Agenda and minutes
Lleoliad: the Council Chamber, County Hall, Ruthin LL15 1YN
Rhif | Eitem |
---|---|
YMDDIHEURIADAU Derbyn ymddiheuriadau
am absenoldeb. |
|
DATGAN BUDDIANNAU Yr Aelodau i
ddatgan unrhyw fuddiannau personol neu fuddiannau sy’n rhagfarnu unrhyw fusnes i’w
ystyried yn y cyfarfod hwn. Cofnodion: Datganodd y
Cynghorwyr Raymond Bartley, Brian Blakeley, Jeanette Chamberlain Jones, Janet
Ann Davies a Geraint Lloyd-Williams fod ganddyn nhw ddiddordeb personol yn
eitem agenda 6 – Adolygiadau’r GIG. Datganodd y
Cynghorydd Win Mullen-James bod ganddi ddiddordeb personol a rhagfarnol yn
eitem agenda 10 – Pwyllgor Safonau – Telerau Swyddi Aelodau Annibynnol. |
|
MATERION BRYS Y CYTUNWYD ARNYN NHW GAN Y CADEIRYDD Hysbysiad o eitemau
y dylid, ym marn y Cadeirydd, eu hystyried yn
y cyfarfod fel materion brys dan
Adran 100B(4) Deddf Llywodraeth Leol, 1972. Cofnodion: Nid oedd unrhyw
faterion brys. |
|
DYDDIADUR Y CADEIRYDD PDF 65 KB Cydnabod yr ymrwymiadau dinesig a ymgymerwyd gan Gadeirydd y Cyngor (copi’n amgaeëdig). Cofnodion: Cyfeiriodd y
Cadeirydd at y digwyddiadau sifig yr oedd hi a’r Is-Gadeirydd wedi ymgymryd â
hwy ar ran y Cyngor yn y cyfnod 10/07/2012 – 10/09/2012 (roedd y dyddiadur
wedi’i ddosbarthu o flaen llaw). Roedd y noson Pimms and Pictures a gynhaliwyd ar
27/07/2012 wedi codi £1500 i Hosbis St. Kentigerns. |
|
Derbyn cofnodion
cyfarfod y Cyngor Sir a gynhaliwyd ar 10fed Gorffennaf 2012 (copi’n amgaeëdig). Cofnodion: Cyflwynwyd
cofnodion cyfarfod y Cyngor a gynhaliwyd ar 10 Gorffennaf 2012. Cywirdeb:- Eitem Rhif 6,
Tudalen 9 – Gwnaeth y Cynghorydd Alice Jones gais am newid yn y darn
“Diweddariad ar Gynllun Datblygu Lleol Sir Ddinbych”. Roedd y Cynghorydd Jones wedi dweud bod y
Cynghorydd Joan Butterfield wedi cyfeirio at lythyr a ddosbarthwyd i Gynghorwyr
gan Gyngor Tref Bodelwyddan, lle teimlai’r Cynghorydd Butterfield bod awgrym
bod Cyngor Sir Ddinbych yn euog o ryw “ddrwgweithredu”. Nid oedd y Cynghorydd
Butterfield wedi cyfeirio at “brosesau anghywir” fel y cofnodwyd yn y
cofnodion. Eglurodd y Cynghorydd Jones
ei bod mewn ymateb i’r Cynghorydd Butterfield, wedi nodi nad oedd wedi cyfrannu
mewn unrhyw fodd i’r llythyr ac felly nad oedd wedi nodi bod y Cyngor wedi gwneud
unrhyw beth o’i le. Roedd hyn o fewn y
cyd-destun o gynnig sylwadau ar y llythyr. Nododd y Cynghorydd Jones nad oedd
yn cyflwyno ei safbwyntiau neu farn bersonol ac nad oedd y dehongliad o
“ddrwgweithredu” fel “prosesau anghywir” yn y cofnodion yn cyd-fynd â’r hyn a
ddywedodd. Nododd y Cynghorydd Jones hefyd petai’r Cynghorydd Butterfield wedi
sôn am “brosesau anghywir” y byddai wedi’i
sbarduno i ymateb yn wahanol. Gofynnodd y
Cynghorydd Jones, ar y sail bod ei sylwadau wedi’u camddehongli, bod y Cyngor
yn derbyn ei fersiwn a’i heglurhad ac yn cywiro’r anghywirdeb trwy newid y
cofnodion fel ag sy’n briodol. PENDERFYNWYD
– yn amodol ar yr uchod, bod cofnodion cyfarfod y Cyngor a gynhaliwyd ar 10
Gorffennaf 2012 yn cael eu cadarnhau fel
cofnod cywir. |
|
ADOLYGIADAU GWASANAETH GIG PDF 101 KB Ystyried adroddiad gan yr Aelod Arweiniol ar Ofal
Cymdeithasol a Gwasanaethau Plant (copi’n amgaeëdig) i’r Cyngor ystyried
