Agenda and draft minutes

Cyn dechrau cyfarfod y Cyngor, estynnodd y Cadeirydd, y Cynghorydd Gwyneth Kensler, gydymdeimlad â'r Cynghorydd Bill Tasker wedi iddo golli ei chwaer yn ddiweddar.

Dylai’r Aelodau ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Dim Datganiad o Gysylltiad.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B (4) Deddf Llywodraeth Leol, 1972.

Dim.

Nodi ymrwymiadau dinesig a ymgymerwyd gan Gadeirydd y Cyngor (i ddilyn)

Roedd rhestr o ddigwyddiadau dinesig a gynhaliwyd ar gyfer y Cyngor gan y Cadeirydd a’r Is-Gadeirydd ar gyfer y cyfnod rhwng 13 Awst 2015 a 12 Hydref 2015 wedi’i dosbarthu cyn y cyfarfod.

PENDERFYNWYD derbyn y rhestr o ymrwymiadau dinesig a fynychwyd gan y Cadeirydd a'r Is-gadeirydd.

Derbyn cofnodion cyfarfod y Cyngor Sir a gynhaliwyd 8 Medi 2015 (copi ynghlwm).

Cyflwynwyd cofnodion cyfarfod y Cyngor a gynhaliwyd ar 8 Medi 2015.

PENDERFYNWYD y dylid cadarnhau cofnodion y cyfarfod a gynhaliwyd ar 8 Medi 2015 fel cofnod cywir ac y dylai’r Cadeirydd eu llofnodi.

Yn y fan hon, cyflwynodd y Cadeirydd Meira Owen o HomeStart i roi esboniad byr i Aelodau am y gwaith a wnaed gan HomeStart o fewn y gymuned a'r teuluoedd y maent yn eu cynorthwyo.

Diolchodd Meira Owen i Aelodau'r Cyngor am ganiatáu iddi gael cyfle i esbonio gwaith HomeStart.

Roedd HomeStart yn elusen a oedd wedi cefnogi teuluoedd yn Sir Ddinbych am y 15 mlynedd diwethaf. Roedd tîm o tua 100 o wirfoddolwyr o gymunedau amrywiol ar draws y sir ynghyd â 5 aelod o staff.  Y meini prawf i gael atgyfeiriad i HomeStart oedd bod angen i un plentyn yn y teulu fod o dan 11 oed. 

Yn dilyn y cyflwyniad gan Meira Owen, diolchodd y Cadeirydd a'r Cynghorydd Raymond Bartley i Meira a'i thîm am yr holl waith caled a wnaethant o fewn y cymunedau, a oedd yn amhrisiadwy.

Ystyried adroddiad gan y Swyddog Perfformiad a Chynllunio Strategol (copi ynghlwm) ar fersiwn drafft Adolygiad Perfformiad Blynyddol y Cyngor ar gyfer 2014-15.

Cyflwynodd yr Aelod Arweiniol dros Gyllid ac Asedau, y Cynghorydd Julian Thompson-Hill, yr Adroddiad Perfformiad Blynyddol (a ddosbarthwyd yn flaenorol) i'r aelodau gymeradwyo fersiwn drafft o Adolygiad Perfformiad Blynyddol 2014/15, yn amodol ar newidiadau y cytunwyd arnynt, er mwyn iddo gael ei gyfieithu a’i gyhoeddi cyn 31 Hydref 2015.

Eglurodd y Pennaeth Gwella Busnes a Moderneiddio fod Cynllun Corfforaethol y Cyngor 2012-2017 wedi gosod y cyfeiriad strategol ar gyfer y Cyngor a'i flaenoriaethau ar gyfer y cyfnod o bum mlynedd.  Mae manylion bwriad y Cyngor i gyflawni’r blaenoriaethau wedi eu nodi yn y Cynlluniau Gwasanaeth Blynyddol ac yn Nogfen Darparu Blynyddol y Cynllun Corfforaethol, ac mae cyfres o Gytundebau Canlyniad wedi eu cytuno arnynt gyda Llywodraeth Cymru.

 Roedd yr Adolygiad Perfformiad Blynyddol yn darparu gwerthusiad ôl-syllol o lwyddiant y Cyngor wrth gyflawni yn erbyn y cynlluniau yma yn ystod 2014-15, a p’un ai yw’r Cyngor wedi llwyddo i gyflawni ei rwymedigaeth gogyfer â gwneud trefniadau i sicrhau gwelliannau parhaus yn llwyddiannus ai peidio.

