Agenda and draft minutes

Dylai’r Aelodau ddatgan unrhyw gysylltiad personol neu gysylltiad sy'n rhagfarnu mewn unrhyw fater a nodwyd i'w ystyried yn y cyfarfod hwn.

Datganodd y Cynghorydd Paul Penlington gysylltiad personol yn Eitem 7 - Cymeradwyo Achos Busnes Terfynol ar gyfer Ailddatblygu Ysgol Glan Clwyd.

Rhybudd o eitemau y dylid, ym marn y Cadeirydd, eu hystyried yn y cyfarfod fel materion brys yn unol ag Adran 100B (4) Deddf Llywodraeth Leol, 1972.

Dim.

Yn y fan hon, croesawodd y Cadeirydd, y Cynghorydd Peter Prendergast, i'w gyfarfod cyntaf o’r Cyngor.

Dyma’r Cadeirydd hefyd yn llongyfarch y Cynghorydd Peter Owen a'i deulu ar ddathlu 63 mlynedd o Briodas heddiw.

Nodi ymrwymiadau dinesig a ymgymerwyd gan Gadeirydd y Cyngor (copi ynghlwm).

Cyn y cyfarfod dosbarthwyd rhestr o ddigwyddiadau dinesig a fynychwyd ar ran y Cyngor gan y Cadeirydd ar gyfer y cyfnod 27.01.2015 a 27.03.2015.

PENDERFYNWYD derbyn a nodi’r rhestr o ymrwymiadau dinesig a fynychwyd ar ran y Cyngor gan y Cadeirydd.

Derbyn Cofnodion cyfarfod y Cyngor Sir a gynhaliwyd ar:-

(i)    29 Ionawr 2015 (copi ynghlwm).

(ii)   24 Chwefror 2015 (copi ynghlwm).

Cyflwynwyd cofnodion cyfarfodydd y Cyngor a gynhaliwyd ar 29 Chwefror a 24 Mawrth 2015.

Materion yn Codi - 24 Chwefror, 2015 – Tudalen 15 Eitem Rhif 5 - Treth y Cyngor a Materion Cysylltiedig.

Gofynnodd y Cynghorydd Meirick Lloyd Davies am ymateb ar ôl i’r mater gael ei drafod gan y Grŵp Cadeiryddion ac Is-Gadeiryddion Archwilio.

Cadarnhaodd y Cynghorydd Huw Hilditch-Roberts bod y mater wedi'i drafod yng Ngrŵp Cadeiryddion ac Is-Gadeiryddion Archwilio ac fe gytunwyd y byddai'r eitem yn cael ei chynnwys ar Agenda’r Pwyllgor Craffu Cymunedau ar 9 Gorffennaf 2015. Roedd gwahoddiad wedi'i estyn i Weinidog Cyllid a Busnes y Llywodraeth, Jane Hutt, i ddod i'r cyfarfod ar 9 Gorffennaf 2015.

Hefyd, gofynnodd y Cynghorydd Meirick Lloyd Davies am ddiweddariad ynghylch â’r llythyr a gafodd ei anfon at Swyddfa Comisiynydd yr Heddlu am ddadansoddiad o'r hyn a gyflawnwyd a’r hyn a fyddai'n debygol o gael ei gyflawni yn seiliedig ar swm praesept yr Heddlu.  Gofynnwyd hefyd am y cynllun gweithredu a gynhyrchwyd ar gyfer y rhanbarth.

Cadarnhaodd y Cynghorydd Bobby Feeley bod llythyr wedi’i anfon.

PENDERFYNWYD cadarnhau cofnodion y cyfarfod a gynhaliwyd ar 29 Ionawr a 24 Chwefror 2015 fel cofnod cywir a bod y Cadeirydd yn eu llofnodi, yn amodol ar yr uchod.

Ystyried adroddiad gan y Pennaeth Gwasanaethau Cyfreithiol, Adnoddau Dynol a Democrataidd (copi ynghlwm) yn argymell bod y Cyngor yn cytuno y bydd y Cadeirydd a’r Is-Gadeirydd arfaethedig ar gyfer blwyddyn gyngor 2015/16 yn cael eu hethol yn ffurfiol yng nghyfarfod blynyddol y Cyngor ar 12 Mai 2015.

