu cwblhau trwy
Gytundeb Priffyrdd Adran 38 a fyddai’n cynnwys rhwymedigaeth i sicrhau cwblhad
y gwaith adeiladu. Roedd swm ohiriedig hefyd yn daladwy i ofalu am gostau cynnal a chadw’r
dyfodol. Cafwyd sicrwydd y byddai swyddogion yn goruchwylio’r gwaith adeiladu ac yn
barod i gyfarfod ag Aelodau Lleol i drafod materion ymhellach. ·
Roedd
y Peiriannydd Llifogydd Arweiniol Lleol yn fodlon fod y datblygwr wedi arfer
diwydrwydd dyladwy wrth gyflogi ymgynghoriaeth beirianyddol cymwys a phrofiadol
i ddylunio’r system ddraenio dŵr wyneb. Roedd y system arfaethedig yn rheoli’r perygl o lifogydd ar
safle’r datblygiad a thir ac eiddo cyfagos mewn modd priodol yn unol â
chanllawiau cyfredol. ·
Gallai
glaw trwm yn disgyn ar dir dyfrlawn achosi llifogydd bron â bod mewn unrhyw le. Roedd Nodyn Cyngor Technegol 15 yn nodi na
ddylai datblygiad gynyddu’r perygl o lifogydd mewn man arall ac ni fyddai’r
cynllun arfaethedig yn yr achos hwn yn cynyddu’r risg o lifogydd ar y safle. ·
Derbyniwyd
fod sail y gwrthwynebiad gan Gyngor Tref Dinbych yn aneglur ac nid oedd unrhyw
beth wedi ei dderbyn i daflu golau pellach ar eu gwrthwynebiad. Byddai
swyddogion yn parhau i geisio eglurder ar eu sylwadau. ·
Roedd
disgwyl y byddai rhywfaint o darfu o ganlyniad i faint y datblygiad, a chodwyd
nifer o faterion â’r datblygwyr yn dilyn cychwyn ar y gwaith yn ddiweddar. Amlygwyd pwysigrwydd cynnal deialog agored
â’r datblygwr a gwaith ar y cyd rhwng swyddogion, Aelodau a’r gymuned er mwyn
delio’n gyflym ag unrhyw faterion a godir a sicrhau cydymffurfiad ag amodau
cynllunio. Yn nhermau ymrwymiad y Cyngor i gymryd camau gorfodi, byddai angen
tystiolaeth o unrhyw anghydymffurfio – sef y rheswm dros fod mor ddibynnol ar
ymrwymiad torfol. Fodd bynnag, ystyrid gweithredu o’r math yma fel rhywbeth i droi ato yn
niffyg dim arall, ac fe fyddai’r Cyngor yn parhau i gydweithio â’r datblygwr i
sicrhau eu bod yn gyfrifol ac yn ystyrlon tuag at eu cymdogion. Cynnig – Cynigiodd y Cynghorydd Alan James yr argymhelliad gan y swyddogion i ganiatáu’r
cais, ac fe’i eiliwyd gan y Cynghorydd Brian Jones. PLEIDLAIS: CYMERADWYO - 16 GWRTHOD - 1 YMATAL - 0 PENDERFYNWYD y dylid CYMERADWYO’R cais yn unol ag argymhellion y swyddogion a nodwyd yn
yr adroddiad. |
|
CAIS RHIF 21/2018/0293 – 16 LÔN Y RHEITHORDY, LLANFERRES, YR WYDDGRUG PDF 6 KB I ystyried cais i
ddymchwel portsh a chodi garej cysylltiol (cynllun diwygiedig) (copi wedi ei
atodi). Dogfennau ychwanegol: Cofnodion: Cyflwynwyd cais am ganiatâd i ddymchwel portsh ac
adeiladu garej cysylltiedig (cynllun diwygiedig) yn 16 Lôn y Rheithordy,
Llanferres, Yr Wyddgrug. O ystyried y sylwadau hwyr a dderbyniwyd ac yn
dilyn trafodaeth â’r Aelod Lleol, dymunai’r Cynghorydd Julian Thompson-Hill
ohirio’r cynnig. Cynnig – Cynigiodd y Cynghorydd Julian
Thompson-Hill y dylid gohirio’r cais hyd nes y ceir ymweliad safle i ystyried
materion yn ymwneud â diogelwch ar y ffyrdd ac effaith y datblygiad ar eiddo
