Agenda and draft minutes

Derbyniwyd ymddiheuriad am absenoldeb gan y Cynghorwyr I.W. Armstrong, P.C. Duffy, H.H. Evans, T.R. Hughes, E.A. Jones a P.W. Owen.      

 

Croesawodd y Cadeirydd y Cynghorydd D.Simmons yn ei ôl yn dilyn triniaeth feddygol ddiweddar, a dymunodd y Cadeirydd ac Aelodau'r Cyngor yn dda i'r Cyn-Gynghorydd Richard Jones oedd yn sâl ar hyn o bryd.

 

Hysbyswyd yr Aelodau bod y Cynghorydd H.H. Evans yn mynychu seremoni graddio ei ferch ac na fyddai’n gallu mynychu’r cyfarfod.

 

Cyhoeddodd y Cadeirydd y byddai’n gadael cyn diwedd y cyfarfod i fynychu Eisteddfod Gerddorol Ryngwladol yn Llangollen a byddai’r Is-Gadeirydd, y Cynghorydd B.Blakeley, yn cadeirio gweddill y cyfarfod.

 

Cytunodd yr Aelodau y dylid anfon llythyr at achubwyr bywyd y Rhyl Joshua Clough a Simon Casey, i ddiolch iddynt am eu gwroldeb a’u dewrder wrth gynorthwyo i achub aelod o'r cyhoedd. 

 

Llongyfarchodd y Cadeirydd a’r Aelodau y Cynghorydd M.Ll. Davies ar gael ei benodi’n Gadeirydd Gwasanaeth Tân ac Achub Gogledd Cymru.

 

 

Dylai Aelodau ddatgan unrhyw gysylltiad personol neu gysylltiad sy’n rhagfarnu gydag unrhyw fater a nodwyd y dylid ei hystyried yn y cyfarfod hwn.

 

 

Ni ddatganodd unrhyw Aelod gysylltiad personol neu ragfarnllyd i unrhyw fater sy'n cael ei ystyried yn y cyfarfod.

 

 

Hysbysiad o eitemau y dylid, ym marn y Cadeirydd, eu hystyried yn y cyfarfod fel materion brys o dan Adran 100B(4) Deddf Llywodraeth Leol 1972.

 

 

Ni chodwyd unrhyw eitem y dylid, ym marn y Cadeirydd, eu hystyried yn y cyfarfod fel mater brys dan Adran 100B(4) Deddf Llywodraeth Leol 1972.

 

 

Nodi ymrwymiadau dinesig Cadeirydd y Cyngor (copi ynghlwm).

 

Roedd rhestr o ddigwyddiadau dinesig a fynychwyd ar ran y Cyngor gan y Cadeirydd a'r Is-Gadeirydd, ar gyfer cyfnod 30 Mai 2013 nes 24 Mehefin 2013 wedi'u cylchredeg gyda'r papurau ar gyfer y cyfarfod.

 

Darparodd y Cadeirydd grynodeb o’r digwyddiadau canlynol:-

 

31 Mai 2013. Gŵyl Gerddorol Ryngwladol Gogledd Cymru - fel Cefnogwr Anableddau Dysgu, eglurodd y Cadeirydd y byddai cyngerdd yn cael ei gynnal yng Nghadeirlan Llanelwy ar gyfer unigolion ag anableddau dysgu. Cadarnhaodd bod rhodd o £1,000 wedi’i roi tuag at y digwyddiad o gronfa'r Cadeirydd a £1,000 pellach ar gyfer costau cludiant.

 

14 Mehefin 2013. Aeth y Cadeirydd i Ysbyty Glan Clwyd,       Bodelwyddan, i ddechrau taith feicio a chyflwynodd siec o £100 tuag at ddarparu robot i gynnal llawdriniaeth twll clo. 

 

20 Mehefin 2013. Diolchodd y Cadeirydd i bawb oedd yn rhan o Ŵyl Celfyddydau Perfformio Ysgolion Sir Ddinbych, a gynhaliwyd dros gyfnod o bedair noson, am ddarparu digwyddiad ardderchog.

 

26 Mehefin 2013. Fel Llywodraethwyr Ysgol Brondyffryn a Gerddi Glasfryn Dinbych, roedd y Cadeirydd a'r Cynghorydd R.J. Davies, wedi ymweld â’r ysgol i longyfarch y staff am yr adroddiad ysgol ardderchog yn dilyn ymweliad annisgwyl gan arolygwyr ysgolion.

 

PENDERFYNWYD – y dylid nodi a derbyn y rhestr o ddigwyddiadau dinesig a fynychwyd ar ran y Cyngor gan y Cadeirydd a’r Is-Gadeirydd, a dylid nodi sylwadau’r Cadeirydd.

 

 

Derbyn cofnodion cyfarfod y Cyngor Sir a gynhaliwyd ar 4 Ebrill 2013 (copi ynghlwm).

 

Cyflwynwyd cofnodion cyfarfod y Cyngor a gynhaliwyd ar 4 Mehefin 2013.

 

PENDERFYNWYD – derbyn cofnodion cyfarfod y Cyngor a gynhaliwyd ar 4 Mehefin 2013 fel cofnod cywir.

 

 

Ystyried adroddiad yr Uwch Beiriannydd, Rheoli Perygl Llifogydd (copi ynghlwm) ar ganfyddiadau’r ymchwiliad i’r llifogydd, a'r diweddaraf ynglŷn â’r ymchwiliad i lifogydd Glasdir. 

 

 

Roedd copi o adroddiad gan Uwch Beiriannydd: Rheoli Risg Llifogydd, oedd yn darparu manylion canfyddiadau archwiliad y llifogydd, a diweddariad o gynnydd yr archwiliad i ddigwyddiad llifogydd Glasdir, wedi’i gylchredeg gyda'r papurau ar gyfer y cyfarfod.

 

Cyflwynwyd yr adroddiad gan y Cynghorydd D.I. Smith a'r Cyfarwyddwr Corfforaethol: Uchelgais Economaidd a Chymunedol (CDECA).  Cadarnhawyd fod yr archwiliad i’r llifogydd ledled Sir Ddinbych ym mis Tachwedd 2012, wedi'i gwblhau gan eithrio Glasdir, lle yr oedd cymhlethdod y materion yn ymwneud â'r digwyddiad llifogydd yn golygu bod yr archwiliad yn parhau.

 

Roedd cryn dipyn o lifogydd mewn 12 lleoliad gwahanol ledled Sir Ddinbych ar 26 a 27 Tachwedd 2012 gyda thua 500 o adeiladau wedi’u heffeithio. O dan amodau Deddf Rheoli Llifogydd a Dŵr 2010 roedd y Cyngor wedi cynnal archwiliad i achosion y llifogydd ac roedd Cyfoeth Naturiol Cymru wedi cefnogi’r archwiliad.  Tarddiad y llifogydd oedd y prif afonydd, a Chyfoeth Naturiol Cymru oedd yr Awdurdod rheoli risg ar gyfer y rhain, a chyrsiau dŵr cyffredin, a Sir Ddinbych oedd yr Awdurdod rheoli risg ar gyfer y rhain.

 

Trefnwyd adrodd am yr ymchwiliad i'r Cyngor ym mis Mai ond roedd wedi ei ohirio oherwydd cymhlethdod a maint archwiliad dau ddigwyddiad llifogydd mawr yn Llanelwy a Glasdir. Roedd archwiliad digwyddiad Llanelwy wedi’i gwblhau a’i grynhoi yn Atodiad 2. Byddai adroddiad llawn Glasdir yn cael ei ohirio nes fis Medi ac mae cylch gorchwyl yr archwiliad wedi'i atodi fel Atodiad 1.

 

Diben yr archwiliad oedd egluro rhesymau’r llifogydd, tebygolrwydd y bydd yn digwydd eto a beth y gellir ei wneud i reoli risg llifogydd yn briodol yn y dyfodol.  Roedd meini prawf ar gyfer cytuno lleoliad i archwilio'r deg safle yn cynnwys:

 

·           Un neu fwy o adeiladau gyda llifogydd mewnol

·           Aflonyddu isadeiledd hanfodol e.e. ffyrdd neu wasanaethau.

·           Yr uchod 'bron' ag ailadrodd.

 

Penderfynwyd peidio â chynnwys llifogydd cyffredinol tir amaethyddol fel rhan o'r ymchwiliad oni bai bo'r digwyddiad llifogydd yn anarferol neu’n annisgwyl. Fodd bynnag, byddai effaith llifogydd ar dir amaethyddol yn cael ei drafod ar lefel genedlaethol.

 

Mae archwiliad llifogydd y rhan fwyaf o leoliadau wedi'u cyflawni ar y cyd gan Sir Ddinbych a Chyfoeth Naturiol Cymru. Oherwydd cymhlethdod y digwyddiadau yng Nglasdir, roedd archwilwyr annibynnol wedi'u comisiynu i gynnal yr archwiliad i lifogydd y lleoliad hwn.   Gofynnwyd i’r Archwilwyr Annibynnol adolygu canfyddiadau archwiliad y Cyngor a Chyfoeth Naturiol Cymru ar gyfer holl leoliadau llifogydd eraill ac roedd y rhain yn cynnwys:-

·            Llanelwy, gan gynnwys Ffordd Isaf Dinbych

·            Rhuddlan gan gynnwys Lôn Sarn

·            Y Brwcws, Dinbych

·            Llanynys

·            Gellifor

·            Glasdir, Rhuthun

·            Park Place/ Stryd Mwrog/Maes Ffynnon, Rhuthun

·            Llanbedr Dyffryn Clwyd

·            Loggerheads

·            Corwen

·            Glyndyfrdwy

 

Mae adroddiad yn cynnwys canfyddiadau’r archwiliad wedi’i gynnwys fel Atodiad 2.

Mae’r gwaith archwilio llifogydd wedi’i gydlynu gan Weithgor Archwilio Llifogydd yn cynnwys swyddogion y Cyngor, Cyfoeth Naturiol Cymru ac Awdurdod Cefnffyrdd. Hyd yn hyn, mae tri briff budd-ddeiliad wedi’u cyflwyno ac mae’r rhain wedi’u cynnwys er gwybodaeth yn Atodiad 3. Cynhaliwyd cyfarfodydd hefyd gyda chynrychiolwyr trigolion yn y ddau leoliad mwyaf y llifogydd yng Nglasdir a Llanelwy.

Roedd Sir Ddinbych wedi ystyried mesurau dros dro i leihau risg llifogydd wrth aros am ganlyniad yr archwiliad. O ganlyniad, mae’r gwaith canlynol wedi’i gyflawni:

•                       Gosod falfiau un ffordd gwrth-llifogydd ar ddraeniau dŵr yr arwyneb yn y Brwcws, Dinbych.

•                       Yng Nglasdir, tynnu rhwyllau diogelwch ar geuffos 5 bocs, gosod medrydd dŵr telemetreg dros dro yn sianel y geuffos ac adeiladu llawr caled uwch ben y geuffos i alluogi mynediad i dynnu malurion yn ystod llifogydd.

 

Gall cost gweithredu’r argymhellion mewn perthynas â llifogydd cyrsiau dŵr cyffredin  fod hyd at £1m, ac ni ellir cynnwys hyn  ...  view the full Cofnodion text for item 6.

Ystyried adroddiad gan Gyfarwyddwr Corfforaethol:  Uchelgais Economaidd a Chymunedol (copi ynghlwm) ynglŷn â datblygu strategaeth Uchelgais Economaidd a Chymunedol cyntaf Sir Ddinbych yn unol â blaenoriaeth y Cynllun Corfforaethol (datblygu’r economi lleol).

 

 

RRoedd copi o adroddiad gan y Cyfarwyddwr Corfforaethol Uchelgais Economaidd a Chymunedol (CDECA), ar ddatblygiad Strategaeth Uchelgais Economaidd a Chymunedol gyntaf Sir Ddinbych, wedi’i gylchredeg gyda’r papurau ar gyfer y cyfarfod.

 

Cyflwynodd y Cynghorydd H.Ll. Jones adroddiad ar ran yr Arweinydd ac eglurodd fod Grŵp Tasg a Gorffen wedi datblygu Strategaeth Uchelgais Economaidd a Chymunedol gyntaf Sir Ddinbych, yn unol â blaenoriaeth y Cynllun Corfforaethol i ddatblygu'r economi leol.  Gofynnir am gymeradwyaeth ar gyfer drafft y Strategaeth i’w ddarparu ar gyfer ymgynghoriad cyhoeddus fel y manylir yn yr adroddiad.

 

Mae’r Cynllun Corfforaethol yn nodi Datblygu’r Economi Leol fel un o’r 7 blaenoriaeth gorfforaethol.  Mae adfywio’r economi leol wedi'i nodi fel pryder allweddol gan y trigolion lleol yn ystod datblygu'r Cynllun Corfforaethol ac yn cael ei ystyried fel modd o greu sylfaen cadarn ar gyfer yr holl ddatblygiadau eraill.  Roedd y Strategaeth yn ceisio egluro sut y byddai’r Cyngor yn diwallu’r amcan corfforaethol ar gyfer datblygu'r economi, ac mae manylion y Grŵp Tasg a Gorffen wedi’i gynnwys yn Atodiad 3.

 

Roedd y  Strategaeth ddrafft wedi’i datblygu gan ganolbwyntio ar fuddiannau a chanlyniadau ac mae'r Grŵp Tasg a Gorffen wedi cytuno y dylai'r trigolion lleol deimlo’r budd cyffredinol i'w gyflawni o ddatblygu'r economi leol.  Mae’r amcan cyffredin tu cefn i’r strategaeth wedi’i ddiffinio fel:-

 

 “Mae Sir Ddinbych yn Sir gyda lefelau uchel o gyflogaeth a lefelau da o incwm yn ei holl drefi a'r cymunedau".

O hyn, roedd y Grŵp Tasg a Gorffen wedi creu'r Datganiad Gweledigaeth ganlynol ar gyfer Uchelgais Economaidd a Chymunedol Sir Ddinbych:-

-   Datblygu Cyfleoedd, Creu Hyder

-    Gweithio gyda’n gilydd i wneud Sir Ddinbych yn lle y gall:-

·                              Busnesau, sefydledig a newydd, dyfu a ffynnu

·                              Ein trefi a'n cymunedau fod yn brysur a ffynnu

·                              Trigolion fwynhau ansawdd da o fywyd a chyfrannu yn yr economi leol.

Er mwyn cyflawni hyn byddai’n rhaid mynd i'r afael â'r ffactorau craidd a nodwyd y meysydd blaenoriaeth canlynol i'w gweithredu ac i ffurfio strwythur creiddiol y Strategaeth:-

·                              Yr Isadeiledd cywir ar gyfer twf

·                              Busnesau sy’n cael eu Cefnogi a’u Cysylltu

·                              Gwneud y gorau o Gryfderau/Cyfleoedd Economaidd

·                              Gweithlu Medrus o Ansawdd Da

·                              Trefi a Chymunedau Llewyrchus

·                              Sir Ddinbych wedi ei hyrwyddo’n dda

Mae Cynllun Darparu 4 blynedd ddangosol hefyd wedi ei ddatblygu sy'n cyfateb ag amserlen cyflawni’r Cynllun Corfforaethol. Fodd bynnag, roedd gan y Strategaeth ei hunan derfyn amser hirach ac yn cynnwys cyfnod 2013 i 2023. Roedd y Grŵp Tasg a Gorffen wedi penderfynu bod y canlyniadau a nodwyd a’r meysydd gweithredu a amlygwyd yn cynnig y dull gorau o gyflawni'r Strategaeth a'r Cynllun Corfforaethol.  Argymhellwyd ein bod yn profi’r rhain drwy ymgynghori gyda chymunedau a busnesau Sir Ddinbych cyn cyflwyno’r Strategaeth i'w fabwysiadu'n ffurfiol gan y Cyngor.

Eglurodd CDECA y dylid darparu drafft y Strategaeth a Chynllun Darparu, Atodiad 1, i ymgynghori gyda'r cyhoedd yn ystod mis Gorffennaf ac Awst drwy amrywiaeth o gyfleoedd fel y manylir yn Atodiad 2. Mae manylion y broses ymgynghori wedi'i gynnwys yn yr adroddiad.  Bydd digwyddiadau ymgynghori penodol yn archwilio'r Strategaeth yn fanwl mewn perthynas â Thwristiaeth, Rhannau Blaenoriaeth ar gyfer Twf, a Datblygiad Economaidd Gwledig. Byddai’r rhain yn cael eu hategu gan ddigwyddiadau ymgynghori cyffredinol fydd yn cael eu trefnu'n ddaearyddol ledled y Sir.

Roedd y tri chwestiwn allweddol y byddai’r ymgynghoriad yn ceisio derbyn barn arnynt yn cynnwys:-

(a)          A yw’r Weledigaeth, y canlyniadau bwriedig a’r egwyddorion creiddiol yn addas ar gyfer Sir Ddinbych?

(b)          A yw’r Strategaeth yn cynnwys y materion pwysig, yr heriau a’r cyfleoedd sy’n effeithio ar economi leol Sir Ddinbych?

(c)          A fydd prif gamau gweithredu’r Cynllun Darparu yn cael yr  ...  view the full Cofnodion text for item 7.

Ystyried adroddiad gan y Prif Gyfrifydd (copi ynghlwm) sy’n rhoi’r diweddariad ynglŷn â’r sefyllfa refeniw derfynol a’r argymhellion ar gyfer ymdrin â’r balansau.

 

 

Roedd copi o adroddiad gan y Prif Gyfrifydd, oedd yn darparu diweddariad sefyllfa derfynol refeniw a thriniaeth arfaethedig balansau, wedi’i gylchredeg gyda’r papurau ar gyfer y cyfarfod.

 

Roedd yr adroddiad alldro terfynol wedi’i dderbyn gan y Cabinet ar 25 Mehefin 2013. Roedd yr adroddiad yn darparu manylion y sefyllfa derfynol ar ddiwedd y flwyddyn ariannol er mwyn i’r Cyngor Sir ystyried a chymeradwyo triniaeth yr arian wrth gefn a’r balansau arfaethedig.  Byddai drafft cyntaf Datganiad Cyfrifon Blynyddol ar gyfer 2012/13 yn cael ei gyflwyno i’r archwilwyr allanol ar 28 Mehefin, ac yna byddai'r cyfrifon wedi'u harchwilio yn cael eu cyflwyno i’r Pwyllgor Llywodraethu Corfforaethol ym mis Medi i’w cymeradwyo’n ffurfiol.

 

Y sefyllfa alldro ariannol gyffredinol ar gyfer  2012/13 yw i’r Cyngor dan wario yn erbyn y gyllideb a gymeradwywyd ac iddo weld cynnydd yn arenillion Treth y Cyngor, ac mae hynny’n cryfhau sefyllfa ariannol y Cyngor.  O ganlyniad roedd modd gwneud argymhellion i symud yr arian i gronfeydd wrth gefn penodol i gynorthwyo'r Cyngor i ddelio â phwysau ariannol trwm dros y blynyddoedd nesaf a dechrau sefydlu adnoddau ariannol i gyflawni'r Cynllun Corfforaethol. Mae’r ffigyrau Alldro Refeniw terfynol yn Atodiad 1. Sefyllfa derfynol cyllideb y gwasanaethau a’r gyllideb gorfforaethol yw tanwariant o £1.525 miliwn.

 

Roedd sefyllfa alldro cyllideb y gwasanaethau a’r gyllideb gorfforaethol £530 mil yn uwch na'r hyn a gafodd ei adrodd wrth y Cabinet ym mis Mawrth.  Roedd y symudiad mwyaf arwyddocaol o fewn Gwella a Chynhwysiant Ysgolion (£223 mil).  Mae sefyllfa derfynol Gwasanaethau Cyfreithiol a Democrataidd wedi gwella o £76 mil ac mae sefyllfa’r cyllidebau corfforaethol wedi gwella o £113 mil ers y rhagolwg a gafodd ei adrodd ym mis Mawrth.  Mae’r gwasanaethau’n parhau i fod yn rhagweithiol wrth gynllunio ar gyfer arbedion yn y blynyddoedd sydd i ddod, a dechreuwyd weld effaith ariannol rhai o’r cynigion hynny ar waith tuag at ddiwedd 2012/13. Rhoddodd wasanaethau wybod am ymrwymiadau yn erbyn balansau o £849 mil ym mis Mawrth.  Roedd y mwyafrif o’r balansau wedi eu rhagweld oherwydd materion amseru ac mae balansau ymrwymedig y gwasanaethau bellach yn £1.139 miliwn ac mae rhagor o fanylion i’w gweld yn yr adroddiad.

 

Roedd gwariant ar ysgolion yn £1.069m yn llai na’r gyllideb a ddyrannwyd gydag Ysgolion Arbennig wedi gwella o £490mil.  Roedd ffactorau yn ymwneud â symudiad yr Ysgolion Arbennig wedi’u cynnwys yn yr adroddiad.  Roedd balansau ysgolion yn £2.870m ac roedd manylion y balansau wedi'u cynnwys yn Atodiad 4.

 

Cyllidebodd y cyngor ar gyfer gwneud cyfraniad o £300 mil i’r balansau sydd, yn gyson ag adroddiadau blaenorol, yn dybiaeth o fewn y sefyllfa alldro terfynol.  Cyllidebodd y cyngor ar gyfer gwneud cyfraniad i ariannu’r Cynllun Corfforaethol a oedd angen oddeutu £25 miliwn o arian parod a £52 miliwn o fenthyciad er mwyn cyflawni uchelgeisiau’r Cyngor.  Yng nghyllideb 2012/13, roedd tybiaeth y byddai £2.073 yn cael ei gynhyrchu trwy fod arian blaenoriaeth wedi’i ddyrannu i wasanaethau a thrwy fod darpariaethau wedi eu cyllidebu o fewn cyllidebau corfforaethol.

 

Roedd gwybodaeth bellach ynglŷn ag alldro terfynol y gwasanaeth wedi'i fanylu yn yr adroddiad fel a ganlyn:-

 

Cynllunio Busnes a Pherfformiad – y sefyllfa derfynol yw tanwariant o £60mil.

Cyllid ac Asedau – tanwariant o £16mil.

Priffyrdd ac Amgylchedd – sefyllfa o danwariant o £278mil, gwelliant o £15mil o’r hyn a ragwelwyd ym mis Mawrth.

Cynllunio a Rheoleiddio – cynnig i’w ddefnyddio i gyllido costau ailstrwythuro fel rhan o gyflawni arbedion ar gyfer 2013/14.

Gwasanaeth Oedolion a Busnes - wedi cyflawni eu cyllideb. 

Gwasanaethau Plant a Theuluoedd – adroddwyd ei fod yn £148 mil.

Tai a Datblygu Cymunedol - oherwydd i adolygiad o ariannu trwy grantiau allanol ar ddiwedd y flwyddyn amlygu  ...  view the full Cofnodion text for item 8.

Ystyried adroddiad gan Reolwr Gwasanaethau Ymyrraeth Gynnar, Strategaeth a Chefnogi (copi ynghlwm) sy’n cynnwys hunanasesiad gofal cymdeithasol Sir Ddinbych ac yn nodi blaenoriaethau gwelliant ar gyfer 2013/2014.

 

 

Roedd copi o adroddiad gan Reolwr Gwasanaethau  Ymyrraeth Gynnar, Strategaeth a Cefnogi, oedd yn darparu hunanasesiad o ofal cymdeithasol yn Sir Ddinbych a nodi blaenoriaethau gwelliant a nodwyd ar gyfer 2013/14, wedi’i gylchredeg gyda’r rhaglen.

 

Darparodd y Cyfarwyddwr Corfforaethol: Moderneiddio a Lles (CCMLl) grynodeb ddwys o'r adroddiad ac eglurodd fod pob Cyfarwyddwr y Gwasanaethau Cymdeithasol yng Nghymru yn gorfod cynhyrchu Adroddiad Blynyddol yn crynhoi eu barn am effeithiolrwydd Gwasanaethau Gofal Cymdeithasol a Blaenoriaethau Gwelliant yr Awdurdod. Mae drafft Adroddiad Blynyddol ar gyfer 2012/2013 wedi’i gynnwys fel Atodiad 1. Roedd yr adroddiad yn darparu darlun onest o’r gwasanaethau yn Sir Ddinbych i’r cyhoedd ac yn arddangos dealltwriaeth glir o’r cryfderau a’r heriau.

 

Cyfeiriodd y CCMLl at y Gwasanaethau Plant a phwysleisio pwysigrwydd yr adroddiad yn dilyn adroddiadau yn y cyfryngau yn ddiweddar, gan gyfeirio’n benodol at Adroddiadau Jilings a Waterhouse oedd yn ymwneud â cham-drin plant mewn cartrefi plant, a darparodd fanylion mewn perthynas â:- 

 

-               Nifer y newidiadau deddfwriaethol a rheoleiddio sy’n effeithio ar Wasanaethau Plant.

-               Argymhellion Waterhouse yn rhan o fframwaith deddfwriaethol Cymru yn awr, a sefydlu Comisiynydd Plant Cymru.  

-               Gwelliannau yn ymwneud â darpariaeth Gwasanaethau Plant.

-               Ymyrraeth gynnar i ddelio â phroblemau a phwysigrwydd gwrando ar blant.

-               Gwasanaethau Dwys Cefnogi Teuluoedd

-               Ymgynghoriad wedi’i gynnal gyda Gweithwyr Gofal mewn perthynas â Strategaeth Arwain a Rheoli.

-               Hyfforddiant dwys a ddarparwyd i ofalwyr maeth.

-               Pwysigrwydd diogelu plant.

-               CCyflawni lleoliadau sefydlog i blant, drwy ddarparu cartrefi sefydlog a gofalgar.

-               Roedd prif flaenoriaethau'r Gwasanaethau Plant ar gyfer 2013-14 wedi'u cynnwys ar dudalennau 18 ac 19 o'r Adroddiad Blynyddol.

 

Darparodd y CCMLl fanylion ynglŷn â Gwasanaethau Oedolion ac amlygwyd y meysydd:-

 

-               Cynnydd mewn perthynas â Bil Gwasanaethau Cymdeithasol a Lles.  Roedd prif oblygiadau’r Bil, oedd yn berthnasol i Gymru, yn ymwneud â Gwasanaethau Oedolion, ond roeddent hefyd yn cynnwys Gwasanaethau Plant.

-               Roedd angen newid dull darparu Gwasanaethau Oedolion, yn tarddu o ddisgwyliadau'r cyhoedd gan fod arnynt angen mwy o ddewis a rheolaeth drwy hyrwyddo annibyniaeth.

-      Cynnydd yn nifer yr unigolion sydd ag anableddau dysgu a gofalwyr.

-               Adborth bositif a dderbyniwyd ynglŷn â darpariaeth Gwasanaethau Ymyrryd, ail-alluogi,  gofal ychwanegol a gwaith a wnaed yn y gymuned.

-               Cynnydd a wnaed gyda chefnogaeth sy'n canolbwyntio ar ddinasyddion.

-               Cynllunio defnyddio cyllid neilltuol yn y Gwasanaethau Cymdeithasol.

-               Gwelliannau sydd eu hangen o ran absenoldeb oherwydd salwch yng Ngwasanaethau Plant ac Oedolion.

-               Angen datblygu darpariaeth gwasanaethau drwy gyfrwng y Gymraeg ymhellach yn flaenoriaeth bwysig a chynyddol.

-               Problemau’n tarddu o gefndir demograffig a'r boblogaeth sy’n heneiddio.

 

Darparwyd crynodeb o’r pedair elfen ganlynol yn Fframwaith Adrodd Blynyddol y Cyngor ar gyfer yr Aelodau:-

 

(i)            Hunanasesiad a dadansoddiad manwl o effeithiolrwydd

 (ii)       Trywydd tystiolaeth

(iii)         Integreiddio gyda chynllunio busnes

(iv)         Cyhoeddi adroddiad blynyddol

 

Yn unol â chanllawiau llywodraethu proses ACRF roedd yr Adroddiad Blynyddol wedi'i gynhyrchu ar gyfer y cyhoedd a bydd yn cael ei gyhoeddi erbyn 31 Gorffennaf 2013.  Roedd yr asesiad cyffredinol yn arddangos fod Gwasanaethau Cymdeithasol Sir Ddinbych wedi llwyddo i wneud gwelliannau mewn perthynas â'r meysydd canlynol yn nhermau perfformiad ac ansawdd dros y flwyddyn ddiwethaf:-

 

·                     cefnogi teuluoedd yn llwyddiannus yn gynnar er mwyn atal problemau rhag gwaethygu

·                     darparu cefnogaeth gynnar a rhoi cymorth i bobl adennill eu hyder a’u gallu i ofalu amdanynt eu hunain e.e. ar ôl syrthio.  

·                     cefnogi pobl i fyw yn annibynnol yn y gymuned a lleihau nifer yr unigolion sy’n mynd i Gartrefi Gofal.

·                     darparu cartrefi sefydlog a gofalgar i blant sy'n derbyn gofal.

·                     diogelu plant ac oedolion diamddiffyn yn effeithiol

·                     gweithio mewn partneriaeth gydag awdurdodau ac asiantaethau eraill

·                       gweithlu sefydlog sy’n cael  ...  view the full Cofnodion text for item 9.

Ystyried adroddiad gan Bennaeth Gwasanaethau Cyfreithiol a Democrataidd (copi ynghlwm) ar benodi un aelod i Banel yr Heddlu a Throsedd Gogledd Cymru am o leiaf un flwyddyn fwrdeistrefol.

 

 

Roedd copi o adroddiad gan Bennaeth y Gwasanaethau Cyfreithiol a Democrataidd (PGCD), am benodi Aelod Etholedig i Banel Heddlu a Throsedd Gogledd Cymru ar gyfer isafswm o un flwyddyn y Cyngor, wedi’i gylchredeg gyda’r papurau ar gyfer y cyfarfod.

 

Roedd yr adroddiad yn darparu manylion aelodaeth y Panel. Roedd Cylch Gorchwyl Panel Heddlu a Throsedd Gogledd Cymru yn amodi y byddai pob un o'r chwe Awdurdod Lleol yng Ngogledd Cymru yn enwebu Aelod neu Aelodau i fod ar y Panel.  Roedd y Panel yn cynnwys 10 o Aelodau Etholedig 2 Aelod Cyfetholedig Annibynnol, ac roedd dyraniad seddi i bob Awdurdod yn seiliedig ar gytbwysedd gwleidyddol a dosbarthiad poblogaeth ledled Gogledd Cymru fel cyfanrwydd. Roedd methodoleg d’hondt wedi'i ddefnyddio i bennu nifer y seddi y bydd pob Awdurdod Lleol yn eu derbyn ac i ba grŵp(iau) gwleidyddol.  Fel Awdurdod cynnal, roedd Cyngor Bwrdeistref Sirol Conwy yn darparu gwasanaethau cefnogi.

 

Eglurodd Rheolwr Gwasanaethau Democrataidd fod Conwy, Sir y Fflint, Gwynedd a Wrecsam wedi penodi 2 Aelod yr un yn seiliedig ar boblogaeth tra bo Sir Ddinbych ac Ynys Môn wedi penodi 1 Aelod yr un.  Roedd maint y prif grwpiau gwleidyddol ym mhob Cyngor yng Ngogledd Cymru yn penderfynu faint o seddi y byddai pob grŵp neu grwpiau yn eu derbyn. Wrth bennu pa Awdurdod oedd yn penodi seddi unigol roedd y Panel yn archwilio faint o seddi oedd gan blaid neu grŵp gwleidyddol ym mhob Awdurdod gyda’i gilydd ac yna’n asesu pa Gyngor neu Gynghorau oedd a’r hawl gorau i gymryd y seddi.

 

Y llynedd Aelod Grŵp Annibynnol, y Cynghorydd W.E. Cowie oedd cynrychiolydd Sir Ddinbych ar y Panel.  Yn dilyn etholiadau mis Mai 2013 yn Ynys Môn, byddai Sir Ddinbych yn derbyn 1 sedd Aelod Llafur. Gallai’r Cyngor benderfynu cyfnod amser y penodiad, er na ddylai fod yn llai na 1 blwyddyn y Cyngor.  Gan fod y penodiad arfaethedig yn benodiad neilltuol roedd Grŵp Llafur Sir Ddinbych wedi eu hysbysu o’r materion a godwyd.

 

Cytunodd yr aelodau i benodi'r Cynghorydd W.N. Tasker fel cynrychiolydd Sir Ddinbych ar Banel Heddlu a Throsedd, a bod cyfnod y penodiad yn parhau nes y gwneir penderfyniad arall gan y Cyngor i benodi i'r Panel.

 

Cymeradwyodd y Cynghorydd Tasker waith ardderchog y Cynghorydd W.L. Cowie yn ystod ei gyfnod yn y swydd.

 

PENDERFYNWYD –fod y Cyngor:-

 

(a)          yn penodi’r Cynghorydd W.N. Tasker, Aelod y Grŵp Llafur, i Banel Heddlu a Throsedd, a

(b)          fod cyfnod y penodiad yn parhau nes y gwneir penderfyniad arall gan y Cyngor i benodi i'r Panel.

 

 

Ystyried adroddiad gan Bennaeth Gwasanaethau Cyfreithiol a Democrataidd (copi ynghlwm) ynglŷn â’r posibilrwydd o weddarlledu cyfarfodydd y Cyngor.

 

 

Roedd copi o adroddiad Pennaeth y Gwasanaethau Cyfreithiol a Democrataidd (PGCD), am botensial gweddarlledu cyfarfodydd y Cyngor, wedi’i gylchredeg gyda'r papurau ar gyfer y cyfarfod.

 

                        Roedd yr adroddiad yn gofyn am gymeradwyaeth mewn egwyddor i gyflwyno gweddarlledu cyfarfodydd y Cyngor.  Byddai Llywodraeth Cymru yn darparu £1.2 miliwn ar gael fel cyllid grant i Awdurdodau Lleol i’w cynorthwyo gyda chostau gweithredu. Byddai pob Awdurdod yn gymwys i dderbyn grant o £20mil tuag at gostau cyflwyno gweddarlledu.

 

Byddai gweddarlledu cyfarfodydd yn cynnwys darlledu sain a darluniau cyfarfodydd y Cyngor a gellir eu rhoi ar wefan y Cyngor fel deunydd yr archif. Gallai aelodau’r cyhoedd nad oedd yn gallu mynychu cyfarfodydd eu gwylio ar-lein yn fyw neu ar ddyddiad gwahanol drwy’r archif ar-lein. Byddai gan wylwyr sy’n defnyddio cynnwys yr archif y gallu i ddefnyddio dolenni amser i weld y cynnwys yn ôl yr eitem neu siaradwr.

 

Roedd Llywodraeth Cymru a CLlLC wedi cynnal cyfarfodydd gyda swyddogion i drafod gweddarlledu a darparwyd enghraifft o system ar waith i'r Aelodau. Roedd cyfleuster ar rai o’r systemau er mwyn galluogi i aelodau o’r cyhoedd gymryd rhan yn fforymau trafod drwy offer cyfryngau cymdeithasol a lleisio eu barn ar y materion oedd yn cael eu trafod.   Ymatebodd y PGCD i bryderon a fynegwyd gan y Cynghorydd M.Ll. Davies ac eglurodd weithrediad a darpariaeth cyfleusterau cyfieithu fel y nodwyd yn yr adroddiad.

 

Nid oedd gofyniad statudol ar Gynghorau i ddarlledu cyfarfodydd ar y we ond mae ei ddefnydd yn tyfu ar hyn o bryd ac roedd pob Awdurdod Lleol yng Nghymru yn ystyried ei gyflwyno. Yn ôl cyfraith mae’n rhaid i Gyngor gynnal cyfarfodydd yn gyhoeddus, yn amodol ar eithrio’r cyhoedd ar gyfer rhai materion cyfrinachol. Mae gan y cyhoedd hawl i fynychu cyfarfodydd y Cyngor, y Cabinet a Phwyllgorau eraill ond yn gyffredinol nid oes presenoldeb nifer mewn cyfarfodydd ac mae'r cyfleusterau ar gyfer niferoedd mawr yn gyfyngedig.  Efallai nad oedd aelodau o'r cyhoedd sydd â diddordeb mewn clywed y trafodaethau yn gallu mynychu oherwydd ymrwymiadau neu anawsterau cludiant, felly byddai gweddarlledu cyfarfodydd yn rhoi mynediad i gyfarfodydd. 

 

Dim ond am flwyddyn y byddai grant Llywodraeth Cymru ar gael heb sicrwydd o unrhyw gyllid yn y dyfodol.  Yn ogystal â ffioedd trwyddedau meddalwedd efallai y byddai costau ychwanegol yn ymwneud ag integreiddio'r system gyda'r camerâu a’r meicroffonau sydd yno eisoes.    Cynigiwyd y dylid cyfyngu gweddarlledu i ddechrau i gyfnod y gellir ei ariannu gydag arian y grant sydd ar gael, gydag adolygiad i’r dyfodol ar gyfer defnydd pellach.  Ymatebodd y Cynghorydd J. Thompson-Hill i gwestiwn gan y Cynghorydd W.L. Cowie a chytunodd y byddai'n bwysig sicrhau cynaliadwyedd y system cyn ei gyflwyno.

 

Roedd CET wedi mynegi'r farn y dylid cyflwyno cwestiwn gweddarlledu i’r cyngor benderfynu a ddylid gweddarlledu cyfarfodydd, ac roedd y Pwyllgor Llywodraethu Corfforaethol wedi cytuno y dylid cyflwyno adroddiad i’r aelodaeth ehangach i’w ystyried.

 

Ymatebodd y PGCD i bryderon a fynegwyd gan y Cynghorydd R.L. Feeley a chadarnhaodd y byddai’n rhaid sicrhau cydweddoldeb yr offer cyfredol gydag offer newydd, o bosib drwy ei brofi’n fewnol, cyn cyflwyno gweddarlledu.

 

PENDERFYNWYD – fod y Cyngor yn cytuno mewn egwyddor i weddarlledu cyfarfodydd y Cyngor.

 

 

Ystyried Rhaglen Gwaith i’r Dyfodol y Cyngor (copi ynghlwm).

 

 

Cyflwynodd Pennaeth y Gwasanaethau Cyfreithiol a Democrataidd Rhaglen Gwaith i'r Dyfodol y Cyngor, a gafodd ei gylchredeg yn flaenorol, a chytunodd yr Aelodau i gynnwys yr eitemau newydd canlynol yn y Rhaglen Gwaith i'r Dyfodol:-

 

PENDERFYNWYD –y dylid cymeradwyo a nodi Rhaglen Gwaith i'r Dyfodol y Cyngor, yn amodol ar yr uchod.

 

Daeth y cyfarfod i ben am 2:05pm.