Agenda and draft minutes
Lleoliad: Siambr y Cyngor, Neuadd y Sir, Rhuthun
Rhif | Eitem |
---|---|
YMDDIHEURIADAU |
|
YSGOL UWCHRADD Y RHYL – CLUDWYR Y FFLAM OLYMPAIDD Croesawodd y Cadeirydd
ddisgyblion o Ysgol Uwchradd y Rhyl a oedd wedi eu dewis yn Gludwyr y Fflam
Olympaidd yn rhan o raglen Dilynwyr Fflam Taith Gyfnewid Gemau Olympaidd
Llundain 2012 Fe
anerchwyd y Cyngor gan y disgyblion a adroddodd fod yr ysgol wedi ei dewis
oherwydd iddi ddefnyddio Gemau Olympaidd a Pharalympaidd Llundain 2012 i godi
ymwybyddiaeth o’r gwerthoedd Olympaidd.
Fe ganfu noddwyr y rhaglen Cludwyr Fflam fod llwyddiannau chwaraeon
Ysgol Uwchradd y Rhyl a nifer y myfyrwyr a oedd wedi cyflawni llwyddiannau
unigol mewn chwaraeon - ynghyd â llwyddiant ag hyfforddi a datblygu, yn eu
gwneud yn gyfranogwyr haeddiannol. Rhoddodd
y Cadeirydd a’r cynghorwyr, yn cynnwys yr aelod a oedd yn cynrychioli De
Ddwyrain y Rhyl, y Cynghorydd Blakeley, deyrnged i’r Prifathro, y staff a’r
disgyblion am y gwelliannau sylweddol a gyflawnwyd gan yr ysgol. |
|
Cyhoeddiadau'r Cadeirydd Tynnwyd sylw
Aelodau gan y Cadeirydd at ddigwyddiad ‘Cyflenwi Blaenoriaethau Aelodau’ ar
Orffennaf 31, 2012 a fyddai’n helpu i lunio blaenoriaethau’r Cyngor yn y
dyfodol; ac at lwyddiant Côr Ieuenctid Sir Ddinbych yn cael eu dyfarnu â ‘Gwobr
Côr Ieuenctid Ysgol Roc’ yn yr Ŵyl Gerdd Genedlaethol ar gyfer Ieuenctid
yn Neuadd Symffoni Birmingham ddoe. Fe arweiniodd y
Cynghorydd Eryl Williams yr aelodau mewn teyrnged dawel i Mr Phil Rafferty,
Pennaeth Gwasanaethau Rheoleiddiol Cyngor Conwy a oedd hefyd wedi darparu
cyngor a chefnogaeth i Bwyllgor Trwyddedu Sir Ddinbych. |
|
DATGANIADAU O FUDDIANT Aelodau i ddatgan unrhyw fuddiannau personol neu fuddiannau
sy’n rhagfarnu unrhyw fusnes i’w ystyried yn y cyfarfod hwn. Cofnodion: Mynegodd y Cynghorydd Alice Jones fuddiant anniweidiol,
personol yn eitem agenda 6 – Diweddariad ar Gynllun Datblygu Lleol Sir
Ddinbych. Dywedodd y byddai’n siarad ar
faterion y Cynllun Datblygu Lleol yn ei rôl fel aelod ward Bodelwyddan. |
|
MATERION BRYS FEL Y'U CYTUNWYD GAN Y CADEIRYDD Hysbysiad o eitemau y dylid, ym marn y Cadeirydd, eu
hystyried yn y cyfarfod fel materion brys dan Adran 100B(4) Deddf Llywodraeth
Leol 1972. Cofnodion: Nid oedd yna unrhyw faterion brys. |
|
Derbyn cofnodion – (a)
Cyfarfod Blynyddol y Cyngor Sir a gynhaliwyd ar
15 Mai 2012 (copi'n amgaeëdig), a (b)
Cyfarfod arferol y Cyngor Sir a gynhaliwyd ar 22
Mai 2012 (copi’n amgaeëdig). Dogfennau ychwanegol: Cofnodion: PENDERFYNWYD derbyn
cofnodion Cyfarfod Blynyddol y Cyngor ar Fai 15, 2012 a chyfarfod y Cyngor ar
Fai 22, 2012 yn gofnodion cywir. |
|
Gwahardd y wasg a'r cyhoedd Penderfynwyd, dan
Adran 100A Deddf Llywodraeth Leol 1972, gwahardd y wasg a’r cyhoedd o’r
cyfarfod ar gyfer yr eitem fusnes ganlynol gan y byddai’n debygol i wybodaeth
eithriedig gael ei datgelu fel y’i nodir ym mharagraffau 12 a 13 Rhan 4 o
Atodlen 12A Deddf Llywodraeth Leol 1972. |
|
PENODI CYFARWYDDWR CORFFORAETHOL: UCHELGAIS ECONOMAIDD A CHYMUNEDOL Cyfweld ymgeiswyr ac ystyried penodi i swydd Cyfarwyddwr
Corfforaethol: Uchelgais Economaidd a Chymunedol. Bydd y Panel Penodi Arbennig,
ar 9 Gorffennaf 2012, yn penderfynu ar nifer yr ymgeiswyr i gael eu cyfweld. Cofnodion: Adroddodd y
Pennaeth AD Strategol ac ymgynghorydd recriwtio’r Cyngor ar y broses recriwtio
yr ymgymerwyd â hi lle’r oedd 31 o geisiadau a 6 ymgeisydd wedi mynd drwy
broses o asesu. Hysbyswyd Aelodau fod
Panel Penodiadau Arbennig o gynghorwyr wedi barnu dau o’r ymgeiswyr i fod â
photensial o fod yn addas i’w penodi. Rhoddodd y ddau ymgeisydd gyflwyniadau i’r Cyngor ac ymateb
i gwestiynau penodedig. Amlinellodd yr
ymgynghorydd recriwtio ganlyniadau’r profion a gynhaliwyd yn rhan o’r broses o
asesu. PENDERFYNWYD – penodi Rebecca Maxwell i swydd Cyfarwyddwr
Corfforaethol: Uchelgais Economaidd a Chymunedol. |
|
RHAN I – FE AILDDECHREUWYD Y CYFARFOD MEWN SESIWN AGORED |
|
DIWEDDARIAD AR GYNLLUN DATBLYGU LLEOL SIR DDINBYCH PDF 89 KB Ystyried adroddiad gan y Rheolwr Polisi, Ymchwil a
Gwybodaeth (copi’n amgaeëdig) yn diweddaru’r aelodau ar y Cynllun Datblygu
Lleol ac yn gofyn am awdurdod i Arweinwyr Grwpiau oruchwylio a monitro gwaith a
ymgymerir mewn ymateb i Ddarganfyddiadau’r Arolygydd. Dogfennau ychwanegol: Cofnodion: Cyflwynodd y Pennaeth Cynllunio, Adfywio a Gwasanaethau
Rheoleiddiol adroddiad a oedd yn rhoi gwybodaeth a ddiweddarwyd ar y Cynllun
Datblygu Lleol ac a oedd yn ceisio awdurdodiad i Arweinwyr Grŵp oruchwylio
a monitro gwaith a wneir mewn ymateb i ganfyddiadau’r Arolygwr o’r Arolygiaeth
Gynllunio. Cyfeiriodd y
Cynghorydd Eryl Williams at broses hir y CDLl, rhoddodd gymeradwyaeth i’r
cynghorwyr a oedd wedi cyfrannu tuag at ddatblygiad y cynllun a gofynnodd am
eglurhad ar safle’r Arolygwr a’r broses i ddod. Cyfeiriodd y
Pennaeth Cynllunio, Adfywio a Gwasanaethau Rheoleiddiol at nodiadau’r Arolygwr
ar yr angen am dai a’u cyflenwad a oedd yn atodol fel atodiadau i’r
adroddiad. Dywedodd fod yr Arolygwr wedi
derbyn amcangyfrif y Cyngor fod ar Sir Ddinbych angen adeiladu 7,500 o gartrefi
newydd yn ystod oes y CDLl ond credai o hyd y byddai angen safleoedd ychwanegol
i gyflenwi’r cartrefi hynny. Felly,
gofynnid i’r Cyngor nodi safleoedd ychwanegol ar gyfer datblygu tai. Cadarnhaodd y byddid yn ymgynghori â chynghorwyr
lleol ac â Grwpiau Aelodau Ardal ar gynigion o fewn eu hardaloedd. Adroddodd y
