Agenda and draft minutes

Dylai’r Aelodau ddatgan unrhyw gysylltiad personol neu gysylltiad sy'n rhagfarnu ag unrhyw fater a nodwyd fel un i'w ystyried yn y cyfarfod hwn.

Ni ddatganwyd cysylltiad.

Penodi Cadeirydd y Cyngor am y flwyddyn 2018/19.

Gwahoddodd y Cadeirydd oedd yn ymddeol, y Cynghorydd Pete Prendergast enwebiadau ar gyfer Cadeirydd y Cyngor Sir ar gyfer 2018/2019.  Cynigiodd y Cynghorydd Martyn Holland i’r Cynghorydd Peter Scott gael ei ethol yn Gadeirydd gan amlinellu’r profiad a’r rhinweddau y byddai’n gynnig.

Roedd y Cynghorydd Christine Marston yn eilio’r cynnig.

Ni fu unrhyw enwebiadau pellach, ac yn dilyn pleidlais drwy godi dwylo, cafodd y Cynghorydd Peter Scott ei ethol yn unfrydol i fod yn Gadeirydd y Cyngor ar gyfer y flwyddyn 2018/2019.

Rhoddodd y Cadeirydd oedd yn ymddeol araith fer a bu’n adlewyrchu ar ei gyfnod fel Cadeirydd yn ystod y deuddeng mis diwethaf. 

Diolchodd i’r Cynghorydd Peter Scott a’i wraig Sue am eu cefnogaeth yn ystod y flwyddyn ddiwethaf.    Diolchwyd hefyd i’r swyddogion a’r staff am eu cefnogaeth ac yn arbennig i Eleri Woolford (Aelod Rheolwr Cefnogi a Datblygu), Sue License (Cymhorthydd Personol i Bennaeth y Gyfraith, Adnoddau Dynol a Gwasanaethau Democrataidd), a Sarah Dixon (Cydlynydd Cyfoethogi’r Cwricwlwm) am eu holl waith a’u cefnogaeth yn ystod ei gyfnod fel Cadeirydd.

Roedd y Cadeirydd oedd yn ymddeol wedi codi cyfanswm o £61,500 i’w rannu gan y ddwy elusen a ddewiswyd:

·       . 

Hosbis Sant Cyndeyrn, a

·       Bad Achub y Rhyl.

Yn anffodus nid oedd cynrychiolwyr o Fad Achub y Rhyl yn gallu mynychu’r cyfarfod. 

Derbyniodd Laura Parry y siec ar ran Hosbis Sant Cyndeyrn.

Roedd y Cadeirydd oedd yn ymddeol yn dymuno’n dda i’r Cadeirydd newydd ar gyfer y dyfodol a chyflwynodd y Gadwyn Swydd iddo, yna cwblhaodd ei Ddatganiad Derbyn Swydd. 

Talodd y Cadeirydd newydd deyrnged am y gwaith a wnaed gan y Cadeirydd oedd yn ymddeol a chyflwynodd Fathodyn Cadeirydd y Gorffennol iddo.   Hefyd, diolchodd i Gydymaith y Cadeirydd oedd yn ymddeol, Mr Bill Tasker am ei holl waith caled drwy gydol y flwyddyn yn cefnogi’r Cadeirydd. 

Enwodd y Cadeirydd newydd ei wraig, Mrs Sue Scott fel ei gydymaith.

Dywedodd y Cadeirydd newydd mai’r elusen a ddewiswyd ganddo oedd Hosbis Sant Cyndeyrn.

Penodi Is-Gadeirydd y Cyngor am y flwyddyn 2018/19.

Gofynnodd y Cadeirydd am enwebiadau ar gyfer penodi Is-Gadeirydd. 

Cynigiodd y Cynghorydd Arwel Roberts y Cynghorydd Meirick Lloyd Davies fel Is-Gadeirydd y Cyngor ar gyfer blwyddyn y Cyngor 2018/2019.  Cyfeiriodd at brofiad eang y Cynghorydd Davies. 

Eiliodd y Cynghorydd Ann Davies yr enwebiad.

Ni fu unrhyw enwebiadau pellach, ac yn dilyn pleidlais drwy godi dwylo, cafodd y Cynghorydd Meirick Lloyd Davies ei ethol yn unfrydol i fod yn Is-Gadeirydd y Cyngor ar gyfer y flwyddyn 2018/2019.

Arwisgodd y Cadeirydd y Cynghorydd Meirick Lloyd Davies gyda’r Gadwyn Swydd Is-Gadeirydd ac yna cwblhaodd ei Ddatganiad Derbyn y Swydd.

Enwodd yr Is-Gadeirydd newydd ei wraig, Nesta Davies fel ei gydymaith.

Bu i’r Arweinydd, Arweinwyr Grŵp ac Aelodau gydnabod gwaith y Cadeirydd sy'n ymddeol dros y deuddeng mis diwethaf a llongyfarch y Cynghorwyr Peter Scott a Meirick Lloyd Davies ar gael eu hethol yn Gadeirydd ac yn Is-gadeirydd yn y drefn honno.

Ar y pwynt hwn (10.30 a.m.) cafwyd egwyl o 15 munud.

Ailddechreuodd y cyfarfod am 10.45 a.m.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B (4) Deddf Llywodraeth Leol, 1972.

Dim eitemau brys.

Ar y pwynt hwn, cyflwynodd y Cynghorydd Gwyneth Kensler ddeiseb i’r Cadeirydd ar ran Cariad Cards, Dinbych.

Ar y pwynt hwn, gofynnodd y Cynghorydd Mabon ap Gwynfor gwestiwn:

Beth mae’r Cyngor yn ei wneud i sicrhau parhad gofal i bobl Sir Ddinbych sy’n derbyn gofal gan Allied Health Care yn dilyn y newyddion bod y cwmni mewn anhawster ariannol?

Dywedodd y Cynghorydd Bobby Feeley, Aelod Arweiniol Lles ac Annibyniaeth y Cyngor:

Roedd Allied Health Care, sy’n darparu gofal ar draws Cymru wedi ymgeisio am Drefniant Gwirfoddol ar ran y Cwmni i ailstrwythuro ei ddyledion.    Roedd Llywodraeth Cymru wedi ymgynnull Grŵp Cynllunio Perthynol i Iechyd yn cynnwys cynrychiolwyr o’r GIG a Gofal Cymdeithasol  Byddai’r Grŵp Cynllunio yn cysylltu â phob Awdurdod Lleol ar draws Gogledd Cymru i gael cefnogaeth.   Roedd Gwasanaethau Cymorth Cymunedol o fewn Sir Ddinbych yn ymwneud â monitro’r sefyllfa.    Gwnaed cysylltiad a chafwyd sicrwydd ei fod yn “fusnes fel arfer”.  Roedd y risg yn gymedrol ac roedd yna ddarpariaeth gofal mewnol ynghyd â gofal amgen.  Roedd Sir Ddinbych yn gweithio’n agos gyda Llywodraeth Cymru ac Allied Health Care.  Byddai cyfarfod yn cael ei gynnal yn ddiweddarach heddiw (15.05.2018) a byddai yna fwy o wybodaeth yn dilyn hynny. 

Derbyn cofnodion cyfarfod y Cyngor Sir a gynhaliwyd 10 Ebrill 2018 (copi ynghlwm).

Cyflwynwyd cofnodion y Cyngor Llawn a gynhaliwyd ar 10 Ebrill 2018.

PENDERFYNWYD derbyn cofnodion cyfarfod y Cyngor Llawn a gynhaliwyd ar 10 Ebrill 2018 fel cofnod cywir a’u llofnodi gan y Cadeirydd.

