Manylion y penderfyniad
AIL ADOLYGIAD O'R DATGANIAD TECHNEGOL RHANBARTHOL: DATGANIAD CYDWEITHIO IS-RANBARTHOL
Y sawl sy'n gwneud penderfyniad : Aelod Arweiniol dros Iechyd a Gofal Cymdeithasol
Statws Penderfyniad : Argymhellion a gymeradwywyd
Diben:
Bu i Gyngor Sir Ddinbych (CSDd
) gefnogi Ail Adolygiad y Datganiad Technegol Rhanbarthol (DTRh 2) ar 26 Ionawr
2021. Mae DTRh 2 yn rhagweld y galw am agregau yn y dyfodol er mwyn i Awdurdodau
Cynllunio Lleol (ACLl) allu cynllunio datblygiad mwynau mewn modd rheoledig a
chymesur. Mae’n darparu argymhellion strategol i bob ACLl o ran eu dosraniadau,
ac yn dynodi tebygolrwydd unrhyw ddyraniadau newydd allai fod angen eu gwneud
yn y CDLl nesaf, er mwyn diwallu’r galw a ragwelir yn y dyfodol drwy gydol
cyfnod perthnasol y cynllun.
Er diben cynllunio mwynau’n strategol, mae DTRh 2 yn nodi
set o is-ranbarthau yng Nghymru sydd wedi’u seilio ar nifer o ffactorau, megis
math o fwynau, patrymau cyflenwi, symud cyn lleied ag sy’n bosib ar yr agregau
neu feysydd marchnad neilltuol. Mae Siroedd Dinbych, Fflint a Wrecsam yn llunio
is-ranbarth ‘Gogledd Ddwyrain Cymru’, ac mae Siroedd Conwy, Gwynedd, Ynys Môr
ac Awdurdod Parc Cenedlaethol Eryri wedi’u grwpio fel is-ranbarth ‘Gogledd
Orllewin Cymru’.
Mae DTRh 2, gweler paragraff 1.27, yn cyflwyno’r gofyniad
ar bob ACLl ym mhob is-ranbarth i baratoi Datganiad o Gydweithrediad
Is-ranbarthol (DGIS), sydd nid yn unig yn sicrhau bod y dosraniadau isranbarthol
cyffredinol, fel y’u nodir yn y ddogfen ar gyfer pob sir gyfansoddol, yn cael
eu bodloni, ond eu bod hefyd yn cael eu defnyddio fel tystiolaeth hanfodol i
ddangos y bydd y Cynllun Datblygu Lleol a fabwysiadwyd (neu sydd ar ddod) yn
cyflenwi’r angen a aseswyd yn wrthrychol am fwynau dros gyfnod y cynllun. Bydd
unrhyw Ddatganiad o Gydweithrediad Is-ranbarthol yn ystyriaeth gynllunio
faterol wrth benderfynu ar geisiadau cynllunio.
Penderfyniad:
Mae’r Aelodau’n cefnogi
cydweithio rhwng awdurdodau mewn perthynas â chyflenwi mwynau agregau yn
is-ranbarth Gogledd Ddwyrain Cymru, drwy gymeradwyo’r Datganiad o
Gydweithrediad Is-ranbarthol (DGIR).
Rhoddir pwerau dirprwyedig i’r
Aelod Arweiniol Cynllunio, Diogelu'r Cyhoedd a Chymunedau Mwy Diogel mewn
perthynas â diwygiadau golygyddol, h.y. ansylweddol, i’r DGIR DRAFFT pe bai’r
angen yn codi o ganlyniad i argymhellion a wneir gan Sir y Fflint neu Wrecsam
ar ôl cwblhau’r adroddiad hwn.
Rhesymau dros y Penderfyniad:
Diben yr adroddiad hwn yw rhoi gwybodaeth gefndirol i’r Aelodau am baratoad y DGIS DRAFFT, a cheisio eu cefnogaeth ar gyfer cydweithio rhwng awdurdodau ar sail y ddogfen hon
Cysylltiadau a natur y cysylltiadau a ddatganwyd:
Dim cysylltiad i’w ddatgan.
Dyddiad cyhoeddi: 22/04/2021
Dyddiad y penderfyniad: 22/04/2021
Dogfennau Cefnogol: