Mater - cyfarfodydd
ADRODDIAD CYLLID
Cyfarfod: 23/11/2021 - Cabinet (Eitem 11)
11 ADRODDIAD CYLLID PDF 313 KB
Ystyried
adroddiad gan y Cynghorydd Julian Thompson-Hill, Aelod Arweiniol Cyllid,
Perfformiad ac Asedau Strategol (copi ynghlwm) ynglŷn â'r sefyllfa
ariannol ddiweddaraf a’r cynnydd a wnaed o ran y strategaeth y cytunwyd arni ar
gyfer y gyllideb.
Dogfennau ychwanegol:
- FINANCE REPORT - App 1 Revenue Budget Summary, Eitem 11 PDF 228 KB
- FINANCE REPORT - App 2 Service Variance Narrative, Eitem 11 PDF 439 KB
- FINANCE REPORT - App 3 Capital Plan, Eitem 11 PDF 193 KB
- FINANCE REPORT - App 4 Major Projects, Eitem 11 PDF 473 KB
- FINANCE REPORT - App 5 SIG Business Case - Llys Anwyl Rhyl, Eitem 11 PDF 747 KB
- FINANCE REPORT - App 6 Llys Anwyl Well Being Assessment, Eitem 11 PDF 104 KB
- Webcast for ADRODDIAD CYLLID
Penderfyniad:
PENDERFYNWYD bod y Cabinet –
(a) yn nodi’r cyllidebau ar
gyfer 2021/22 ac yn symud ymlaen yn erbyn y strategaeth gyllid a gytunwyd arni,
ac
(b) yn cymeradwyo addasu of Llys
Anwyl, y Rhyl, i fflatiau ar gyfer rhentu cymdeithasol (fel y nodir yn Adran
6.7 yr adroddiad, ac Atodiadau 5 a 6 yr adroddiad).
Cofnodion:
Cyflwynodd y Cynghorydd Julian Thompson-Hill yr
adroddiad oedd yn manylu ar y sefyllfa ariannol ddiweddaraf a’r cynnydd a wnaed
o ran y strategaeth y cytunwyd arni ar gyfer y gyllideb fel yr amlinellir isod
-
·
y
gyllideb refeniw net ar gyfer 2021/22 oedd £216.818 miliwn (£208.302 miliwn yn
2020/21).
·
rhagwelwyd
gorwariant o £1.179 miliwn ar gyllidebau gwasanaethau a chorfforaethol (£0.656
miliwn fis diwethaf, roedd yr amrywiant
hwn yn bennaf o ganlyniad i gynnydd yn y defnydd o gontractwyr allanol/cynnydd
mewn prisiau deunyddiau ar gyfer Gwasanaethau Priffyrdd, Cyfleusterau a
Gwasanaethau Amgylcheddol [£102,000] a goblygiadau ariannol y cynnydd mewn costau
contractau ysgolion ar gyfer Cynllunio a Gwarchod y Cyhoedd [£464,000])
·
manylion arbedion ac arbedion
effeithlonrwydd y cytunwyd arnynt sy'n werth £2.666 miliwn o ran ffioedd ac arwystlon,
arbedion gweithredol, newidiadau i ddarpariaeth gwasanaeth ac ysgolion
·
tynnwyd sylw at y risgiau a thybiaethau presennol
yn ymwneud â meysydd gwasanaeth unigol, cyllidebau corfforaethol ac ysgolion
ynghyd ag effaith ariannol y coronafeirws a’r sefyllfa o ran ceisiadau ariannol
i Lywodraeth Cymru, a
·
rhoddwyd
y wybodaeth gyffredinol ddiweddaraf ynghylch y Cyfrif Refeniw Tai, y Cynllun
Cyfalaf Tai, Rheoli Trysorlys a’r Cynllun Cyfalaf gyda diweddariad ar
brosiectau mawr.
Ceisiwyd cymeradwyaeth y Cabinet hefyd ar gyfer
addasu Llys Anwyl, y Rhyl, i randai rhent cymdeithasol fel yr amlinellir o fewn
yr adroddiad, a darparodd y Rheolwr Datblygu Tai ragor o wybodaeth a throsolwg
o’r prosiect.
Amlygodd y Pennaeth Cyllid ac Eiddo resymau dros y
gorwariant ar gludiant i’r ysgol gan nodi y byddai asesiad yn cael ei chwblhau
fel rhan o'r broses gyllidebu i nodi a ddylid cynnwys pwysau ar gyfer yr elfen
honno wrth symud ymlaen neu beidio. Mewn ymateb i gwestiynau, eglurodd hefyd
bod Llywodraeth Cymru wedi tynhau'r meini prawf ar gyfer cymorth ariannol
drwy’r gronfa caledi, a byddai’r goblygiadau hynny’n gliriach unwaith y byddwn
wedi cael gwybod am ganlyniadau ceisiadau, byddai unrhyw broblemau a gaiff eu
nodi fel rhan o’r broses honno’n cael eu hadrodd yn ôl i’r Cabinet. O ran Ailddatblygu Marchnad y Frenhines yn y Rhyl, roedd y dyfynbris
cychwynnol i ddarparu Cam 1 £1.4 miliwn dros y gyllideb, ac roedd swyddogion
wedi bod yn gweithio’n agos gyda'r contractwyr ar yr opsiynau dylunio manwl i
leihau’r costau i fodloni’r gyllideb neu fuddsoddi ymhellach mewn cynllun
gwell.
PENDERFYNWYD y byddai’r
Cabinet yn –
(a) nodi'r
cyllidebau a bennwyd ar gyfer 2021/22 a'r cynnydd yn erbyn y strategaeth y
cytunwyd arni ar gyfer y gyllideb, ac yn
(b) cymeradwyo
addasu Llys Anwyl, y Rhyl yn rhandai rhent cymdeithasol (fel yr amlinellir yn
Adran 6.7 o’r adroddiad ac Atodiadau 5 a 6 yn yr adroddiad)