Agenda and draft minutes

Dylai’r Aelodau ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Dim.

Yn y fan hon, hysbysodd y Cadeirydd yr aelodau y byddai cyfarfod anffurfiol yn cael ei gynnal ynghylch Cludiant Ysgol yn dilyn cyfarfod y Cyngor.

Rhoddodd y Cadeirydd longyfarchiadau i Blas Brondyffryn am eu gwobr a diolchodd hefyd i’r Urdd yn Sir Ddinbych am eu llwyddiant yng Nghaerffili.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B (4) Deddf Llywodraeth Leol, 1972.

Dim.

Yn y fan hon, mynegodd y Cynghorydd Jason McLellan ei siom am y ffaith nad oedd BIPBC wedi’i gynnwys ar y Rhaglen fel a ddangoswyd ar y Rhaglen Gwaith i'r Dyfodol o’r blaen.  Nid oedd diwygio Llywodraeth Leol wedi'i gynnwys ar gyfer trafodaeth chwaith.  Mynegodd y Cynghorydd McLellan hefyd ei anfodlonrwydd fod yr eitem ar y Gyllideb i'w thrafod y diwrnod cyn cyhoeddiad y Gyllideb gan y Llywodraeth.

Eglurodd y Cadeirydd wrth y Cynghorydd McLellan y gallai fod wedi codi'r materion cyn y cyfarfod gyda naill ai’r Prif Weithredwr neu'r Pennaeth Gwasanaethau Cyfreithiol, Adnoddau Dynol a Democrataidd.

Mynegodd y Cynghorwyr Stuart Davies ac Arwel Roberts eu bod yn cytuno â datganiad y Cynghorydd McLellan.

Eglurodd yr Aelod Arweiniol dros Ofal Cymdeithasol, Gwasanaethau Oedolion a Phlant a'r Prif Weithredwr y sefyllfa o ran BIPBC.  Eglurwyd bod Prif Weithredwr BIPBC, Trevor Purt, wedi cysylltu â  Sir Ddinbych i fynychu cyfarfod o'r Cyngor ond oherwydd ei fod wedi’i atal dros dro o’i waith yn ddiweddar, nid oedd y Swyddog Cyfrifol Dros Dro (ARO) yn ymwybodol o'r ymrwymiad hwn.   Roedd cyfarfod Bwrdd CIC wedi ei gynnal y bore yma a byddai gofyn i'r ARO fod yn bresennol.   Roedd dyddiad 8 Medi 2015 wedi ei awgrymu i'r ARO ond nid oedd ymateb wedi dod eto.  Cytunodd yr Aelodau pe byddai'r ARO yn methu bod yn bresennol ar 8 Medi, yna dylid cynnal cyfarfod arbennig ar ddyddiad cyfleus i’r ARO.

Cadarnhaodd y Prif Weithredwr y byddai'r Papur Gwyrdd  a gyhoeddwyd y diwrnod cyn y Cyngor yn cael ei drafod yng nghyfarfod Arweinwyr Grwpiau yr wythnos nesaf ac y byddai'r ymateb yn cael ei adrodd yn ôl i'r Cyngor llawn.

Byddai'r drafodaeth ynglŷn ag ad-drefnu Llywodraeth Leol yn cael ei drafod yn dilyn yr etholiad yn 2016 oherwydd mai dyfalu oedd yn digwydd ar hyn o bryd.

Nodi ymrwymiadau dinesig a ymgymerwyd gan Gadeirydd y Cyngor (copi ynghlwm).

Roedd rhestr o ddigwyddiadau dinesig a fynychwyd gan y Cadeirydd a’r Is-Gadeirydd ar gyfer y cyfnod rhwng 14.05.2015 a 28.06.2014 wedi’i dosbarthu cyn y cyfarfod.

PENDERFYNWYD derbyn y rhestr o ymrwymiadau dinesig a fynychwyd gan y Cadeirydd a'r Is-gadeirydd.

Derbyn cofnodion cyfarfod y Cyngor Sir a gynhaliwyd 12 Mai 2015 (copi ynghlwm).

Cyflwynwyd cofnodion cyfarfod y Cyngor a gynhaliwyd ar 12 Mai 2015.

Eitem 5, Tudalen 11, roedd enw’r Cynghorydd Huw Jones wedi ei sillafu'n anghywir.  Ymddiheurwyd i'r Cynghorydd Jones.

Dywedodd y Cynghorydd Alice Jones ynghylch eitem 7, Tudalen 13 - Cynlluniau Tref, yn y cofnodion roedd wedi nodi “Eglurwyd bod fersiwn drafft o Gynllun Tref Bodelwyddan yn derbyn sylw”.  Gofynnwyd y cwestiwn “pam oedd tref Bodelwyddan wedi’i gadael allan” a'r ateb a roddwyd yn ystod y cyfarfod, gan y Prif Weithredwr oedd “nid oedd y Cynllun Tref wedi cael sylw ar yr un adeg â'r lleill yn y sir.  Teimlwyd y byddai'n well gadael Bodelwyddan allan nes bod mater y CDLl wedi ei ddatrys”.  Gofynnodd y Cynghorydd Jones bod y cofnodion yn cael eu diwygio.

Cadarnhaodd y Cynghorydd Julian Thompson-Hill fod y frawddeg yn y cofnodion wedi’i dweud yn y cyfarfod gan y Prif Weithredwr, y Pennaeth Gwella Busnes a Moderneiddio ac ef ei hun, ond roedd y datganiad a ddarllenwyd allan gan y Cynghorydd Jones wedi’i dweud hefyd yn ystod y cyfarfod.

PENDERFYNWYD yn amodol ar yr uchod, cadarnhau cofnodion y cyfarfod a gynhaliwyd ar 12 Mai 2015 fel cofnod cywir a bod y Cadeirydd yn eu llofnodi.

Ystyried adroddiad gan y Prif Swyddog Cyllid (copi ynghlwm) i roi gwybod am y sefyllfa ddiweddaraf a nodi'r cynigion yn Nhabl 1, cymeradwyo'r cynigion yn Nhabl 2 a chynnig pellach a gyflwynwyd gan aelodau etholedig.

Cyflwynodd Aelod Arweiniol Cyllid ac Asedau, y Cynghorydd Julian Thompson Hill, yr Adroddiad Cyllideb (a ddosbarthwyd yn flaenorol) i ddarparu diweddariad ar y broses i ddarparu’r gyllideb refeniw ar gyfer 2016/17 ac i nodi cyfnod nesaf y cynigion ar gyfer y gyllideb.

Roedd yr aelodau yn ymwybodol o'r broses gyllideb barhaus.  Roedd 3 gweithdy cyllideb ychwanegol wedi digwydd.  Roedd y ddau weithdy cyntaf wedi ymdrin ag eitemau a oedd wedi'u gohirio neu wedi eu cadw am wybodaeth ychwanegol.  Yn y gweithdy a gynhaliwyd ar 5 Mehefin 2015, hysbyswyd yr aelodau o'r tybiaethau allweddol o fewn cynlluniau tymor canolig y cyngor - yn benodol, roeddent yn amlinellu'r ansicrwydd ynghylch lefel setliadau Grant Cynnal Refeniw y dyfodol.

Roedd gweithdai eraill ynglŷn â’r gyllideb wedi’u trefnu ar gyfer 26 Hydref a 14 Rhagfyr 2015.  Wrth i’r broses ar gyfer 2016/17 gael ei datblygu, mae'n debygol y bydd yn angenrheidiol i drefnu mwy o weithdai yn ystod yr hydref.

Roedd lefel sylweddol o ansicrwydd yn dal i bodoli o ran y Setliad Llywodraeth Leol tebygol ar gyfer 2016/17 ac roedd hyn yn debygol o barhau dros y misoedd nesaf.  Tan fis Mai 2013, roedd gwerth y Setliadau yn gymharol gyson â'r arwyddion blaengynllunio a gyhoeddwyd yn genedlaethol yn 2011.   Ers hynny ni fu unrhyw setliad aml-flwyddyn ac roedd arwyddion wedi newid yn gyson rhwng ac o fewn blynyddoedd ariannol.  Yn absenoldeb gwybodaeth fwy dibynadwy am y Setliad, roedd angen i gynlluniau’r gyllideb barhau i ddatblygu cynigion i gwmpasu amrywiaeth o wahanol sefyllfaoedd.  Byddai'r Setliad Drafft ar gyfer llywodraeth leol yng Nghymru yn cael ei gyhoeddi ddechrau mis Hydref.

