Agenda, decisions and draft minutes

Penodi Cadeirydd ar gyfer y cyfarfod.

Penodwyd y Cynghorydd Cefyn Williams yn Gadeirydd ar gyfer y cyfarfod.

Penodwyd y Cynghorydd Cefyn Williams yn Gadeirydd i’r  cyfarfod.

Croesawodd y Cadeirydd yr holl bartïon i'r cyfarfod a chyflwynwyd pawb a oedd yn bresennol.  Roedd gweithdrefnau’r gwrandawiad wedi eu hanfon ynghynt i bawb ac roedd copïau o'r Datganiad Polisi Trwyddedu ar gael yn y cyfarfod.

Aelodau i ddatgan unrhyw gysylltiad personol neu gysylltiad sy'n rhagfarnu yn y busnes a nodwyd i'w ystyried yn y cyfarfod hwn.

Ni chafodd unrhyw gysylltiad ei ddatgan.

Ni chafodd unrhyw gysylltiad ei ddatgan.

Ystyried cais am Drwydded Eiddo newydd, a gyflwynwyd yn unol ag Adran 17 o Ddeddf Trwyddedu 2003 (amlinelliad o'r cais a phapurau cysylltiedig ynghlwm).

9.30 a.m.

PENDERFYNWYD bod y cais yn cael ei ganiatáu, yn amodol ar amodau a gostyngiad yn yr oriau a ganiateir fel y gwnaed cais amdano.

Cyflwynwyd adroddiad gan Bennaeth Cynllunio a Gwarchod y Cyhoedd (a ddosbarthwyd yn flaenorol) ynglŷn â –

(i)        chais wedi dod i law gan Mr. Steven Evans am Drwydded Safle newydd mewn perthynas â Prince of Wales, Llangollen;

(ii)      yr ymgeisydd  a oedd wedi gofyn am ganiatâd i ddarparu’r gweithgareddau trwyddedadwy canlynol:

(iii)     *mae’r ymgeisydd hefyd wedi gofyn bod y safle yn cael aros ar agor i'r cyhoedd o 11.00am tan 2.00am ar Noswyl Nadolig a Gŵyl San Steffan, ac yn ychwanegol at yr amseroedd a nodir uchod, mae'r ymgeisydd wedi gofyn awdurdodiad i ddarparu alcohol o 1.00am tan 2.00am ar Ŵyl San Steffan a Noswyl Nadolig;

(iv)     un sylw (Atodiad A i'r adroddiad) wedi'i dderbyn gan ddau sydd â diddordeb ac yn byw ger y safle sydd wedi tynnu sylw at agweddau sy'n peri pryder mewn perthynas â sŵn, ymddygiad afreolus a sbwriel;

(v)      Gwasanaethau Tân ac Achub Gogledd Cymru wedi cyflwyno sylwadau (Atodiad B i'r adroddiad) yn rhoi gwybod bod yna faterion sydd heb dal heb gael sylw yn nhermau darpariaethau diogelwch tân yn y safle y dylid eu datrys cyn i'r drwydded gael ei chyhoeddi;

(vi)     Heddlu Gogledd Cymru, ar ôl cyflwyno sylwadau ar y cais ond yn dilyn trafodaethau gyda'r ymgeisydd wedi llunio nifer o amodau sydd wedi eu cynllunio i hyrwyddo'r amcanion trwyddedu ymhellach (Atodiad C i’r adroddiad) ac ar y sail honno gofynnodd yr Heddlu, pe bai’r aelodau o blaid cymeradwyo’r cais, eu bod yn ystyried cynnwys yr amodau hynny o fewn Atodlen Weithredu’r eiddo (Atodiad E i’r adroddiad);

(vii)    Adran Rheoli Llygredd y Cyngor wedi cyflwyno sylwadau (Atodiad D i'r adroddiad) gan godi pryderon ynghylch agosrwydd y safle i eiddo preswyl a chynigiwyd nifer o amodau (a gytunwyd gan yr Ymgeisydd) i gael ei osod pe bai'r drwydded yn cael ei rhoi;

(viii)  yr angen i ystyried y cais gan roi ystyriaeth ddyledus i Bolisi Datgan Trwyddedu y Cyngor; Canllaw a gyhoeddwyd gan yr Ysgrifennydd Gwladol; deddfwriaeth berthnasol arall a sylwadau perthnasol a dderbyniwyd, a

(ix)     yr opsiynau sydd ar gael i'r pwyllgor wrth benderfynu ar y cais.