Ystyried adroddiad gan y Rheolwr Cynllunio Strategol a Thai (copi ynghlwm) i geisio cymeradwyaeth ar gyfer newidiadau i’r amserlen ar gyfer cynhyrchu Cynllun Datblygu Lleol Newydd Sir Ddinbych.

Cyflwynodd yr Aelod Arweiniol Priffyrdd, Cynllunio a Theithio Cynaliadwy yr adroddiad (dosbarthwyd yn flaenorol) i geisio cymeradwyaeth i newidiadau i’r amserlen ar gyfer cynhyrchu Cynllun Datblygu Lleol Newydd Sir Ddinbych.

 Yn dilyn cymeradwyaeth gan y Cyngor ar 5 Rhagfyr 2017, cafodd yr Adroddiad Adolygu CDLl a’r Cytundeb Cyflawni CDLl Newydd eu cyflwyno’n ffurfiol i Lywodraeth Cymru ar 13 Rhagfyr 2017.  Derbyniwyd gohebiaeth gan Lesley Griffiths, Ysgrifennydd y Cabinet dros Ynni, Cynllunio a Materion Gwledig, yn gwahodd Cyngor Sir Ddinbych a Chyngor Bwrdeistref Sirol Conwy i baratoi Cydgynllun Datblygu Lleol.  Roedd y cyd-ymateb gan y ddau Gyngor wedi nodi'r dymuniad i CDLlau unigol gael eu cynhyrchu.  

Cadarnhaodd Ysgrifennydd y Cabinet y gallai’r ddau Gyngor ddatblygu eu hadolygiad CDLl yn unigol.   

 Roedd y broses hon wedi arwain at oedi yn yr amserlen ar gyfer cynhyrchu’r CDLl newydd, oedd yn ffurfio rhan o'r Cytundeb Cyflawni a gymeradwywyd yn flaenorol gan y Cyngor. 

PENDERFYNWYD bod y Cyngor yn:

·       cymeradwyo amserlen Cytundeb Cyflawni Cynllun Datblygu Lleol Newydd Sir Ddinbych, i’w gyflwyno i Lywodraeth Cymru (ynghlwm i’r adroddiad fel Atodiad 2).

·       awdurdodi’r Aelod Arweiniol Priffyrdd, Cynllunio a Theithio Cynaliadwy mewn ymgynghoriad â’r Pennaeth Cynllunio a Gwarchod y Cyhoedd i gytuno ar unrhyw newidiadau sydd eu hangen i’r Cytundeb Cyflawni Cynllun Datblygu Lleol Newydd Sir Ddinbych.

·       cadarnhau eu bod wedi darllen, deall ac wedi ystyried yr Asesiad o Effaith ar Les (Atodiad 3 yr adroddiad) fel rhan o'i ystyriaethau.

Ystyried adroddiad gan y Cydlynydd Craffu (copi ynghlwm) er mwyn i’r Cyngor ystyried Adroddiad Blynyddol y Pwyllgorau Craffu ar gyfer 2017/18.

Cyflwynodd y Cynghorydd Hugh Irving Adroddiad y Pwyllgor Craffu ar eu gweithgareddau yn ystod 2017/18 (dosbarthwyd yn flaenorol) i Aelodau ei ystyried. 

Roedd yr Adroddiad Blynyddol i gydymffurfio ag Adran 7.4.4 o Gyfansoddiad y Cyngor oedd yn nodi bod yn rhaid i Bwyllgorau Craffu adrodd yn flynyddol i'r Cyngor Llawn am eu gwaith gydag argymhellion ar gyfer eu rhaglenni gwaith at y dyfodol ac ar ddulliau gweithio diwygiedig os yw hynny’n briodol. 

Yr Adroddiad Blynyddol oedd y cyntaf ar ei weithgareddau yn ystod tymor cyfredol y Cyngor.

Oherwydd y sefydlwyd Cyngor newydd ym Mai 2017, bu’r flwyddyn 2017/18 yn gyfnod o sefydlu a dysgu.   Gyda chytundeb y blaenoriaethau corfforaethol newydd ynghyd â mabwysiadu’r Cynllun Corfforaethol ar gyfer 2017-2022 byddai’r Pwyllgor Craffu nawr yn dechrau monitro darpariaeth yn rheolaidd. 