Roedd aelodau wedi cael cais i gyflwyno eu cynigion eu hunain fel rhan o'r broses ac roedd ffurflen wedi’i rhagnodi wedi ei chyhoeddi ar gyfer y diben hwn.   Nod cynnig a gyflwynwyd gan yr aelodau yn y gweithdy ar 5 Mehefin fyddai rhoi'r gorau i dalu costau teithio i aelodau a oedd yn mynychu cyfarfodydd fel sylwedyddion.  Amcangyfrifwyd y gallai’r cynnig hwn arbed hyd at £900 y flwyddyn.

Nod y broses gyllidebol oedd sicrhau bod y cyngor yn cyflwyno cyllideb gytbwys.  Roedd yn parhau’n broses anodd gyda rhai penderfyniadau anodd i'w gwneud ar hyd y ffordd.  Roedd ymrwymiad a chefnogaeth aelodau etholedig yn y broses o wneud penderfyniadau ac archwilio’r broses yn hanfodol.

Cynhaliwyd trafodaeth fanwl a thrafodwyd y pwyntiau canlynol:

·       Mynegodd y Cynghorydd Colin Hughes bryder ynghylch darpar doriadau.  Cododd y broses o gau Aberchwiler fel enghraifft.  Eglurodd y Prif Weithredwr nad oedd wedi bod yn ymwybodol o unrhyw ddefnyddiwr gwasanaeth unigol nad oedd wedi cael lleoliad yn dilyn cau Aberchwiler.  Roedd yr holl bobl ddiamddiffyn wedi eu gosod o fewn amgylcheddau gwaith newydd.  Eglurodd y Cynghorydd Richard Davies fod trafodaeth fanwl a oedd wedi para dros 2 ½ awr wedi digwydd yn y pwyllgor Archwilio Perfformiad Arbennig a gynhaliwyd ar 22 Mehefin 2015.

·       Cadarnhaodd y Prif Weithredwr fod cyllidebau cytbwys wedi eu gosod.  Roedd 72% o doriadau a gytunwyd ar gyfer y flwyddyn hon eisoes wedi eu rhoi ar waith.

·       Gofynnodd yr Aelodau fod cynrychiolydd o'r Cyngor Iechyd Cymuned yn bresennol yn y cyfarfod ynghyd â Swyddog Cyfrifol Dros Dro BIPBC i alluogi cwestiynau a godwyd gan yr aelodau i gael ymateb manwl, gan y cynrychiolwyr Iechyd a oedd yn bresennol.

Yn y fan hon (11.00 a.m.) roedd munud o dawelwch i gofio dioddefwyr y bomiau yn Llundain 10 mlynedd yn ôl.

Parhaodd y drafodaeth a thrafodwyd y pwyntiau canlynol:

·       Cadarnhaodd y Cynghorydd Colin Hughes i'r aelodau nad oedd yn bwriadu hawlio treuliau ar gyfer unrhyw gyfarfodydd y byddai’n eu mynychu yn y dyfodol.

·       Gofynnodd yr aelodau fod cofnodion gweithdai’r gyllideb i gofnodi  ...  view the full Cofnodion text for item 6.

Ystyried Rhaglen Gwaith i’r Dyfodol y Cyngor (copi ynghlwm).

Cyflwynodd Pennaeth y Gwasanaethau Cyfreithiol, Adnoddau Dynol a Democrataidd Raglen Gwaith i'r Dyfodol y Cyngor (dosbarthwyd eisoes).

Eglurodd y Prif Weithredwr y byddai gwahoddiad yn cael ei anfon at Fwrdd PBC i fynychu cyfarfod y Cyngor sydd i'w gynnal ar 8 Medi 2015.  Os na fyddai PBC yn gallu bod yn bresennol, gofynnodd y Prif Weithredwr i’r aelodau a fyddent am i’r eitem PBC gael ei hychwanegu at y Rhaglen Gwaith i'r Dyfodol ar gyfer 8 Medi i alluogi trafodaeth.

Cytunodd yr Aelodau y byddai'n bwysig i aelod o PBC fod yn bresennol ar 8 Medi ac os oedd y dyddiad yn anghyfleus iddynt, yna dylai cyfarfod arbennig o'r cyngor gael ei drefnu ar ddyddiad cyfleus i’r Swyddog Cyfrifol Dros Dro.

PENDERFYNWYD yn amodol ar yr uchod y dylid cymeradwyo a nodi Rhaglen Gwaith i'r Dyfodol y Cyngor.

Daeth y cyfarfod i ben am 11:40 a.m.