cynigion i ad-drefnu cyflwyniad gwasanaethau GIG yng Ngogledd Cymru ac i
alluogi i’r Cyngor ymateb yn ffurfiol i broses ymgynghorol Bwrdd Iechyd
Prifysgol Betsi Cadwaladr. Dogfennau ychwanegol: Cofnodion: Cyflwynodd y
Cyfarwyddwr Corfforaethol: Demograffeg, Lles a Chynllunio (CD:DWP) adroddiad (a
ddosbarthwyd o flaen llaw) a oedd yn gofyn am fewnbwn y Cyngor i’r ymateb
drafft i broses ymgynghori BIP Betsi Cadwaladr. Rhoddodd CD:DWP gyflwyniad byr i’r cynrychiolwyr o BIP Betsi Cadwaladr (BCUHB) gan eu croesawu i’r
cyfarfod. Roedd y cyfnod ymgynghori i
redeg am 10 wythnos o 20 Awst, 2012 hyd 28 Hydref, 2012. Cyfeiriodd y
Cynghorydd Bobby Feeley, Aelod Arweiniol dros Ofal Cymdeithasol a Gwasanaethau
Plant, at y ffaith bod newidiadau i’r Gwasanaeth Iechyd yn anochel ond bod y
anodd deall y rhesymeg wrth wraidd rhai mesurau. Hysbysodd y Cynghorydd Feeley
gynrychiolwyr BCUHB o Weithgor y Pwyllgor Craffu Partneriaeth a oedd wedi’i
sefydlu ac oedd, gyda swyddogion, wedi bod yn gweithio drwy’r mesurau. Roedd y
gweithgor i gwrdd ar ddiwedd Medi i gwblhau’r ymateb a fyddai’n dod i gyfarfod
nesaf y Cyngor ar 9 Hydref, 2012. Cyflwynodd Geoff
Lang, BCUHB, “Healthcare in North Wales is changing”. Roedd copïau o’r cyflwyniad ar gael i bawb yn mynychu’r
cyfarfod ynghyd â’r ddogfen ymgynghori er gwybodaeth. Yn dilyn y cyflwyniad, gofynnwyd cwestiynau a rag baratowyd i gynrychiolwyr
BCUHB. Roedd holl aelodau wedi derbyn
copi o’r daflen gwestiynau ac roedd y
CD:DWP hefyd wedi anfon copi o’r daflen gwestiynau o flaen llaw i
gynrychiolwyr BCUHB. Cwestiwn 1 – cyflwynwyd gan y Cynghorydd Brian
Blakeley. Problemau gyda chiwiau
Ambiwlans tu allan Glan Clwyd, gwelyau wedi’u blocio, llawdriniaethau’n cael eu
canslo, staff yn cael eu hanfon adref a thargedau amserau aros yn cael eu
methu. Sut fydd y newidiadau arfaethedig yn datrys y problemau hyn? Ymatebodd Geoff Lang bod gwaith ar y gweill mewn perthynas â Damweiniau ac
Achosion Brys o ran recriwtio staff. Roedd Ysbyty Glan Clwyd i gael Uned
Ddamweiniau ac Achosion Brys newydd. Roedd BCUHB yn gweithio gyda’r gwasanaeth
ambiwlans i leddfu’r broblem o giwiau ambiwlans. Byddai gofal gwell yn y
cartref yn cyfrannu at leddfu’r pwysau ar welyau gan y byddai modd osgoi’r angen
i anfon rhai cleifion i’r ysbyty; byddai hynny hefyd yn lleddfu’r pwysau ar y
gwasanaeth ambiwlans. Roedd gwaith ar y gweill gydag Ymddiriedolaeth Ambiwlans Cymru i osgoi
defnyddio ambiwlans mewn achosion nad oeddynt yn rhai brys. Ar hyn o bryd, nid
oes opsiynau eraill heblaw am fynd â phobl i’r uned achosion brys. Yn dilyn
adolygu’r gwasanaethau, yn y dyfodol, byddai modd mynd ag achosion nad oeddynt
yn rhai brys i uned mân anafiadau. Cwestiwn 2 -
cyflwynwyd gan y Cynghorydd Julian Thompson-Hill. Sut mae BCUHB yn bwriadu
rheoli a chyflawni’r buddsoddiad sylweddol sydd ei angen i roi’r cynlluniau hyn
ar waith o gofio’r diffyg cyllidol sydd yno eisoes (oddeutu £65m)? Ymatebodd Geoff Lang bod pwysau cyffredinol ar gyllidebau. Roedd BCUHB wedi
bod yn asesu meysydd i arbed adnoddau, ac adnoddau sy’n cael eu defnyddio yn y
gwasanaethau rheng flaen, a chaffael ayyb. Roedd y cynllun hwn i newid y ffordd