Roedd yr adroddiad wedi cael ei ddatblygu gan y Tîm Cynllunio Strategol a Pherfformiad, mewn ymgynghoriad â gwasanaethau eraill y Cyngor.   Roedd yr wybodaeth ynglŷn â pherfformiad a oedd wedi ei chynnwys yn y ddogfen wedi cael ei darparu gan y gwasanaethau, ac wedi cael eu dwyn ynghyd yn defnyddio system rheoli perfformiad Verto.  Ymgynghorwyd â’r Uwch Dîm Arweinyddiaeth cyn cyflwyno’r adroddiad ger bron y Cyngor Sir i’w gymeradwyo.

Dyma oedd y cynllun mwyaf uchelgeisiol hyd yma a dyma oedd trydedd flwyddyn y cynllun.  Roedd cynnydd da wedi ei wneud ond roedd llawer o waith i'w wneud o hyd.  Roedd yr ystadegau yn yr adroddiad wedi’u diweddaru ar ddiwedd mis Mawrth 2015.

Aeth y Pennaeth Gwella Busnes a Moderneiddio ymlaen gyda chyflwyniad PowerPoint ar gyfer Aelodau, a oedd yn cynnwys astudiaethau achos i roi enghreifftiau cliriach o'r gwaith yn mynd rhagddo.

Roedd angen camau allweddol ar saith maes blaenoriaeth, a’r blaenoriaethau hynny oedd:

·       Datblygu Economaidd

·       Addysg

·       Ffyrdd

·       Pobl Ddiamddiffyn

·       Strydoedd Glân a Thaclus

·       Tai, a

·       Moderneiddio'r Cyngor

 Eglurodd y Tîm Datblygu Economaidd a Busnes a’r Rheolwr Rhaglen y mentrau sy'n datblygu Rhaglen Gymuned Economaidd.  Pwysigrwydd band eang derbyniol a thelathrebu a chanolbwyntio ar fusnesau yn y defnydd o dechnoleg.  O fewn Gwefan CSDd, roedd tudalen i’w sefydlu a fyddai'n cynnwys gwybodaeth i fusnesau, a byddai'r dudalen yn cynnwys clipiau fideo byr, sydyn o fusnesau yn esbonio sut maent yn defnyddio technoleg i wella eu busnes.   Roedd cynlluniau i gael tua chwe chlip fideo gwahanol yn y Gymraeg a'r Saesneg.

 Dangosodd y Tîm Datblygu Economaidd a Busnes a’r Rheolwr Rhaglen enghraifft o fersiwn drafft o fideo gan gwmni wedi'i leoli yn Ninbych.

Yn dilyn y fideo, codwyd yr eitemau canlynol yn ystod trafodaeth:

·       Roedd cyflymder band eang mewn rhai ardaloedd gwledig yn fater parhaus.  Cadarnhawyd bod BT a band eang cyflym iawn yn araf ond cyfrifoldeb Llywodraeth Cymru oedd cysylltu â BT i wella'r gwasanaeth.  Gofynnwyd i Gynghorwyr lobïo Llywodraeth Cymru  ar y mater.  Awgrymodd y Prif Weithredwr y dylai'r mater o gyflwyno band eang cyflym iawn gael ei alw i'r Pwyllgor Craffu.  Byddai'r pryderon hefyd yn cael eu codi gydag Aelodau'r Cynulliad. 

·       Roedd clipiau fideo Cymraeg yn dasg anoddach gan fod prinder perchnogion busnes Cymraeg a oedd yn fodlon cymryd rhan i ffilmio fideo.

·       Yn dilyn ailstrwythuro'r Adran, cafwyd mwy o ryngweithio gydag Adrannau eraill.  Roedd Rheolwr Prosiect bellach ar waith, a'i dasg oedd rhoi’r holl wybodaeth at ei gilydd.  Roedd 16 o brosiectau ar hyn o bryd, a chynhaliwyd cyfarfodydd rheolaidd er mwyn sicrhau bod amserlenni ar gyfer prosiectau yn parhau ar y trywydd cywir.

·       Atgoffodd yr Arweinydd, y Cynghorydd Hugh Evans, yr Aelodau fod  ...  view the full Cofnodion text for item 6.

Ystyried Rhaglen Gwaith i’r Dyfodol y Cyngor (copi ynghlwm).

Cyflwynodd y Cadeirydd Raglen Gwaith i'r Dyfodol y Cyngor (dosbarthwyd eisoes).

Cytunwyd yn gynharach yn y cyfarfod i adfer y Cyfrif Refeniw Tai i Friff y Cyngor a gynhelir ar 2 Tachwedd, 2015.

PENDERFYNWYD yn amodol ar yr uchod y dylid cymeradwyo a nodi Rhaglen Gwaith i'r Dyfodol y Cyngor.

Daeth y cyfarfod i ben am 12.35pm.