Cynghorydd Joan Butterfield fod rhai cynghorwyr wedi derbyn llythyr gan Gyngor
Tref Bodelwyddan a oedd yn awgrymu fod y prosesau a ddilynwyd yn anghywir. Roedd y Cynghorydd Alice Jones wedi datgan buddiant personol
yn yr eitem yma’n flaenorol. Dywedodd y
Cynghorydd Jones nad oedd wedi bod yn ymglymedig â’r llythyr y cyfeiriwyd ato
ac nad oedd yn awgrymu fod prosesau amhriodol wedi eu dilyn. Roedd, fodd bynnag, yn bryderus fod y CDLl
fel yr oedd yn anhydrin, roedd â gormod o’r dyraniad angen tai mewn un safle
(Bodelwyddan) a dylid tynnu’r cynllun presennol yn ôl a’i ail-ddrafftio. Amlinellodd y Cynghorydd Jones anghymeradwyaeth ei hetholwyr
i’r dyraniadau tai mawr arfaethedig ym Modelwyddan. Cynigiodd y Cynghorydd Jones ddiwygiad i argymhelliad 2 yr
adroddiad, a eiliwyd gan y Cynghorydd Rhys Hughes, a fyddai’n awdurdodi
Grŵp Llywio Gweithrediad y CDLl a gyfansoddwyd yn flaenorol, i oruchwylio
a monitro gwaith y CDLl o ran canfyddiadau’r Arolygwr, yn hytrach na’r
Arweinwyr Grŵp. O bleidleisio fe gollwyd y diwygiad. PENDERFYNWYD – fod y
Cyngor yn: (i)
Nodi
cynnwys yr adroddiad; (ii)
Awdurdodi’r
Arweinwyr Grŵp i oruchwylio a monitro’r gwaith a wneir mewn ymateb i ganfyddiadau’r
Arolygwyr; (iii)
Cytuno
fod canlyniadau ymgynghoriad ar unrhyw safleoedd ychwanegol ar gyfer datblygu
tai’n cael eu hadrodd yn ôl i’r Cyngor llawn ym mis Tachwedd ac i’r Cyngor
ystyried a ddylid cyflwyno safleoedd ychwanegol i’r Arolygwyr sy’n cynnal
Archwiliad y CDLl. |
|
ALLDRO REFENIW TERFYNOL 2011/12 PDF 93 KB Ystyried adroddiad gan y Pennaeth Cyllid ac Asedau (copi’n
amgaeëdig) yn gofyn i’r Cyngor gymeradwyo’r alldro refeniw terfynol ar gyfer
2011/12 a thriniaeth cronfeydd wrth gefn a balansau fel y manylwyd yn yr
adroddiad. Dogfennau ychwanegol:
Cofnodion: Cyflwynodd y Cynghorydd Julian Thompson-Hill (Aelod
Arweiniol dros Gyllid) adroddiad gan y Pennaeth Cyllid ac Asedau (a gylchredwyd
yn flaenorol) a oedd yn ceisio cymeradwyaeth y Cyngor i’r safle alldro refeniw
terfynol ar gyfer 2011 / 2012 a thriniaeth cronfeydd wrth gefn a gweddillion
fel y’u nodir yn atodiadau 1 a 2 yr adroddiad. Adroddodd y
Cynghorydd Thompson-Hill fod y sefyllfa
alldro’n dda’n gyffredinol ar gyfer y flwyddyn ariannol ddiwethaf gan fod
gwasanaethau’n gyffredinol wedi gwario llai na’u cyllidebau a ddyrannwyd ac
roedd incwm o’r Dreth Gyngor wedi cynyddu.
Dywedodd fod cryn waith wedi ei wneud â’r ysgolion hynny a oedd yn profi
anawsterau ariannol. Cynigiodd y dylid
caniatáu i wasanaethau gario eu tanwariant ymlaen yn llawn i gyflenwi strategaeth
cyllideb 2012 / 2013 ac y byddai’n mynd ag adroddiad i’r Cabinet ar y ffordd yr
oedden nhw’n argymell gwario’r arian hwnnw.
