Mater - cyfarfodydd
PHASE 2 SOCIAL HOUSING RETROFIT WORKS - RHYDWEN DRIVE, RHYL
Cyfarfod: 29/09/2022 - Cabinet (Eitem 6)
6 CAM 2 GWAITH ÔL-OSOD TAI CYMDEITHASOL - RHYDWEN DRIVE, Y RHYL PDF 233 KB
Ystyried adroddiad gan y Cynghorydd Rhys Thomas, Aelod Arweiniol Tai a Chymunedau (copi ynghlwm) sy’n ceisio cymeradwyaeth i fwrw ymlaen â Dyfarnu Contract Uniongyrchol i Sustainable Building Services mewn perthynas â gwaith ôl-osod ynni.
Dogfennau ychwanegol:
- HOUSING RETROFIT WORKS - APPENDIX WBIA, Eitem 6 PDF 102 KB
- Webcast for CAM 2 GWAITH ÔL-OSOD TAI CYMDEITHASOL - RHYDWEN DRIVE, Y RHYL
Penderfyniad:
PENDERFYNWYD bod y Cabinet yn:
(a) dyfarnu’r contract yn uniongyrchol i’r
contractwr sy’n ymgymryd â cham 1 y gwaith ar hyn o bryd yn seiliedig ar y
cyfraddau cystadleuol a geir drwy Fframwaith Ynni’r Gynghrair Caffael Gymreig
fel y cytunwyd arnynt gan yr Adain Gaffael, a
(b) bod y cyfnod galw i mewn 5 diwrnod sydd ei
angen cyn gweithredu penderfyniad y Cabinet yn cael ei hepgor ar y sail bod y
contract presennol yn dod i ben ar 30 Medi 2022 ac y bydd unrhyw oedi o ran
dyfarnu’r contract yn arwain at gostau ychwanegol ac oedi yn y rhaglen gan
arwain at y risg o fethu dyddiadau cau a nodwyd wrth amodi bod rhaid gwario
grantiau erbyn dyddiadau penodol.
Cofnodion:
Cyflwynodd y Cynghorydd Rhys Thomas yr adroddiad i geisio
cymeradwyaeth i fwrw ymlaen i ddyfarnu’r contract gwaith ôl-osod ynni i
Sustainable Building Services.
Yn unol â gwaith cynnal a chadw cyfalaf y cyngor, roedd
cyllid wedi’i ddiogelu gan Lywodraeth Cymru ar gyfer gwaith ôl-osod er mwyn
optimeiddio arbedion ynni mewn cartrefi ac er budd tenantiaid. Roedd cyllid
blaenorol wedi galluogi Cam 1 y gwaith ynni i 55 o dai ar Rhydwen Drive a’r
bwriad oedd defnyddio’r cyllid diweddaraf i barhau â’r gwaith ar gyfer 44 o dai
eraill ar y stryd. Roedd manylion y gwaith gwella a manteision parhau â’r
cynllun wedi cael eu nodi ac argymhellwyd bod y Cabinet yn cymeradwyo dyfarnu’r
contract drwy Fframwaith Cynghrair Cymru fel bod y contractwr sydd ar y safle
ar hyn o bryd yn gallu parhau â’r gwaith i Gam 2. Daeth contract Cam 1 i ben ar
30 Medi felly gofynnwyd i’r Cabinet gymeradwyo dyfarnu’r contract ar unwaith
gan y byddai unrhyw oedi yn arwain at gostau ychwanegol ac oedi i’r rhaglen.
Canmolodd y Cabinet y gwaith rhagorol oedd eisoes wedi’i
wneud ac roedd y Cyngor ar flaen y gad o ran symud ymlaen â gwaith gwella ynni,
yn enwedig yn un o’r ardaloedd mwyaf difreintiedig yng Nghymru, ac roedd
tenantiaid yn manteisio ar filiau ynni is ar adeg o ansicrwydd o ran tanwydd.
Roedd y Cabinet hefyd yn croesawu’r manteision cymunedol o ran hyfforddiant a
phrentisiaethau, yn cynnwys 12 prentisiaeth leol, ac roedd aelodau’n awyddus
i’r cyngor barhau i gefnogi’r prentisiaid hyn i sicrhau eu bod yn cael
cymwysterau da a chyflogaeth i’r dyfodol. Cadarnhaodd y Swyddog Arweiniol Eiddo
Corfforaethol a Stoc Dai fod Sir
Ddinbych yn dal ar flaen y gad er bod gwaith tebyg wedi cael ei wneud gan
awdurdodau lleol eraill. Byddai Cam 2 yn galluogi’r 12 prentis o Gam 1 barhau
â’u cyflogaeth a chael y cymwysterau perthnasol erbyn diwedd yr ail gam.
Rhoddwyd sicrwydd y byddai’r prentisiaid yn cael eu cefnogi i gael cyflogaeth
llawn amser ar ôl cwblhau’r gwaith, a chyfeiriwyd at Sir Ddinbych yn Gweithio
fel ffordd arall o ddarparu cymorth i sicrhau bod y prentisiaid yn cael gwaith
pellach os nad oedd yn bosibl iddynt gael gwaith gan y contractwr ar y
safle.
O ran dyfarnu’r contract a’r posibilrwydd o hepgor y
cyfnod galw i mewn 5 diwrnod, cadarnhaodd y Swyddog Arweiniol, os byddai’r
Cabinet yn cymeradwyo dyfarnu’r contract, byddai’n rhoi hyder i’r contractwyr
ac eraill yn y gadwyn gyflenwi y byddai’r dyfarniad ar ddigwydd a sicrhau
pontio llyfn i Gam 2. Rhoddodd y Swyddog Monitro gyd-destun cyfreithiol a
darpariaeth yng nghyfansoddiad y cyngor i hepgor y galw i mewn ar gyfer
penderfyniadau brys pan fo’r rhesymau dosto wedi eu nodi.
Ystyriodd y Cabinet argymhellion yr adroddiad a -
PENDERFYNWYD bod y Cabinet yn:
(a) dyfarnu’r contract yn uniongyrchol i’r
contractwr sy’n ymgymryd â cham 1 y gwaith ar hyn o bryd yn seiliedig ar y
cyfraddau cystadleuol a geir drwy Fframwaith Ynni Cynghrair Caffael Cymru fel y
cytunwyd arnynt gan yr Adain Gaffael, a
(b) bod y cyfnod galw i mewn 5 diwrnod sydd ei
angen cyn gweithredu penderfyniad y Cabinet yn cael ei hepgor ar y sail bod y
contract presennol yn dod i ben ar 30 Medi 2022 ac y bydd unrhyw oedi o ran
dyfarnu’r contract yn arwain at gostau ychwanegol ac oedi yn y rhaglen gan
arwain at y risg o fethu dyddiadau cau a nodwyd wrth amodi bod rhaid gwario
grantiau erbyn dyddiadau penodol.