Roedd yr Adroddiad Blynyddol hefyd yn dweud wrth drigolion Sir Ddinbych sut y gallant gymryd rhan a chyfrannu at y broses archwilio.

Roedd y posibilrwydd o sefydlu trefniadau craffu ar y cyd gyda Chyngor Bwrdeistref Sirol Conwy i graffu ar y Bwrdd Gwasanaethau Cyhoeddus yn cael ei archwilio.   Byddai’n rhaid i Gyngor Llawn Conwy a Sir Ddinbych wneud y penderfyniad pa un ai i sefydlu’r Cyd-Bwyllgor Craffu.  Byddai’r gwaith yn cael ei gwblhau yn ddiweddarach yn y flwyddyn. 

Diolchodd y Cynghorydd Hugh Irving i’r Cydlynydd Craffu, Rhian Evans am ei chefnogaeth a’i chymorth yn ystod y flwyddyn ddiwethaf. 

PENDERFYNWYD bod y Cyngor yn ystyried ac yn nodi Adroddiad Blynyddol y Pwyllgorau Craffu 2017/18

Ystyried adroddiad gan Reolwr y Gwasanaethau Democrataidd (copi ynghlwm) yn gofyn am benderfyniadau ar faterion sy’n ymwneud â’r Pwyllgor.

Cyflwynodd yr Aelod Arweiniol Safonau Corfforaethol yr adroddiad (dosbarthwyd yn flaenorol) i alluogi Aelodau i gymeradwyo amserlen ddrafft y Pwyllgor ar gyfer 2019.

Roedd yn ofynnol i'r Cyngor gymeradwyo amserlen ar gyfer 2019 yn unol â phenderfyniad y Cyngor i gynnal amserlen 18 mis er mwyn galluogi cadarnhau mannau cyfarfod ac adnoddau, cyhoeddi’r amserlen a llenwi dyddiaduron yr Aelodau.

Cafwyd trafodaeth gyffredinol a chodwyd y pwyntiau canlynol:

Ø  Mynegodd y Cynghorydd Paul Penlington ei siom i nodi nad oedd dim cyfarfodydd hwyr yn y prynhawn na min nos wedi eu trefnu.  

Dywedwyd wrth y Cynghorydd Penlington ar ddechrau’r tymor diwethaf, y consensws oedd i gynnal cyfarfodydd yn ystod y dydd.  Byddai holiadur yn cael ei anfon at Aelodau yn y misoedd i ddod a gellir newid yr amserlen os mai’r consensws oedd newid amseroedd y cyfarfodydd.  

Ø  Cadarnhawyd y gall Is-Gadeirydd y Cyngor fod yn aelod o nifer o Bwyllgorau yn y dyfodol, ond ni fyddai angen bod yn aelod o Llywodraethu Corfforaethol fel yn y gorffennol.

Ø  Codwyd y mater o gyfarfodydd Pwyllgor yn gwrthdaro â chyfarfodydd a gynhelir gan gyrff allanol yn achlysurol.

Ø  Cytunwyd i ailbenodi’r Cadeirydd presennol ac aelodau’r Pwyllgor Gwasanaethau Democrataidd ar gyfer y flwyddyn 2018/19. 

Diolchodd y Rheolwr Gwasanaethau Democrataidd i’w gydweithiwr Kath Jones (Gweinyddwr Pwyllgorau) am baratoi’r amserlen a chysylltu gyda swyddogion gan fod angen trefnu’n ofalus iawn.

Diolchodd yr Aelod Arweiniol Safonau Corfforaethol ac Aelodau eraill i’r Rheolwr Gwasanaethau Democrataidd a’i dîm am eu holl ymdrech a gwaith caled. 