Arweiniodd y Rheolwr Busnes Gwarchod y Cyhoedd yr aelodau trwy’r adroddiad ac amlinellodd ffeithiau'r achos.  Roedd cyfryngu wedi bod yn digwydd rhwng yr Ymgeisydd a'r trigolion cyfagos er mwyn mynd i'r afael â'u pryderon.  Darllenwyd e-bost gan un o'r trigolion hynny, Mr. Simon Proffitt, yn cynghori bod yr Ymgeisydd wedi cytuno i ystyried diogelwch cadarn a gwell ar gyfer y ffenestri ochr ac i orfodi'r gwaharddiad ar gario diodydd agored oddi ar y safle.

CYFLWYNIAD YR YMGEISYDD

Roedd yr ymgeisydd, Mr. Steven Evans yn bresennol yn y cyfarfod i gefnogi ei gais.  Mae problem dechnegol gyfreithiol yn golygu na fu'n bosibl i drosglwyddo’r drwydded safle presennol ac roedd angen felly cyflwyno cais newydd.  Dywedodd Mr Evans bod yr eiddo wedi bod yn gweithredu mewn ffordd gyfrifol o dan y drwydded flaenorol ac na fu unrhyw faterion  ...  view the full Cofnodion text for item 3.

Ystyried cais gan Heddlu Gogledd Cymru i adolygu Trwydded Eiddo a wnaed yn unol ag Adran 51 o Ddeddf Trwyddedu 2003 (amlinelliad o'r cais a phapurau cysylltiedig ynghlwm).

11.00 a.m.

Nodwch y drefn i’w chymryd gan yr Is-Bwyllgor (sydd ynghlwm wrth y rhaglen hon).

PENDERFYNWYD diddymu’r Drwydded Eiddo.

Cyflwynwyd adroddiad gan Bennaeth Cynllunio a Gwarchod y Cyhoedd (a ddosbarthwyd yn flaenorol) ynglŷn â –

(i)        cais wedi dod i law Heddlu Gogledd Cymru i adolygu trwydded eiddo a ddelir gan Mr. James Benbow mewn perthynas â Bar Bow, 27 Stryd y Dŵr, Y Rhyl yn unol ag Adran 51 o Ddeddf Trwyddedu 2003;

(ii)      y sail ar gyfer adolygu sy’n ymwneud â phob un o’r pedwar amcan trwyddedu (Atal Trosedd ac Anhrefn, Diogelwch y Cyhoedd; Atal Niwsans Cyhoeddus ac Amddiffyn Plant rhag Niwed), fel a ganlyn -

“o ganlyniad i achosion o drosedd ac anhrefn, a phryderon a godwyd gan Heddlu Gogledd Cymru ynghylch rheolaeth yn yr eiddo trwyddedig, yn enwedig methiant i gydymffurfio gydag amodau trwydded yr eiddo.

Er gwaethaf ymdrechion gan Heddlu Gogledd Cymru a Chyngor Sir Ddinbych i fynd i'r afael â'r pryderon a godwyd, gan ddefnyddio'r weithdrefn adolygu safleoedd trwyddedig, mae achosion difrifol yn parhau i ddigwydd yno

Mae'r eiddo wedi methu â hyrwyddo'r pedwar amcan trwyddedu.

