Agenda and draft minutes
Lleoliad: YSTAFELL BWLLGOR 1A, NEUADD Y SIR, RHUTHUN
Rhif | Eitem |
---|---|
YMDDIHEURIADAU Cofnodion: Y Cynghorydd Gwyneth Kensler |
|
DATGAN BUDDIANNAU Yr Aelodau i ddatgan unrhyw fuddiannau personol neu
ragfarnus mewn unrhyw fusnes sydd i’w ystyried yn y cyfarfod hwn. Cofnodion: Ni chafwyd unrhyw ddatganiadau o fuddiant personol na
niweidiol. |
|
MATERION BRYS Hysbysiad o eitemau y dylid, ym marn y Cadeirydd, eu
hystyried yn y cyfarfod fel materion brys dan Adran 100B(4) Deddf Llywodraeth
Leol 1972. Cofnodion: Ni chafwyd unrhyw faterion brys. |
|
Derbyn cofnodion cyfarfod y Pwyllgor Llywodraethu
Corfforaethol a gynhaliwyd ar 14 Tachwedd 2012 (copi’n amgaeëdig) Cofnodion: Cyflwynwyd cofnodion y Pwyllgor Llywodraethu Corfforaethol a
gynhaliwyd ar Dachwedd 14, 2012. PENDERFYNWYD derbyn a chymeradwyo cofnodion y cyfarfod a gynhaliwyd ar Dachwedd 14,
2012 yn gofnod cywir. |
|
ARCHWILIAD GWASANAETHAU CYMDEITHASOL AWDURDOD LLEOL, GWERTHUSIAD AC ADOLYGIAD 2011-12 PDF 73 KB Ystyried adroddiad gan y Cyfarwyddwr Corfforaethol:
Moderneiddio a Lles (copi’n amgaeëdig) ar arfarniad AGGCC o Wasanaethau
Cymdeithasol Sir Ddinbych a’u persbectif ar berfformiad ac effeithiolrwydd
Gwasanaethau Cymdeithasol. Dogfennau ychwanegol: Cofnodion: Cyflwynodd
Cyfarwyddwr Corfforaethol Moderneiddio a Lles adroddiad (a gylchredwyd yn
flaenorol) yn mynegi’r prif faterion a oedd yn codi o werthusiad Arolygiaeth
Gofal a Gwasanaethau Cymdeithasol Cymru (AGGCC) o berfformiad Gwasanaethau
Cymdeithasol Sir Ddinbych ar gyfer 2011 - 12.
Roedd copi o’r gwerthusiad llawn wedi ei atodi i’r adroddiad (Atodiad 1)
ynghyd â throsolwg o ymateb y Cyngor i’r meysydd cynnydd a nodwyd a’r meysydd
i’w gwella (Atodiad 2). Cyflwynodd y
Cyfarwyddwr Corfforaethol Moderneiddio a Lles, Angela Mortimer a Sue
Millington, Rheolwyr Ardal AGGCC ynghyd â Rheolwr Gwasanaeth: Datblygu Ansawdd
a Systemau'r Cyngor, Craig McLeod, a’u croesawu i’r cyfarfod. Rhoddodd beth gwybodaeth gefndir i’r
adroddiad a chyd-destun y gwerthusiad blynyddol fel rhan o system reoli
perfformiad cyffredinol y Cyngor. Roedd
yn werthusiad positif i Sir Ddinbych yn nodi cynnydd arwyddocaol mewn llawer o
feysydd gyda meysydd i’w gwella wedi eu nodi a oedd yn adlewyrchu’r rheiny yn
hunanasesiad y Gyfarwyddiaeth. Tynnwyd
sylw Aelodau’n arbennig at y meysydd canlynol - ·
Roedd
rhaglenni uchelgeisiol o newid gwasanaeth gydag arweinyddiaeth glir a
threfniadau rheoli perfformiad wedi eu hamlygu ·
Roedd
meysydd a nodwyd i’w gwella wedi eu mewnblannu o fewn Cynlluniau Busnes
Gwasanaethau a oedd yn cael eu monitro’n chwarterol ·
Roedd