Cynigiodd y Cynghorydd Thompson-Hill hefyd y dylid defnyddio £600K o’r
cronfeydd nad oedden nhw wedi eu dyrannu i gyfrannu tuag at raglen cyfalaf
Moderneiddio Addysg/Ysgolion yr Unfed Ganrif ar Hugain. Yn y drafodaeth ganlynol fe ystyriodd yr Aelodau’r pwyntiau
canlynol:
PENDERFYNWYD – bod y
Cyngor yn: (i)
Cymeradwyo
safle alldro refeniw terfynol ar gyfer 2011 / 2012; (ii)
Cymeradwyo’r
driniaeth o gronfeydd wrth gefn a gweddillion fel y’i nodir yn yr adroddiad ac
yn atodiad 2 i’r adroddiad. |
|
PENODI AELOD LLEYG I’R PWYLLGOR LLYWODRAETHU CORFFORAETHOL PDF 57 KB Ystyried adroddiad gan Bennaeth y Gwasanaethau Cyfreithiol a
Democrataidd (copi’n amgaeëdig) ar benodi aelod lleyg i’r Pwyllgor Llywodraethu
Corfforaethol. Cofnodion: Cyflwynodd Pennaeth y Gwasanaethau Cyfreithiol a
Democrataidd adroddiad (a gylchredwyd yn flaenorol) ynglŷn â phenodi aelod lleyg i’r Pwyllgor
Llywodraethu Corfforaethol. Dywedodd y Pennaeth
Gwasanaethau Cyfreithiol a Democrataidd fod angen o leiaf un aelod lleyg ar
gyfer y Pwyllgor gan mai’r Pwyllgor Llywodraethu Corfforaethol oedd Pwyllgor
Archwilio’r Cyngor i ddibenion Mesur Llywodraeth Leol (Cymru) 2011. Amlinellodd y broses recriwtio a chyfweld a
ddefnyddiwyd. Adroddodd y Cynghorydd Martyn Holland ar y cyfweliadau yr
oedd o a’r Cynghorydd David Simmons wedi cyfranogi ynddyn nhw’n rhan o’r panel
cyfweld o gynghorwyr a swyddogion a oedd wedi arwain at roi argymhelliad i’r
Cyngor heddiw. PENDERFYNWYD bod y Cyngor yn penodi Mr Paul Whitham yn
aelod lleyg y Pwyllgor Llywodraethu Corfforaethol, yn ôl cymeradwyaeth y panel
cyfweld, am dymor i ddod i ben ar ddyddiad yr etholiad llywodraeth leol nesaf
yn 2017. |
|
COMISIWN FFINIAU LLYWODRAETH LEOL CYMRU - PAPUR YMGYNGHORI AR BOLISI MAINT CYNGHORAU PDF 76 KB Ystyried adroddiad gan Bennaeth y Gwasanaethau Cyfreithiol a
Democrataidd (copi’n amgaeëdig) yn gofyn i’r Cyngor gymeradwyo ymateb
ymgynghorol drafft i gynigion polisi’r Comisiwn i gyflwyno maint cyngor. Dogfennau ychwanegol:
Cofnodion: Cyflwynodd y Pennaeth Gwasanaethau Cyfreithiol a
Democrataidd adroddiad (a gylchredwyd yn flaenorol) a oedd yn ceisio
cymeradwyaeth y Cyngor i gyflwyno ymateb i ymgynghoriad drafft ar nifer yr
aelodau etholedig ym mhob awdurdod unedol yng Nghymru. Adroddodd y Pennaeth Gwasanaethau Cyfreithiol a Democrataidd
fod y papur ymgynghorol wedi ei gylchredeg i arweinwyr grŵp er mwyn
cynnwys barn eu haelodau yn ymateb y Cyngor. Mewn ymateb i’r Cynghorydd Colin Hughes cadarnhaodd y
Pennaeth Gwasanaethau Cyfreithiol a Democrataidd fod adolygiad ffiniau
blaenorol wedi ei sgrapio a’i ddisodli gan yr adolygiad hwn. Ychwanegodd fod yr adolygiad yn gosod lefelau
isaf a lefelau uchaf ar gyfer maint y cyngor (30 a 75 o gynghorwyr yn ôl eu
trefn) ac mai’r ffigwr a roddwyd i Sir Ddinbych oedd 43 o gynghorwyr, ond roedd
y Comisiwn wedi nodi y gellid altro eu ffigurau o 3 chynghorydd un ffordd neu’r
llall. Dyma fyddai’r man cychwyn ar
gyfer yr adolygiad a byddai’r Comisiwn yn ymweld â phob awdurdod wrth i’r