cyffiniol. Eiliwyd y cynnig gan y Cynghorydd Brian Jones. PLEIDLAIS: O BLAID GOHIRIO - 16 YN ERBYN GOHIRIO - 1 YMATAL - 0 PENDERFYNWYD y dylid GOHIRIO’R cais hyd nes y ceir ymweliad safle i ystyried materion yn
ymwneud â diogelwch ar y ffyrdd ac effaith y datblygiad ar eiddo cyffiniol. |
|
CAIS RHIF 43/2018/0328 – 1-5 STAD DDIWYDIANNOL PARC DYFFRYN, PRESTATYN PDF 6 KB I ystyried cais i
adeiladu maes parcio a gwaith cysylltiol newydd ar lefel y tir (copi wedi ei
atodi). Dogfennau ychwanegol: Cofnodion: Cyflwynwyd cais
am ganiatâd i adeiladu maes parcio a gwaith cysylltiol newydd ar lefel y tir yn
1 – 5 Stad Ddiwydiannol Parc Dyffryn, Prestatyn. Trafodaeth Gyffredinol – Tynnodd y Cadeirydd sylw at yr ymateb a gafwyd gan
gan yr asiant mewn perthynas â’r sylwadau ar y cais y manylwyd arnynt o fewn yr
wybodaeth atodol hwyr (taflenni glas) a ddosbarthwyd yn y cyfarfod. Cyfeiriodd y Cynghorydd Julian Thompson-Hill
at wrthwynebiad Cyngor Tref Prestatyn a oedd yn ymwneud yn bennaf â’r materion
ehangach ynghlwm â darparu ar gyfer siop newydd yn hytrach na darpariaeth
benodol gofod parcio ceir i staff wrth gefn yr adeilad ynghyd â chwynion eraill
yn amlygu anghyfleusterau yn ystod adeiladu’r siop, a fyddai’n debygol o gael
eu datrys yn dilyn cwblhau’r gwaith. O
ganlyniad ni ystyriai fod sail ddilys i wrthwynebu’r cais yma yn benodol. Cynnig – Cynigodd y Cynghorydd Julian Thompson-Hill
argymhelliad y swyddogion i gymeradwyo’r cais, ac fe’i eiliwyd gan y Cynghorydd
Peter Evans. PLEIDLAIS: CYMERADWYO - 17 GWRTHOD - 0 YMATAL - 0 PENDERFYNWYD y dylid CYMERADWYO’R cais yn unol ag argymhellion y swyddogion a nodwyd yn
yr adroddiad. |
|
CAIS RHIF 43/2018/0439 – 45 BEACH ROAD WEST, PRESTATYN PDF 97 KB I ystyried cais i
ddymchwel y garej presennol a newid defnydd y cwrtil domestig er mwyn cynnwys
carafán sefydlog i’w osod ar gyfer gwyliau (copi wedi ei atodi). Dogfennau ychwanegol: Cofnodion: Cyflwynwyd cais i
ddymchwel garej presennol a newid defnydd y cwrtil domestig er mwyn cynnwys
carafán sefydlog i’w gosod ar gyfer gwyliau yn 45 Beach Road West,
Prestatyn. Roedd y cais yn amodol ar
gyfarfod y Panel Archwiliad Safle ar 7 Medi 2018. Trafodaeth Gyffredinol – Siaradodd y Cynghorydd Tony Flynn (Aelod Lleol) o
blaid y datblygiad ar ran y sawl oedd yn gyfrifol am y cais a chyflwynodd
ddatganiad (a ddosbarthwyd yn y cyfarfod ynghyd â ffotograff o'r awyr) yn esbonio y byddai’r carafán yn cael
ei ddefnyddio gan deulu a ffrindiau yn bennaf, ac nad oedd angen caniatâd
cynllunio ar gyfer hynny. Y rheswm dros gyflwyno’r cais oedd er mwyn
caniatáu i’r garafán gael ei gosod i gontractwyr o weithle’r sawl oedd yn
gyfrifol am y cais. Byddai hyn yn cyfrif am oddeutu 10% o'i ddefnydd. O ran llifogydd, dadleuwyd nad oedd y garafán
yn wahanol mewn unrhyw ffordd i’r podiau a dderbyniodd gymeradwyaeth cynllunio
ar Draeth Ffrith yn ddiweddar, a bod carafanau ar faes carafanau cyfagos Lido
Beach wedi eu lleoli yn agosach at y môr.