PENDERFYNWYD bod y Cyngor yn:

(i)              Cymeradwyo'r amserlen bwyllgorau ddrafft ar gyfer 2019

(ii)             Ailbenodi cadeirydd ac aelodaeth bresennol y Pwyllgor Gwasanaethau Democrataidd ar gyfer blwyddyn ddinesig 2018/19, yn amodol ar unrhyw newidiadau a hysbyswyd gan y Grwpiau; ac

(iii)            Ystyried cydbwysedd gwleidyddol y Pwyllgorau.

Cyflwynodd y Cynghorydd Huw Jones y Rhybudd o Gynnig canlynol i'w ystyried gan y Cyngor Llawn:

(i)              Mae’r Cyngor hwn yn nodi:

a.     Bod Grantiau Gwisg Ysgol wedi’u darparu i blant o’r cefndiroedd mwyaf difreintiedig wrth iddynt ddechrau ym Mlwyddyn 7.

b.     Bod gwerth y Grant yn £105 i bob disgybl.

c.     Bod 156 o ddisgyblion yn Sir Ddinbych wedi derbyn y Grant hwn yn 2017/18, ac ar gyfartaledd mae 166 o ddisgyblion y flwyddyn wedi’i dderbyn ers 2009/10.

d.     Bod gwerth y Grant Gwisg Ysgol hwn ar gyfer CSDd y llynedd yn £16,380.

(ii)             Mae’r Cyngor hwn yn condemnio cynlluniau Llywodraeth Cymru i gael gwared ar y Grant Gwisg Ysgol.

(iii)            Mae’r Cyngor hwn yn credu bod cyhoeddiadau heb eu cynllunio na’u hystyried yn creu ansicrwydd, ac y bydd rhaid i CSDd gyllidebu yn ôl yr wybodaeth sydd ar gael ac nid yn ôl sicrwydd amwys y bydd math arall o gyllid yn lle’r Grant.

(iv)           Mae’r Cyngor yn ceisio eglurhad brys gan Lywodraeth Cymru o ran pa gyllid newydd fydd yn cael ei roi ar waith yn lle’r Grant Gwisg Ysgol, ac amserlen glir yn nodi pryd y dylai’r Cyngor ddisgwyl cael y cyllid hwn.

Cyflwynodd y Cynghorydd Huw Jones y Rhybudd o Gynnig canlynol i'w ystyried gan y Cyngor Llawn:

(i)              Mae’r Cyngor hwn yn nodi:

a.     Bod Grantiau Gwisg Ysgol wedi’u darparu i blant o’r cefndiroedd mwyaf difreintiedig wrth iddynt ddechrau ym Mlwyddyn 7.

b.     Bod gwerth y Grant yn £105 i bob disgybl.

c.     Bod 156 o ddisgyblion yn Sir Ddinbych wedi derbyn y Grant hwn yn 2017/18, ac ar gyfartaledd mae 166 o ddisgyblion y flwyddyn wedi’i dderbyn ers 2009/10.

d.     Gwerth y grant gwisg ysgol hwn ar gyfer CSDd y llynedd (2017/18) oedd £16,380.

(ii)             Mae’r Cyngor hwn yn condemnio cynlluniau Llywodraeth Cymru i gael gwared ar y Grant Gwisg Ysgol.

(iii)            Mae’r Cyngor hwn yn credu bod cyhoeddiadau heb eu cynllunio na’u hystyried yn creu ansicrwydd, ac y bydd yn rhaid i CSDd gyllidebu yn ôl yr wybodaeth sydd ar gael ac nid yn ôl sicrwydd amwys y bydd math arall o gyllid yn lle’r Grant.

(iv)           Mae’r Cyngor yn ceisio eglurhad brys gan Lywodraeth Cymru o ran pa gyllid newydd fydd yn cael ei roi ar waith yn lle’r Grant Gwisg Ysgol, ac amserlen glir yn nodi pryd y dylai’r Cyngor ddisgwyl cael y cyllid hwn.

