Mater - cyfarfodydd
ADRODDIAD CYLLID
Cyfarfod: 19/10/2021 - Cabinet (Eitem 8)
Ystyried adroddiad gan y Cynghorydd Julian Thompson-Hill, Aelod Arweiniol Cyllid, Perfformiad ac Asedau Strategol (copi ynghlwm) ynglŷn â'r sefyllfa ariannol ddiweddaraf a’r cynnydd a wnaed o ran y strategaeth y cytunwyd arni ar gyfer y gyllideb.
Dogfennau ychwanegol:
- FINANCE REPORT - App 1 Revenue Budget Summary, Eitem 8 PDF 228 KB
- FINANCE REPORT - App 2 Service Variances, Eitem 8 PDF 436 KB
- FINANCE REPORT - App 3 Capital Plan Summary, Eitem 8 PDF 194 KB
- FINANCE REPORT - App 4 Major Capital Projects Narrative, Eitem 8 PDF 467 KB
- FINANCE REPORT - App 5 School Maintenance Grant Business Case, Eitem 8 PDF 1 MB
- FINANCE REPORT - App 6 School Maintenance Grant List of Works, Eitem 8 PDF 580 KB
- FINANCE REPORT - App 7 WIA- School Maintenance Grant, Eitem 8 PDF 97 KB
- Webcast for ADRODDIAD CYLLID
Penderfyniad:
PENDERFYNWYD y byddai’r
Cabinet yn –
(a) nodi'r
cyllidebau a bennwyd ar gyfer 2021/22 a'r cynnydd yn erbyn y strategaeth y
cytunwyd arni ar gyfer y gyllideb, ac yn
(b) cymeradwyo
defnyddio’r Grant Cynnal a Chadw Ysgolion sydd wedi’i ddyfarnu i’r Cyngor gan
Lywodraeth Cymru, fel yr argymhellir gan y Grŵp Buddsoddi Strategol (a
fanylir arno yn Adran 6.7 o’r adroddiad ac Atodiadau 5, 6 a 7 o’r adroddiad).
Cofnodion:
Cyflwynodd y Cyng. Julian Thompson-Hill yr
adroddiad sy’n manylu ar y sefyllfa ariannol ddiweddaraf a’r cynnydd yn erbyn y
strategaeth gyllidebol gytunedig fel yr amlinellir isod –
·
Mae’r
gyllideb refeniw net ar gyfer 2021/22 yn £216.818
miliwn (£208.302 miliwn yn 2020/21)
·
Rhagwelir
gorwariant o £0.656 miliwn yn y
cyllidebau gwasanaeth a corfforaethol
·
Ceir gwerth £4.448 miliwn o arbedion ac arbedion
effeithlonrwydd cytunedig yn ymwneud â ffioedd, arbedion gweithredol,
newidiadau mewn darparu gwasanaethau ac ysgolion
·
Amlygir risgiau presennol a thybiaethau yn ymwneud
â meysydd gwasanaeth unigol, cyllidebau corfforaethol ac ysgolion, ynghyd ag
effaith y coronafeirws a sefyllfa’r hawliadau ariannol i Lywodraethu Cymru
·
Diweddariad
cyffredinol ar y Cyfrif Refeniw Tai a’r Cynllun Cyfalaf Tai, Rheoli Trysorlys
a’r Cynllun Cyfalaf, a diweddariad ar brosiectau mawr
Gofynnir hefyd i’r Cabinet gymeradwyo defnyddio’r
Grant Cynhaliaeth Ysgolion, a ddyfarnwyd i’r Cyngor gan Lywodraeth Cymru, yn
unol ag argymhelliad y Grŵp Buddsoddi Strategol. Eglurodd y Pennaeth Cyllid y rhesymeg y tu ôl i’r gymeradwyaeth a geisir.
Dywedodd fod Llywodraeth Cymru wedi dyrannu’r Grant Cynhaliaeth Ysgolion ar
ddiwedd y flwyddyn ariannol i’w wario yn ystod y flwyddyn sy’n golygu bod modd
i’r Cyngor gario arian sydd wedi’i glustnodi ar gyfer ysgolion ymlaen fel
tanwariant. Mae’r rhestr o waith wedi’i flaenoriaethu
wedi’i chytuno arni gyda'r Gwasanaeth Addysg, mewn ymgynghoriad ag ysgolion,
a'r Gwasanaethau Eiddo.
PENDERFYNWYD bod y Cabinet yn
–
(a) Nodi'r cyllidebau a bennwyd ar gyfer 2021/22 a'r cynnydd yn erbyn y
strategaeth y cytunwyd arni;
(b) Cymeradwyo defnyddio’r Grant Cynhaliaeth Ysgolion, a ddyfarnwyd i’r Cyngor
gan Lywodraeth Cymru, yn unol ag argymhelliad y Grŵp Buddsoddi Strategol
(a nodir yn Adran 6.7 yr adroddiad ac Atodiadau 5, 6 a 5 yr adroddiad).