Ni fu unrhyw wrthwynebiad i’r cais gan gymdogion. Er gwaethaf
sylwadau hwyr yr ymgeisydd, esboniodd y Rheolwr Rheoli Datblygu y byddai
cymeradwyo’r cais yn creu parth gwyliau o fewn cwrtil preswyl, i bob
pwrpas. Gwnaethpwyd yn glir nad oedd
gofyn i unrhyw un a oedd yn dymuno lleoli carafán o fewn eu gardd am resymau a
oedd yn ategol i’w mwynhad o’r tŷ annedd geisio caniatâd cynllunio am nad
oedd yn cyfrif fel newid defnydd. Fodd
bynnag, roedd lleoli carafán o fewn cwrtil preswyl am resymau busnes yn cyfrif
fel newid defnydd yr oedd angen caniatâd cynllunio ar ei gyfer, ac fe fyddai
camau gweithredu yn cael eu cymryd mewn achosion lle nad oedd cydymffurfiad â
hynny. Roedd swyddogion wedi asesu’r
cais ar sail y Cynllun Datblygu Lleol ac ymgynghoriad â Chyfoeth Naturiol
Cymru. Roeddent wedi ystyried fod y
newid defnydd yn groes i’r polisïau yn y Cynllun Datblygu Lleol ac y byddai’n
gosod cynsail diangen. Roedd y safleoedd eraill yr oedd yr ymgeisydd wedi
cyfeirio atynt – megis Traethau Ffrith a Lido wedi eu dynodi fel parthau
datblygu twristiaeth. Roedd Cyfoeth
Naturiol Cymru wedi rhybuddio fod safle'r cais mewn ardal â pherygl llifogydd
uchel, a gan nad oedd yn barth datblygu twristiaeth dynodedig na ddylid rhoi
caniatâd cynllunio ar gyfer y defnydd hwnnw o fewn ardal â pherygl o lifogydd. Cynnig – Cynigodd y Cynghorydd Tony Thomas yr
argymhelliad gan y swyddogion i wrthod y cais, ac eiliwyd hyn gan y Cynghorydd
Christine Marston. PLEIDLAIS: CYMERADWYO - 1 GWRTHOD - 14 YMATAL - 2 PENDERFYNWYD y dylid GWRTHOD y cais yn unol ag argymhellion y swyddogion a nodwyd yn yr
adroddiad. |
|
CAIS RHIF 43/2018/0522 – MAES CARAFANAU FOUR WINDS FARM, FFORDD FFYNNON, PRESTATYN PDF 98 KB I ystyried cais i
gael gwared ar amod rhif 3 o gòd caniatâd cynllunio 43/2018/0030
sy’n nodi mai ar gyfer carafanau sy’n teithio yn unig y caniateir defnyddio’r
safle, ac na chaiff unrhyw garafán aros ar y safle am gyfnod hwy na 21 diwrnod
(copi wedi ei atodi). Dogfennau ychwanegol: Cofnodion: Cyflwynwyd cais ar gyfer cael gwared ar amod rhif 3 o gòd caniatâd cynllunio 43/2018/0030 (sy’n
nodi mai ar gyfer carafanau sy’n teithio yn unig y caniateir defnyddio'r safle,
ac na chaiff unrhyw garafán aros ar y safle am gyfnod hwy na 21 diwrnod) ar
gyfer Maes Carafanau Four Winds Farm, Ffordd Ffynnon, Prestatyn. Trafodaeth Gyffredinol – Nododd y Cynghorydd Bob Murray (Aelod
Lleol) i’w bryderon gwreiddiol ynglŷn â thraffig gael eu lleddfu gan
swyddogion, a chredai’r Cynghorydd Peter Evans yntau y gallai cael gwared ar yr
amod fod o gymorth wrth leihau pwysau traffig. Mewn ymateb i gwestiwn gan y Cynghorydd Andrew
Thomas, dywedodd y Rheolwr Datblygu nad oedd y sefyllfa wedi newid ers
caniatáu’r cais yn Ebrill 2018. Esboniodd fod yr amod y cynigwyd cael gwared
arno wedi ei weithredu mewn ymateb i bryderon a fynegwyd ynghylch symudiad
traffig ar y briffordd ac anheddiad preswyl. Fodd bynnag, roedd dau amod arall yn ymwneud ag
anheddiad preswyl er mwyn delio â’r pryderon hynny, ac roedd potensial i’r amod
i symud carafanau i’r safle ac oddi ar y safle o fewn 21 diwrnod greu mwy o