risg wedi ei nodi o ran cynllunio strategol gyda Bwrdd Iechyd Prifysgol Betsi
Cadwaladr (BIPBC) [a oedd hefyd wedi ei nodi ar draws awdurdodau Gogledd Cymru
i gyd]. Roedd ymateb cynhwysfawr i
ymgynghoriad BIPBC ar gynlluniau i ad-drefnu darpariaeth gofal iechyd wedi ei
gyflwyno ac roedd yr angen am Grŵp Strategol wedi ei amlygu. Rhoddodd y Rheolwr
Ardal sylw ar yr adroddiad positif a
oedd yn edrych yn ôl dros y deuddeng mis blaenorol gan ddweud fod pethau wedi
symud ymlaen ac roedd camau’n cael eu cymryd i symud ymlaen â’r meysydd a oedd
wedi eu nodi i’w gwella. Rhoddodd
sylwadau hefyd ar ansawdd yr ymgysylltiad â’r awdurdod ac uwch swyddogion a
oedd wedi bod yn gynorthwyol yn cynhyrchu gwybodaeth er mwyn arwain y broses
werthuso. Roedd aelodau’n
falch o nodi agweddau positif yr adroddiad a’r cynnydd arwyddocaol sy’n cael ei
wneud ond roedd eu cwestiynau’n canolbwyntio ar y meysydd hynny a nodwyd i’w
gwella a lle’r oedd cynnydd wedi bod yn fwy cyfyngedig a cheisiwyd sicrwydd
ynglŷn â chadernid y camau i ddelio â nhw.
Fe ganolbwyntiodd y drafodaeth ar y meysydd canlynol - · Roedd AGGCC wedi nodi gallu parhaus i ddylanwadu ar gynllunio strategol sy’n canolbwyntio ar ardal gyda BIPBC fel risg potensial - esboniodd y Rheolwr Ardal bod cydgysylltu ag iechyd yn hanfodol i gynllunio a darpariaeth gwasanaeth ar gyfer gwaith Oedolion a Phlant a bod ailstrwythuro BIPBC wedi tarfu ar lawer o gysylltiadau a hynny wedi effeithio ar gyflymdra symud cynlluniau ymlaen i’w terfyn. Mynegodd aelodau bryderon difrifol ynglŷn â’r risgiau canfyddadwy, yn enwedig o ystyried ad-drefnu’r ddarpariaeth gofal iechyd ac effaith ddilynol ar wasanaethau a chyllidebau’r Cyngor, ac fe geisiwyd sicrwydd ynglŷn â sut y byddai’r risg yn cael ei reoli’n effeithiol. Cyfeiriodd y Cyfarwyddwr Corfforaethol: Moderneiddio a Lles at fentrau fel y prosiect ardaloedd, a oedd wedi bod yn arafach i symud ymlaen oherwydd yr anhawster o ymgysylltu staff yn lleol yn dilyn ailstrwythuro a gweithrediad BIPBC yn rhanbarthol ynghyd â blaenoriaethau eraill sy’n gwrthdaro. Roedd yn obeithiol y byddai Grwpiau Strategol yn cael eu sefydlu’n sirol i alluogi datrys problemau lleol a’u bwrw ymlaen. Ychwanegodd fod cysylltiadau ar lefel weithredol yn dal i fod yn dda efo BIPBC mewn meysydd eraill ac roedden nhw wedi bod yn weithredol ymglymedig â BIPBC yn datrys problemau penodedig. Roedd fforwm strategol o chwe Chyfarwyddwr Gwasanaethau Cymdeithasol a Chyfarwyddwyr BIPBC yn cyfarfod yn chwarterol hefyd gyda’r ... view the full Cofnodion text for item 5. |
|
Ystyried adroddiad gan y Pennaeth Cyllid ac Asedau (copi’n