y mae gwasanaethau’n cael eu darparu. Mae’n bwysig sylweddoli y gallai’r
sefyllfa ariannol waethygu yn hytrach na gwella pe na fyddai BCUHB yn gwneud y
newidiadau hyn. Nid dyma’r ateb i holl faterion ariannol gofal iechyd. Cwestiwn 3 – cyflwynwyd gan y Cynghorydd Win
Mullen-James. Pa mor hyderus yw BCU o
sicrhau’r buddsoddiad cyfalaf a refeniw angenrheidiol i agor y cyfleuster
cymunedol newydd i wasanaethu’r Rhyl a
Phrestatyn a’r cyfleuster newydd yn Llangollen? A dderbyniwyd sicrwydd bod yr achosion busnes
yn gadarn? Pa mor debygol ydyn nhw o fod wedi’u cwblhau a’u hagor erbyn
2015? Pa sicrwydd a roddir y bydd
gwasanaethau presennol yn dal i weithredu hyd nes y bydd y cyfleusterau a’r
gwasanaethau newydd yn agor? Ymatebodd Geoff Lang na fyddai ... view the full Cofnodion text for item 6. |
|
CYFLWYNIADAU Cyflwynodd y
Cadeirydd dystysgrif i’r Prif Weithredwr am gyflawni Tystysgrif Mynediad
Cymraeg Ail Iaith CBAC. Roedd wedi bod
yn mynychu dosbarthiadau Cymraeg Llanllawen wythnosol yn Ninbych ers Chwefror
2010 a bellach wedi cyflawni’r cymhwyster ym Mehefin eleni. Byddai nawr yn
symud ymlaen i’r cam nesaf. Dangosodd y
Cadeirydd Raymond Bartley dlws i Aelodau a oedd wedi’i gyflwyno’n wreiddiol i’r
Eisteddfod gan Garcharorion Rhyfel Eidalaidd i ddiolch i bobl Cymru am y
caredigrwydd a ddangoswyd tuag atynt yn ystod eu carchariad. Estynnodd y
Cadeirydd groeso i’r Cyfarwyddwr Corfforaethol: Uchelgais Economaidd a
Cymunedol newydd i’w chyfarfod Cyngor Sir cyntaf. |
|
DATGANIAD POLISI TÂL PDF 74 KB Ystyried adroddiad
gan yr Aelod Arweiniol ar Foderneiddio
a Pherfformiad (copi’n amgaeëdig) i gymeradwyo’r
Datganiad Polisi Cyflog sydd wedi
ei ddrafftio yn unol â
gofynion Adran 38(1) Deddf Lleoliaeth 2011. Dogfennau ychwanegol: Cofnodion: Cyflwynodd yr
Aelod Arweiniol dros Foderneiddio a Pherfformiad (LM:M&P) adroddiad (a
ddosbarthwyd o flaen llaw) i gael cymeradwyaeth y Cyngor i’r Datganiad Polisi
Tâl er mwyn sicrhau bod y Cyngor yn cydymffurfio gyda’i rwymedigaethau
cyfreithiol dan Ddeddf Lleoliaeth 2011. Penderfynwyd - bod y Cyngor yn
cymeradwyo’r Datganiad Polisi Tâl. |
|
CYFAMOD CYMUNEDOL GYDA’R LLUOEDD ARFOG PDF 106 KB Ystyried adroddiad
gan yr Aelod Arweiniol ar Gwsmeriaid
a Chymunedau (copi’n amgaeëdig) i fabwysiadu’n
ffurfiol gyfamod yn diffinio perthynas
Sir Ddinbych gyda chymuned y lluoedd arfog. Dogfennau ychwanegol: Cofnodion: Cyflwynodd yr
Aelod Arweiniol dros Gwsmeriaid a Chymunedau (LM:C&C) adroddiad (a
ddosbarthwyd o flaen llaw) i gael cymeradwyaeth y Cyngor i’r cyfamod a chytuno
y dylid gwneud trefniadau ar gyfer lansio’r cyfamod yn ffurfiol mewn cyfarfod
o’r Cyngor yn y dyfodol gyda chynrychiolwyr o’r Lluoedd Arfog a chynrychiolwyr
perthnasol o’r gymuned yn bresennol. Esboniodd y
Rheolwr Ymgysylltiad Cymunedol (CEM) y cyfamod i’r Pwyllgor. Nid oedd y cyngor
am wahaniaethu yn erbyn y gwasanaethau arfog ac nid oedd y cyngor ychwaith yn
rhoi unrhyw flaenoriaeth iddynt o ran gwasanaethau. Byddai modd ystyried yr awgrym o gynnig
taliadau gostyngol ar gyfer defnyddio gwasanaethau hamdden. Gofynnwyd y
cwestiwn sut oedd gwasanaethau cymdeithasol yn delio gyda dynion a gwragedd a
oedd yn dioddef o Anhwylder Straen wedi Trawma.