Eiliodd y Cynghorydd Arwel Roberts y Rhybudd o Gynnig a gyflwynwyd gan y Cynghorydd Huw Jones.

Cafwyd trafodaeth bellach a chodwyd y pwyntiau canlynol:

·       Lansiwyd cyfnewid gwisg ysgol yn y flwyddyn olaf yn y Rhyl ac roedd ar fin cael ei lansio yn Rhuthun.

·       Dywedwyd nad oedd yn bolisi’r Cyngor i gael gwisg ysgol ond i bob ysgol unigol gael polisi gwisg ysgol. 

Cadarnhaodd y Pennaeth Cyllid y derbyniwyd gohebiaeth gan Lywodraeth Cymru yn gofyn am farn i gadarnhau sut i fynd i’r afael â gostyngiad yn y grant amddifadedd disgyblion a'r ffordd orau o wneud hynny er mwyn i arian fod ar gael ar gyfer tymor mis Medi.   

Roedd y Cynghorydd Graham Timms yn cefnogi’r Rhybudd o Gynnig ond dywedodd nad oedd yn cefnogi paragraff (ii) fel yr oedd wedi’i eirio ac y byddai’n well ganddo i’r gair “condemnio” gael ei newid i “anfodlon”.    Cytunodd y cynigydd, y Cynghorydd Huw Jones ac eilydd y Rhybudd o Gynnig i’r newid yn y geiriad.

Yn dilyn pleidlais unfrydol o blaid y Rhybudd o Gynnig:

PENDERFYNWYD bod:

(i)              y Cyngor hwn yn nodi:

a.     Bod Grantiau Gwisg Ysgol wedi’u darparu i blant o’r cefndiroedd mwyaf difreintiedig wrth iddynt ddechrau ym Mlwyddyn 7.

b.     Bod gwerth y Grant yn £105 i bob disgybl.

c.     bod 156 o ddisgyblion yn Sir Ddinbych wedi derbyn y Grant hwn yn 2017/18, ac ar gyfartaledd mae 166 o ddisgyblion y flwyddyn wedi’i dderbyn ers 2009/10.

d.     Gwerth y grant gwisg ysgol hwn ar gyfer CSDd y llynedd (2017/18) oedd £16,380.

(ii)             Mae’r Cyngor hwn yn anfodlon gyda chynlluniau Llywodraeth Cymru i gael gwared ar y Grant Gwisg Ysgol.

(iii)            Mae’r Cyngor hwn yn credu bod cyhoeddiadau heb eu cynllunio na’u hystyried yn creu ansicrwydd, ac y bydd yn rhaid i CSDd gyllidebu yn ôl yr wybodaeth sydd ar gael ac nid yn ôl sicrwydd amwys y bydd math arall o gyllid yn lle’r Grant.

(iv)           Mae’r Cyngor yn ceisio eglurhad brys gan Lywodraeth Cymru o ran pa gyllid newydd fydd yn cael ei roi ar waith yn lle’r Grant Gwisg Ysgol, ac amserlen glir yn nodi pryd y dylai’r Cyngor ddisgwyl cael y cyllid hwn.

Cyflwynodd y Cynghorydd Mabon ap Gwynfor y Rhybudd o Gynnig canlynol i'w ystyried gan y Cyngor Llawn:

“Mae’r Cyngor yma yn galw ar Gyngor Sir Ddinbych i ddarparu cynhyrchion hylendid benywaidd am ddim i ysgolion Sir Ddinbych, gan sicrhau fod merched yn medru eu cael mewn modd sy’n parchu eu hurddas ac annibyniaeth”.

Cyflwynodd y Cynghorydd Glenn Swingler y Rhybudd o Gynnig canlynol i'w ystyried gan y Cyngor Llawn:

Mae’r Cyngor hwn yn galw ar Gyngor Sir Ddinbych i ddarparu cynnyrch glanweithiol merched am ddim i ysgolion yn Sir Ddinbych, i sicrhau bod merched yn gallu eu derbyn mewn modd sy’n parchu eu hurddas a’u hannibyniaeth. 