Cyflwynodd Pennaeth y Gwasanaethau Cyfreithiol, Adnoddau Dynol a Democrataidd yr adroddiad (a gafodd ei ddosbarthu yn flaenorol) yn ceisio cytundeb i ethol Cadeirydd ac Is-Gadeirydd ar gyfer y Cyngor Sir ar gyfer blwyddyn y cyngor 2015/16 yn ffurfiol yng nghyfarfod blynyddol y Cyngor ar 12 Mai 2015. Ceisiwyd am enwebiadau ar gyfer y ddau rôl.

Ethol Cadeirydd – Cynigiodd y Cynghorydd Eryl Williams, ac eiliwyd ei gynnig gan y Cynghorydd Hugh Evans, i enwebu’r Cynghorydd Gwyneth Kensler yn Gadeirydd ar gyfer blwyddyn y cyngor 2015/16.  Ni wnaed unrhyw enwebiad arall.  Diolchodd y Cynghorydd Kensler i’r aelodau am eu cefnogaeth a chafodd ei llongyfarch ar ei henwebiad.

Ethol Is-Gadeirydd – Cynigiodd y Cynghorydd Martyn Holland, ac eiliwyd ei gynnig gan y Cynghorydd Arwel Roberts, i enwebu’r Cynghorydd Ann Davies yn Is-Gadeirydd ar gyfer blwyddyn y cyngor 2015/16.

Cynigodd y Cynghorydd Joan Butterfield gyda’r Cynghorydd Bill Tasker yn eilio ei chynnig i enwebu’r Cynghorydd Win Mullen-James fel Is-Gadeirydd ar gyfer blwyddyn y cyngor 2015/16.

Yn unol â Chyfansoddiad y Cyngor, cynhaliwyd pleidlais gudd ar gyfer ethol yr Is-Gadeirydd arfaethedig.

23 o bleidleisiau ar gyfer y Cynghorydd Ann Davies

19 pleidlais ar gyfer y Cynghorydd Win Mullen-James

Enwebwyd y Cynghorydd Ann Davies fel yr Is-gadeirydd arfaethedig ar gyfer blwyddyn y cyngor 2015/16.  Diolchodd y Cynghorydd Davies i’r aelodau am eu cefnogaeth a chafodd ei llongyfarch ar ei henwebiad.

PENDERFYNWYD cynnig y Cynghorydd Gwyneth Kensler yn Gadeirydd a’r Cynghorydd Ann Davies yn Is-Gadeirydd ar y Cyngor Sir ar gyfer blwyddyn y cyngor 2015/16 a’u hethol yn ffurfiol yng nghyfarfod blynyddol y Cyngor ar 12 Mai 2015.

Ystyried adroddiad gan y Pennaeth Cefnogi Addysg a Chwsmeriaid (copi ynghlwm), yn argymell cymeradwyo'r Achos Busnes Terfynol ar gyfer Ysgol Glan Clwyd.

Fe gyflwynodd yr Aelod Arweiniol dros Addysg, y Cynghorydd Eryl Williams yr adroddiad (a ddosbarthwyd yn flaenorol) yn ceisio cymeradwyaeth ar gyfer yr Achos Busnes Terfynol i Ailddatblygu Ysgol Glan Clwyd.

Mae Llywodraeth Cymru eisoes wedi cymeradwyo Achos Amlinellol Strategol (Mai 2013) ac Achos Busnes Amlinellol (Hydref 2013) ar gyfer y prosiect hwn.  Nawr mae angen cymeradwyaeth i’r Achos Busnes Terfynol i gael ei ystyried am gymeradwyaeth gan Lywodraeth Cymru.

Bydd prosiect Ysgol Glan Clwyd yn darparu adeilad ysgol wedi’i ymestyn a’i adnewyddu i ateb y galw cynyddol am addysg cyfrwng Cymraeg yng ngogledd y Sir.

Cafwyd trafodaeth bellach a chodwyd y pwyntiau canlynol:

Ø  Roedd y prosiect wedi bod yn bartneriaeth lwyddiannus rhwng Llywodraeth Cymru a Chyngor Sir Ddinbych.  Aelodau a Swyddogion yn Sir Ddinbych yn teimlo'n gryf iawn am yr iaith Gymraeg ac mae'r prosiect hwn angen ei hyrwyddo fel "newyddion da".

Ø  Mae hwn wedi bod yn gynllun wyth mlynedd a ffigurau wedi dangos yr angen am addysg Gymraeg ar gynnydd.

Ø  Y Cynghorydd Dewi Owens yw’r cynrychiolydd lleol ar Fwrdd y Prosiect ac argymhellwyd bod y Cynghorydd Bill Cowie hefyd yn derbyn copïau o bapurau Bwrdd y Prosiect.

Ø  Mae'r Swyddog Effeithlonrwydd Amgylcheddol wedi mynychu cyfarfod blaenorol Bwrdd y Prosiect i egluro gofynion atebolrwydd, cynnal a chadw ac effeithlonrwydd yn y dyfodol. 

Ø  Mae dyluniad yr ysgol wedi bod o'r pwys mwyaf.  Mae’r ysgol wedi bod yn rhan o'r cynllun.  Ymweliadau ag ysgolion eraill i archwilio dyluniadau wedi cael eu trefnu.

Ø  Mae'r mater o leihau darpariaeth cyfrwng Cymraeg ar gyfer ysgolion iau wedi cael ei grybwyll.  Esboniodd yr Aelod Arweiniol fod yr angen am addysg cyfrwng Cymraeg o fewn ysgolion uwchradd wedi bod ar gynnydd.  Nid yn unig oedd ysgolion cyfrwng Cymraeg yn bwydo i mewn i'r ysgol uwchradd ond mae myfyrwyr hefyd o ysgolion cyfrwng Saesneg ac ysgolion o siroedd sy'n ffinio.

Ø  Mae'r cynlluniau ar gyfer Ysgol Ffydd newydd ar y trywydd iawn.  Roedd achosion ynglŷn â lleoliad yr ysgol, ond byddai achos busnes yn cael ei lunio a byddai'r cynnydd yn cael ei wneud erbyn tymor Hydref 2015.

Cynigiodd y Cynghorydd Eryl Williams yr argymhelliad a mynegodd ei ddiolch i'r Pennaeth Cwsmeriaid a Chymorth Addysg, Jackie Walley, a'i thîm am eu holl waith.

Eiliwyd hyn gan y Cynghorydd Julian Thompson-Hill.

Pleidleisiodd yr Aelodau ar argymhellion yr adroddiad fel a ganlyn:

42 pleidlais o blaid, 0 yn erbyn a 0 yn ymatal.

PENDERFYNWYD bod y Cabinet yn argymell yn unfrydol i'r Cyngor gymeradwyo'r Achos Busnes Terfynol ar gyfer Ysgol Glan Clwyd.

Ystyried adroddiad gan Bennaeth y Gyfraith, Adnoddau Dynol a’r Gwasanaethau Democrataidd (copi ynghlwm) i geisio cymeradwyaeth y Cyngor i gyflwyno ymateb i’r ymgynghoriad ar y Papur Gwyn ar ran y Cyngor cyn y dyddiad cau, sef 28 Ebrill 2015 (atodiadau i ddilyn).

Cyflwynodd yr Arweinydd, y Cynghorydd Hugh Evans yr adroddiad (wedi'i ddosbarthu'n flaenorol) i geisio cymeradwyaeth y Cyngor ynglŷn ag ymateb drafft i ymgynghoriad ynglŷn â Phapur Gwyn Llywodraeth Cymru i'w gyflwyno ar ran y Cyngor cyn y dyddiad cau ar 28 Ebrill 2015.

Roedd Pennaeth Gwasanaethau Cyfreithiol, Adnoddau Dynol a Democrataidd wedi hel ymatebion cynhwysfawr sy'n nodi'r prif faterion yr oedd y Cyngor yn ei groesawu gan roi beirniadaeth adeiladol lle bo'n briodol.  Yn ogystal, mae’r ymateb yn nodi'r materion hynny y mae’r Cyngor yn anghytuno â nhw ac a fyddai, ym marn y Cyngor, yn cyfyngu ar allu’r awdurdodau unedig newydd i berfformio'n dda ac i wella.

Cafwyd trafodaeth bellach a chodwyd y pwyntiau canlynol yn ystod y drafodaeth:

Ø  Gofynnwyd bod cais ysgrifenedig yn cael ei anfon i Lywodraeth Cymru ar ran Cyngor Sir Ddinbych yn gofyn am gost Adroddiad Williams a'r Adolygiad Ffiniau.

Ø  Roedd yr ymateb i Bapur Gwyn Llywodraeth Cymru yn cael ei anfon at Aelodau priodol y Cynulliad, yn gofyn am eu cefnogaeth.

