Mater - cyfarfodydd
FORMER NORTH WALES HOSPITAL DENBIGH - UPDATE ON COMPULSORY PURCHASE ORDER (CPO) PROCEDURE
Cyfarfod: 23/01/2018 - Cabinet (Eitem 12)
12 CYN YSBYTY GOGLEDD CYMRU, DINBYCH – GWEITHDREFN GORCHYMYN PRYNU GORFODOL
Ystyried adroddiad cyfrinachol gan y Cynghorydd Hugh Evans, Arweinydd ac Aelod Arweiniol yr Economi a Llywodraethu Corfforaethol (copi’n amgaeedig) yn diweddaru’r Cabinet ar weithdrefn Gorchymyn Prynu Gorfodol.
Dogfennau ychwanegol:
- Restricted enclosure 3 , View reasons restricted (12/2)
- Webcast for CYN YSBYTY GOGLEDD CYMRU, DINBYCH – GWEITHDREFN GORCHYMYN PRYNU GORFODOL
Penderfyniad:
PENDERFYNWYD bod
y Cabinet yn cefnogi’r broses a nodir yn yr adroddiad ar gyfer penderfynu ar y
dewis datblygu a’r datblygwr a ffefrir ar gyfer y safle ar ôl i broses y
Gorchymyn Prynu Gorfodol ddod i ben.
Cofnodion:
Cyflwynodd y Cynghorydd Hugh Evans yr adroddiad
cyfrinachol yn diweddaru’r Cabinet ar y weithdrefn Gorchymyn Prynu Gorfodol yn
ymwneud â chyn Ysbyty Gogledd Cymru, Dinbych a cheisio cefnogaeth aelodau i’r
broses o benderfynu beth yw'r dewis gorau o ran datblygu a’r datblygwr ar gyfer
y safle fel yr amlinellir o fewn yr adroddiad. Nodwyd yr ymgynghorwyd â swyddogion Swyddfa Archwilio Cymru a’u bod yn
fodlon gyda'r broses arfaethedig.
Darparodd swyddogion ychydig o wybodaeth gefndir
yn arwain at y sefyllfa bresennol a nododd aelodau’r amserlen ar gyfer
cwblhau’r Gorchymyn Prynu Gorfodol a chyflawni’r
prosiect. Roedd y fersiwn derfynol o fanyleb y tendr
wedi ei gylchredeg yn y cyfarfod a phwysleisiodd swyddogion y prif newidiadau
o’r drafft blaenorol. Trafododd aelodau yr argymhellion, fel y
nodir o fewn yr adroddiad, gyda swyddogion gan gynnwys manyleb y tendr a’r
weithdrefn asesu a gwerthuso er mwyn penderfynu ar y dewis gorau ar gyfer y
safle yn ogystal â rhai materion cyfreithiol a risgiau o gylch y broses gyfan a
goblygiadau o ran cost yn y dyfodol. Yn dilyn trafodaeth fanwl:
PENDERFYNWYD bod
y Cabinet yn cefnogi’r broses a nodir yn yr adroddiad ar gyfer penderfynu ar y
dewis o ran datblygu a’r datblygwr a
ffefrir ar gyfer y safle ar ôl i broses y Gorchymyn Prynu Gorfodol ddod i ben.
Daeth y cyfarfod i ben am 1.00 pm.