Esboniodd y
Cyfarwyddwr Corfforaethol: Demograffeg, Lles a Chynllunio bod gwasanaethau
cymdeithasol yn gweithio gyda BCU ond nad oedd unrhyw ddarpariaeth benodol i
bobl sy’n dioddef o’r anhwylder. Roedd meddygon
teulu yn gyfrifol am atgyfeirio cleifion. Nododd y Prif Weithredwr bod hwn yn fater difrifol. Gallai Aelodau dderbyn dadleuon o grwpiau
eraill pe byddai teimlad bod y Cyngor yn gwahaniaethu’n bositif ac yn ffafrio
cyn-aelodau o’r lluoedd arfog. Rhaid bod yn ofalus i beidio â chyfleu neges bod
rhai pobl yn bwysicach nag eraill. Mae’n bosibl y byddai’n rhaid i Sir Ddinbych
wneud penderfyniadau i sicrhau nad oedd cyn-aelodau o’r lluoedd arfog yn
dioddef unrhyw anfantais, ond ni fyddai modd gwahaniaethu o’u plaid mewn unrhyw
fodd. Argymhellodd y Prif Weithredwr na ddylai’r Cyngor wneud unrhyw
benderfyniadau heddiw ynghylch materion polisi penodol. Cafwyd cais am adroddiad i’r Pwyllgor Craffu Cymunedau gan fod natur y
drafodaeth ynghylch materion polisi penodol yn gofyn am ystyriaeth bellach. Penderfynwyd –
bod y Cyngor yn cymeradwyo’r Cyfamod ac yn cytuno y dylid gwneud trefniadau ar gyfer lansio’r cyfamod
yn ffurfiol mewn cyfarfod o’r Cyngor yn y dyfodol gyda chynrychiolwyr o’r
Lluoedd Arfog a chynrychiolwyr perthnasol o’r gymuned yn bresennol. |
|
PROSIECT GWELLA TAI GORLLEWIN Y RHYL PDF 129 KB Ystyried adroddiad
gan yr Arweinydd (copi’n amgaeëdig) yn gofyn i’r
Cyngor gymeradwyo Prosiect Gwella Tai Gorllewin y Rhyl yn unol â
Rheoliadau Ariannol a Methodoleg Prosiectau Cyngor Sir Ddinbych. Dogfennau ychwanegol:
Cofnodion: Cyflwynodd y
Cynghorydd Hugh Evans (Arweinydd) adroddiad (a ddosbarthwyd o flaen llaw) i
gael cymeradwyaeth y Cyngor i Brosiect Gwella Tai Gorllewin Y Rhyl ac i
ddirprwyo pwerau i’r Bwrdd Prosiect. Pwysleisiodd y
Cynghorydd Hugh Evans bod y prosiect yn bartneriaeth weithredol yn cynnwys
Pennaf/Cymdeithas Tai Clwyd Alyn a Llywodraeth Cymru. Llywodraeth Cymru oedd yn
arwain y prosiect ac yn darparu’r cyllid. Mae’r prosiect
wedi’i rannu’n flociau:- Bloc 1 –
adeiladau i’w dymchwel i greu’r man gwyrdd.