amgaeëdig) yn gofyn i’r aelodau adolygu Datganiad Strategeth Rheoli’r Trysorlys
ar gyfer 2013/14 a’r Dangosyddion Darbodus ar gyfer 2013/14, 2014/15 a 2015/16. Dogfennau ychwanegol: Cofnodion: Cyflwynodd y Pennaeth Cyllid ac Asedau adroddiad (a
gylchredwyd yn flaenorol) yn ceisio
adolygiad aelodau o Ddatganiad Strategaeth Reoli’r Trysorlys ar gyfer
2013/14 a’r Dangosyddion Darbodus ar gyfer 2014/14, 2014/15 a 2015/16 cyn eu
cymeradwyo gan y Cyngor. Roedd Datganiad
Strategaeth Reoli’r Trysorlys wedi ei atodi i’r adroddiad ynghyd â’r
Dangosyddion Darbodus unigol a gymeradwywyd i’w cymeradwyo. Adroddodd y Pennaeth Cyllid ac Asedau ar elfennau
allweddol Datganiad Strategaeth Reoli’r Trysorlys gan nodi sut y byddai’r
Cyngor yn rheoli ei fuddsoddiadau a’i fenthyciadau ar gyfer y flwyddyn i ddod a
pholisïau yr oedd swyddogaeth Rheolaeth y Trysorlys yn gweithredu o’u
mewn. Wrth arwain yr aelodau drwy’r
adroddiad, esboniodd y Pennaeth Cyllid ac Asedau bob un o’r materion yn fanwl i
gynorthwyo dealltwriaeth y pwyllgor o’r cymhlethdodau sy’n ymglymedig o fewn
gweithgareddau rheoli’r trysorlys ac i roi gwybodaeth weithio o’r swyddogaethau
arbennig hynny. Roedd Datganiad
Strategaeth Reoli’r Trysorlys yn cynnwys yr adrannau canlynol - ·
Cefndir
a Safle’r Trysorlys ·
Strategaeth
Fuddsoddi ·
Strategaeth
Fenthyca ·
Aildrefnu
Dyled ·
Datganiad
Darpariaeth Isafswm Refeniw ·
Adrodd
Gweithgaredd Rheoli’r Trysorlys ·
Ychwanegiad A - E: Dangosyddion Darbodus;
Buddsoddiadau Penodol ac Amhenodol; Rhestr Sofran a Pharti i Gontract
Cymeradwy; Rhagolwg o’r Gyfradd Llog ac Effaith y Cynllun Corfforaethol. Yn ystod ei
gyflwyniad o’r adroddiad, fe ddiweddarodd y Pennaeth Cyllid ac Asedau’r aelodau
ar ddatblygiadau diweddar ac eglurodd faterion mewn ymateb i gwestiynau aelodau
arnyn nhw. Roedd pwyntiau trafod
allweddol yn cynnwys – Cyfrif Refeniw Tai - Dywedodd y
Pennaeth Cyllid ac Asedau fod y Cyfrif Refeniw Tai â chymhorthdal negyddol yn
talu oddeutu 25% o incwm i Lywodraeth Cymru am ddyled. Esboniodd y newidiadau i ddod i’r system
gyfredol, a gyflwynwyd eisoes yn Lloegr, a fyddai’n ailddosbarthu’r ddyled
honno’n uniongyrchol i awdurdodau lleol.
Roedd y ddyled yn debygol o gael ei throsglwyddo yn 2014/15 ac yna
byddai’n ymddangos yn Natganiad Strategaeth Rheoli’r Trysorlys a dangos cynnydd
sylweddol yn ffigwr dyled y Cyngor. Fodd
bynnag byddai’r Cyngor yn ennill yn ariannol gan y byddai swm y ddyled a
drosglwyddir yn cael ei leihau. Roedd
Aelodau’n siomedig o nodi bod Llywodraeth Cymru wedi eithrio Cynghorau rhag
trafodaethau â’r Trysorlys ynglŷn â’r ddyled ac wedi gwrthod darparu
unrhyw wybodaeth ynglŷn â hynny.
Dywedodd y Pennaeth Cyllid ac Asedau fod Cymdeithas Llywodraeth Leol
Cymru wedi amlygu’r pryderon hynny’n uniongyrchol i Lywodraeth Cymru. Trafododd Aelodau ganlyniad tebygol y
trafodaethau efo’r Pennaeth Cyllid ac Asedau ynghyd â’r posibilrwydd y gallai’r awdurdodau lleol
hynny sy’n ymdrechu i gyfarfod â Safon Ansawdd Tai Cymru ar gyfer eu Stoc Tai
Cyngor, elwa o’r broses ar draul y rheiny sy’n agos at gyfarfod â’r Safon. Crybwyllwyd hefyd y posibilrwydd o argaeledd
benthyca ychwanegol ar gyfer ailwampio tai ar yr un gyfradd llog ffafriol. Er yr ansicrwydd ynglŷn â’r system
newydd roedd aelodau’n falch o nodi y byddai’r Cyngor yn elwa’n ariannol o
drosglwyddo dyled ond gobeithiai y byddai pob awdurdod lleol yn elwa cymaint o
ganlyniad i’r newid. Cymhareb Costau Ariannu i Ffrwd Refeniw Net - Roedd cymhareb y gyllideb refeniw a ddefnyddir i dalu dyled am y flwyddyn ariannol nesaf oddeutu 6.77%. Dywedwyd wrth aelodau am fân symudiadau mewn cyllid ac am grantiau a drosglwyddwyd i’r setliad cyffredinol gyda’r canlyniad o ffigwr refeniw uwch. Gan ymateb i gwestiynau, dywedodd y Pennaeth Cyllid ac Asedau y byddai oddeutu 56% o gyllideb refeniw 2013/14 yn cael ei neilltuo a’i ddiogelu ar gyfer cyllidebau ysgolion a gofal cymdeithasol gyda mwy o gyfarwyddebau gan Lywodraeth Cymru ar sut i wario cyllid a hynny’n gadael y Cyngor ag ychydig iawn o reolaeth dros y prif elfennau. Prin oedd y gefnogaeth a gafwyd gan awdurdodau lleol eraill i ddadlau yn erbyn cyfarwyddebau Llywodraeth Cymru. ... view the full Cofnodion text for item 6. |
|
ADRODDIAD CYNNYDD ARCHWILIO MEWNOL PDF 123 KB Ystyried adroddiad gan Bennaeth y Gwasanaethau Archwilio
Mewnol (copi’n amgaeëdig) yn diweddaru’r aelodau ar gynnydd diweddaraf y
Gwasanaeth Archwilio Mewnol o ran cyflwyno gwasanaeth, darparu sicrhad,
adolygiadau a gwblhawyd, perfformiad ac effeithiolrwydd wrth yrru gwelliannau. Dogfennau ychwanegol: Cofnodion: Cyflwynodd y Pennaeth
Gwasanaethau Archwilio Mewnol adroddiad (a gylchredwyd yn flaenorol) yn
diweddaru aelodau ar gynnydd diweddaraf y Gwasanaeth Archwilio Mewnol o ran
cyflenwi gwasanaeth, darparu sicrwydd, adolygiadau a gwblhawyd, perfformiad ac
effeithiolrwydd o ran gyrru gwelliant.
Tynnwyd sylw Aelodau at yr adroddiadau archwilio mewnol diweddar a roddwyd
ar y canlynol – Ysgol Uwchradd y Rhyl – Cyfeiriodd y
Pennaeth Gwasanaethau Archwilio Mewnol at ddyfarniad statws sicrwydd canolig a
oedd yn welliant arwyddocaol ar yr archwiliad blaenorol a oedd wedi golygu dwyn
cynrychiolwyr ysgol gerbron y pwyllgor yma.
Roedd adborth gan y Prifathro a’r Llywodraethwyr yn bositif ac roedd y
Pennaeth Gwasanaethau Archwilio Mewnol yn hyderus y byddai’r ysgol yn delio â’r
problemau a oedd wedi ei hatal rhag derbyn statws sicrwydd uchel. Roedd Aelodau’n falch o nodi’r adroddiad
archwilio positif ac, yn dilyn cynnig gan y Cynghorydd David Simmons, cytunwyd
bod llythyr gan y pwyllgor yma i’w anfon at Ysgol Uwchradd y Rhyl yn eu
llongyfarch ar eu cyflawniad. Ystyriai Aelodau fod cyllid ysgolion yn gyffredinol yn
faes o risg arbennig y gellid ei ecsbloetio a gofynnwyd am y mecanwaith i
ddiogelu rhag y risg honno. Dywedodd y
Pennaeth Cyllid ac Asedau fod ysgolion â chyfrifoldeb i reoli’r cyllid hwnnw ac
fe allent ofyn am archwiliad gan y Cyngor a byddid yn codi tâl am hynny. Roedd elfennau penodedig fel cynnal cofnodion
yn ffurfio rhan o archwiliad cyffredinol ysgol.
Gofynnodd y Cynghorydd Martyn Holland a ellid sefydlu system ar gyfer
ysgolion er mwyn helpu i reoli cronfeydd a rhannu arferion gorau. Awgrymwyd y byddai Rheolwyr Cyllid Ysgolion â
swyddogaeth yn hynny. Cytunai’r pwyllgor
ag awgrym y Pennaeth Cyllid ac Asedau i roi eitem ar yr agenda i Rwydwaith
Rheolwyr Cyllid Ysgolion fel dull o symud ymlaen â’r mater hwnnw. Mewn ymateb i gwestiwn gan yr Aelod Lleyg
Paul Whitham cadarnhaodd Pennaeth y Gwasanaethau Archwilio Mewnol fod
cyfarwyddyd ar gael i’r rheiny sy’n rheoli cyllid ysgolion ac roedd gwaith yn
cael ei wneud i gynhyrchu rhestr wirio syml. Risg gynhenid uchel y Gofrestr Risg Gorfforaethol
(CSDd006) - Hysbyswyd Aelodau nad oedd yr archwiliad yma’n
gofyn am adroddiad archwilio llawn ond roedd wedi ei gynnal i sicrhau rheolaeth
effeithiol a rhoddwyd crynodeb byr. Tir y Cyhoedd - Fe gynhaliwyd
archwiliad cyffredinol ac roedd gwaith yn gyfredol i ddelio â phroblemau
penodedig a nodwyd. Cyfeiriodd y
Cynghorydd Martyn Holland at y problemau ynglŷn â chyflwyno’r gwasanaeth
ailgylchu a chasglu sbwriel yn ne’r sir a holodd am gostau’r rhaglen ailgylchu
ac a ddysgwyd gwersi. Holodd hefyd a
gyflawnwyd gwerth am arian gyda’r rhaglen ailgylchu dros y sir gyfan a’r broses
bresennol o fonitro perfformiad.
Dywedodd y Pennaeth Gwasanaethau Cyfreithiol a Democrataidd fod y Cyngor
Sir wedi trafod y mater yn eu cyfarfod ar Ragfyr 4 ac fe’i cyfeiriwyd at y Pwyllgor
Craffu Cymunedau i’w ystyried. Roedd y
Prif Weithredwr hefyd wedi dweud y byddid yn cynnal ymchwiliad a gellid
cyflwyno adroddiad pellach i’r Cyngor Sir i’w ystyried os byddai aelodau’n
gofyn am hynny. Ychwanegodd y Pennaeth
Gwasanaethau Archwilio Mewnol fod adolygiad o gasglu sbwriel wedi ei gynnwys yn
y cynllun archwilio ar gyfer 2013/14.
Cyfeiriodd Aelodau’n fyr hefyd at faterion ynglŷn â Gwastraff
Masnach a dywedodd Pennaeth y Gwasanaethau Archwilio Mewnol y byddid yn
ystyried adroddiad archwilio ar Wastraff Masnach yng nghyfarfod nesaf y
pwyllgor. Diogelu Data a Rhyddid Gwybodaeth – Oherwydd y sgôr sicrwydd isel fe gynhaliwyd cyfarfod gwaethygiad efo’r Prif Weithredwr a’r Aelod Arweiniol i drafod y cynllun gweithredu. Gan fod yr eitem yma’n fater corfforaethol roedd camau’n rhychwantu nifer o adrannau a byddid yn delio â hyn yn y misoedd i ddod. Roedd gwaith yn gyfredol ar hyn ... view the full Cofnodion text for item 7. |
|
CYNLLUN GWEITHREDU’R FFRAMWAITH LLYWODRAETHU CORFFORAETHOL PDF 64 KB Ystyried adroddiad gan Bennaeth y Gwasanaethau Archwilio
Mewnol (copi’n amgaeëdig) yn diweddaru’r aelodau ar y cynllun gweithredu
diweddaraf a’r cynnydd hyd yma yn deillio o’r adolygiad o fframwaith
llywodraethu’r Cyngor a’r Datganiad Llywodraethu Blynyddol 2011/12. Dogfennau ychwanegol: Cofnodion: Cyflwynodd Pennaeth
y Gwasanaethau Archwilio Mewnol adroddiad (a gylchredwyd yn flaenorol) yn
diweddaru aelodau ar y cynllun gweithredu diweddaraf a’r cynnydd hyd yma o
ganlyniad i adolygiad fframwaith llywodraethu’r Cyngor a’r Datganiad
Llywodraethu Blynyddol 2011/12. Roedd y
fframwaith yn cynnwys asesiad blynyddol o drefniadau llywodraethu’r Cyngor a
Datganiad Llywodraethu Blynyddol yn amlygu gwendidau llywodraethu a oedd angen
eu gwella. Roedd Grŵp Llywodraethu
wedi ei sefydlu i reoli’r broses a chynllun gweithredu wedi ei ddatblygu (yn
atodol i’r adroddiad) o ganlyniad i’r adolygiad diwethaf o drefniadau
llywodraethu. Amlygodd Mr Anthony
Veale, Cynrychiolydd Swyddfa Archwilio Cymru, fonitro parhaus y cynllun
gweithredu’n arfer da er mwyn rhoi sicrwydd ar effeithiolrwydd y broses yn rhan
o drefniadau llywodraethu cyffredinol y Cyngor.
Nododd y pwyllgor yr hyblygrwydd yn y cynllun ac y byddai materion yn
cael eu hychwanegu pan fyddan nhw’n codi yn ystod y flwyddyn a chytunwyd fod
angen iddyn nhw fod yn rhagweithiol yn craffu’r camau hynny. Cytunodd Aelodau i ystyried y cynllun
gweithredu yn y ddau gyfarfod nesaf (ym mis Chwefror ac Ebrill) cyn penderfynu
ar ba mor aml yr oedden nhw’n dymuno monitro’r cynllun gweithredu yn y dyfodol. Roedd y cynllun
gweithredu’n cynnwys cyfeiriad at berfformiad a datblygiad aelodau ac fe
amlygodd y Cynghorydd Martyn Holland bwysigrwydd hyfforddiant aelodau er
mwyn rhoi’r sgiliau a’r wybodaeth sy’n
ofynnol i gynghorwyr berfformio eu dyletswyddau’n effeithiol. Teimlai bod angen mwy o ymrwymiad gan
gynghorwyr er mwyn datblygu eu gallu.