Mae gan Heddlu Gogledd Cymru ddiffyg hyder yn y Goruchwyliwr yr Eiddo Dynodedig, Deiliad y Drwydded ar gyfer yr Eiddo a rheolwyr yr eiddo i reoli'r eiddo’n gyfrifol.”

mae manylion llawn y cais adolygu a'r achosion a'r ymyriadau a wnaed gan Heddlu Gogledd Cymru a Chyngor Sir Ddinbych wedi eu hatodi yn Atodiad 1 i'r Adroddiad hwn;

(iii)     cynhaliwyd cyfarfod gyda Deiliad y Drwydded a Goruchwyliwr yr Eiddo Dynodedig i drafod y pryderon parhaus a chytunwyd ar gynllun gweithredu Cam 1 manwl gan bob parti na chydymffurfiwyd ag ef.

(iv)     cynhaliwyd cyfarfod dilynol ar 6 Gorffennaf 2016 ar gais Cynrychiolydd Cyfreithiol Deiliad y Drwydded i’r Eiddo i ganiatáu’r cyfle i gyflwyno’r camau a gymerwyd i wella rheolaeth o’r eiddo trwyddedig (cynigion amlinellol wedi eu rhestru yn y cyfarfod);

(v)       copi llawn o'r Drwydded Safle presennol gan gynnwys yr atodlen weithredu bresennol sydd wedi ei gynnwys yn y Cais am Adolygiad (Atodiad 2 i’r adroddiad);

(vi)     yr angen i ystyried y cais ar gyfer Adolygiad gan roi ystyriaeth ddyledus i’r Canllaw a gyhoeddwyd gan yr Ysgrifennydd Gwladol; Polisi Datganiad Trwyddedu y Cyngor; deddfwriaeth berthnasol arall a sylwadau perthnasol a dderbyniwyd, ac

(vii)    yr opsiynau sydd ar gael i'r pwyllgor wrth benderfynu ar y cais am Adolygiad.

Cyflwynodd y Rheolwr Busnes Gwarchod y Cyhoedd adroddiad yn amlinellu ffeithiau'r achos a'r dewisiadau sydd ar gael i'r Is Bwyllgor wrth wneud eu penderfyniad.

CYFLWYNIAD YR YMGEISYDD (HEDDLU GOGLEDD CYMRU)

Roedd Cyfreithiwr Cynorthwyol yr Heddlu, Gill Jones, y Prif Arolygydd Paul Joyce, Rhingyll Steve Prince a Rheolwr Trwyddedu yr Heddlu, Aaron Haggas yn bresennol i gefnogi'r Cais am Adolygiad ar ran Heddlu Gogledd Cymru.

Eglurodd Cyfreithiwr Cynorthwyol yr Heddlu fod y cais am adolygiad wedi ei gyflwyno fel y dewis olaf gan gynghori bod y swyddogion wedi gweithio'n galed gyda'r rheolwyr i geisio eu cefnogi ond mae’r holl ymdrechion hynny wedi methu.  Roedd yr adolygiad wedi cael ei alw yn seiliedig ar bob un o'r pedwar o'r amcanion trwyddedu ac roedd yn gyfrifoldeb y rheolwyr i fynd i'r afael â'r problemau hynny a sicrhau bod yr adeilad yn cael ei weithredu yn effeithlon.  Cyfeiriodd at restr hir o achosion sy'n gysylltiedig â'r safle ers iddo gael ei agor yn 2014 gan gynnwys ymosodiadau difrifol, cyffuriau, lladrata ac yfed dan oed.  Mae'r achos diweddaraf fel yr adroddwyd yn y wasg yn cyfeirio at ymosodiad difrifol a oedd wedi digwydd y tu allan i'r adeilad gan arwain at achos lle torrwyd  trwyn y dioddefwr gyda’r ymosodwr wedi cael ei ddedfrydu i ddwy flynedd o garchar.  Nid oedd Deiliad Trwydded yr Eiddo, Mr. James Benbow yn bresennol ac er bod y cynnig i  ...  view the full Cofnodion text for item 4.