draffig na phe diddymid yr amod. Ni fynegodd y Cynghorydd Merfyn Parry unrhyw
wrthwynebiad i’r cais ond amlygodd y goblygiadau posib o ran rheoli dŵr a gwastraff/elifiant pe bai carafanau yn
parhau ar y safle am gyfnodau hirach yn dilyn cael gwared ar yr amod. Cytunodd y Rheolwr Rheoli Datblygu i edrych
i fewn i’r mater ac adrodd yn ôl wedi hynny. Nododd Aelodau ddau fater yn ymwneud â chywirdeb o
fewn yr adroddiad: (1) Dylid cyfeirio at Gyngor ‘Tref’ yn hytrach nac at Gyngor
'Cymuned’ ar dudalen 98, a (2) Ar dudalen 99, paragraff 1.1.3 dylid cyfeirio at
’31 Hydref’ yn hytrach na ’31 Mawrth’. Cynnig – Cynigodd y Cynghorydd Bob Murray
argymhelliad y swyddogion i gymeradwyo’r cais, ac fe’i eiliwyd gan y Cynghorydd
Peter Evans. PLEIDLAIS: CYMERADWYO - 16 GWRTHOD - 1 YMATAL - 0 PENDERFYNWYD y dylid CYMERADWYO’R cais yn unol ag argymhelliad y swyddogion a nodwyd yn
yr adroddiad. |
|
ADRODDIAD GWYBODAETH – DIWEDDARIAD AR APELIADAU CYNLLUNIO PDF 100 KB I dderbyn
adroddiad gwybodaeth ar benderfyniadau diweddar ar apeliadau cynllunio a
dderbyniwyd ers Mawrth 2018 (copi wedi ei atodi). Dogfennau ychwanegol:
Cofnodion: Cyflwynwyd adroddiad gwybodaeth yn rhoi
amlinelliad o benderfyniadau ar apeliadau cynllunio a dderbyniwyd gan yr
Arolygiaeth Gynllunio ar achosion o fewn y sir ar gyfer y cyfnod rhwng Mawrth
2018 a’r adeg bresennol. Dosbarthwyd atodiad i’r adroddiad yn y cyfarfod yn ogystal. Roedd hwn yn
cynnwys crynodeb o ddau benderfyniad ar apeliadau a dderbyniwyd yn dilyn
cwblhau'r prif adroddiad. Roedd modd gweld fersiynau llawn o benderfyniadau’r Arolygwyr Cynllunio ar
apeliadau trwy wefan Sir Ddinbych. PENDERFYNWYD derbyn yr adroddiad. |
|
HEN YSBYTY GOGLEDD CYMRU, DINBYCH – YR WYBODAETH DDIWEDDARAF Cafwyd yr wybodaeth ddiweddaraf ynghylch sefyllfa
hen Ysbyty Gogledd Cymru, Dinbych ar lafar gan y Swyddog Rheoli Datblygu. Roedd Datganiad Breinio Cyffredinol i gwblhau’r
pryniant gorfodol wedi ei gyflwyno yn ffurfiol i Freemont (Denbigh) Cyf. a
Northern Estates Cyf – cwmni sydd yn arwystl cyntaf i’r eiddo – ar 30 Awst, gan
olygu y byddai’r Cyngor yn dod yn berchnogion y safle ar 27 Medi 2018. Gellid
cyflwyno her gyfreithiol i'r Datganiad Breinio Cyffredinol ond prin oedd y sail
gyfreithiol i her o’r fath. Gan gymryd y byddai’r Cyngor yn ennill perchnogaeth y safle, byddai’n rhaid
cynnig iawndal i Freemont (Denbigh) Cyf. a Northern Estates Cyf. yn seiliedig
ar werth y safle. Ystyriai’r Cyngor mai prin oedd gwerth y safle a’i bod yn debygol na ddeuid
i gytundeb ar iawndal ac y byddai’r mater yn fwy na thebyg felly yn cael ei
ddelio ag o gan y Tribiwnlys Tiroedd. Cyn i’r cyfarfod gloi, tynnodd y Cynghorydd Emrys
Wynne sylw at ddau fater: 1) diffyg arwyddion dwyieithog yn y siop Iceland a
agorwyd yn ddiweddar ym Mharc Manwerthu Clwyd a’r gofynion cynllunio o ran
hynny, a 2) diffyg defnydd o enwau swyddogol cylchfannau mewn hysbysebion
cynllunio. Cytunodd swyddogion i ddarparu ymateb llawn i’r materion a godwyd yn eu
tro. Daeth y cyfarfod i ben am 10.48 a.m. Dogfennau ychwanegol: |