Cyfeiriodd y Cynghorydd Raymond Bartley at bresenoldeb gwael yn
nigwyddiadau hyfforddi aelodau ac ymholodd am y rhesymau am hynny a’r camau i
gynyddu’r niferoedd. Dywedodd Pennaeth y
Gwasanaethau Cyfreithiol a Democrataidd fod holiadur manwl wedi ei anfon at
aelodau er mwyn hysbysu’r cynllun hyfforddi nesaf ar gyfer cynghorwyr a’r
gobaith oedd y byddai presenoldeb yn gwella o ganlyniad. Roedd swyddogion hefyd yn edrych ar ddulliau
eraill o ddarparu hyfforddiant yn cynnwys creu Canolbwynt Dysgu i alluogi
hyfforddiant electronig a gwylio hyfforddiant blaenorol a recordiwyd. Cyfeiriwyd hefyd at yr adolygiad o anghenion
hyfforddi aelodau a oedd yn ofynnol gan y Mesur Llywodraeth Leol a oedd i’w
symud ymlaen gan yr Aelod Arweiniol, y Cynghorydd Barbara Smith. Awgrymodd y Cadeirydd y gellid creu pecyn
dysgu gartref yn cynnwys hyfforddiant wedi ei recordio ymlaen llaw ar DVD a
defnyddiau ac asesiadau i aelodau eu cwblhau.
O ran hyfforddiant penodedig ar gyfer y pwyllgor yma, cyfeiriodd y
Pennaeth y Gwasanaethau Archwilio Mewnol at arfer y pwyllgor blaenorol o nodi
bylchau mewn gwybodaeth neu sgiliau er mwyn gallu delio â nhw yn y
dyfodol. Gofynnodd yr Aelod Lleyg, Paul
Whitham, beth oedd yr hyfforddiant ar gyfer aelodau lleyg a dywedodd Pennaeth y
Gwasanaethau Archwilio Mewnol y byddai hyfforddiant cyffredinol fel ar y Cod
Ymddygiad yn briodol i bawb ynghyd â hyfforddiant penodedig ar feysydd a oedd
yn ofynnol gan yr aelodau lleyg/cyfetholedig er mwyn ymgymryd â’r gwahanol
swyddogaethau. PENDERFYNWYD – (a) yn amodol ar sylwadau’r aelodau uchod,
nodi’r cynnydd gyda rheoli’r camau yng Nghynllun Gweithredu’r Fframwaith
Llywodraethu Corfforaethol (b) cyflwyno Cynllun Gweithredu Llywodraethu
Corfforaethol i’r ddau gyfarfod nesaf ym mis Chwefror a mis Ebrill i’w ystyried
ymhellach a’i fonitro cyn gwneud penderfyniad ar amlder adrodd ar y Cynllun
Gweithredu yn y dyfodol. |
|
RHAGLEN WAITH PWYLLGOR LLYWODRAETHU CORFFORAETHOL PDF 37 KB Ystyried blaenraglen waith y pwyllgor (copi’n amgaeëdig). Cofnodion: Cyflwynwyd
adroddiad gan Bennaeth y Gwasanaethau Cyfreithiol a Democrataidd (a gylchredwyd
yn flaenorol) yn amlinellu blaenraglen waith y pwyllgor. Cyfeiriodd Pennaeth y Gwasanaethau Archwilio
Mewnol at ddiwygiadau i’r rhaglen waith i gynnwys yr adroddiadau canlynol – ·
Strategaeth
Archwilio Mewnol 2013/14 - Ebrill ·
Adroddiad
Blynyddol 2012/13 - Mai ·
Cynllun
Gweithredu’r Fframwaith Llywodraethu Corfforaethol – Chwefror ac Ebrill. PENDERFYNWYD, yn amodol ar y diwygiadau uchod, cymeradwyo’r flaenraglen waith. Daeth y cyfarfod i ben am 12.30 p.m. |