ymgynghoriad fynd yn ei flaen. Gan fod ffigurau’r Comisiwn yn seiliedig ar gymhareb o un
cynghorydd i bob 1,750 o etholwyr gofynnodd y Cynghorydd Martyn Holland a oedd
effaith y 7,500 o gartrefi newydd a gynigiwyd dan ganfyddiadau Cynllun Datblygu
Lleol yr Arolygiaeth Gynllunio wedi eu hystyried gan y Comisiwn. PENDERFYNWYD – yn amodol
ar gynnwys cyfeiriadau i effaith y datblygiadau tai newydd a gynigiwyd dan y
Cynllun Datblygu Lleol drafft i’w hystyried gan y Comisiwn, bod y Cyngor yn
cymeradwyo cyflwyniad yr ymateb i’r ymgynghoriad a ddangosir yn atodiad 4 i’r
adroddiad. |
|
ADRODDIAD CYNGOR BLYNYDDOL: GWASANAETHAU CYMDEITHASOL 2011/2012 PDF 101 KB Ystyried adroddiad gan y Cyfarwyddwr Corfforaethol:
Moderneiddio a Lles (copi’n amgaeëdig) yn gofyn i’r Cyngor gymeradwyo
blaenoriaethau asesu a gwella’r Cyfarwyddwr ar gyfer 2012/13. Dogfennau ychwanegol: Cofnodion: Cyflwynodd y Pennaeth Gwasanaethau Oedolion a Busnes
adroddiad (a gylchredwyd yn flaenorol) gan Gyfarwyddwr Corfforaethol:
Moderneiddio a Lles a oedd yn ceisio cefnogaeth y Cyngor i asesiad a
blaenoriaethau gwella’r Cyfarwyddwr ar gyfer 2012 / 2013. Crynhodd y Pennaeth
Gwasanaethau Oedolion a Busnes yr asesiad fod Gwasanaethau Sir Ddinbych, yn
gyffredinol, wedi parhau i berfformio’n dda ac amlinellodd y prif sialensiau a
oedd yn wynebu’r gwasanaeth ac roedd y rheiny’n cynnwys newidiadau
deddfwriaethol yng Nghymru a oedd angen sylw. Cefnogai’r
Cynghorydd Bobby Feeley (Aelod Arweiniol dros Ofal Cymdeithasol a Gwasanaethau
Plant) sylwadau’r Pennaeth Gwasanaethau Oedolion a Busnes a’r adroddiad a
mynegodd ei gobeithion y byddai bylchau mewn darpariaeth yn cael eu cau wrth i
Wasanaethau Cymdeithasol a’r Yn ystod y drafodaeth cyfeiriodd Aelodau at: Ø
Y gwasanaethau buddiol a gyflenwir drwy’r
cynlluniau tai gofal ychwanegol Ø
Gwerthfawrogiad o’r gwasanaethau a ddarperir
drwy ganolfannau gofal dydd a mynegwyd pryderon ynglŷn â dyfodol ansicr
rhai canolfannau yn y Rhyl a Dinbych gan y Cynghorwyr Blakeley, Bartley a Colin
Hughes Ø
Y problemau a brofir gan rai pobl sydd angen
help i wybod pa wasanaethau iechyd neu ofal cymdeithasol sydd ar gael a sut i’w
cyrchu Fe anogwyd Aelodau gan y Cynghorydd Feely i fynd i
ddigwyddiad gosod Blaenoriaethau Corfforaethol ar Orffennaf 31, 2012 i sicrhau
fod blaenoriaethau’r dyfodol yn adlewyrchu blaenoriaethau cynghorwyr o ran
gwasanaethau cymdeithasol. PENDERFYNWYD – bod y
Cyngor yn cefnogi asesiad a blaenoriaethau gwella’r Cyfarwyddwr ar gyfer 2012 /
2013 fel y’u nodir yn yr adroddiad. |
|
RHAGLEN WAITH Y CYNGOR AT Y DYFODOL PDF 112 KB I ystyried Rhaglen Waith y Cyngor at y dyfodol (copi’n amgaeedig). Cofnodion: Cyflwynodd y Pennaeth Gwasanaethau Cyfreithiol a
Democrataidd Flaenraglen Waith y Cyngor (a gylchredwyd yn flaenorol) ac
adroddodd yr eitemau canlynol i’w cynnwys ym Medi 2012: Ø
Cyfamod
Cymunedol â’r Lluoedd Arfog Ø
Prosiect Gwella Tai Gorllewin y Rhyl Ø
Pwyllgor Safonau – Cyfnod Swydd Aelodau
Annibynnol PENDERFYNWYD nodi’r
flaenraglen waith. |