Agenda and draft minutes
Lleoliad: Ystafell Bwyllgora 1a, Neuadd y Sir, Rhuthun
Rhif | Eitem |
---|---|
PENODI CADEIRYDD Penodi
Cadeirydd y Pwyllgor
Llywodraethu Corfforaethol ar gyfer y flwyddyn sydd i ddod. Cofnodion: PENDERFYNWYD – penodi’r Cynghorydd
J.M. McLellan yn Gadeirydd y Pwyllgor Llywodraethu Corfforaethol ar gyfer y
flwyddyn nesaf. |
|
PENODI IS-GADEIRYDD Penodi
Is-Gadeirydd y Pwyllgor
Llywodraethu Corfforaethol ar gyfer y flwyddyn sydd i ddod. Cofnodion: PENDERFYNWYD – penodi’r
Cynghorydd M.L. Holland yn Is-gadeirydd y Pwyllgor Llywodraethu Corfforaethol
ar gyfer y flwyddyn nesaf. |
|
YMDDIHEURIADAU |
|
DATGAN CYSYLLTIAD Aelodau i ddatgan
unrhyw gysylltiad personol neu gysylltiad sy'n rhagfarnu mewn unrhyw fater a
nodwyd i'w ystyried yn y cyfarfod hwn.
Cofnodion: Ni wnaeth yr un
Aelod ddatgan gysylltiad personol na niweidiol mewn unrhyw fusnes y nodir ei
fod i gael ei ystyried yn y cyfarfod hwn. |
|
MATERION BRYS Hysbysiad o
eitemau y dylid, ym marn y Cadeirydd, eu hystyried yn y cyfarfod fel materion
brys dan Adran 100B(4) Deddf Llywodraeth Leol 1972. Cofnodion: Ni chodwyd dim
eitemau y dylid, ym marn y Cadeirydd, eu hystyried yn y cyfarfod fel mater o
frys yn unol ag Adran 100B(4) o Ddeddf Llywodraeth Leol, 1972. |
|
Derbyn cofnodion
cyfarfod y Pwyllgor Llywodraethu Corfforaethol a gynhaliwyd ar 26 Mawrth 2014. Cofnodion: Cofnodion
cyfarfod o’r Pwyllgor
Llywodraethu Corfforaethol a gynhaliwyd ar 15fed Ebrill, 2014. Cywirdeb:-
Nodwyd bod Mr P. Whitham, Aelod Lleyg yn bresennol yn y cyfarfod o’r Pwyllgor
Llywodraethu Corfforaethol a gynhaliwyd ar 15fed Ebrill, 2014. Materion
yn codi:- 11. Cynrychiolwyr yr Aelodau ar Gyrff Allanol –
Mewn ymateb i gais gan y Cynghorydd M.L. Holland, cytunodd Pennaeth y
Gwasanaethau Cyfreithiol a Democrataidd i
gylchredeg copïau o’r dogfennau oedd yn ymwneud â chyflwyniad ynglŷn â
Chyrff Allanol a gynhaliwyd yng Nghaledfryn, Dinbych. PENDERFYNWYD – derbyn
a chymeradwyo’r cofnodion fel cofnod gwir a chywir, yn amodol ar yr uchod. |
|
ADOLYGIAD O GAFFAEL – GWAITH CYNNAL A CHADW ADEILADAU YSGOLION PDF 62 KB Ystyried
adroddiad gan Swyddfa Archwilio Cymru (copi ynghlwm) ynglŷn ag Adolygiad
Caffael Gwaith Cynnal a Chadw Adeiladau Ysgolion. Dogfennau ychwanegol: Cofnodion: Roedd adroddiad gan Swyddfa
Archwilio Cymru (SAC), ar yr adolygiad o gaffael ar gyfer Gwaith Cynnal a Chadw
Adeiladau ysgolion wedi’i gylchredeg yn flaenorol. Cyflwynodd cynrychiolydd SAC (CSAC) yr adroddiad,
Atodiad 1, a ofynnai am roi ystyriaeth i’r argymhellion ac am ymatebion gan y
Cyngor. Tynnwyd sylw’r Aelodau at y crynodeb o’r adroddiad, tudalen 22, a
roddai fanylion pwrpas y gwaith a wnaed ar ôl cael gohebiaeth gan gontractwr
ynglŷn â materion penodol o safbwynt y trefniadau caffael ar gyfer gwaith
cynnal a chadw adeiladau ysgolion, ac agweddau ehangach ar y drefn gaffael yn
benodol o safbwynt contractau adeiladu. Rhoddodd CSAC grynodeb o gasgliadau’r
adroddiad i’r Pwyllgor. Yn ystod y drafodaeth ddilynol, codwyd y cwestiynau
a’r ystyriaethau canlynol, a chafodd ymatebion eu darparu:- -
Rhoddodd y Rheolwr Eiddo (RhE) fanylion ynglŷn â