Bloc 2 – roedd y
cyngor wedi caffael pob un, heblaw am un neu ddau, o’r adeiladau a fyddai’n
cael eu hadnewyddu gan Pennaf/Cymdeithas Tai Clwyd Alyn a’u marchnata fel eiddo
“Cymorth Prynu”, lle y byddai preswylwyr yn berchen ar fwyafrif yr ecwiti yn y
cartref. Bloc 3 – 6 fel ag
yn yr adroddiad. Cafwyd trafodaeth
bellach, ac ymatebodd y swyddogion fel a ganlyn:- Ø
Roedd rhaglenni sector cyhoeddus a chynlluniau grant wedi
methu ag adfywio’r ardal, ac mae dwy o’r ardaloedd mwyaf difreintiedig yn
parhau i fod yng ngorllewin Y Rhyl. Byddai’r prosiect yn cyflawni cydbwysedd o
ran tai gan fod gormod o breswylwyr un llofft yn yr ardal. Roedd y prosiect yn gweithio tuag at sicrhau
gwell cydbwysedd trwy greu man gwyrdd, ailfodelu tai a’u gwneud yn ddeniadol i
deuluoedd. Byddai ymdrin â’r problemau hir sefydlog hefyd yn cynorthwyo at greu
argraff fwy positif o’r dref yn ei chyfanrwydd, ac felly’n cael buddion adfywio
mwy pellgyrhaeddol. Ø
Roedd
llawer o’r adeiladau wedi’u caffael fel rhan o Ardal Adfywio Strategol Arfordir
Gogledd Cymru ac roedd gwaith yn mynd yn ei flaen i barhau â’r rhaglen gaffael. Byddai Cyngor Sir Ddinbych yn ceisio caffael
adeiladau trwy gytundeb, ond yn rhagweld y byddai’n rhaid defnyddio pwerau
prynu gorfodol i gaffael lleiafrif o’r adeiladau sy’n angenrheidiol i’r
prosiect. Ø
Byddai Swyddog Adsefydlu yn cael ei benodi, a’i rôl
fyddai cynorthwyo trigolion i adnabod ac yna adleoli i gartrefi newydd, naill
ai o fewn Sir Ddinbych neu hyd yn oed mewn sir arall. O’r trigolion sydd wedi’u
hadleoli, roedd mwyafrif yn dymuno parhau i fyw yn Y Rhyl. Hyd yma, roedd 23 achos o adleoli wedi
digwydd - 20 o fewn Y Rhyl a 3 o fewn Prestatyn. Ø
Hyd yma, nid oes unrhyw ddyluniadau wedi’u cymeradwyo i’r
man gwyrdd. Mae’r Cyngor yn awyddus i
gyfyngu ar y gost o gynnal a chadw’r man gwyrdd gyda’r posibiliad o greu menter
gymunedol a fyddai’n cynnal y man hwn. Ø
Byddai
adeiladau newydd ac adeiladau a adnewyddwyd yn dangos safon uchel iawn o
effeithlonrwydd ynni. Ø
Mae
risg ariannol posibl i’r cyngor yn nhrydedd flwyddyn y prosiect hwn. Prosiect
Llywodraeth Cymru ydy hwn, wedi’i ariannu gan Lywodraeth Cymru, felly mae
cyfrifoldebau risg ariannol yn gorwedd gyda Llywodraeth Cymru ac nid Cyngor Sir
Ddinbych. Ø
Mae
Prosiect Gwella Tai Gorllewin Y Rhyl yn cael ei redeg fel Prosiect Methodoleg
Prince 2. Roedd uwch swyddog wedi’i
benodi a oedd yn Ymarferwr Prince 2 i weithredu fel Rheolwr Prosiect. Ø
Awgrymwyd
gan Aelodau y dylai Archwilio Mewnol ymgysylltu â’r prosiect yn gynnar yn y broses. Byddai Rheolwr Y Rhyl yn Symud Ymlaen yn
edrych i mewn i hyn. Dywedodd y Pennaeth Tai a Datblygu Cymunedol y byddai’n
cyfarfod gydag Archwilio Mewnol ymhen ychydig o wythnosau ac y byddai’n trafod