Roedd ymchwil wedi dangos bod merched oedd yn methu fforddio cynnyrch glanweithiol yn gyndyn i chwarae gyda ffrindiau yn ystod eu mislif ac yn llai tebygol o ymuno mewn chwaraeon neu weithgareddau hamdden gan gynnwys nofio.    Nid oedd rhai merched yn mynd i’r ysgol yn ystod y cyfnod hwn a oedd yn cael ôl-effaith ar eu teulu gan y gallent wynebu cosb ariannol.  

Roedd y Cynghorydd Emrys Wynne yn eilio’r Rhybudd o Gynnig a gyflwynwyd gan y Cynghorydd Glenn Swingler.

Yn ystod y drafodaeth codwyd y pwyntiau canlynol:

·        Gofynnodd y Cynghorydd Eryl Williams i’r geiriad gael ei newid o “... i ddarparu cynnyrch glanweithiol merched...”

i "...i ymchwilio i gynnyrch glanweithiol merched...”  a chytunwyd gan yr aelodau.

·       Byddai angen cadarnhau’r gofyniad a’r gost a lle byddai arian ar gael.

·       Sgwrs agored gyda’r gwneuthurwyr cynnyrch glanweithiol i weld pa gymorth y gallent gynnig i holl ysgolion yn y sir, ac eto, y gost.

Awgrymodd y Cynghorydd Joan Butterfield newid i’r Rhybudd o Gynnig a fyddai’n dod ag adroddiad yn ôl i gyfarfod o'r Cyngor yn y dyfodol gyda'r costau a hefyd adroddiad ar y drafodaeth gyda gwneuthurwyr y cynnyrch.    Cafodd hyn ei eilio gan y Cynghorydd Pat Jones.

 Ar y pwynt hwn, cadarnhaodd y Pennaeth Gwasanaethau Cyfreithiol, Adnoddau Dynol a Democrataidd nad oedd y Rhybudd o Gynnig yn ymwneud â swyddogaeth y Cyngor ond swyddogaeth weithredol ac felly roedd union benderfyniad i wneud hyn ai peidio yn dod o dan ran weithredol y cyngor.  Gallai’r Cyngor ofyn i’r Cabinet wneud rhywbeth a hefyd gofyn i’r Pwyllgor Craffu edrych ar y mater hwn.

Roedd mater arall a godwyd yn ymwneud â’r ffaith bod yr amserlen yn dri mis, fyddai’n golygu y byddai'n mynd i'r pwyllgor gweithredol ym mis Medi.

Byddai’r newid i eiriad y Rhybudd o Gynnig fel a ganlyn:

Mae’r Cyngor yn rhoi cyfarwyddyd y dylai swyddogion ddatblygu adroddiad manwl i'r Cabinet ei ystyried yn ei gyfarfod ym mis Medi ynglŷn â faint o angen oedd yna am gynnyrch glanweithiol merched am ddim mewn ysgolion a'r costau i gynnwys y drafodaeth gyda'r gwneuthurwyr perthnasol ynglŷn â'r gefnogaeth y gallent ei chynnig.

Cynhaliwyd pleidlais ar y newid a:

PENDERFYNWYD bod:

Y Cyngor yn rhoi cyfarwyddyd y dylai swyddogion ddatblygu adroddiad manwl i'r Cabinet ei ystyried yn ei gyfarfod ym mis Medi ynglŷn â faint o angen oedd yna am gynnyrch glanweithiol merched am ddim mewn ysgolion a'r costau i gynnwys y drafodaeth gyda'r gwneuthurwyr perthnasol ynglŷn â'r gefnogaeth y gallent ei chynnig.