nifer y Contractwyr sydd ar y Rhestr Gymeradwy, y meini prawf a’r broses ar
gyfer cynnwys Contractwyr ar y Rhestr hon, gofynion yr holiadur cyn gymhwyso
a’r broses ar gyfer tynnu Contractwyr oddi ar y Rhestr a’u hadfer i’r rhestr. -
Cyfeiriwyd at bwysigrwydd yr adborth a geir gan ysgolion
am safon y gwaith a wna’r contractwyr, a’r posibilrwydd o wneud archwiliadau
dirybudd i archwilio’r gwaith a wnaed. -
Rhoddodd Pennaeth y Gwasanaethau
Cyfreithiol a Democrataidd (PGCD) fanylion y goblygiadau cyfreithiol o safbwynt
atebolrwydd cyhoeddus, a’r cosbau y gellid eu rhoi, os bydd gweithwyr y Cyngor
neu Gontractwyr yn torri neu’n anwybyddu rheolau a rheoliadau statudol wrth
wneud gwaith. Pwysleisiwyd yr angen i sefydlu’r drefn a’i rheoli’n ddigonol.
Pwysleisiodd y RhE bwysigrwydd adrodd am unrhyw achosion o dorri rheolau a
rheoliadau, megis Rheoliadau Iechyd a Diogelwch, er mwyn sicrhau y gellid
rhoi’r cosbau priodol a dileu’r risgiau. -
Sicrhaodd y RhE y Pwyllgor y byddai’r fframwaith ar gyfer
hysbysebu am Gontractwyr i’w cynnwys ar y Rhestr Gymeradwy’n cael ei adolygu ar
ôl penderfynu pa feysydd fyddai’n cael eu cynnwys. -
Cyfeiriodd CSAC at y sylwadau a wnaed
o safbwynt yr angen i wella’r drefn rheoli ansawdd, o safbwynt prisio, a
chyfathrebu a hefyd at bennu, dyrannu a monitro gwaith sy’n rhan o’r broses.
Pwysleisiodd y Cynghorydd J. Butterfield bwysigrwydd rhoi cefnogaeth i
gymunedau lleol yn Sir Ddinbych wrth lunio’r rhestr gymeradwy. -
Cododd Mr P. Whitham y ffaith nad oedd dim tystiolaeth
o’r defnydd presennol o gydgrynhoi, a chadarnhaodd CSAC y gallai hyn beri risg
bosibl i’r Cyngor ond na chafodd ei ystyried fel rhan o’r adolygiad cwmpasu a
oedd yn benodol iawn. Teimlai Mr Whitham y byddai rhoi ffrâm amser ar gyfer
cyflwyno’r fframwaith yn hanfodol i’r Contractwyr priodol. -
Cyfeiriodd Mr Whitham at baragraff 25 ar dudalen 26 ac
awgrymodd y dylai’r cyfeiriad at “drefniadau ar lefel leol i swyddogion ddatgan,
rheoli a monitro perthnasoedd rhwng swyddogion y Cyngor a chontractwyr” hefyd
gynnwys rhoddion a lletygarwch. -
Ymatebodd y RhE i gwestiwn gan Mr Whitham gan gadarnhau
“o safbwynt disgwyliadau cleientiaid y byddai’r cyflenwad gwasanaethau’n cael
ei adfer cyn gynted â phosib”, tudalen 26, roedd pob cais yn cael ei drin fel
gwaith adweithiol ac nid fel argyfwng. -
Cadarnhaodd y RhE y gellid
defnyddio’r contractwyr a ffafrir gan ysgolion os oeddent ar y Rhestr
Gymeradwy. -
Mynegodd y Cynghorydd P.C. Duffy bryderon nad oedd
amcanbrisiau na dyfynbrisiau’n ofynnol am waith dan symiau penodol. Esboniodd y
RhE fod y symiau wedi’u dynodi yn y rheolau caffael. -
Rhoddodd CSAC gadarnhad y byddai Adroddiad yr Adolygiad o
Gaffael – Gwaith Cynnal a Chadw Adeiladau Ysgolion ar gael yn Gymraeg. - Esboniwyd y byddai prisio contractau gyda’r nod o sicrhau gwasanaethau contractwyr lleol yn dibynnu’n bennaf ar bris ac ansawdd, gwerth gorau drwy faint gwaith a’r ... view the full Cofnodion text for item 7. |
|
Ystyried
adroddiad gan Bennaeth Gwella Busnes a Moderneiddio (copi ynghlwm) sy’n nodi
manylion torri Deddf Diogelu Data gan y Cyngor oedd yn destun ymchwiliad gan yr
Uwch Swyddog Risg Gwybodaeth Dogfennau ychwanegol: Cofnodion: Roedd adroddiad gan y Pennaeth
Busnes, Gwella a Moderneiddio (PBGM) wedi’i gylchredeg yn flaenorol. Cyflwynodd y PBGM yr adroddiad oedd yn rhoi sylw i’r cyfnod o Ebrill, 2013
i Fawrth, 2014 a rhoddodd fanylion achosion o’r Cyngor yn torri’r Ddeddf
Diogelu Data, achosion y bu’r Uwch Swyddog Risg Gwybodaeth yn ymchwilio iddynt.
Cynhwysai hefyd gwynion am y Cyngor o safbwynt y ddeddfwriaeth Rhyddid Gwybodaeth a gyfeiriwyd at y Comisiynydd
Gwybodaeth, a darparai rhyw gymaint o wybodaeth am y ceisiadau Mynediad at
Wybodaeth a wnaed i’r Cyngor. Dan Bolisi Diogelu Data’r Cyngor mae’n rhaid
cyflwyno adroddiad cynnydd blynyddol gerbron y Pwyllgor Llywodraethu
Corfforaethol er mwyn i’r Aelodau gadw golwg ar y broses. Bu’r diffygion yn y system rheoli gwybodaeth yn risg ers blynyddoedd lawer
ac roedd dull newydd wedi’i gyflwyno, gan gynnwys penodi Rheolwr Gwybodaeth
Gorfforaethol ac adolygu polisïau allweddol, yn ymwneud yn benodol â Diogelu
Data a Mynediad at Wybodaeth. Ar ôl yr adolygiadau, roedd y Rheolwr Gwybodaeth
Gorfforaethol wedi cyhoeddi dull rheoli gwybodaeth strategol yn Sir Ddinbych a
byddai’n adrodd ar y cynnydd gerbron y Pwyllgor yn rheolaidd. Esboniodd y PBGM fod y datblygiadau wedi lleihau’r risgiau i’r Cyngor a bod
y sgôr risg ar y Gofrestr Risg Gorfforaethol yn awr wedi’i lleihau. Yn
allweddol i’r gwelliannau yr oedd datblygu gwell hyfforddiant, gwell eglurder
ar ddefnyddio systemau, a thrylwyredd wrth adrodd a rheoli gwybodaeth. Ochr yn
ochr â’r Swyddog Diogelu Data, roedd gan yr Uwch-berchennog Risg Gwybodaeth (UbRG) gyfrifoldeb
penodol i sicrhau bod gwybodaeth a ddelir gan y Cyngor yn cael ei rheoli’n
ddiogel, yn effeithiol ac yn unol â’r ddeddfwriaeth. Roedd y
systemau a wnaed i sicrhau bod y rolau’n cael eu cyflawni’n llwyddiannus yn
ddibynnol ar fod yn dryloyw ac agored, ac roedd yn bwysig dros ben bod yr
Aelodau’n cadw golwg ar y broses. Ffurfiai’r adroddiad ran o’r ymrwymiadau a wnaed ym mholisi Diogelu Data a
pholisi Mynediad at Wybodaeth y Cyngor. Rhoddai’r atodiadau fanylion rhai o’r
camau gweithredu allweddol dros y flwyddyn hyd at 31ain Mawrth 2014,
gan ganolbwyntio ar yr achosion o dorri’r amodau Diogelu Data yr adroddwyd
amdanynt wrth yr UbRG (Atodiad A). Cynhwyswyd gwybodaeth arall i hysbysu’r
Aelodau: rhestr o’r cwynion a wnaed i Swyddfa’r Comisiynydd Gwybodaeth (SCG) am
y Cyngor, a’r canlyniad (Atodiad B); ystadegau’n ymwneud â derbyn ceisiadau
Mynediad at Wybodaeth (Atodiad C) ynghyd â thabl yn dangos yr anghydfodau y
bu’r Panel Mynediad at Wybodaeth yn delio â nhw, a’r canlyniadau (Atodiad D). Ni oedd dim un o’r achosion o’r Cyngor yn torri’r Ddeddf Diogelu Data yn
achosion sylweddol, er yr ystyriwyd bod rhai yn ddigon difrifol i adrodd
amdanynt wrth yr SCG. Un nodwedd gyffredin oedd rhoi cyfeiriadau anghywir ar
lythyron, fel bod gwybodaeth bersonol yn mynd at y derbynnydd anghywir. Gallai
hyfforddiant a gwell trefn wirio helpu i leihau’r camgymeriadau hyn ac, yn y
pendraw, byddai defnyddio systemau awtomatig fwyfwy yn lleihau hyn ymhellach.
Roedd y Cyngor cyn belled wedi osgoi colli llawer o wybodaeth bersonol,
rhywbeth oedd wedi digwydd i lawer o sefydliadau, gan arwain at
gosbau sifil sylweddol yn aml. Er hynny, yr unigolion yr aeth eu data ar goll
neu y datgelwyd eu data mewn camgymeriad oedd wedi dioddef y caledi mwyaf. Wrth
i’r ymwybyddiaeth ymysg staff gynyddu a’r systemau ar gyfer rheoli gwybodaeth
wella’n raddol, byddai’r achosion hyn yn dod yn llai cyffredin. Roedd manylion nifer y ceisiadau Mynediad at Wybodaeth a ddaeth i law’r Cyngor wedi’u cynnwys yn yr adroddiad. Roedd manylion y pum maes yr ymholwyd amdanynt amlaf dros y misoedd diwethaf hefyd wedi’u cynnwys yn yr adroddiad, a manylai Atodiad D am ffynonellau’r ceisiadau Mynediad at Wybodaeth ... view the full Cofnodion text for item 8. |
|
ADRODDIAD ARCHWILIO MEWNOL BLYNYDDOL 2013/14 PDF 73 KB Ystyried
adroddiad gan Bennaeth y Gwasanaeth Archwilio Mewnol (copi ynghlwm) sy’n
cyflwyno’r Adroddiad Archwilio Mewnol Blynyddol 2013-14 Dogfennau ychwanegol: Cofnodion: Roedd adroddiad gan y Pennaeth
Archwilio Mewnol (PAM) a gynhwysai farn gyffredinol y PAM ar ba mor ddigonol ac
effeithiol fu fframwaith
llywodraethu, risg a rheolaeth y Cyngor yn ystod y flwyddyn ac sy’n hysbysu’r
‘datganiad llywodraethu blynyddol’ wedi’i gylchredeg yn flaenorol. Dan Safonau Archwilio Mewnol y Sector Cyhoeddus
(PSIAS) rhaid i’r ‘Prif Swyddog Gweithredol Archwilio’ gyflwyno barn archwilio
mewnol flynyddol ac adroddiad y gallai’r Cyngor eu defnyddio i hysbysu ei
ddatganiad llywodraethu. Cynhwyswyd Adroddiad Archwilio Mewnol 2013-14 fel
Atodiad 1 ac mae’n nodi:- ·
bod y PAM wedi darparu ‘sicrwydd canolig’ o safbwynt pa
mor ddigonol ac effeithiol yw amgylchedd rheoli mewnol y Cyngor, gan gynnwys ei
drefniadau ar gyfer llywodraethu a rheoli risg; ·
nad oedd dim amodau ynghlwm wrth ‘farn’ y PAM; ·
lefel y gwaith a wnaed gan Archwilio Mewnol i ddod i’r
‘farn’ gyffredinol hon; ·
sut wnaeth Archwilio Mewnol gydymffurfio â’r PSIAS; a ·
chrynodeb o berfformiad da Archwilio Mewnol yn ystod y
flwyddyn. Ar ôl trafodaeth fer:- PENDERFYNWYD – bod y Pwyllgor Llywodraethu
Corfforaethol yn derbyn ac yn nodi cynnwys yr adroddiad. |
|
CYNLLUN SICRWYDD BLYNYDDOL ARCHWILIO MEWNOL 2014/15 PDF 70 KB Ystyried
adroddiad gan Bennaeth y Gwasanaeth Archwilio Mewnol (copi ynghlwm) sy’n
cyflwyno’r Adroddiad Sicrwydd Archwilio Mewnol Blynyddol 2014-15 Dogfennau ychwanegol: Cofnodion: Roedd adroddiad gan y Pennaeth
Archwilio Mewnol (PAM), a roddai fanylion y prosiectau Archwilio Mewnol
arfaethedig ar gyfer y flwyddyn ac a fyddai’n caniatáu i’r PAM ddarparu ‘barn’
ar ba mor ddigonol ac effeithiol fu fframwaith llywodraethu, risg a rheolaeth y
Cyngor yn ystod y flwyddyn wedi’i gylchredeg yn flaenorol. Dan Safonau Archwilio Mewnol y Sector Cyhoeddus (PSIAS) rhaid i’r ‘Prif
Swyddog Gweithredol Archwilio’ ddatblygu cynllun archwilio mewnol seiliedig ar
risg sy’n rhoi ystyriaeth i’r gofyn i gyflwyno barn archwilio mewnol flynyddol
ac adroddiad y gallai’r sefydliad eu defnyddio i
hysbysu ei ddatganiad llywodraethu. Mae cylch gorchwyl y Pwyllgor yn mynnu ei fod yn
ystyried strategaeth gynllunio Archwilio Mewnol. Roedd y Pwyllgor wedi ystyried a rhoi sylwadau ar
Strategaeth Archwilio Mewnol 2014-15 yn ei gyfarfod ar 15 Ebrill, 2014.
Darparwyd trosolwg ar lle mae Archwilio Mewnol yn debygol o dreulio’i amser yn
ystod 2014-15 ar ôl iddo symud i’r gwasanaeth Busnes, Gwella a Moderneiddio.
Bryd hynny, roedd y PAM yn dal i ymgynghori â’r uwch reolwyr ar gynllun
gweithredol manylach. Darparwyd crynodeb o Gynllun Sicrwydd Blynyddol Archwilio
Mewnol 2014/15, Atodiad 1, a oedd yn cynnwys y cynllun gwaith arfaethedig ac yn
caniatáu i’r PAM ddarparu ‘barn’ gyffredinol yn yr Adroddiad Blynyddol ar gyfer
2014-15. Cadarnhawyd bod diweddariadau rheolaidd ar gynnydd gyda chyflwyno’r
Cynllun yn cael eu cyflwyno i’r Pwyllgor. Hysbyswyd yr Aelodau bod y PAM wedi cyfarfod â holl
aelodau’r Tîm Gweithredol Corfforaethol (TGC) a’r Uwch-dîm Arweinyddiaeth (UDA)
i drafod y gwaith Archwilio Mewnol arfaethedig. Rhoddwyd yr ymatebion canlynol i gwestiynau gan yr Aelodau:- -
Byddai nifer y dyddiau a ddyrannwyd i Dai Fforddiadwy a
Glanhau Strydoedd yn ddigonol i ganfod unrhyw ddiffygion yn y ddarpariaeth gwasanaethau yn y priod feysydd. Cadarnhaodd y PAM y
byddai materion yn ymwneud â pherfformiad ac arferion da yn cael eu harchwilio
yn ystod y broses gwmpasu, ac y gellid addasu nifer y dyddiau a ddyrannwyd yn
unol â hynny os oedd angen. -
Darparodd y PAM fanylion uchafswm capasiti gweithio’r
gwasanaethau Archwilio Mewnol, o safbwynt niferoedd staffio. -
Esboniwyd nad oedd trefniadau llywodraethu o safbwynt sefydliadau hyd braich wedi’u cynnwys yn y Cynllun, ond y byddent yn
cael eu cynnwys yn ddiweddarach. Amlinellodd y PAM i’r Pwyllgor y prosesau ar
gyfer rhoi sylw i sefyllfaoedd brys a allai godi. PENDERFYNWYD –
bod y Pwyllgor Llywodraethu Corfforaethol yn derbyn ac yn nodi cynnwys yr
adroddiad. |
|
CYFLWYNO LLYWODRAETHU DA A GWELLIANT PARHAUS PDF 75 KB Ystyried
adroddiad gan y Pennaeth Archwilio Mewnol (copi ynghlwm) sy’n darparu’r
ymgynghoriad terfynol ar adroddiad hunanasesu trefniadau llywodraethu a
gwelliant y Cyngor ar gyfer 2013-14. Dogfennau ychwanegol: Cofnodion: Roedd adroddiad gan y
Pennaeth Archwilio Mewnol (PAM), a ddarparai’r ymgynghori terfynol gyda’r
Pwyllgor ynglŷn â’r adroddiad hunanasesu ar drefniadau gwella a llywodraethu’r
Cyngor ar gyfer 2013/14, wedi’i gylchredeg yn flaenorol. Roedd yr adroddiad yn disodli Datganiad
Llywodraethu Blynyddol y Cyngor drwy gyfuno’r hunanasesiad llywodraethu a’r
hunanasesiad corfforaethol blaenorol. Roedd yn arfer da ymgynghori’n eang ar yr
hunanasesu gyda’r Aelodau a’r uwch reolwyr a llunio ‘datganiad llywodraethu
blynyddol’ (DLlB) a oedd yn ffurfio rhan o Ddatganiad Cyfrifon y Cyngor. Er
hynny, bu rhyw gymaint o ddyblygu rhwng yr hunanasesu oedd yn angenrheidiol ar
gyfer y DLlB a’r hunanasesiad corfforaethol a ganolbwyntiai fwy ar welliant
parhaus. Felly, penderfynwyd cyfuno’r dogfennau i ddarparu dull arloesol a oedd
yn arbed adnoddau ac yn darparu dull gweithredu cydgysylltiedig o hunanasesu yn
y Cyngor. Esboniodd y PAM fod Atodiad 1 yn darparu Dogfen ddrafft “Cyflwyno
Llywodraethu Da a Gwelliant Parhaus” a oedd yn awr yn y camau ymgynghori olaf
gyda’r Aelodau a’r uwch reolwyr. Cynhwyswyd mân newidiadau a byddai ffigurau
perfformiad y chwarter diwethaf yn cael eu hychwanegu pan gânt eu cwblhau.
Byddai gofyn i’r Prif Swyddog Gweithredol a’r Arweinydd lofnodi’r fersiwn
derfynol erbyn 30ain Mehefin, 2014 a byddai’n cael ei gyflwyno i’r
Pwyllgor gyda’r Datganiad Cyfrifon ym Medi, 2014. Hysbyswyd yr Aelodau y trafodwyd y ddogfen yn y:- ·
Tîm Gweithredol Corfforaethol ar 17eg Mawrth,
2014 ·
Pwyllgor Llywodraethu Corfforaethol ar 15fed
Ebrill, 2014 ·
Briff i’r Cyngor ar 28ain Ebrill, 2014 ·
Uwch-dîm Arweinyddiaeth ar 1af Mai, 2014 Fe’i dosbarthwyd hefyd at Aelodau’r Cabinet a SAC i gael sylwadau arno. Cyfeiriodd y PAM at ddau fater pwysig yn ymwneud â llywodraethu a
gynhwyswyd yn yr adroddiad. Roedd y cyntaf yn ymwneud â chaffael gwasanaethau
adeiladu a’r llall yn ymwneud â sefydliadau hyd braich, a darparodd grynodeb
o’r wybodaeth a geir yn yr adroddiad. Cyfeiriodd Mr P. Whitham at adroddiad SAC ar gaffael ar gyfer gwaith cynnal
a chadw adeiladau ysgolion ac at ganlyniadau’r archwiliad o’r trefniadau
caffael ar gyfer adeiladu. Roedd adroddiad SAC wedi nodi ffigur o oddeutu £0.5m
ar gyfer caffael dan gyfarwyddyd y Cyngor ar gyfer cynnal a chadw adeiladau
ysgolion. Esboniodd fod y Prif Gyfrifydd wedi darparu ffigurau ar gyfer y
flwyddyn ariannol bresennol a nodai ffigur o £28.4m o wariant cyfalaf ar gyfer caffael
adeiladu a £9.3m ar gyfer refeniw, gan wneud cyfanswm o £37.7m y flwyddyn.
Roedd hwn yn llawer mwy nag yr oedd adroddiad SAC wedi’i nodi ac, yn ei farn
ef, roedd wedi amlygu mater llywodraethu pwysig o safbwynt y gwaith a wnaed.
Cyfeiriodd Mr Whitham hefyd at yr adroddiad anffafriol a ddaeth i law yn
flaenorol o safbwynt Adnoddau Dynol Strategol a’r ystyriaethau cyllidebol
perthnasol a ddarparai ffigurau tebyg; cyfeiriwyd yn benodol at effaith rheolau
gweithdrefnau contractau ar y ffigurau cyllideb a ddarparwyd. Mynegodd y farn y
gallai’r Rheolau Gweithdrefnau Contractau a Chaffael ar gyfer Adeiladu gael eu
hystyried fel materion llywodraethu ar wahân, a chytunodd y PAM i gysylltu â’r
Pennaeth Cyllid ac Asedau (PCA) ynglŷn â’r mater hwn. Cyfeiriodd y PGCD at y gwaith y mae’r PCA yn ei wneud ar hyn o bryd o
safbwynt materion Caffael a rheolau gweithdrefnau contractau a chadarnhaodd y
byddai adroddiad ar y mater hwn yn cael ei gyflwyno gerbron y Cabinet ar y 27ain
Mai, 2014. Nododd y PAM sylwadau Aelodau’r Pwyllgor. Mewn ymateb i bryderon a fynegwyd gan y Cynghorydd J. Butterfield fod yr arolwg diweddaraf o drigolion wedi dangos nad oedd y rhan fwyaf o bobl yn teimlo eu bod yn cael gwybodaeth ddigonol am berfformiad y Cyngor nac am amrywiol bethau eraill y gofynnwyd amdanynt yn yr arolwg, esboniodd ... view the full Cofnodion text for item 11. |
|
PROSES CYLLIDEB 2015/16 PDF 106 KB Ystyried
adroddiad gan y Pennaeth Cyllid ac Asedau (copi ynghlwm) a oedd yn rhoi
diweddariad ar y broses o ddarparu’r gyllideb refeniw ar gyfer 2015/16. Cofnodion: Roedd adroddiad gan y Pennaeth Cyllid ac Asedau, a roddai ddiweddariad ar y
broses o gyflwyno’r gyllideb refeniw ar gyfer 2015/16 wedi’i gylchredeg yn
flaenorol. Rhoddai’r adroddiad drosolwg ar broses y gyllideb i’r Pwyllgor. Ers cyfarfod diwethaf y Pwyllgor, y prif weithgaredd fu cyflwyno papur ar broses y
gyllideb i gyfarfod Briffio’r Cyngor ar 28ain Ebrill a chadarnhau’r
dyddiadau ar gyfer y gweithdy ar y gyllideb i’r aelodau. Roedd gwahoddiadau’n
awr wedi’u hanfon at yr holl Aelodau ac roedd manylion gweithdai Gorffennaf
wedi’u cynnwys yn Nhabl 1 o’r adroddiad. Roedd y cyfarfodydd cyllid Rhyddid a Hyblygrwydd gyda gwasanaethau, arweinyddion
gwasanaethau, aelodau a’r TGC oll wedi’u trefnu ac roedd yr amserlen wedi’i
chynnwys yn Nhabl 2 yn yr adroddiad. Darparodd y Prif Gyfrifydd ddiweddariad ar ganlyniad y ddau gyfarfod cyllideb Rhyddid a Hyblygrwydd cyntaf gyda gwasanaethau, a oedd yn cynnwys
Gwasanaethau Oedolion a Busnes a Busnes, Gwella a Moderneiddio. Esboniwyd y
byddai’r daenlen sy’n amlinellu manylion y gyllideb a nodiadau o’r canlyniad yn
cael eu rhyddhau yn y dyfodol agos. Esboniodd y Prif Gyfrifydd fod y ddau
Gyfarfod Cyllideb gyda Gwasanaethau wedi cael eu hadolygu yn y TGC a bod y
broses wedi cael ei diwygio ychydig. Cadarnhawyd bod y tabl o’r Prif
Ddigwyddiadau heb newid llawer a bod fersiwn ddiweddar wedi’i darparu i’r
Pwyllgor. Ymatebodd y Prif Gyfrifydd i gwestiynau gan yr
Aelodau gan gadarnhau bod rheoli cyllidebau’r Cyngor yn effeithiol a
chyflenwi’r strategaeth cyllideb y cytunwyd arni yn sylfaen i’r gweithgareddau
ym mhob maes, gan gynnwys blaenoriaethau corfforaethol. Byddai angen i’r Cyngor
sicrhau arbedion o oddeutu £12m dros y ddwy flynedd ariannol nesaf ac roedd y
broses wedi’i hystyried gan y TGC, yr UDA, cyfarfod Briffio’r Cabinet, cyfarfod
Briffio’r Cyngor a’r Pwyllgor Llywodraethu Corfforaethol. Mewn ymateb i gwestiwn gan y Cadeirydd, esboniodd y Prif Gyfrifydd y ceid
trosolwg ar ddatganoli swyddogaethau Cynghorau Tref a Chynghorau Cymuned fel
rhan o’r broses, ac y byddai hyn yn cael sylw drwy gyfrwng y gwasanaethau
unigol. Esboniodd Mr P. Whitham fod ei bresenoldeb yn y cyfarfodydd briffio wedi bod o fudd a chytunwyd i’w wahodd i gyfarfodydd briffio
i’r dyfodol. PENDERFYNWYD – bod y Pwyllgor Llywodraethu
Corfforaethol yn derbyn ac yn nodi’r adroddiad. |
|
ADBORTH AR Y CYFARFOD CYDRADDOLDEB CORFFORAETHOL Derbyn adroddiad
ar lafar gan y Cynghorydd M.L. Holland
o’r Cyfarfod Cydraddoldeb Corfforaethol. Cofnodion: Esboniodd y Cynghorydd M.L.
Holland nad oedd y Grŵp Cydraddoldeb Corfforaethol wedi cwrdd ers
cyflwyno’r adroddiad blaenorol i’r Pwyllgor Llywodraethu Corfforaethol. |
|
RHAGLEN WAITH Y PWYLLGOR LLYWODRAETHU CORFFORAETHOL PDF 135 KB Ystyried Rhaglen
Gwaith i’r Dyfodol y Pwyllgor (copi ynghlwm). Cofnodion: Cyflwynwyd Blaen-raglen Waith
(BrW) y Pwyllgor Llywodraethu Corfforaethol (wedi’i chylchredeg yn flaenorol)
i’w hystyried. Cadarnhaodd y Pwyllgor
Flaen-raglen Waith y Pwyllgor Llywodraethu Corfforaethol, yn amodol ar y
diwygiadau canlynol:- 2il Gorffennaf, 2014:- -
Yr adborth ar y Cyfarfod Cydraddoldeb
Corfforaethol i gael ei dynnu’n ôl. -
Y Diweddariad ar Gaffael Gwasanaethau Adeiladu i gael ei
symud i 3ydd Medi, 2014. -
Yr Adroddiad ar y Cwmnïau Hyd Braich
i gael ei gyflwyno gan y Pennaeth Archwilio Mewnol. -
Adroddiad
Gwelliant Swyddfa Archwilio Cymru i gael ei gynnwys. -
Datganiad Cyfrifon drafft 2013/14 i gael ei
gynnwys. -
Llythyr Ffioedd Swyddfa Archwilio Cymru i
gael ei gynnwys. 29ain Medi, 2014:- -
Datganiad Cyfrifon terfynol
2013/14 i gael ei gynnwys. -
Adroddiad Swyddfa Archwilio Cymru ar Ddatganiad
Cyfrifon Terfynol 2013/14 i gael ei gynnwys. Cyfeiriodd Mr P. Whitham at yr
adroddiadau rheolaidd y cytunwyd i’w cynnwys ar yr agenda o safbwynt:- -
Adolygu’r Gofrestr Risg Gorfforaethol. -
Adolygu’r Cynnydd ar Gynllun
Gweithredu Llywodraethu Corfforaethol. -
Diweddariad ar Reoli Gwybodaeth. -
Adroddiad Rheolwyr y Trysorlys. Cytunodd y PGCD i gysylltu â’r
Cadeirydd a’r Pennaeth Archwilio Mewnol ynglŷn â chynnwys yr eitemau
busnes uchod ym Mlaen-raglen Waith y Pwyllgor. Cytunodd hefyd i gysylltu â’r
Rheolwr Gwybodaeth Gorfforaethol ynglŷn â’r adroddiad Rheoli Gwybodaeth. Diolchodd
y Pwyllgor i’r Cadeirydd a Mr Paul
Whitham, Aelod Lleyg, am y gwaith a wnaethant gyda’r Pwyllgor. PENDERFYNWYD – bod y Pwyllgor, yn amodol ar yr
uchod, yn cymeradwyo’r Blaen-raglen Waith. Daeth y cyfarfod i ben am 12.20
p.m. |