y prosiect bryd hynny. Ø Dywedodd Rheolwr Y Rhyl yn Symud Ymlaen bod adroddiad wedi’i gyflwyno i’r Cabinet yn ddiweddar, a bod y map sydd ynghlwm wrth y dogfennau wedi newid rhyw ychydig. Roedd y Gorchymyn Prynu Gorfodol bellach yn cynnwys Stryd Gronant ac adeiladau eraill, ond na fyddai hynny’n newid hyd a lled y prosiect mewn unrhyw fodd. ... view the full Cofnodion text for item 9. |
|
PWYLLGOR SAFONAU – TELERAU SWYDDI AELODAU ANNIBYNNOL PDF 75 KB Ystyried adroddiad
gan y Swyddog Monitro (copi’n amgaeëdig) i’r Cyngor gytuno trefniadau
ar gyfer recriwtio aelodau annibynnol y Pwyllgor Safonau. Cofnodion: Cyflwynodd y
Swyddog Monitro adroddiad (a ddosbarthwyd o flaen llaw) i’r Cyngor gytuno ar
drefniadau ar gyfer recriwtio aelodau annibynnol o’r Pwyllgor Safonau. Dywedodd
bod Cyngor Tref y Rhyl wedi enwebu aelod ers cyhoeddi’r adroddiad fel aelod
Cyngor Tref a Chymuned. Mynegodd y
Cynghorydd Win Mullen James ddiddordeb personol a rhagfarnol yn yr eitem hon
gan mai ei gŵr hi oedd wedi’i
enwebu gan Gyngor Tref y Rhyl. Gadawodd y Cynghorydd Mullen James y Siambr i’r
eitem hon. Cynigiodd y
Cynghorydd Martyn Holland y dylid ail-ethol y cynrychiolydd Cyngor Tref a
Chymuned presennol sef David Jones, ac eiliwyd hyn gan y Cynghorydd Raymond
Bartley. Cynigiodd y
Cynghorydd Colin Hughes gynnig, sef yn hytrach nag ail-ethol David Jones, y
dylid cael proses ddethol. Eiliwyd y
cynnig hwn gan y Cynghorydd Gareth Sandilands.
Cynhaliwyd pleidlais ar y cynnig, ond methodd y cynnig. Gofynnwyd am enwebiadau am dri Chynghorydd Sir i wasanaethu ar Banel
Penodiadau Arbennig y Pwyllgor Safonau.
Mae Rheoliadau’r Pwyllgor Safonau yn sefydlu Panel Penodiadau, a gwaith
y panel hwnnw yw ystyried ceisiadau am unrhyw swyddi gwag i’r aelodau
annibynnol (h.y. nad ydynt yn aelodau o’r cyngor) ac i gynnig argymhellion i’r
Cyngor llawn. Bydd y Panel yn cynnwys dim mwy na 5 aelod Panel. Mae’n rhaid i
un aelod Panel fod yn berson lleyg, un yn aelod o Gyngor Cymuned ac mae’n rhaid
i hyd at dri fod yn Gynghorwyr Sir. Bydd y Panel yn ymgynnull yn achlysurol pan
fydd swydd wag. Mae’r Cynghorwyr Colin
Hughes a Bill Cowie yn aelodau o’r Pwyllgor Safonau ar hyn o bryd. Cynigiodd y Cynghorydd David Simmons ac
eiliodd y Cynghorydd David Smith y dylid penodi’r Cynghorwyr Colin Hughes a
Bill Cowie i’r Panel. Cynigiodd y
Cynghorydd Julian Thompson-Hill y Cynghorydd Martyn Holland fel y trydydd Cynghorydd
Sir, ac eiliwyd hyn gan y Cynghorydd Huw Jones. Penderfynwyd:- (a)
y dylid ail-benodi David Jones am dymor
pellach yn y swydd (b)
y dylid ail-benodi Paula White am dymor
terfynol o bedair blynedd. (c)
y dylid penodi’r Cynghorwyr Colin Hughes,
Bill Cowie a Martyn Holland i wasanaethu ar Banel Penodiadau Arbennig y
Pwyllgor Safonau. |
|
BLAEN-RAGLEN WAITH Y CYNGOR PDF 77 KB I ystyried Rhaglen Waith y Cyngor at y dyfodol (copi’n amgaeedig). Cofnodion: Cyflwynodd y
Pennaeth Gwasanaethau Cyfreithiol a Democrataidd Flaen-raglen Waith y Cyngor (a
ddosbarthwyd o flaen llaw) gan adrodd y bydd Adolygiadau Gwasanaeth y GIG yn
cael eu cynnwys yn Hydref 2012. Daeth y cyfarfod i ben am 1.25 y.p. |