Ø  Argymhellwyd bod yr Aelodau yn anfon ymatebion unigol i Lywodraeth Cymru ynghyd ag ymatebion y Grŵp. 

Cynigiodd y Cynghorydd Hugh Evans yr argymhelliad, a eiliwyd gan y Cynghorydd Martyn Holland.

Pleidleisiodd yr Aelodau ar argymhellion yr adroddiad fel a ganlyn:

36 pleidlais o blaid, 1 yn erbyn a 0 yn ymatal.

Yn y fan hon hysbysodd yr Arweinydd yr Aelodau o gyfarfod y Cabinet ar y cyd a gynhaliwyd â Chonwy mis diwethaf.  Roedd Conwy wedi cysylltu â Sir Ddinbych gyda chynnig o anfon ymateb ar y cyd i Bapur Gwyn Llywodraeth Cymru.

Eglurodd y Prif Weithredwr lle roedd y safbwynt rhwng ymateb Sir Ddinbych ac ymateb Conwy yr un fath, y byddai ymateb ar y cyd yn cael ei roi at ei gilydd.

Cynigiodd y Cynghorydd Stuart Davies yr ymateb ar y cyd â Chyngor Bwrdeistref Sirol Conwy, eiliwyd gan y Cynghorydd Peter Evans.

Pleidleisiodd yr aelodau ar y cynnig fel a ganlyn:

29 pleidlais o blaid, 7 yn erbyn a 3 yn ymatal.

PENDERFYNWYD bod

(i)              y Cyngor yn cytuno ar yr ymateb i'r ymgynghoriad drafft  a chymeradwyo ei gyflwyno i Lywodraeth Cymru.

(ii)            yr Arweinydd a'r Prif Weithredwr yn cael eu hawdurdodi i drafod gyda Chyngor Bwrdeistref Sirol Conwy yr ymateb ar y cyd ar y materion hynny o gymorth a phryder cyffredin ac os daethpwyd i gytundeb, i gymeradwyo ymateb ar y cyd yn dilyn ymgynghoriad gydag Arweinwyr y Grŵp.

Ystyried adroddiad gan y Rheolwr Gwasanaethau Democrataidd (copi ynghlwm) i sicrhau bod y Cyngor yn ymwybodol o benderfyniadau'r Panel ar gyfer 2015/2016 o ran taliadau i Aelodau ac Aelodau Cyfetholedig.

Fe gyflwynodd y Rheolwr Gwasanaethau Democrataidd, Steve Price adroddiad (wedi’i ddosbarthu’r flaenorol) i sicrhau bod yr Aelodau yn ymwybodol o benderfyniadau'r Panel ar gyfer 2015/16 o ran taliadau i aelodau ac aelodau cyfetholedig.

Byddai penderfyniadau'r Panel yn cael eu gwneud yn y Cyngor Blynyddol a gynhelir ar 12 Mai 2015.

Gallai aelod unigol ddewis peidio â derbyn eu lwfans sylfaenol drwy roi'r cais mewn ysgrifen.

Cynigiodd y Cynghorydd Julian Thompson-Hill yr argymhelliad, a eiliwyd gan y Cynghorydd Martyn Holland.

Pleidleisiodd yr Aelodau ar argymhellion yr adroddiad fel a ganlyn:

34 pleidlais o blaid, 0 yn erbyn a 2 yn ymatal.

PENDERFYNWYD:

(i)              Bod yr Aelodau yn mabwysiadu penderfyniadau’r Panel ar gyfer blwyddyn y cyngor 2015/16 mewn perthynas â thalu Cyflogau Sylfaenol ac Uwch Gyflogau a thaliadau i aelodau cyfetholedig.

(ii)            Bod yr Aelodau’n penderfynu ar lefel y gydnabyddiaeth ariannol a delir i'r Cadeirydd a'r Is-Gadeirydd i aros yr un fath ar gyfer 2014/15 a blwyddyn y cyngor 2015/16.

Ystyried Rhaglen Gwaith i’r Dyfodol y Cyngor (copi ynghlwm).

Cyflwynodd Pennaeth y Gwasanaethau Cyfreithiol, Adnoddau Dynol a Democrataidd, Raglen Gwaith i'r Dyfodol y Cyngor (dosbarthwyd eisoes).

PENDERFYNWYD – cymeradwyo a nodi Rhaglen Gwaith i'r Dyfodol y Cyngor.

Daeth y cyfarfod i ben am 12.15 p.m.