Cyflwynodd y Cynghorydd Paul Penlington y Rhybudd o Gynnig canlynol i'w ystyried gan y Cyngor Llawn:

 “Mae’r Cyngor hwn yn galw ar y Cabinet i beidio ag adnewyddu contract Kingdom Security ym mis Tachwedd 2018 ac yn galw ar y Cabinet i gyfarwyddo swyddogion CSDd i ddod â phapur i gyfarfod y Cyngor ym mis Medi yn amlinellu'r dewisiadau ar gyfer darparu gwasanaeth tebyg gan ddefnyddio staff ac adnoddau eu hunain, ac yn canolbwyntio ar addysg a chefnogi’r cyhoedd yn hytrach na’u cosbi.”

Cyflwynodd y Cynghorydd Paul Penlington y Rhybudd o Gynnig canlynol i'w ystyried gan y Cyngor Llawn:

Mae’r Cyngor hwn yn galw ar y Cabinet i beidio ag adnewyddu contract Kingdom Security ym mis Tachwedd 2018 ac yn galw ar y Cabinet i gyfarwyddo swyddogion CSDd i ddod â phapur i gyfarfod y Cyngor ym mis Medi yn amlinellu'r dewisiadau ar gyfer darparu gwasanaeth tebyg gan ddefnyddio staff ac adnoddau eu hunain, ac yn canolbwyntio mwy ar addysg a chefnogi’r cyhoedd yn hytrach na’u cosbi.”

Eiliodd y Cynghorydd Geraint Lloyd-Williams y Rhybudd o Gynnig a gyflwynwyd gan y Cynghorydd Paul Penlington.

Cynhaliwyd trafodaeth fanwl a dywedwyd y byddai cynrychiolwyr Kingdom yn bresennol yn y Pwyllgor Craffu Perfformiad ar 7 Mehefin 2018. 

Awgrymodd y Cynghorydd Huw Hilditch-Roberts newid gan nad oedd y mater yn un i’r Cyngor ond yn un i’r Pwyllgor Gweithredol ei ystyried.   Felly y newid a awgrymwyd oedd bod y Cyngor yn gofyn i’r Pwyllgor Craffu ddarparu adroddiad i’r Cabinet ar ddarpariaeth a gwaith Kingdom, ac yna gall y Cabinet wneud penderfyniad ar hynny ym mis Tachwedd.  

Roedd y Cynghorydd Andrew Thomas yn eilio’r newid.

Cadarnhaodd y Pennaeth Gwasanaethau Cyfreithiol, Adnoddau Dynol a Democrataidd y byddai mwy o wybodaeth a ffigurau yn cael eu cyflwyno i’r Pwyllgor Craffu ym mis Mehefin ac yna byddai adroddiad yn cael ei gyflwyno i’r Pwyllgor Gweithredol.

Cynhaliwyd pleidlais ar gyfer newid i’r Rhybudd o Gynnig a gymeradwy-wyd ac felly, daeth yn brif gynnig. 

Yna cynhaliwyd pleidlais ar y prif gynnig a chymeradwywyd.

PENDERFYNWYD bod y Cyngor yn gofyn i'r Pwyllgor Craffu ddarparu adroddiad i'r Cabinet ar ôl iddynt ystyried perfformiad Kingdom ar 7 Mehefin gydag argymhelliad ar gyfer darpariaeth ar gyfer y dyfodol. 

Ystyried Rhaglen Gwaith i’r Dyfodol y Cyngor (copi ynghlwm).

Cyflwynodd Pennaeth y Gwasanaethau Cyfreithiol, Adnoddau Dynol a Democrataidd Raglen Gwaith i'r Dyfodol y Cyngor (dosbarthwyd eisoes).

Cadarnhawyd y byddai’r eitem Cynnig Twf Rhanbarthol yn cael ei ychwanegu at raglen y cyfarfod ar 3 Gorffennaf 2018.

PENDERFYNWYD yn amodol ar yr uchod, y dylid cymeradwyo a nodi Rhaglen Gwaith i'r Dyfodol y Cyngor.

Daeth y cyfarfod i ben am 1.05pm.